CCXXXIII

LE DUC DE SAVOIE AU PRINCE D'ORANGE (•)

Il le prie de s'employer auprès du colonel Van Holl, afin que cehii-ei se contente des conditions qu'on lui a accordées.

Bruxelles, 31 mars 15S6 (1SS7, n. st.).

Mon cousin, pour respondre aux lettres que derechief m'avez escript, par ce porteur, du jour d'hier, concernant le coronel George Van Holl, et ce que finablement il vous avoit déclairé, que, aiant jusques à présent entretenu ses capitaines et bon nombre de piétons, en espoir de leur faire tenir argent et asseurance de service, et trouvant, par ma responce, qu'il n'y a certitude pour quant il pourra faire ladicte levée, il crainct qu'il ne les pourra plus entretenir, ny contenter de parolles, et que, pour ce, sera constrainct les licencier, vous povez, mon cousin, vous-mesmes congnoistre et considérer que de nommer audict coronel temps préfix pour ladicte levée, c'est une chose dont ne me vouidrois ou pourrois aucunement entremecire, deppendant totallement de Sa Majesté, et de la résolution qu'elle prendra sur ceste emprinse, selon le besoing et temps que l'on debvra employer les gens de guerre. Par où me semble que ledict coronel ne doibt estre grevé, d'actcndre le temps que Sa Majesté préfigera, puisque l'on l'asseure que l'on l'emploiera ; et j'ay bien ceste opinion

(') On lit à la marge : « Ceste minute a esté leute au conseil d'Estat, que » lors se tenoit au logis de mons'' d'Arras , présens : Son Alteze, les S" duc « d'Arschot, comte d'Egmont, de Boussu, de Berlaymont, d'Arras, président, n conseillers Tisnacq et Bruxelles, le dernier de mars 15S6 avant Pasques. » I. a3

de luy, que, comme il a tousjours esté adonné au fait de la guerre, mesmes du coustel de par deçà, il ne vouldroit faillir se trouver en une expédition où Sa Majesté entend employer sa personne. Par quoy vous prie le vouloir encoires persuader, par tous moyens que verrez convenir, affîn qu'il se y veuUe accommoder, et actendre la résolution de Sa Majesté, quant au temps ouqucl se dcbvra faire ladicte levée, avec l'asseurance qu'il sera employé, comme dit est.

Quant est qu'il désire que sa bestellimg des commungs gens de guerre conticngne exception des électeur de Saxen et de ses seigneurs féodal et provincial, ce n'est chose dont l'on a accoustumé user en l'endroit desdictes bestellungen pour régimens, lesquelles, après le serment fait par les gens de guerre, ne demeurent es mains des coronelz , ains des veltwaybels (■), pour la seureté de tout le régiment; n'estant convenable que les aultres soldarlz sçaichent lesdictes exceptions , estans eulx obligés de servir contre tous, comme aussi, la dernière fois que ledict VanHoU a servy par deçà, il n'a eu aultre bestellung.

Et, quant à sa personne, il y est pourveu par les lettres de pension et service de six ans, où ladicte exception est expressément insérée, comme il aura peu veoir, par la copie qui luy a esté envoyée.

Et encoires, quant il ne vouldroit accepter, ou du moins différer d'accepter ladicte pension et dienstgelt, tousjours l'on l'asseurera de ladicte exception , par ung acte à part, dont semblablement il se peult bien contenter; ayant aussi fait icy joindre ung double de ladicte retenue de régiment, que l'on a envoyé en Angleterre, pour estre signé de Sa Majesté. Et, oultre ce, escripz aussi audict Van HoU , en conformité de ce que dessus. A quoi veullez aussi, de vostrcpart, correspondre, avec le meilleur office que porrez et verrez convenir au service

(') Veldvaybelsj sergeants-majors.

(le Sa Majcsfé. A tant, etc. De Bruxelles, le dernier de mars 1556 avant Pasques.

Minute, aux Archives du Royaume : Lettres de et n Guillaume de Nassau, l. M.

LE PRINCE D'ORANGE AU DUC DE SAVOIE

Ses efforts ont été infructueux auprès du colonel Van IIoll , qui est parti, mais en consentant toutefois à attendre pendant liuit jours une décision ultérieure. — Nouvelles instances du duc Eric de Brunswick. — Le prince renouvelle l'annonce de son prochain départ pour Cologne.

BrEDA , l" AVRIL lbb7.

