Guillaume ^çville * à Tlantin

Seigneur Plantin. Je receuz vostre lettre du xij d'octobre avec la balle des livres que m'avez envoyez montant 142 fl. 8, que j'ay mys à Tancontre de ce que me debviez. Quant à l'ambalaige, vous metez 5 fl. 12 sols. Je me suys fort estonné de tel embalaige, il semble que vostre homme aye faict cella à plaisir. Le plus cher embalaige que j'ay receu en ma vye d'Anvers ny de Francfort ne passa à ung escu ; le plus cher que je vous aye envoyé, ny à autre, n'a passé 30 sols de France. Outre la cherté, vous y avez mys, ou vostre homme, certaines mattes qui ne servent de rien, synon pour faire pourir les livres, cas advenant que la balle se mouillasse, jamays cella ne sécheroit que les livres ne fussent tous pouris, et couste beaucoup de port. C'estoit assez de paille, de toille et de cordes et me renvoyer l'embalaige mesme que je vous avoys envoyé. Je vous prye de faire mètre ledict embalaige à la rayson, comme j'ay faict à vous et quant au demeurant du pois des livres je m'en fie en vous. J'ay entendu ce que m'escriviez des livres dont n'en y a plus' et faudra atendre qu'ils se réimpriment. Me recommandant à vostre bonne grâce, apprès avoir prié le créateur vous tenir en sa saincte garde. De Lyon, ce xxvj de décembre 1565.

Vostre serviteur et amy Guillaume Roville.

L'on m'a dict que vous voulez imprimer mes cours de Roussart in-8° *, je vous voudroys prier de vous