‹ Correspondance de Guillaume le Taciturne, prince d'Orange, publiée pour la première foisChapitre 72 sur 92 · VIII · texte numérisé non relu

VIII

Au seigneur de JVoircarmes, sur son entrée à Tournay, et sur les mesures qu'il doit y mettre à exécution, telles que : l'enlèvement des armes, artillerie et munitiom; l'arrestation des principaux auteurs des troubles, desprédicants, des membres du consistoire, des marchands qui ont adhéré à la nouvelle religion; l'annotation de leurs biens, etc.

Bruxeu.es, 3 janvier 1î>66 (1567, n.sl.).

Monsieur de Noircarmcs, ce soir, environ les six heures, me fust, au conseil d'Estat, délivrée vostre lettre, escripte hier en la ville de Tournay, contenant que y esliés entré au mesme jour et logé, lors de vostre lettre, avec onze enseignes d'inlanterie. Dont certes je ne puys assez louer nostre Créateur, ny assez humblement le remercier, mesmement d'avoir esté servi que la chose soit passée de ce commencement sy coyement ('), sans trouble et sans nécessité de venir à extrémité : à quoy je seay fort bien combien, après sa divine grâce et ayde, a opéré vostre dextérité et prudence, dont méritez toute louange, pour de laquelle en mon endroict ne vous frustrer, j'en advertis encoires ceste nuict le Roy, mon seigneur, par courrier que je despesche vers Sa Majesté ; estant de tant plus joyeuse que vostre lettre soit arrivée si à propos et à temps , pour le grand contentement que je sçay Sa Majesté aura de sy bon succès de vostre besoingné en ces! endroict.

(') Coyement, paisiblement.

Or, pour venir au faict de ladicte ville de Tournay, combien que, pour avoir esté présent icy, quand toutes choses concernans le faict d'icelle sont esté débattues , et pour avoir instruction làdessus , y accédant vostredicte prudence et discrétion , sarableroit que fussiés assez informé comment vous deussiés vous y reigler, toutesfois je ne puys délaisser vous dire , comme par répétition et par abondant, qu'en premier lieu, debvez faire restaurer les églises, service divin et ecclésiasticques en leur premier estre, pour à quoy estre tant plus assisté , j'ay trouvé bien d'cscripvre à Tévcsque de y retourner ; en après, faire oster les armes indifférament aux catbolicques et sectaires , et les faire mectre au chasteau, que, avec le temps, après avoir cognu les ungz des aultres, et estant mis quelque ordre au faict de la ville, l'on pourra regarder de les remectre entre les mains de ceulx seulement que l'on sçaura estre catholicques et affectionnez et délibérez les employer pour le service de Dieu et de Sa Majesté ; pareillement faire mectre audict chasteau toutes les artilleries, munitions et armes publicques ; en après, prendre les clefz des portes de la ville et les faire garder au chasteau ; faire mectre à icelles portes bonne garde de voz soldatz, sans ceulx de la ville s'en mcslent pour ce commenchement, avec deffence que Ton ne y laisse entrer personne avec armes.

Et, combien que mon intention ne soit, comme sçavez, de vouloir contrevenir à ce que a esté accorde avec les gentilzhommes confédérez, par où scmbleroit que l'on ne pourroit toucher aux prédicans , toutesfois , n'ayant ceulx de Tournay observé ledict accord, quelques communications et admonitions que l'on ait tenu avecques eulx et leur faict, signamment au point principal dudict accord , qu'estoit de ne prescher là où ilz n'avoient point presché, ains estans demeurez obstinez de prescher ès églises par eulx depuys occupées, et ayans introduict plusieurs exercices nouveaulx de leur religion non accordez , avec une démonstration de ne vouloir obéir aux commandeinens de Sa Majesté, ou des magistratz , ains conduyre le tout par leurs consistoires, usurpans l'ollice de la justice et du magistrat , dont les prédicans sont autheurs et moteurs, l'on peult fort bien s'attacher aux principaulx et ceulx que trouverez les plus coulpables et les plus chargez en cest endroict,

et signamment les prédicans ayans presché séditieusemcnt , sans contravenir audict accord ; lesquelz ferez trousser et mectre en bonne et scure garde au chasteau, pour après estrc traietez selon que se trouvera qu'ilz auront déservy; vous reiglant du mcsme envers les principaulx du consistoire , soyent gentilzhommes, ou aultres, et principalement les gentilzhommes qui se sont tant oubliez envers Dieu et le Roy , et ont donné pied au populace de mectre la république en trouble, laquelle, pour leur qualité , ilz debvoyent ayder à défendre et conserver en tranquillité ; ayans en oultrc, par-dessus l'usurpation de l'autorité appartenante à Sa Majesté et au magistrat, comme dict est, imposé tailles et aultres charges sur les subjeetz de Sa Majesté , et par l'ung et l'aultre commis crime de lèse-majesté; desquelz convient bien particulièrement se informer quelles intelligences et ligues ilz ont eu tant avec la trouppe deffaicte , que aultres sectaires en Anvers, ou ailleurs, et quelles collectes ilz ont levé et coeuillé sur le peuple.

Samble , en oultrc, que l'on se doibt asseurer des principaulx marclians sectaires, et partant donner bon ordre que nul se puist partir et absenter de la ville, et que signamment doibvcnt estrc appréhendez aux corps ceulx qu'entendrez avoir esté en la trouppe par vous deffaicte, avec saisissement et annotation de tous et quclzconeques leurs biens, dont ferez informer bien diligemment, et faire le pareil de ceulx qui ont administré les armes aux sectaires, que me samble avoir entendu avoir esté l'hoste de l'Escu de France, et dad\antaige vous conduyre selon que l'avez par vostre instruction.

Au demeurant, comme le principal, comme sçavez, d'une victoire acquise consiste en la bien sçavoir poursuyvrc et bien user d'icelle, je le vous recommande, et de considérer que ce faict regarde plus loing, et que partant l'on y doibt besoigner et procéder avecq tant plus de prudence et dextérité, et faire de sorte que, par trop de facilité, Ton ne accroyssc en licence et audace aux mauvais, et aussy que, par trop de sévérité, l'on ne face désespérer aultres villes estans aux mesmes termes, lesquelles ne fauldront avoir les yeulx ouverts et les oreilles dressées à la façon

de laquelle on se conduyscra envers ceulx de Tournay. Et après, vous recommande aussy les bons et catholicques en ladicte ville, à ce que, ayans tant souffert, ne viennent maintenant à pàtir esgallement avec les mauvais.

Quant à dénommer quelque personnaige pour mectrc en la ville, je suis bien de vostre advys qu'il fault ung homme tel que descripvez; et, me semblant que la raison veult ceulx qui ont travaillé avecques vous en ce faict soyent aussy préférez en ceste charge et honneurs, si vous eussiés quelque ung avecques vous que vous samblast accompaignic* des qualitez que désirez, me le pourrez nommer, pour après en ordonner ; vous priant ne vous bouger cependant encoires de là sans mon sceu et ordonnance, et de, avec partie de la cavallerie, que dictes avoir renvoyé, donner le meilleur ordre au faict de Vallenchienes que faire pourrez, vous asseurant que je ne suys pour oublier ce dont me ramentevez la souvenance ('), ains qu'en tout feray user de toute diligence, et en oultre vous faire seconder de ce costé au possible, que, laissant le service de Sa Majesté à part, vous m'avez, en mon particulier, en tant d'obligation envers vous, que ne suys pour vous laisser mancquer secours dont pourray m'adviser. A tant, etc. De Bruxelles, le iijejour de janvier J5ot>.

(') L Y* ni reprise contre Valencienncs,

Au seigneur de Noircannes , sur les ordonnances qu'il a fait publier à Tournay ; l'enlèvement des épées et dagues laissées aux habitants; la disposition des armes qui leur ont été ôtées; le choix qu'elle a fait du comte du Rœulx, assisté du Sr de Cuincy, pour le gouvernement de la ville; le logement des soldats dans le château; l 'enlèvement de toutes les armes au plat pays ; l'opiniâtreté de ceux de Valenciennes ; les arquebusiers qu'il demande, et son traitement; l'arrestation des principaux du consistoire, des chefs des séditieux et des collecteurs ; les restrictions à apporter aux prêches ; l'esplanade à faire devant le château.

Bruxelles, 6 janvier 1866 (1567, n. st.).