Monseigneur, ayant, ce malin, receu la responce de Vostre Alleze sur mes dernières, cl entendu par icelle que Vostre Alteze ne vouldroit ne pourroit dénommer temps préfix au coronel George Van Holl , pour la levée de ses gens , pour aultantque c'est chose que totalement dépende de la résolution de Sa Majesté, je me suis derecliief mis en propos avec Icdicl coronel , employant tout l'effort que m'a esté possible, pour l'induyre à l'intention de Vostre Alleze. Mais, comme il a, desjà bonne espace de temps , entretenu ses capitaines et piétons de parolles, les asseurant de, à son retour, leur sçavoir à dire lung ou l'aultre, il m'a dit n'estre en son povoir de les contenter plus longuement, en ceste manière, veu les grandes occasions que les gens de guerre ont mainlenanl en ce quartier par delà ; me priant faire ses très-humbles excuses envers

Vostre AUeze qu'il ne se meete en service, pour ceste année, comme je treuve certes qu'il vouldroit bien faire, s'il en eust le moyen. Et, pour le démonslrer tant plus clèrement, sur la grande instance que luy en faisoye, il m'a promis, pour finale conclusion de noz propos, qu'il feroit encoires debvoir extrême d'entretenir sesdicts capitaines et piétons jusques au viij^ jour de ce mois, à condition que, s'il ne reçoit cependant argent, ou asseurance pour quant il pourra faire sadicte levée, qu'il ne veult estre aulcunement obligé, avec très-humbles excuses, comme dessus. Et s'est party, sur ce, d'icy, pour attendre le plaisir de Vostre Altèze en sa maison, guières loing de Linghen, où elle le luy peult mander par courier exprès.

Quant à l'exception de l'électeur de Saxen et seigneurs féodaulx et provinciaulx , qu'il désiroit estre insérée en sa bestellinghe, il est bien content qu'il en soit asseuré. pour sa personne, par ung acte particulier, nonobstant que aultrement l'on en ait usé avec luy par cy-devant , comme il dit pooir monstrer par les articles qu'il en a, signés et sellés de la Royne.

Oultre ce, monseigneur, j'ay receu hier advertissement d'ung bon lieu comme le coronel Wriesberch fait grandes courses de piétons , de sorte qu'il en aura bientost bon nombre, avec lesquelz se doibvent joindre aussy gens de cheval et de qualité : le tout, comme il fait à craindre, au grand désavanlaige de Sa Majesté, et que, si bientost l'on n'y mecte le remède requis, pour empescher ledict Wriesberch, que le moyen en sera après bien difficile, ne aussy en George VanHoll, nyHilmerVanMonchuysen, de pooir si bien dresser leurs régimens , quant l'on les vouldroit avoir. Le semblable m'a bien dit aussy ledict Van lîoll, que, si ledict Monchuysen n'a , de brief , argent , ou aultre asseurance , qu'il perdra la pîuspart de ses gens, et sera bien empesché d'amasser, après, des aultres. Il plaira à Vostre Alteze y adviser, et ordonner sur le tout son bon plaisir.

Ledicl coronel George Van Holl a receu lettres, depuis mes dernières, du duc Erieh de Brunswych, par lesquelles il prie aultrefois que Vostre Alteze se veuUe résouldre sur sa requeste, touchant l'augmentation du nombre de ses gens.

A tant, monseigneur, me recommandant bien humblement à la bonne grâce de Vostre Alteze, supplie Dieu luy donner, en bonne prospérité, longue vie. De Breda , ce premier d'avril 1557.

De Vostre Alteze très-humble serviteur,

GuiîXE DE Nassau.

Post data. Touchant mon voyaige vers Couloingne, je suis d'intention me partir après-demain, si cependant je ne reçois aultres nouvelles de Vostre Alteze, ou de mons' l'archevesque dudict lieu.

Snscription : A monseigneur mons' le duc de Savoie.

Original, aux Archives du Royaume . Lettres de et à Guiltaumc de Nassau, 1. H.

LE DUC DE SAVOIE AU PRINCE D'ORANGE

Il ne peut accorder plus au colonel Van Holl, que ce qu'il a fait par les lettres précédentes ; mais il autorise le prince à l'assurer qu'il sera employé, et qu'il pourra faire sa levée au plus tard à la Saint-Jean prochaine.

Bruxelles, 2 avhil 1556 avant Pâques (1S57, n. st.).

