Plantin au Cardinal de Grairuelle

Audict S' Cardinal de Granvelle.

Le 28 susdict (janvier 1570).

Depuis avoir respondu aux lectres de V. Dl"* et R°* S** du 17 de décembre, et ayant envoyé les feilles imprimées de la partie Hyémale du Bréviaire de Rome, et celles du Csesar et Lactance, j'ay entendu qu'il y avoit en ceste ville le pourtraict d'un crucifix fort excellentement et richement faict et orné, duquel, ces jours passés, j'avois esté requis de faire Tescriteau en hébrieu, grec et latin, et congnoissant quel souverain et divin jugement V. Ill« et R"*' S*« peut donner de toutes choses bien faictes, et à qui elles méritent estre monstrées, j'ay désiré que celuy qui délivrera la présente à V. 111"* et R°* S**, le luy monstrast pour, si bon luy sembloit, faire veoir ledict pourtraict à Sa Saincteté, et puis, s'il luy plaisoit, mander la pièce mesme, qui se monstre sans comparaison milleure et mieux faicte que la paincture ne l'a sceu exprimer.

— io6 —

Je supplie très humblement V. 111. et R"* S*' quil luy plaise prendre en bonne part ceste mienne hardiesse, de luy addresser telle chose, qui ne procède que d*une affection et désir que j'ay de luy pouvoir faire quelque petit service. Et je prieray Dieu la nous vouloir conserver en bonne santé et augmenter en toute bonne prospérité.

D'Anvers, ce 29 de janvier 1570.