Monsieur de Noircarmes , j'ay receu vostre lettre du iiij" de ce présent mois, ensemble copie des ordonnances que avez faict publier à Tournay, et par le tout veu comment , par vostre prudence et discrétion accoustumées, poursuyvez à mectre ordre aux affaires de ladietc ville, si que ne puys sinon grandement m'en contenter, pour le ferme espoir que je conçois (voyant vostre si bonne conduicte) de la vcoir de brief réduicte du tout en l'obéissance deue au Roy, mon seigneur : de quoy l'on auroit, à l'advenir, moindre occasion de se doubter , si , par-dessus les armes qu'escripvez avoir osté à ceulx dudict Tournay, vous peuissiés trouver façon , par dextérité, de leur oster aussy les espées et dagues, et les faire mectre pareillement au chasteau, à intention que se leur pourroit déclairer, quand ilz en pourriont avoir besoing pour le service de Sa Majesté, l'on regarderoit de les en accommoder ; le remectant toutesfois à vostredietc discrétion, s'il vous semblast convenir myeulx le différer encoires, et attendre l'occasion qu'ilz pourroyent donner , pour le faire avec plus grande justification ; et mesmes , s'ils retournent une fois à faire semblant de

tnmultucr , ne se debvra , en façon quclconcque, laisser de l'exécuter.

Et, quant ausdictes armes, je veulx espérer que les aurez tous faict mectre au chasteau, comme certes il convient, sans les rendre pour encores à personne que soit : car, ayant à faire encores beaucoup de gens de guerre, et se recouvrant difficilement armes , en estant les gens de guerre, pour la longue paix, despourveuz, Hz viendront merveilleusement à propos, pour en armer les soldatz que l'on lève et lèvera de nouveau : qui me faict désirer que ne les ayez encores distribué h voz gens , lesquclz estans dcsjà armez, vous entendez bien qu'ilz les revendriont à ceulx de Tournay, mesmes pour en faire mailles et deniers, et que, où leur en eussiés donné quelque espoir, voulssiés regarder de les contenter, et leur dire que, pour leur bon debvoir faict contre les rebelles, et que j'espère Hz feront encoires, s'en présentant besoing , je suys bien intentionnée de y avoir regard, pour, par aultre voye , leur faire sentir la libéralité de Sa Majesté, comme, en vérité, je propose bien de faire. Et ce que j'en dis icy, comme dessus, n'est que pour conserver l'autorité de Sa Majesté en eboses pareilles, et pour éviter à la conséquence qui en pourroit estre grande à l'advenir ; vous asseurant que se aura bon regard et de vostre réputation, et du gré desdicts soldatz en vostre endroict, puisqu'il/ vous ont si bien assisté et le doibvent encores faire. Par quoy je vouldroy qu'estant toutes lesdictes armes mises au chasteau, tant privées que publicques, en feissiés faire annotation ou inventaire bien spécifîcque, comme aussy de toutes les munitions, et me l'envoyissics , pour après en ordonner comme je verroy convenir, vous reiglant conforme à ce, si à l'advenir aultre cas pareil advint ailleurs. Et, comme dictes que, pour estre le peuple audict Tournay si grand, y pourroit estre double que part d'icelluy, ignorant la publication, ne fournist au rapport des armes, il samble que, pour du tout s'en asscurcr, il s'en pourroit faire recerche aux maisons, à ce que , demeurant une grande partie armée, l'on ne viengne à receoir en nouveau inconvénient.

Je suys de vostre advis qu'il fault haster les nouvelles gens , et le fay faire, ayant, de ceulx que m'avez nommez pour demeurer

audict Tournay, faict choix du conte de Roculx ( '), pour les bonnes qualités et parts que l'accompaigncnt ; vous merciant bien de ce que m'advisez de luy adjouster le Sr de Cuynchy (a) pour conseil : que trouve fort bien ad visé, et en escrips audict conte de Roeulx, et qu'il se haste de faire ses gens, autant qu'il pcult, ayant icy samblé , quand il demeurera avec son régiment à Tournay, pardessus ceulx que desjà sont au chasteau, que la ville ne sera mal gardée , et , en oultre , qu'il vault myeulx que tous les soldatz demeurent audict chasteau que en la ville, pour le danger qu'il y pourroit avoir qu'ilz se pourriont infecter par les presches et conversation familière de leurs hostes qui fussent hérélicques, et se corrompre, ou par argent, ou par bon traictement : d'où pourroit suyvre quelque grand inconvénient, ou bien qu'en une nuict, on leur pourroit coupper la gorge ; m'en remectant toutesfois à ce que vous en samblera pour le myeulx. En oultre, pour ce qu'escripvez craindre que le peuple par là entour, estant du tout corrompu, pourroit assister à ceulx dudict Tournay, a samblé que l'on doibt incontinent oster toutes armes à tous au plat pays par là entour, au Tournésis; estant moings convenable que payssans, qui ne doibvent se mesler que de la charrue, soyent armez, que gens de ville : à quoy vous prie donner ordre, et qu'il soit exécuté, et les armes pareillement apportez audict chasteau.

Vous avez très-bien faict d'avoir renvoyé partie de la cavalleric vers Vallenciennes. Et se voit bien , par la lettre que ceulx du magistrat vous ont escript , et les advertences que par ladicte lettre dictes d'avoir, que ceulx de la ville suyvent le chemin d'opiniastrer; et pouvez vous asscurer que se aura singulier regard à tout, en traictant avecques eulx,etquejc feray haster toutes choses requises autant que faire se pourra.

Quant à l'argent pour les soldatz, il se compte, pour l'envoyer de bien brief, comme aussy le trésorier des estatz m'a escript

(') Jean de Croy. Il était chef et colonel de sept enseignes de gens de pied : il devint gouverneur de Flnndre sotis la régence du duc d'Albe.

(') Jacques de Monde! , chevalier, Sr de Cuincy. Le duc d'Albe, par commission en date du 23 juin 1568, le nomma gouverneur et bailli de Tournay et Tournaîsis.

que l'argent pour les hommes d'armes est prest , et s'envoyera pareillement bientost , duquel se donnera ordre par ceulx des finances que serez rembourssé des six mille florins qu'avez preste a la cavallerie.

Je trouve bien, comme désirez, que ayez quelques harquebusiers pour les fins qu'escripvez, et ainsy en pourrez lever jusques à cinequante pour ce commencement : à quoy vous feray despescher retenue requise ; et sera bien que advertissez du nom de eelluy auquel pensez en donner la charge, pour le insérer en ladicte retenue. Mais, quant aux trois enseignes que désireriés lever de nouveau, je y penscray encores ung peu, avant que m'en résouldre.

J'ay aussy trouvé bien raisonnable que soyez traicté extraordinairement; et, eu regard à vos bons services desjà faicts, et que ne doubte ferez encoircs, je me suys advisée de vous ordonner six cens florins par mois, si longuement que serez en campaigne, et à entrer dois le jour que avez commencé à serrer Vallenchiennes. Vous avez desjà entendu que j'ay faict déclaration à Sa Majesté de ceulx vous ayant assisté à ces bons exploietz : ce que pouvez estre seur avoir faict si honnorablement et favorablement que leurs bons debvoirs et lovaultez méritent, où je tiengs que mecroyrez facilement que n'aurez esté oublié, en estant vous le cheff. Et, quant au Sr de Billy (•), je cognois sa valeur, et en auray souvenance, s'offrant occasion en son endroict.

Or, pour retourner au faict du redressement des affaires et de l'asseurancc dudict Tournay, vous avez veu ce que vous en ay dict par ma précédente; et, encores par ceste (pour avoir cecy tant à coeur, comme me samblc l'importance le requérir), faut-il que vous die que me samble que l'on se doibt asseurer des principaulx du consistoire, pour le crime de lèse-majesté par eulx commis, comme précédentement j'ay dict ; estant à doubter qu'ilz se saulveront, et faire le mesme de Taffin et Gilles Le Clercq, secrétaire du conte Loys de Nassau (*), les faisant bien diligemment interro-

(') Gaspard de Uobles.

(*) Noircarmes répondit, le 9 janvier, que Tanin et Gilles Le Clercq avaient quitté la ville, pendant qu'il parlementait.

gucr ; que, estons de ceulx qui principalement ont démené ces révoltes et séditions, en doibvent sçavoir beaucoup a parler, et en pourra-l'on tirer beaucoup de choses fort bien à propos ; en oultre, que l'on doibt aussy faire prendre ceulx qui ont armé les gens, entre lesquelz l'on diet estre fort principal Lannoy, beau-père du Sr d'Evre, et ceulx qui ont enrollé gens de guerre contre Sa Majesté; item, les collecteurs d'argent, et sçavoir bien particulièrement les collectes qui se sont faictes, de combien et de qui ; que debvez regarder de sçavoir desdicls de Tournay quelles ligues et confédérations ilz ont avecq aultres villes, gentilzhommes ou aultres, qui que ce soyent, et leur faire renuncer à toutes, et que nul doibt estre admis en aulcune administration ou office, en ladicte ville, qu'il ne face nouveau serment pertinent ; que bon ordre soit mis et donné à ce que nulles assamblées, ny de confréries, sermens ou aultres, pour quelque occasion que ce soit, se y puis! faire, que pour leurs presches tant seulement, lesquelles encoires qui pourroit du tout oster par dextérité, sans contrevenir à ce que s'est accordé aux gentilzhommes confédérez , seroit bien uue bonne oeuvre, tousjours ne doibt-l'on souffrir qu'elles se facent que dehors la ville , aux lieux désignez , et que l'on y presche aulcunes choses séditieuses ou scandaleuses, et enfin qu'endroict icelles, l'on s'y conduyse, en tout et partout, suyvant ledict accord et les capitulations faictes avecques eulx, que trouverez rière le ST de M oui bai s ('). Et leur debvez-vous bien expressément interdire tous exercices de nouvelle religion, ne leur estant accordé aultre chose, fors les simples presches, et, en cest endroict-Ià, faire ensuyvre et exécuter le contenu de mes lettres du iiije de décembre dernier passé. Et, pour tant mieulx faire aux • prédicans, s'ilz continuent de prescher, observer tout ce que dessus, que l'on doibt ordonner quelques superintendans, discretz et fermes, qui ne puissent estre séduietz par les prédicans et leurs sermons, pour se trouver à chascune presche, et y avoir regard.