Mon cousin, j'ay receu vos lettres du jour d'iiier, et entendu ce que, suyvant mes dernières, aviez, pour la dernière fois,

tenu propoz avec le coronnel George Van Holl, et employé tout vostre possible, pour l'induyre à l'intention de Sa Majesté, mais que enfin il vous avoit prié faire ses excuses qu'il ne se meist au service de Sa Majesté ceste année, s'estant sur ce parly, bien qu'il feroit encoircs debvoir extrême d'entretenir ses capitaines et piétons jusques au viij" de ce mois. Et comme, par mes précédentes . aurez veu qu'il ne est possible bailler audict Van Holl terme préfix pour faire ladicte levée, et que c'est une chose dépendante nuement de Sa Majesté, et de la résolution que, selon lestât des affaires, icelle prendra, quant à l'emprinse qu'elle vouldra faire, veu que, tant pour la stérilité, que pour aultres respectz, Sadicte Majesté porroit différer de dresser plus tost son armée, vous povcz assez considérer que je ne me scauroye bonnement eslargir plus avant en l'endroit dudict Van Holl. Ce néantmoings, pour ne délaisser de faire, en son endroit, tout ce qu'est faisable, vous lui porrez escripre qu'il se peult tenir pour asseuré qu'il sera employé, et qu'il porra faire sa levée, au plus tard dans le Sainct-Jehan prouchain, bien que peult-estre ce seroit plus tost, mais que de ce temps-là se peult asseurer; et procurerai-je que, à tel jour, ou aultre, s'il se prent plus tost, l'argent et aultres provisions seront prestz à Linghen. Vous priant que de ce veullez au plus tost advertir ledict Van Holl, comme aussi je faiz par mes lettres, cy-joinctes, avec la copie d'icclles, que porrez envoyer quant et vostres, et qu'on puist avoir de luy responce absolute, et arrester s'il vouldra accepter le service de Sa Majesté; et quant et quant (') ne seroit que bien qu'il se résolvist s'il ne vouldra accepter la pension qu'on luy a offerte. M'advertissant de la responce qu'en aurez, par le premier. De Bruxelles, le second d'apvril 1556 avant Pasques.

Minute, aux Archives du Royaume : Lettres de

et à Guillaume de Nassau, t II.

QhuiiI cl qnuiUf en mcinc (cmps.

LE PRINCE D'ORANGE AU DUC DE SAVOIE

11 craint que le colonel Van Holl n'accepte pas l'ultimatum du duc. — Il annonce au duc qu'il est tombé malade en voyage.

WeERDT, 6 AVRIL 1557.

Monseigneur, avant-liier ay reeeu la lettre de Vostre Altèze, à Eindhoven. joinct celle au coronnel George Van Holl, laquelle je luy addressis incontinent, ensemble une mienne, et ne fais double qu'il remandera à Vostre Alteze son intention finale de ce que luy sera de faire. Je crains bien qu'il persistera encoires au refus, pour ne luy estre bonnement possible d'entretenir ses gens, sans argent, mesmes pour si longtemps comme jusques à la Sainct-Jehan , et en ce quartier-là, où se font, pour le présent, tant de diverses assemblées; me rapportant touttesfois à ce qu'il en rescrira par sa responce.

Touchant la dienstbestallinghe pour six ans, je me suis bien tant apperceu de luy, qu'il ne la vouldra accepter, sans avoir premièrement le congé du duc électeur de Saxen, et estre asseuré des aultres conditions que j'ay escript à Vostre Alteze par mes précédantes.

Quant à mon voyaige vers mons"^ l'archevesque de Coloingne, je me suis enclieminé samedy ciernier ; mais, estant venu auprès dudict Eindhoven, suis retumbé en fièvre : de sorte qu'il m'a fallu arrester en ce lieu, où jattenderay encoires ung jour ou deux, pour veoir ce qu'il en sera; ayant aussy rcceu nouvelles dudict S"^ archevesquc qu'il ne sera de retour en sa maison, devant deux ou trois jours.

A tant, monseigneur, me recommanderai bien humblement à la bonne grâce de Vostre Alteze, suppliant Dieu luy donner, en bonne prospérité, longue vie. De Wierdt, ce vj*' d'avril

De Votre Alteze très-humble serviteur,

GuiLLE DE Nassau.

Siiscription : A monseigneur nions' le duc de Savoie.

Original , aux Archives du Boyaume : LeUres dt et à Guillaume de Nassau, t II.

ccxxxvu.

LE PRINCE D'ORANGE AU DUC DE SAVOIE

Le loi des Romains rayant convoqué à Egra pour le i" mai, il demande les intentions du duc à cet égard, ainsi que sur son voyage à Cologne.

WeERDT, 9 AVRIL 1S57.

IMonseigneur, j'ay, cest après-midy, receu lettres du roy des Kommains, par lesquelles Sa Majesté me ordonne ne faire faulte de me trouver, pour le premier du moy de may, à Egher ('), où Sa Majesté espère que les princes électeurs de l'Empire s'assembleront, pour ledictjour(^) : chose certes que

(') Eghcr, Egra en Bohême.

