LE PRINCE D'ORANGE AU MARQUIS DE BERGHES

Il lui fait port de son intention de se retirer des Pays-Bas, et lui en déduit

les motifs.

Bheda, 13 Avait iS67.

Monsieur , je ne seay comme je pourois déservir l'obligation que je vous doibs de cequem'avés faict la faveur de me mander de voz novelles, ensamble de bones et honestes offres qu'il vous a pieu me faire , et que continués en l'affection et amitié laquelle m'avés tousjours démonstré, vous asseurant que ne le faicles à homme ingrat , ains à celluy qui désir se emploier, en tous endrois où qui concernerai vostre service , de aussi bon ceur que amy et serviteur vostre le pourat faire. J'ey délaissé de vous escrire despuis quelque mois en çà, une partie pour point user de reditte de ce que monsieur d'Egmont et monsieur le conte de Mansfelt vous puellent avoir particulièrement advertis, comme ceulx qu'ilx ont la pluspart tenuz leur résidence en court , où que touttes occurrences abondent , comme aussi pour ce que ne vous eusse sceu mander chose bonne, ou de quoy eussiés peu recepvoir quelque contentement, oultre ce que je sçay bien que mes lettres sont tenues aulx mesmes termes comme mes actions ; ainsi esper que me tiendrés pour excusé. Voiant donques de quel piet qu'on marche en mon endroit , et la fasson de laquelle l'on use de mcslre ce bon païs à l'entier ruine , ce que j'estime plus que

(') On lit, au dos Resutc à Madrid, ce dernier d'apvril I j07, par Robes. »

non pas mon particulier, n'ay volu plus longemcnt attendre de vous advenir de ma résolution : car il n'est pas à moy de veoir destruire ce povre païs , moings de donner conseil, advis ou

^assistence en chose que cognois ester nostre perdition. A l'occasion de quoy suis résolu de me retirer pour quelque temps : ce que peus tant plus librement faire, puisque le commandement de Sa Majesté est absolutement que tous ceulx qui ne vouldront faire le nouveau serrement seront démis de leurs estas et charges, sans prendre regart à personne, et sans au lin mistére, pour auquel commandement obéir, comme la raison le veult aussi, suis déchargé de mes estât/, car ne peus aulcu-

; nement faire ledict nouveau serrement, et ce pour plusieurs raisons urgentes, desquelles vous en ay déclairé une partie, devant vostre parlement vers Espaigne, mesmes en présence des aultres seigneurs, voire en plain conseil ; et, si ne fusse esté par le pourchas et persuasion de vous aultres, messeigneurs, me fusse retiré allors, pour éviter toultes ultérieures calomnies , en oultre les travaux et paines qui m'as vallu souffrir despuis, avecque hasart de ma vie : ce que poiés ester asseuré que n'eusse aulcunement enterprinsc, pour le bon gré que j'en debvois attendre, car j'estois trop bien apprins du passé : mais le pure zèle qui j'ay toujours porté au service de Sa Majesté et bien et repos du païs, comme fais encores, et feray tous les jours de ma vie, me l'ont faict faire, et l'ay effectué autant fidèlement que à moy ast esté possible , et selon que j'ay trouvé ester requis et nécessaire pour le temps présent, comme en vouldrois aussi respondre devant Dieu et le monde. J'ay escript à Sa Majesté les raisons qui me meuvent de point faire le serrement noveau, et d'avoir à ceste occasion remis mes estas et gouvernemens enter les mains de Son Altèze, espérant que Sa Majesté, prennant considérations à mes justes raisons, ne le prenderat de mavèse part, de tant plus qui n'y at

J question du serrement de vassal et subject, auquel ne feray

jammais faulte, estant bien asseuré que homme de ce monder ne me porterai advantaige à la fidélité et obéissance que jedoiba à mon prince. Je ne vous fais aulcune responce sur le contenu^ de la lettre que avés escript à monsieur d'Egmont , n'estant matière qui se pcult traicter par escript, ains le remesteray jusques à vostre retour, où esper allers vous dire mes raisons si amples, par quoy que n'ay peu ensuivre vostre advis, que ne me sauriés donner aulcung tort, comme Sillires, serviteur vostre, vousenporrat rendre bon compte, à vostre venue, pour sçavoir ce qui s?est passé. A la reste , monsieur , vous sçavés que vous suis serviteur et amy , et vous le demoreray certes partout où je seray , comme vous prie voloir asseurer de ma part le mesme à monsieur de Montigny, auquel ne escrips , servant ceste pour tous deux. Et, sur ce, vous baiseray les mains, priant le Créateur vous donner, monsieur, en santé, bonne vie et longe. De Breda, ce xiije d'apvril a° 1567.

Je vous prie, messeigneurs, puisque sçay bien que l'on vous faict tout plain des advertissemens de lestât du païs, et, enter aultres, de chose qui me porat toucher, de point voloir adjouster foy, avant avoir ouï l'aultre parti, car ay bien aperceu, par vostre lettre, que avés eu rapport bien au contraire de ce qui en est : mais n'en feray issi aulcune disculpe, remestant le tout à la venue de Sa Majesté.

Vostre affectionné serviteur et amy,

Guille de Nassau.

Sutçriplùm : A monsieur monsieur le marquis de Berghes.

Original autographe, aux Archives de Simaïuus : Pa/Ww de Etlado, liasse 533.