(■) Jean du Chasteler, chevalier, S' de Houlbais. Lors du départ pour l'Espagne du baron do Montigny, dont il était le lieutenant, la duchesse de Parme Pavait chargé de remplir ses fonctions ad intérim.

il. 3i

Et, au demeurant, que tout au premier, et incontinent, l'on doibt faire une splanade , bien spacieuse, devant le chasteau, que l'on puist avoir le regard tout droiet bien avant en la ville, et commander à ceulx qui y ont des maisons qu'il fauldra abbatre, qu'ilz les démolissent, endedans certain temps que à ce leur préfigerez, à paine que l'on les fera démolir à leurs despéns. Et si, pour l'effect de ceste splanade, avez besoing de quelque ingéniaire, me le faisant entendre, vous y en envoyeray ung.

Ce que dessus estoit advisé en conseil, quand vostre aultre lettre, aussy du iiij% responsive à mienne du jour précédent, me y fust apportée, sur laquelle, icelle bien entendue, ne vous diray aultre, sinon que ce que dessus est cela que icy a samblé se debvroit foire pour le myeulx audict Tournay. Or, quand et comment, cela gisl en vostre discrétion et dextérité, qui, estant sur le lieu, voyez et considérez les humeurs et toutes circunstances : si que ne puis sinon le remectre à vous ; et, là où vous trouvissiés difficulté, m'en advertirez, avec vostre ad vis, pour vous y dire ce que samblera convenir. À tant, etc. De Bruxelles, le vje jour de janvier 1566.

A u seigneur de Noircarmes, en réponse à ses observations sur les ordres qu'elle avait transmis aux o/j/kiers du bailliage et au magistrat de Tournay, pour la poursuite des auteurs des troubles.

Bruxelles, S janvier Vj66 (1567, n st.).

Monsieur de Noircarmes, pour responce à voz lettres du vij° de ce mois (') , j'ay veu les considérations que me représentez sur les

(') Dans cette lettre, non du 7, mais du 5 janvier, Noircarmes disait à la gouvernante : « Je suplic Vostre Altèzc de considérer de combien il importe

lettres qucj'ay e9cript puis naguièrcs aux officiers du bailliaige et ceulx du magistrat de Tournay ; et, le tout dilligemment examiné en conseil , n'ay trouve riens pour changer de ce que leur ay mandé, pour aultant que ne commande aulcunc chose estre faict, sinon procéder allencontre de ceulx quy ont prins les armes contre le Roy, mon seigneur, ou ont assisté à ceulx quy se sont mis en guerre ouverte contre Sa Majesté; lesquclz sont estez déclarez, par placcartz, ennemis d'iccllc, quy ne fault partant laisser derrière, car seroit trop grande desréputation ne faire quelque chastoy de ces rebclz, et craindrois que ceste trop grande impunité ne rendît les aultres plus insolens et téméraires. Toutesfois , j'entens que lesdicts officiers et magistrat, chascun endroict soy, doibvent procéder avecq quelque modération ; s'attachant premièrement aux chiefz et autheurs de ces désordres , sans faire quelque mention de la religion , mais seullement de l'emprinsc desdictes armes, ou de la rébellion ouverte contre Sa Majesté ; ayant esté advertye que une bonne partie des plus culpables icy sont dcsjà enfuy en Anvers, et, s'il n'y est remédié, continueront ainsy de faire. Et ne voye que Ton doibt délaisser de faire quelque démonstration contre les plus culpables , au respect de ceulx de Vallenchiennes, ou d'aultres, pour cause que Ton peult, quant à présent, peu espérer de leur réduction, comme aussy vous escripvez. Et viendra Sa Majesté , par ceste retraietc des plus principaulx rebelles , si l'on ne faisoit rien contre eulx, à se trouver frustré de l'ayde que, pour partie du chastoy qu'ilz ont déservi, doibt procéder d'eulx et de leurs biens à relever Sa Majesté des grands fraiz èsquelz il est

» procéder en cesy, du commenehement, aveeq telle douceur que l'occasion » s'ensuyve à ceulx qui encoires ne sont an estez sur la résolution qu'ilz » doibvent prendre de se réduyrc à l'obéissance de Sa Majesté, et notament » ceulx de Vallenchiennes, leequelz n'ont autre choese en la bouche, synon » morir sur les ramparls, plustost que de se rendre obéissants, d'autant qu'ilz » disent que aussy bien, après avoir accepté garnison, l'on les fera morir l'un » après l'autre, m'estant advis que, par le moyen de traicter ceulx-cy, au •> commenehement, sans la rigeur, laquelle, estant au dessus, sera au m Hoir de » Sa Majesté, toutes les fois qu'il luy plaira, ceulx qui sontencoiresù réduyre » prendront exemple. »

forcement entré à leur occasion. Par quoy pouvez tousjours bien faire annoter les noms de ceulx qui se trouveront avoir prins les armes contre Sadicte Majesté, et, s'ilz sont partiz, faire annoter et saisir leurs biens ; vous advertissant que l'on m'a faict entendre que ung Jehan Le Maistre et ung Jehan Pillct sont esté des principaulx collecteurs, et qu'ilz estiont en Tournay, quand vous y estes entré, avec argent pour y faire payement aux soldatz. Vous vous en ferez informer et user en leur endroict, comme dessus , prendant tousjours regard de vous rigler conformément à l'instruction que je vous feis donner à vostre parlement , et à ce que je vous ay depuis escript , comme vous avez très-bien encomenché de faire jusques à présent : dont je ne puis avoir sinon très-bon contentement. Kt, pour aultant que l'on dict quelque ville principalle estre obligée au payement des estrangiers que l'on veult lever contre Sa Majesté, il sera fort bien à propoz que vous advisiez, par quelque bon et subtil moyen , d'entendre et descouvrir l'affaire, et ce que c'est de la ville de Tournay, quy est des plus advanchées ; désirant que en soit fait note, pour après s'en servir comme l'on trouvera convenir, ensemble de toutes aultres choses que vous polrez entendre pour le service de Sa Majesté. A tant, etc. De Bruxelles, le viij8 jour de janvier 4566.

Post date. J'ay, à la signature de ceste, commandé y estre adjousté que suys advertye que le ministre bourguignon en Tournay, surnommé Memicre, auroit une femme, ou en Bourgogne, ou aultre part , et que nonobstant il se seroit naguères marié aultrefois audict Tournay à une jeusne fille, avec laquelle il auroit eu ixra escuz en mariage. Sy, a l'occasion de ce crime, l'on se povoit atacher à luy et ses deniers, ilz viendriont bien à propos pour le service de Sa Majesté, et pourroit-l'on le chastier comnr il a fort bien mérité. Dont j'ay bien voullu vous advertir, afin que regardez de y ordonner ce que bonnement se y pourra faire.

Au seigneur de Noircarmcs, sur l'enlèvement des armes à Tournai/; la garnison à y laisser; la saisie des armes dans le Tournaisis; V augmentation de gens de guerre qu'il demande; le voyage du comte d'Egmont en Artois; l'arrestation des auteurs des troubles; la saisie des biens de ceux qui se sont absentés; le serment à prêter par les magistrats et officiers; la susj)ension de ceux d'entre eux qui sont suspects; l'interdiction de toutes assemblées et confréries ; la punition des prédicants; la défense de porter des armes à Tournay et dans le Tournaisis ; enfin la communication demandée par ceux de Valenciennes.

Rm'XËLLts, 15 janvier lotk> (IÎHÎ7, n. st.).

