Plantin au Cardinal Granvelle

26 juin 1568.

A Monsieur le Cardinal de Granvelle.

Très illustre et Révérendissime,

Pourtant que je faisois cejourd'huy deux basles de livres pour envoyer à M* Georges Ferrari, libraire à Rome, et que le pasquet eust esté grand pour la poste, j'ay mis en l'une desdictes basles 142 feilles de Summa Sancti Thomae que j'avois imprimées ; les autres feilles envoyeray je à Vostre Illustrissime Signeurie par chaicunne semaine jusques à la fin, que j'espère en faire dedans le mois d'aoust prochain, devant lequel pourray je bien à peine commencer ni Lactance ni César, d'autant que je ne pourrois avoir achevé ni l'un ni l'autre devant la foîre de Francfort, ni mesmes ladicte Summa Sancti Thomae, et par ainsi serois je retardé du tout pour six mois, ce qui me seroit fort incommode. J'espère que Vostre Illustrissime Signeurie aura maintenant receu mes lectres, par lesquelles je l'ay advisée de la venue de Monsigneur le Docteur Arias Montanus, envoyé ici de la Majesté de nostre Roy très catholique, pour entendre à la correction de l'impression de la Bible en 4 langues

çt que Vpstre Illustrissime Signeuri^ aura mandé nous faire accomoder de sa bible grecque conférée. Par quoy feray fin.