Plantin au duc d'Albe

Illustrissime Seigneur.

Cejourd'hui, j'ay receu les lectres de Vostre Excellence dattées de Tunziesme du présent, par lesquelles il luy a pieu m'ordonner de Tadvertir, si je sçavois quelque chose d'aucuns livres en lapgue Angloise, concernant la Royne d'Escosse, qui pourroyent estre imprimés par deçà et puis naguères espars en Angleterre '. Et, en cas que je n'en sceusse rien, que je feisse diligence de tous costés vers les libraires, afin de l'enfoncer et luy en rescrire la vérité. A quoy voulant, comme je doibs, songneusement

I. Il s'agit probablement de: Philippes Morgak (J. Leslie). A ireatise concerning ihe defence of the honour of t\Carie Quune qf Scoi^ ïand with a Déclaration as wd of her %ight to the Succession of the Croune of Engeîand : as that the Régiment of Women is conformàbîe to the lawe of God and Nature. Leodii, apud G. Morberium, 1571, 80.

obéir et n'ayant, onques paravant, rien sceu de telle chose, je me suis au niesme instant transporté chez un chaicun de tous les libraires et imprimeurs de ceste ville et, les ayant tous diligentement interrogués, je n'ay pas sceu rien descouvrir ni entendre desdicts livres ni qu'aucuns tels eussent esté imprimés par deçà. Nonobstant quoy, je n'ay diféré d'escrire à Louvain et en toutes les autres villes de par deçà pour essayer s'il s'en pourra trouver quelque chose. De quoy je ne faudray d'advertir incontinent Vostre Excellence très illustre, laquelle je prie Dieu nous conserver en bonne santé et heureuse prospérité.

D'Anvers, ce XIII may 1571 de

V. Ex" très illustre Le très humble et très affectionné serviteur