Monsieur de Noircarmes, en responce de voz lettres des ix et x* de ce mois, et des pièches joinctes, je vous remercie premièrement de tous bons dcbvoirs que vous continuez faire en la ville de Tournay, pour la réduire en tous termes «l'obéissance et pacification, pour l'asseurancc des bons et catholicques et repression des mauvais, Iesquelz ne poezmieulx ny à moindre difficulté dompter, ny leur faire plus grand bien, que leur oster l'occasion de nouveaux troubles, sçavoircst : par leur oster les armes entièrement, jusques aux cousteaux, estant mieulx , puisque vous avez commencé de le faire toute à une fois , que remectre les espées et daghues à ung aullre coup ; les transportans au chasteau, pour après en ordonner comme il appartiendra. Et, si répartissement s'en faict , c'est bien la raison que les soldars qui sont entrez avec vous , y soient préférez, mais non leur donner présentement, pour la conséquence que les soldars vouldroient faire le mesme de toutes villes qui par aprez se réduiroient en obéissance. Je trouve bonnes les trois sommations que vous avez faict faire de porter leurs armes ; et, ce faict, vous devez faire visiter diligenlcment les maisons, et, si trouvez quclcun qui n'y ait satisfait ! , en debvez faire faire un chastoy fort exemplaire, exécutant les peines de la liart que y avez mis contre

aulcuns, et ce pour terreur et exemple des aultres, comme en tel cas convient.

Je fay en toute diligence haster les nouvelles compaignies, et jà aulcunes enseignes du seigneur de Hierges seront prestes, aussy celle de Manteville, que je fais cheminer vers Mons et Condé : pour quoy vous leur polrez mander ce qu'ilz devront faire.

Quant est de la garnison que vous semble se debvoir laisser en Tournay, vous en polrez conclurre avec le comte du Reux, à sa venue ; bien estimant que , pour ce commencement , on ne polra moins laisser que de sept compaignies, par-dessus la garnison et renfort du chastcau.

Vous avez bien faict de faire saisir généralement toutes les armes par le plat pays du Tournésis, pour les mectre au chasteau : je vous prie effectuer ainsy.

Au regard des cinequante harequebousiers que me demandez , pour parfaire le nombre de cent , ensemble des trois nouvelles enseignes que demandez, je regarderay d'y prendre quelque jour résolution : cependant vous polrez tousjours faire prest les l harequebousiers que je vous ay accordé pour vostre garde.

L'allée du conte d'Egmont à Béthune me semble bien à propoz, et luy escrips, affin qu'il advisc tous moyens pour desarmer cculx de Laleue et de la basse Flandres : ce que j'espère il fera, car il n'y a apparence de quelque pacification, tant que les armes demeureront es mains de ce peuple furieux.

Au regard du saisissement des autheurs de ces révoltes et séditions advenues, et spécialement de ceulx dénommez en voz lettres, que vous dictes eslrc deslogez de bonne heure, il me samble que l'on doibt pourveoir affin que les aultres ne se rendent aussy fugitife, et faire le chasloy des plus culpables : car la chose sera plus exemplaire de le faire incontinent, que après. Mesmement, je suis d'advis que vous faictes publier que tous ceulx quy se sont absentez de ladicte ville, ayent à retourner deans huict jours de vostre publication , à peine de saisissement de leurs maisons qu'ilz ont en ladicte ville, ensemble des biens y estans; prenant pied sur ce que, par leur retraicte, ilz se rendent suspeetz de se sentir coulpables de quelque grand meffaict contre Sa Majesté.

Touchant le serment de ceulx quy sont en administration ou office de justice, je trouve bien que vous les faictes faire solcinpnellement en vostre main : mais, au regard de changer toute la loy, je ne voys qu'il soit, pour ceste heure, bien practicable, pour se renouveller ladicte loy par les quatre commissaires de Flandres à ce commis, et aussy que ce seroit scandale aux bons et excuse pour les maulvais, les punissant tous ensemble. Mais, s'il en y a aulcuns suspectz, vous les polrez suspendre de kursdicts offices ou estatz par provision, tant qu'ilz seront purgez de ladicte suspition. Et, en tant qu'il touche les deux procureurs de la ville, l'un, nommé de Bar, se polra par vous déporter, d'aultant mesmes qu'il n'est commis que par provision, par ma tollérance ; et, quant à l'autre, vous en ferez comme treuverez convenir, car je ne le cognois.

Vous avez bien faict de deffendre toutes assamblées, et des confréries, que j'entens estre fort infectées. Au regard des presches, ce m'est plaisir que vous dictes qu'elles cessent; et mesmement, sy quclcung de leurs prédicans est audict Tournay, vous ne l'espargnerez, en cas que le puissiés trouver culpable ou complice d'aulcunes de ces séditions et rébellions, tousjours à coulleur de ladicte rébellion et sédition, plustost que de presches.

Quant est de faire une défence, par provision, de ne porter armes a Tournay et Tournésis, en leur ostant icelles réalement et de faict, il samble sera assez pourveu : néantmoins, je ne trouve que bon que vous le faictes, vous authorisant à cest effect.

Touchant le faict de Vallenchiennes, voyant la désobéissance et actes de rébellion et hostillité par trop exorbitans qu'ilz font, je trouve biçn peu d'espoir de les renger par raison ; encoires moins pense que Audregnies (') y puist ou veullc faire quelque service. Néantmoins, puisqu'ilz vous ont demandé d'envoyer leurs députez vers vous, vous leur envoyerez iç saulf- conduit pour les dénommez par voz lettres et pour peu de serviteurs, n'estans de qualitez pour en avoir besoing de grand nombre; que vous ferez accompaigner de scurc garde, depuis Sainct-Amand, du moius

(') Charles de ftcvcl, seigneur d'Ami regnies.

de la porte, tout le temps qu'ilz seront en Tournay, aflin qu'ils ne puissent traictcr ny communicquer avecq aulcuns, quelz qu'ilz soient, attendu que lesdicts députez sont principaulx sectaires ; et partant les convient tenir fort serrez. Et certes , pour mieulx les garder qu'ilz ne communicqucnt avec personne, vous les ferez mectre et garder bien de près, en une chambre, au chasteau dudict Tournay.

En tant que touche le payement des vieulx soldatz, icelluy est jà faict, comme je tiens ; du moins l'argent est en Haynnau. Et, quant aux six mil florins par vous prestez aux gens de che-; vaulx , le trésorier Grameye est icy et l'argent, pour vous en faire rembourser. A tant , etc. De Bruxelles, le xiij" jour de jan-r vier 1566.

Au comte de Meghem, sur les conditions auxquelles il peut traiter avec la ville de Harderwyk.

Bruxelles, 23 janvier 1566 (lî><>7, n. st.).

Mon cousin, j'ay, par vostre lettre du xxije de ce mois, entendu tomme ceulx de la ville de Harderwyck ont envoyé dix gentilzhommesdu pays vers vous, pour appoincter, et laresponce qu'avez donné à iceulx, que trouve très-bien, comme aussy j'ay voluntiers entendu que lesdicts de Harderwyck viennent à se recognoistre, et qu'ilz debviont encoires envoyer quelques-ungz vers vous, pour vous déclarer leur intention. Et, quant à ce que demandez sçavoir ma volonté, si, d'adventure, je les vouloye recepvoir à composition , il convient que sur cela je vous représente que , quant à accorder pardon à ceulx qui pourriont avoir mesprins('), dont plus

(') Les gentilshommes envoyés au comte de Megliein par la ville de ilardei -

d'une fois j'avoye escript au Roy, mon seigneur, Sa Majesté, par ses dernières, a remis entièrement le faict du pardon à sa venue, y adjoustant que lors l'on ne la trouvera en rien changée , quant à sa clémence accoustumée , où il y aura raison d'user d'icelle, selon que l'aurez entendu par aultres lettres miennes, et que, partant, et estant sa venue si prochaine , y joinct que la raison veult bien qu'estant Sa Majesté le maistre , et se mectant en tant de despens , travail et danger pour venir par deçà y redresser les affaires , il ait aussy plustost le gré des pardons et grâces qu'il y aura question de faire, que non pas ung aultre , vous comprendez bien, mon cousin, que et le faict de composition, et du chastoy, nous convient entièrement réserver à Sadicte Majesté, sans y entrer ou toucher, comme aussy je n'ay voullu faire endroict cculx de Leeuwaerden, selon qu'en ceste conformité je l'ay escript à mon cousin le conte d'Aremberghe. Par où ce que, pour maintenant, attendant l'arrivée de Sa Majesté, se pourroit faire endroict ceulx de Harderwyck, a samblé povoir estre qu'ilz ayent à incontinent faire partir les nouveaulx prédicans hors la ville et jurisdiction d'icelle, avec promesse de jamais y en introduire des aultres , et aussy les prebstres qui peuvent avoir délaissé la religion catholicque, et s'adonné à la nouvelle ; faire réparer les répositoires du St^Sacrament , s'ilz les ont rompu ; les aultelz , images , ornamens , joyaulx et toutes aultres choses rompues et ostées ès églises ; oster et anéantir toute nouvellité et changement de la religion ; restablir et faire continuer le service divin et cérémonies anciennes en toutes églises et cloistres , et remectre le tout , concernant la religion catholicque, en son premier et ancien estre et estât, attendant l'ordonnance que par Sa Majesté sera faicte endroict le faict de la religion; (et ainsy l'ont promis de faire ceulx de Leeuwaerden , ayans, dois le premier jour, enchâssé leurs prédicans , lesquelz incontinent passarent oultre vers Embden , et aussy les curez qui aviontrejecté leurs habitz, en prenant des aultres de laiz et s'adonné à la nouvelle religion); en oultre, qu'ilz ayent à réintégrer l'autho-

wyk, levaient prié de solliciter de la duchesse le pardon dos fautes rommises pries habitants de celte ville.

rite de Sa Majesté qu'ilz ont usurpe, remectant son drossart en la maison ; réparant icellc, et y restituant les artillerie , munitions , meubles et toutes choses que en sont esté emportées et enlevées.

