I. Jehan Mareschal, imprimeur-libraire à Lyon

desgrayssées, qui est Tun des poîns principaulx. Il y a de belles et grandes peaux, lesquelles ayderont à payer la despence, encores qu'elle soit grande, pourveu que les deux frères nous tienent loyalté etc. Il sera bon les bien merquer. Je vous prie de m'avertir comment elles se porteront et l'avis des couroyeurs, estans hors la chaux, je dis les premières huillées. Q.uant à ses 852, eles seront encor melleures et plus frêches. Nos chalans atendent fort après la première et deusième 2 baies, qui font ensemble 50 douseynes, qui nous viendront bien à propos pour ce lendit, car nous n'en avons pas une.

Vous estes aussy fort prié de nos gens d'envoyer leur sortiment et acompliment des mémoyres tant à présent que de longtemps demandés, mesmes ma femme, la malade, laquelle se recomande à vous et à la vostre, a trouvés fort beaux les rézeaux couvers de roses, toutesfoys un peu par trop bas de auteur, et vous prie de prier les saintes béguines pour elle de luy en despechcr 2 ou 3 douseynes, tout le plus tost qu'elles les pourrons fayre, de beaux patrons.

Nostre amy et frère malade Porret ce porte à présent assés bien, au moins mieux que le passé, aussy font le compère Brayer et le pouvre curé et ce recomandent à vous et aux amis, ce que je fais aussy, priant Dieu estre vostre garde. De Paris, le 24* may iS^S, par

Vostre compère et amy P. Gassen.

A Sire Christophle Plantin, imprimeur en Camestraete au compas d'or

Anvers.

Receu le 3 Juin. Respondu le 4.