Plantin à Jean MareschaL

Au Sire Jehan Maresclial, Marchant libraire demeurant à

Heydelberghe.

Sire Jehan Mareschal, Je vous ay assés adverti par cydevant que je m'esbahissois assés, comment aviés prins le tonneau des Bibles hébraïques ' qui cstoit derrière ma boutique à Francfort, veu que cestuy-là estoit de mon costé et marqué N° 7, là où je vous avois dès le commencement de la foire, dict et montré l'autre plain de Cours * estre du costé de Frobenc * et marqué N° 4, et me semble bien que j 'avois esté assés longtemps à Francfort pour venir prendre vostre tonneau en ma présence, sans y toucher après que j'estois party, puisque n'en aviés à faire. Je vous ay aussi adverti que j'ay délivré ici aux gens de Antoine Dieu un tonneau plain de Cours, pour l'envoyer suivant vostre ordonnance aux Morlots ' à Lion, pour le vous délivrer, ou à qui l'ordonnerés, et est parti d'ici le 4 juin. Au reste, s'il est chose que je puisse, la commandant, vous serés obéi d'aussi bon cueur que me recommandant à vostre bonne grâce, je prie Dieu vous m-aintenir en la sienne.

D'Anvers, ce 21 juin 1567.

L'entièrement vostre serviteur et amy