Quant à recepvoir garnison , dedans la ville , de six enseignes, l'on a considéré que, les mectant, et là et en toutes aultres villes que Ton viendra à réduire, il faudroit avoir quantité innumérable de gens de guerre en tout : qui croistroit à despens insupportables, et que Ton nesepourroit servir de ces six enseignes ailleurs, en estant bien besoing, comme sçavez, et que, partant, vous pourriés regarder, comme a faict ledict conte d'Arenbcrghe, pour les susdictes considérations, de prendre dix ou douze plesges souffissans, tant de ceulx du pays qui ont intercédé pour eulx , que de ladicte ville de Harderwyck , lesquelz, par-dessus la promesse de tous ceulx delà ville, soubz le sceau d'icclle, obligeassent ebascun solcmnèlement leurs biens au proufïit de Sa Majesté, pour l'accomplissement, fumissement et entretènement de tout ce que dessus, afin qu'il ne l'ust besoing y laisser les six enseignes, comme aussy je tiengs que ce n'est à celle intention que avez leur proposé de les y recepvoir, mais plustostpour leur faire paour. Et, au demeurant, que vous ostez à ceux de la ville les armes publicques, comme artillerie, harquebuses à crocq, munitions, barnaset toutes aultres choses, et aux particuliers aussy ne leur laissant riens que espées et dagues , et mectant le tout en la maison de Sadicte Majesté illecq , ou aultre part où qu'il puist estre bien seurement gardé. Et, là où vous ne sceussiés obtenir tous deux ces poinetz, à sçavoir ; et les plesges susdictes, et l'ostemcnt des armes , je me jnclineroye plustost leur quicter cela des plesges, et que on leur ostàt les armes. Et, comme je veulx espérer que, avant que conclure en cecy, vous viendrez icy, l'on en pourra traicter en vostre présence. Et le pareil, muta tin mu tandis, pourriés-vous faire avec ceulx de Elburgh, le mesfaict desquelz n'est pas de la qualité de celluy dudict Harderwyck , réservant le demeurant à la clémence de Sa Majesté, si tant est qu'ilz se résolvent de point vouloir se hazarder à se mectre en justice , en laquelle avant que d'estre reeeuz, ilz auront à fournir à tout ce que dessus. Et par cecy sera

aussy respondu à vostrc lettre , aussy dudict jour , de voslre main (')•

A tant, etc. De Bruxelles, le xxv* jour de janvier 1 566.

Vostrc bonne cousine,

Au comte de Meghem, sur les conditions auxquelles il peut traiter avec la ville de Bommel.

Bruxelles, 9 février 15CG (15)67, Q. st.).

Mon cousin, il s'est veu en conseil la capitulation qu'avez proposé à ceulx de la ville de Bommel, ensemble leur responce là-dessus et vostre réplicquc. Et s'est considéré que le forfaict de ladictc ville est moindre que de nulle aultre, si ainsy est, comme m'escripvcz, qu'ilz n'ont appellé ou introduit aulcuns nouveaulx prédicans, ains que leur curé propre, ou chappellain, est celluy qui peu à peu y a presché la nouvelle religion, et que aussy ilz n'ayent rompu images, ou faictaulcunes notables insolences : par quoy a samblé, en ce cas, aussy raisonnable de les traicter plus doulcement, pour tant plus les mouvoir à se maintenir bons et en fidélité vers Sa Majesté, attendu aussi qu'il importe, tant connue il faict, que l'on se haste à réduire tout ce que se peult, et le distraire des adversaires , pour non se trouver embarrassé ny empesché en tant de costelz, et que partant pourriés accorder avecques eulx suyvant la capitulation

(') Ce fut seulement au mois de mars, que les habitants de Harderwyk traitèrent avec le comte de iMcglicm. Le 10 de ce mois, il envoya à la gouvernante la capitulation qu'il leur avait accordée, et, le 13, elle lui répondit qu'elle y donnait son approbation.

que va joinete à ecste, regardant toutesfois d'en tirer tout ec dadvantaige que faire se pourra.

Quant à ce où, en leur responce, ilz conditionnent que ung chascun pourra à part soy vivre, eudroict la religion, comme selon sa conscience il en vouldra respondre devant Dieu, jusques à aultre ordonnance, certes je craindroy bien que Sa Majesté se trouveroit fort offensée, en leur accordant ce poinct, comme en vérité il est aussy en soy fort mauvais, et leur doibt bien souffirc que l'inquisition cesse, et que la rigeur des placcartz ne s'exécute : ce que s'est mis en ladietc capitulation, comme verrez ; ne pouvant, à cestc occasion, obmectre de vous dire, oires que ainsy soit que Sa Majesté ait déclairé que l'inquisition cesse, et que nouveau placcart se face, comme aussy ne s'est depuis veu exécuter la rigeur des vyeulx , que pourtant l'on n'a tollu (') la religion catholicque, mais l'on est seulement après pour oster la rigeur des peines qui estoient portées par lesdicts vyeulx placcartz, et non aultre chose.

Au demeurant, quant à la difficulté que cculx dudict Bommel font sur le poinet d'obéir à Sadiete Majesté et à son gouverneur, en termes généraulx, pour le regard du traicté de Venloe et leurs previléges, l'on n'y a trouvé diffioulté de amplicr ce poinct, comme il s'est couché en ladietc capitulation d'icy ('). Qui sera l endroict où, après vous avoir recommandé toute accélération possible et vigilance, pour avec yeulx et aureiiles ouvertes entendre tout ce que passe de la part des adversaires, je finiray ceste par pryer au Créateur de vous avoir, mon cousin, en sa sainte garde. De Bruxelles, le ixe jour de fcbvrier 1566.

Vostre bonne cousine.

(') Tollu, aboli, supprimé.

(a) (le projet de traité n'eut pas d'abord de suite. Meghcm écrivait, le II) février, de Vtigbt, à la gouvernante ; « Ceulx de Boeincl ne reviennent » plus. Je croy qu'ils auront ebangé d'opinion, depuis que je suis parti de » Driel, et que leur samble que je ne puis plus approeber, pour ce que les d eaues sont esté sy grandes. • Leur soumission eut lieu au mois d'avril.

Au comte de Meghem, sur ce qu'elle a écrit au prince d'Orange, touchant les enrôlements faits à Anvers par les confédérés, et l'ordre qu'elle a donné audit comte de rompre les assemblées des sectaires, même en Hollande.

Bruxelles, 18 février 1i>66 (1507, n. st.).

. . . . Hier soir, j'eus advis d'Anvers qu'il y avoit Adolphe Vandcr Aa, aiant esté gentilhomme à moy, et Andelot, avecq quelques aultres, y enrollant gens de guerre au logis du Soleil, en la Camerstraete. Je ne sçay s'il est vray : toutesfois, celluy qui m'en a adverti n'est homme pour si légièrement m'avoir faict ceste advertenec, s'il n'en eût eu quelque bonne information. Dont j'ay adverti le prince d'Oranges et le margrave et ceulx de la loy en Anvers, pour y remédier incontinent ; et de aultre assamblée n'ay rien entendu. Que, si aultre chose me viendra signifié, vous en feray part, comme vous prie de semblable, et de faire diligence pour descouvrir s'il y avoit quelque chose sur main ; et, là où vous vous apperceussiés de quelque assamblée, pendant que serez par là, que regardez de la rompre, vous aidant de la compaignie du conte d'Aremberghe, à laquelle j'escrips de faire ce dont par vous ilz seront semonds (') pour le service de Sa Majesté, et ay commandé de vous adresser ma lettre, pour au besoing la leur faire tenir, pour y obéir. J'advertis aussy le prince d'Oranges de vous avoir donné ceste charge de rompre les assamblées, luy disant que, quand elles se feissent en la Langhestraete, en son gouvernement, je m'asseure que, pour son affection au service de Sadicte Majesté, il ne prendroit que bien que vous le y feissiez, avant quelles se renforceassent, puisque les gens de guerre qu'il peult avoir en Hollande ne viendroyent à temps, pour y faire effect. .

(') Stmondê, requis.

A u comte de Meghem, sur les levées des confédérés, tes desseins

qu'on leur prête, etc.

Bruxelles, IOfévbieh 1366 (1567, n. st.).

Mon cousin, l'advis que vous cscripvis hier qu'en Anvers se enrolloient gens de guerre, fust véritable, et m'a le prince d'Oranges escript qu'il a trouvé qu'Adolphe Vander Aa en avoit levé, et les avoit mené vers le seigneur de Brcderode, qui estoit en crainetc que l'on deust aller l'assiéger. Mais, par divers aultres, j'ay bons advis qu'il y a encoircs plusieurs aultres qui en lèvent, sicomme Villers, Andelot, Waroulx ou Mérode, Winckle, Thoulouze, Escoubecque et HofTwegen, disans les soldatz que l'on les liève au nom dudict seigneur de Brederode, et que l'on les faict jurer loyaulté pour la parole de Dieu, du Roy et repos du pays. La monstre, selon aulcuns, se doibt faire à Viane, et aultres disent à Breda , et que le nombre doibt estre , pour le commencement, de vj° chevaulx et iijm piétons, à intention d'aller vous trouver, pendant qu'ilz attendent le conte Lodewyck , avec grand nombre de cavallerie et infanterie, que desjà, selon quelques advertenecs, seroit acheminé. Se bruit, en oultre, que le capitaine Bomberghe seroit entré en Boisleducq ('), vers où j'ay certaine advertence que d'Anvers sont hier parti vjc soldatz, de ceulx levez présentement par les susdicts capitaines, combien que aultres estiment qu'ilz soyent allé trouver ledict seigneur de Brederode. Enfin, il se descouvre qu'ilz sont résoluz de faire le pis et bientost, et que, ou à Viane, ou en Langhestraete, ou par là entour, se debvra faire quelque assamblée. Pour de quoy sçavoirla vérité, il est requis que faictes faire toutes diligences possibles, et vous mectre en debvoir

(') Voy. ci-dessus, p. 3S;i.

de rcmpcschcr, rompre et séparer tout du beau commenchement, avant qu'elle se renforce, sans avoir regard en quel gouvernement que ce soit que l'occasion se vous présentast de povoir faire cest bon exploit, qui seroit aussy une occasion de honneste retraicte de où vous estes (•). Et, si peuissiés trouver façon de defîaire les susdicts vjc hommes partiz d'Anvers par terre, ce seroit ung bon commencement, pour terrer (') que aultres ne courrussent si tost et facilement ensemble,

A tant, etc. De Bruxelles, le xix°jour defebvricr 1566.

Vostre bonne cousine.

Au comte de Meghem, sur les levées faites par les confédérés,

et les desseins de ceux-ci.

Bruxelles 21 février 1366 (1567, n. st.).

Mon cousin, j'ay receu deux vos lettres du xviij6 de ce présent

mois

Les advcrtcnccs continuent de jour à aultre que les gens retenuz et levez pour les confédérez marchent en çà, soubz conduicte du conte Loys de Nassau, pour s'adresser contre moy, et que leur desseing est de se impatronir (3) de Utrecht et Amstelrcdamme, et vous cercher où que soyez. Les gens levez, comme

(') Il était à Vught, près de fiois-lc-Duc, où il était venu avec le dessein d'entrer de force dans cette ville.

(2) Terrer. Ce mot n'est ni dans Roquefort, ni dans Ducange. On le trouve dans Trévoux, mais avec une autre acception. Il semble être employé ici

1 dans le sens de empêcher.

(3) Se impatronir, s'impatroniser.

vous ay cscript, en Anvers, sont este embarquez à Oistcrweel, près de là, en sept batleaulx : l'on ne sçait encoircs s'ilz ont prins la route vers Viane, ou bien Zélande, de laquelle l'on bruit qu'ilz prétendent se saisir : si que voyez, mon cousin, que Ton aura apparentement à faire de tant de costelz, que Ton ne se pourra attacher à ung lieu , pour abandonner les mil très, et encoires en partir avec desréputation. Et, comme bonnes espies sont plus en saison que oneques, je vous les recommande, et mesmes de ce que passe du costé d'Allemaigne. A tant, etc. De Bruxelles, le xxj* jour de fcbvrier V.ifîG.

Vostrc bonne cousine.

XVIf.

Au comte de Meghem, afin qu'il s'assure de la ville et du château

d'UtrechL

RBUXH.LE8, 2.1 FÉVRIER 1!>C6 (1S67, n. st.).

Mon cousin, j'ay receu voz lettres d'hier et devant-hier, et au long ouy Cigoigne, lequel je vous renvoyé, pour vous assister ; et depuis ay advertenec certaine que les soldatz embarquez en Anvers sont logez en la terre de Viane, et que là se doibt faire l'amas des confédérez, y estans mandez tous pour joeudy ou vendredy dernier : par où il a samblé requis et nécessaire de pourveoir à la seurcté de la ville de Utrecht, comme aussy les estatz m'ont présentement envoyé ung exprès, me priant d'estre secouruz. Par quoy vous prie de tirer celle part, avec vostre régiment, à la meilleure diligence que faire se pourra; et veulx m'asseurer que, si par chemin se vous présente occasion de povoir donner une trousse ausdicts soldatz, que ne la vous laisserez eschapper. Estant

ai ni ici Utrecht, vous donnerez incontinent le meilleur ordre qu'adviserez convenir pour s'asseurer de la ville et du chasteau ; et si serez aussy là bien à propos pour secourir Zélande, si veissiés qu'elle en eust besoing, comme aussi tirer vers vostre gouvernement, si les adversaires s'addressassent celle part, et de les suyvre aussy, s'ilz tournassent la teste en çà, comme j'entens en estre leur desseing, et enfin d'aller et venir selon les occasions survenans : ce que vous recommande, mon cousin, de faire, et toute aultre chose que adviserez estre à propos pour le service de Sa Majesté, et ne perdre aulcune occasion par me consulter; bien m'advertissant de temps à aultre de Testât des choses, à ce que, le sçachant, je puisse tant myeulx correspondre au besoing. A tant, etc. De Bruxelles, le xxiij'jour de febvrier 1566.

Au comte de Meghem, sur son entrée dans Utrecht; les intelligences qu'il doit chercher à nouer à Amsterdam; les motifs qui ne permettent pas pour le moment d'assiéger Vianen; le serment à faire prêter par les gueux d' Utrecht; les mesures à prendre pour empêcher que ceux de Vianen ne reçoivent des secours d'hommes et de vivres; l'offre faite par le comte Frédéric Van den Berghe ; le seigneur de Brederode et le secrétaire de La Torre.

Bruxelles, i mars 1866 (1867, n. st.).

Mon cousin , j'ay, par vostre lettre du dernier de febvrier, entendu vostre arrivée et réception, avec vostre régiment, en la ville d'Utrecht (■), dont de tant plus me resjouis, que j'ay veu

(') Il y était entré le même jour, « avecq la plus grande allégresse du » monde de bons et autant desplaisirs des maulvais. »

que ce soit esté avec une telle volunté de ceulx de ladicte ville que ra'escripvez; et si m'a aussy accru mon contentement, d'avoir sceu , par vostre lettre du second de ce présent mois, que a vies mis une enseigne dedans le chasteau, vous asseurant que n'estoy à mon aise du dilai qu'en veis par vostre première lettre ; vous merciant et louant grandement de ces bons debvoirs et diligence.

Et, puisque ainsy est que le seigneur de Brederode est entré à Amstelredamme , comme l'escripvez et l'entends aussy d'ailleurs ('), il a samblc icy que, pour l'importance d'icclle ville que cognoissez, et qu'il y a encoircs grande quantité de bons làdedans, il fault se parforcer de la secourir et saulver, si aucunement faire se peult, et que, à celle lin , debvez practicquer toute

bonne intelligence avec les bons illecq , afin qu'ilz facent tant que de vous y appeller : aultrement, il seroit à craindre que en succéderoit comme h Bois-le-Duc.

Au regard de assiéger Viane , l'on ne le trouve aulcunement convenir encoires, ny aussy se attacher, en façon que ce soit, à aulcune aultre place, pour respect de tant de lieux qu'il y a où l'on a à faire , ains se tenir le plus à délivre que possible est, pour, avec tant plus de facilité et promptitude, povoir se opposer aux occurrences ; du moins veoir, avant que attenter aultre chose contre lediet Viane, quel chemin prendra le faict de ladicte ville d'Amstelredamme ; et cependant, ne sera que bien, si avez moyen de vous informer de Testât dudict Viane, quant à vivres et aultres choses, que le faciès ; faisant endommager les gens de guerre y estans autant que bonnement pourrez : trouvant très-bien, h celle fin et pour plus grande seureté de la ville d'Utrecht, la fortification du vaert, en quoy vous recommande toute célérité et accélération.

Touchant de oster les armes aux gheulx de ladicte ville d'Utrecht, il a samblé qu'en debvez user conforme à ce que a faict nions1 d'Egmond en plusieurs villes de Flandres, à sçavoir : de regarder de leur faire faire le serment de estre fidelz et loyaulx à

(') Voy. ci-dessus, p. 459.

Sa Ma jesté, et de la servir, envers et contre tous, où par Sa Majesté leur sera commandé, sans aulcune restrinction ou limitation, et à ceux qui refuseront faire ce serment en telle sorte, lors oster les armes.

Et , afin que nulz armes , ny aussy vivres , puissent cslre conduictz audict Viane, sera bien que aux gouverneurs dudict Utrecht mcctez en avant de incontinent csquipper deux batteaulx sur la Lcck, pour empeschcr l'entrée et sortie, par eau, à Viane, tant de gens que de armes, munitions, vivres et aultres choses : à quelle fin, j'ay faict escripvre en quelques aultres lieux par là ; et convient que donnez aussy ordre, du costé de vostre gouvernement, singulièrement des armes et munitions venans de Wezel et d'aultre part d'en hault, soubz nom de Herman Peper, ou aultres n'en ayans pasport de moy : ce que vous recommande , et , en oultre, de en vostredict gouvernement faire avoir diligemment et vigilantement l'oeyl au guet, pour ce que m'est venu quelque advis que les gheulx desseignent y susciter quelque bruillis (') pendant vostre absence, et aussy au pays de Liège. Et, si peussiés pratiquer qu'en bas de Liesvelt ('), il yeust aussy quelque batteau à l'effect susdict, ce seroit fort bon ; en oultre, que vous regardissiés de, pour ung commencement, tousjours faire ordonner aux officiers du pays d'Utrecht de tenir bien soigneulx regard et bien diligemment s'employer pour empescher l'entrée de gens, armes et vivres audict Viane, et communicquer avec ceulx du conseil de Sa Majesté, audict Utrecht, quelle ultérieure provision se pourroit faire, à la mesme fin, ès aultres provinces voisines de là.

En tant que touche le conte Frédérick Vanden Bcrghe, vous le merchierez de sa bonne affection (3), l'entretenant en icellc, sans toutesfois vous mectre en chose d'obligation, et luy dire qu'en advertiray Sadicte Majesté , sans ordonnance de laquelle je ne sçauroy entrer en nouvelle retenue.

(') Bruillû, brouille, trouble.

(') Liesvelt, probablement Lievelde, à cinq kilomètres de Groenlo. (3) Il avait fait dire au comte de Meghem qu'il avait 1,000 chevaux à la main, pour servir le Roi, si l'on en avait besoin.

Et, nu regard du seigneur de Brederode, vous entendez, mon cousin, qu'il fnult exécuter telles choses, et non les consulter (l).

Au demeurant, concernant le secrétaire de La Torrc (»), m'ayant demandé congé pour son retour cestc part, je trouve bien qu'il séjourne encoires quelque peu auprès de vous : ce que luy ferez déclairer, en responce à ce qu'il m'en a escript. A tant, mon cousin, je prie le Créateur vous avoir en sa sainte garde. De Bruxelles, le iiij* jour de mars 1566.

Au comte de Meghem, sur des piétons levés à Anvers et embarqués à Austruweel, en trois bateaux, quiontété repoussés en Zélande, où ils voulaient prendre terre, ainsi que sur une nouvelle levée qui se fait à Austruweel.

Bruxelles, 6 «uns 1K66 (IS67, n. st.).

Mon cousin, je vous advise que trois batteaulx chargés des piétons qui s'estiont levez en Anvers et par là, et s'estiont embarcquez à Oisterweel, une lieue de là, arrivaient, le second de ce mois, en Zélande, tentans d'y prendre terre, à intention que l'on peult bien estimer, mais qu'ilz y furent vivement repoussez à belles cannonades , tant à Armuyden que Vlissingc : de sorte qu'ilz se sont retirez, sans que jesçache au vray vers où, disans

(') Meghem écrivait à la gouvernante le 2 mars : « Comme monsieur de » Brederode est encoires pour le présent à Amsterdam, nonobstant qu'on » die qu'il n'oseroit retourner en Viane, si, d'adventurc, il retournoit, je » supplie que V. A. me mande si son opinion seroit de le trousser en che- " min, si je le povois faire. »

(3) Voy. ci-dessus, p. 439, note i . 4

les ungz vers Hollande, les aultrcs vers ledict Oisterweel, où j'ay advertence qu'il se faict nouvelle levée de vj° hommes fort bien en ordre, pour repasser audict Zélande, ou bien vers Hollande. Dont m'a samblé bien vous advertir, afin que, le sçachant, si pouviés par quelque bon moyen leur donner une trousse et bonne main, le faciès, en préadvisant les villes d'Hollande d'estre sur leur garde, et de les endommager, s'ilz peuvent; comme aussy j'ay ordonné aux provost des marischaulx et drossart de Brabant de les suyvre au raesme effect. A tant, etc. De Bruxelles, lesixiesme jour de mars 1 566.

Vostre bonne cousine.

Au seiyneur de Noircarmes, sur la perplexité où elle se trouve relativement au siège de Valençiennes, et les sentiments quelle porte au comte d'Egmont.

BlUXfcLLES, 8 MAttS 1566 (1567, 11. st.).

Monsieur de Noircarmes, pour respondre à vostre lettre du vj° de ce mois de vostre main, asseurez-vous qu'il n'y a rien que tant je désirasse que nous vcoir à chef avec ceulx de Vallenchiennes , par ung bout ou aultre, sçachant très-bien combien cela importe ('). Mais la craincte que l'on a que les inconvéniens que escripvez , différant l'cmprinse, seront prestz à se monstrer tout au mesme instant que serez attaché, avec l'artillerie, audict Vallenchiennes , faict plusieurs estre d'aultre opinion, et que, attendant la responce de Sa Majesté, l'on doibt faire faire offices, par les duc d'Arschot

(') Nohcliriiies insistait, dans cet te le* tic, pour que Valençiennes fût assiégée sans plus de délai.

et conte d'Eguiond , pour persuader ceulx de Vallenchiennes pour se ranger, comme vous verrez plus amplement par aultre mienne de ce jour : à quoy, toutesfois, je n'ay voullu merésouldrc, sans vostre advis, lequel vous prie me rescripvre , et cependant ne perdre temps en tous voz préparatifz, sans toutesfois approcher l'artillerie sans aultre ordonnance mienne. Et , combien qu'il y a peu d'apparence que ces seigneurs doibvent faire grand effect , toutesfois ce sera estoupper (') la bouche à plusieurs qui incessamment calumnient et moy, et vous ; et pourra estre que et ces seigneurs, et aultres, seront plus animez à poulsser à la roue, où jusques oires je ne suys secondée en cest endroict.

Quant au secours d'Artois, je suys pour encoires ce jour appeller vers moy monsieur d'Egmond , pour en discourrir avecques luy , et veoir quelles gens l'on en pourroit tirer, et quelles crues (') il fauldroit en leur lieu ; et pouvez vous asscurer que ne suys pour vous manequer de tout ce dont pourray vous assister.

Au demeurant , vous sçavez l'affection et respect que j'ay tousjours porté au personnaige mentionne en la fin de vostredicte lettre (3), que luy porteray tant qu'il vouldra luy-mesme : qui me faict aussy me confier de luy comme je sçay que je puis de per-

(') Esloupper, fermer.

(2) Quelles crues, c'est-à-dire quelles nouvelles levées.

(3) Noircarmos lui écrivait : « Au demorant, je suplie Vostre Altèzc voloir » avoir souvenance de se confier et servir de monsieur d'Egmont, car je tiens » en mon âme qu'elle le peut fort bien faire, et qu'il est bien résolut comme » il convient. «

Il paraît que, le 9 mars, il assura encore la gouvernante des bonnes dispositions du comte d'Egmont, et qu'il envoya même à Marguerite une lettre qu'il avait reçue de lui à ce sujet. Marguerite lui répond le il mars : «Quant » au personnaige dont vostre dernière faict mention, je le voy (vais) entrete- • nant le plus que puis ; et, le trouvant de bonne volunté, comme je fay, je ira y » continuant en cest office; vous merciaut de la communication de la lettre » que m'avez envoyé, laquelle retourne avec ceste, sans avoir été veue que de » Bcrty. »

Il faut rapprocher de ces déclarations bienveillantes pour le comte d'Egmont ce que la gouvernante écrivait dans ses lettres confidentielles au Roi. (Voy. la Correspondance de Philippe II sur les affaires des Pays-Bas, etc , 1. 1, passim.)

sonnaigc que je le cognois. A tant, etc. De Bruxelles, le viij- jour de mars 1566,

Au comte de Meghem, sur le siège à mettre devant Vianen; l'impossibilité de lui envoyer des secours ; les égards à avoir pour la dame de Brederode; l'enlèvement des armes aux sectaires d'Utrecht; les précautions à prendre par ceux qui sont chargés de quelque expédition; la retraite, dans le fort d'Austruweelf des sectaires qui étaient autour d'Anvers ; les bonnes dispositions de ceux de Zélande ; les levées et assemblées qui se font près de Ruremonde.

Bruxelles, t3 mars 1366 (1867, n. s».).

Mon cousin, pour respondre à voz lettres des vij* et ix* de ce présent mois , vous avez , par tant de miennes précédentes , entendu mon intention et les raisons pour lesquelles il ne convient assiéger Viane, et Ton ne trouve encoires convenable de changer ce conseil, que je ne m'extenderay ici à vous en faire aultre propos, sauhfque de vous exhorter de vous reigler selon ce que vous en ay escript, estant néantmoings requis que vous vous tenez encores là (') , tant pour préserver ce pays d'Utrecht, couvrir celluy d'Hollande, et mesmement pour secourir les bons de la ville d'Amstclredamme, sïlz venoyent à vous en requérir, que aussy de subvenir au besoing qui se pourroit présenter en vostre gouvernement.

Quant au secours que demandez, vous sçavez toutes noz forces estas devant Vallcnchicnncs, et si ne ignorez-vous que je n'en ay aultre*; raesraes n'en ay-je icy celles que j'auroyc bien besoing,

(») A Ulrcchl.

selon les advertences, que me viennent de jour à aultre, que c'est contre moy qu'ilz desscignent leurs exploictz et exécutions. Par où, mon cousin, il fault que, avec les gens que avez, regardez de faire tout le myculx, jusques à ce qu'estans ceulx de Vallenchicnnes réduictz (à quelle fin, mes bons cousins les ducq d'Arschot et conte d'Egmond ont bien voulu prendre la peine d'aller jusques là, pour veoir s'ilz les pourront à ce induire et persuader, ou qu'estant la ville forcée, ou bien que deux régimens d'Allemans, faisans desjà leur coursse, arrivez), l'on puist regarder de répartir les forces selon les occurrences et effeetz que lors s'advisera estre bien d'entreprendre. Et, en tous événemens, si la dame de Brederode vous requiert de saulf-conduit pour sa franche retraicte(x), vous le luy accorderez, et userez vers elle de toute courtoisie convenable, tant pour sa seureté que aultrement.

Quant à ce qu'avez ordonné pour empescher l'entrée de vivres en Viane, je le trouve bien, et ay commandé qu'en ceste conformité, se dresse placcart pour faire la mesme défenec en Hollande.

Touchant d'oster les armes aux sectaires qui feront le serment ('), Ton ne l'a trouvé icy raisonnable, mais que, pour tant plus s'asseurer d'eulx, debvez donner ordre que l'on ait tousjours l'oeyl sur eulx, pour, où, nonobstant ledict serment, ilz feissent chose que ne convînt, ad viser lors comment l'on aura à user plus avant en leur endroict.

Il fault, quand envoyerez gens dehors à faire quelque exploict, que les admonestez d'estre plus advisez que n'a esté Anderlecht(î), passant la Leck, comme escripvez, car l'on pourroit venir à

(') Meghem écrivait, le 9, que madame de Brederode lui avait envoyé un trompette, pour lui demander un sauf-conduit , au cas qu'il voulût assiéger Vianen.

(*) Voy. ci-dessus, p. 4i)6, à la note.

(s) Mathieu d'Anderlecht, gentilhomme du comte de Meghem. Voy. la Correspondance de Philippe// sur les affaires des Pays-Bas, etc., t. l, passim.

Le 8 mars, Meghem avait envoyé Anderlecht, avec 600 hommes, au village de Meerkerk, pour couper les vivres à ceux de Vianen. Ils avaient à peine passé l'eau, pour s'avancer vers ce village, que les gens qui étaient dans Vianen vinrent piller leurs bateaux.

rccepvoir quelque domraaige qui pourroit importer dangereuse conséquence.

Je vous mercie de vostre bon advis porté par vostredicte lettre du ix% pour empeseher les assamblées autour d'Anvers ('), vous advisant que, voyant la trouppe y estant, de xv° à xvj° hommes, s'esloigner ung peu dudict Anvers vers la Campigne, je fois hier approcher la compaignie du conte d'Aremberghe, dois Turnhout où elle cstoit , vers Santhoven , et partit le Sr de Beauvoir d'icy, avec quelques harquebousiers, en diligence vers Lière, vers où je faisoye aussy enchcminer la bande de monsr de Berlaymont, pour, avecques cncoires quelques soldatz qui se debvoyent joindre avec les suedicts , regarder si occasion se présenterait de donner une stretta (a) à ladicte trouppe : mais ilz ont bien esté si fins , que , ayans esté advertiz de ceste assamblée , de se retirer en leur premier fort à Ousterwcel, où, estans joindans la rivière, ilz ont leurs batteaulx prestz pour la passer, s'ilz fussent pressez : si que il y a peu d'apparence d'aulcun effect contre eulx ; et, selon que j'entcns, ilz sont hier esté renforcez de grand nombre venuz de Flandres, et que le bruict estoit qu'ilz debviont partir de là , et , comme se disoit, vers Hasselt : mais il estoit plus à croire vers Yiane , ou aultre part. A quoy sera bien que ayez bon et soigneulx regard , pour les en garder et empeseher, si pourrez.

Je n'ay point entendu qu'en Zélande se face gens : bien sont ceulx de l'isle tous en armes , bien délibérez de n'y laisser entrer ces rebelles ; ayans ceulx de Flissinges , à la prudente négociation du Sr de Cattem frère du Sr de Wacken (4), quej'ay commis chef de ladicte ville , esté content de y recepvoir la vieille compaignie d'infanterie du Sr de Beauvoir, laquelle y a esté receue avec démonstration, par les bourgeois, de toute bonne volunté; et si ont, en

(') II proposait que la gouvernante fit loger quelque compagnie d'infanterie autour d'Anvers, pour rompre la téte aux gueux qui voudraient s'assembler dans les environs-

(a) Slretia, mot italien : dar la stretta, réduire aux extrémités, accabler.

(3) Antoine de Bourgogne, dit Chappelle, S' de Cattem.

(») Adolphe de Bourgogne, chevalier, seigneur de Wacken, grand bailli de Gand.

oultre , les estatz dudict Zélande , ne fondans grande asseurance sur la garde et défence des advenues par leurs païssans seulz , requis que on leur envoyast en diligence encoircs deux aultres compaignies , si que, voyant ceste bonne volunté desdicts de Zélande, et ayant ladicte compaignic en Vlissinghes, je veulx espérer qu'il n'y aura danger du costé dudict Zélande, signamment si j'auray commodité d'y faire Entrer lesdictes deux compaignies qu'ilz demandent : ce que vous asscure n'est peu, mesmes ayant commis à la superintendence de toute l'isle ledict Sp de Wacken, et enchargé sondict frère, estant audict Flissinghes, de l'assister.

Au demeurant , encoircs que j'aye précédentement vous ramentu (') d'avoir l'oeyl au guet endroict vostre gouvernement , si ne puis-je délaisser de vous réitérer présentement le mesme, pour les advertences qui me sont venues que, autour de Ruremonde, se feroient quelques levées et assamblées, à intention d'aller lever le siège que mons* de Liège a mis devant Hasselt(9), comme verrez par l'escript joinct à ceste. Aultres estiment que ce pourroit bien estre pour entrer aussy en çà en Brabant. Je ne sçay où est vostre bande , laquelle me samble que ne seroit mal à propos envers ledict Ruremonde , pour empescher lesdictes assamblées , et les rompre, si l'on povoit : à quoy vous prie donner ordre avec toute diligence possible. Ledict seigneur évesque vo ni droit aussy bien estre secourru : mais , pour les raisons que vous ay reprinses cy-dessus , mal le puis-je faire , luy ayant offert néantmoings la bande du conte de Horncs estant à Thiclmont ( - } . A tant , etc. De Bruxelles, le xiij0 de mars 1566, stil de court.

Vostre bonne cousine (4).

(') Ramenlitf rappelé, remémoré.

(') Voy. nos Anulectes belgiques, p. 286.

(3) Thiclmont, Tirlemont.

(♦) Ces vingt-une lettres existent toutes , en minute, aux Archives du Royaume, dans la collection des papiers d'État.

Page 1