(^) Après avoir tenu la diète à RatisLonnc, Ferdinand était parti pour la Riiliémc. Dès le M février 1557, il écrivait à Philippe II qu'il convocpieraif les

me vient bien mal à poincl, tant à cause de mon indisposition où je me retreuve encoires, comme pour non avoir ma compaignie ensemble, ne le moyen aussy de l'assembler si tost que de pooir comparoir es lieu et jour préfix. J'envoye mon maistre d'hostel, porteur de ceste, vers Vostre Alleze, pour luyen tenir plus ample propos, affin d'estrc adverty tant plus tost du bon plaisir de Vostre Alteze comment m'y rigler, et mesmes aussi quant à mon au lire voyaige vers mons"^ Tarchevesque de Couloigne, lequel n'ay encoires peu achever pour madicte maladie; suppliant bien humblement à Vostre Alteze de adjouster foy à mondict maistre d'hostel, en ce que, de ma part, il luy déclairera touchant lesdicts voyaiges, et me commander sur le tout ce que à Vostre Alteze plaira.

A tant, monseigneur, me recommandant bien humblement à la bonne grâce de Vostre Alleze, supplie Dieu luy donner, avec la sienne et longue vie, bonne prospérité. De Wierdt, le ix" d'avril 1557.

De Vostre Alteze très-humble serviteur,

GuiÎAE DE Nassau.

Suscription : A monseigneur mous" le duc de Savoie.

Original, aux Archives du Royaume : Lettres île et à Guillaume de Nassau, t H.

électeurs à Egra pour le l'^r mai, et qu'il désirait que le prince d'Orange assistât à celte assemblée. Voy. la Colcccion de docvmcnlos inédilos, etc., t. 11 , p. ilQ.

CCXXXVIIÏ.

LE DUC DE SAVOIE AU PRINCE D'ORANGE

Il altend les ordres du Roi sur la convocation que le prince a reçue du roi des

Romains.

RnuxELLEs, 12 AVRIL 1S56 AVANT Paques (1o57, n. st.).

Mon cousin, j'ay receu les lettres du ix^ de ce mois, que par vostre maistre d'hostel m'avez escript; et, paravant avoir receu icelles, javois desjà escript au Roy, mon seigneur, sur l'affaire y mentionné. Sur quoy suis actendant responce , de laquelle serez aussi adverty, n'aiant cependant plus longuement voulu détenir vostredict maistre d'hostel. Et sera bien que cependant vous teniez le plus prest que pourez, A tant, etc. De Bruxelles, le xij" d'avril 1550 avant Pasques.

Minute, aux Archives du Royaume : Lettres i/c et à Guillaume de IVassau, t. III.

PHILIPPE II AU PRINCE D'ORANGE ('

Il l'invite à assister à l'assemblée d'Egra , et à s'y conduire selon les instniclions que lui donnera le duc de Savoie.

Londres, 12 avril 13^6 avant Pâques (1S57, n. st.).

Mon cousin , aiant entendu la convocation que le roy des Romains a faict des électeurs et princes de l'Empire, contre le premier jour de may prochain, à Egger, et la presse qu'il donne , afin que vous vous y trouvez aussy , comme j'estime vous aurez esté semblahlement adverty, j'ay escript à mon cousin, le duc de Savoye, mon intention touchant vostre allée, pour la vous faire entendre ('). Par quoy je vous requiers de vous trouver, incontinent aprez la réception de ceste, vers luy,

(') Cette lettre étant en original dans nos i)apicrs d'Etat, il y a lieu de croire qu'elle ne fut pas adressée au prince; et cela, par suite de l'avis qu'on reçut de l'intention où étaient les électeurs du Rhin de ne se rendre pas à l'assemblée d'Egra. ( Voy. la lettre suivante.)

(^) Philippe If mandait au roi des Romains, de Londres, le 15 avril 1-557, qu'il avait donné ordre au prince d'Orange d'être à Egra pour le 1" mai ; que cependant, à cause de la rupture de la trêve par les Français, des mouvements qu'il y avait en Italie, et du peu de tranquillité de rAllemagne, il avait cru devoir écrire à son père, afin de l'engager à différer la résignation qu'il voulait faire de la dignité impériale. Il s'en remettait, du reste, à ce que le roi des Romains jugerait convenable à cet égard. Voy. la Cokccion de documenton inéditos, etc., t. II, p.'i72.

Philippe II avait envoyé Ruy Goniez de Silva, comte de Melito, en Espagne, et ce seigneur avait, entre autres, pour mission, de solliciter de l'Empereur qu'il consentît au délai dont il vient d'être parié. Popicrx d'Étal de Granvelte, t. V ^passim.

et vous conduire . à lendroit de ladicte allée, selon qu'il vous dira de ma part : que je confie ferez , puisqu'il importe tant à la direction de mes affaires , et me sera service très-agréable. A tant, mon cousin, nostre seigneur Dieu vous ait en sa garde. De Londres, lexij'' d'apvril 1556 avant Pasques.

PÏÏLE.

CoURTEWlLLi:.

Suscription : A mon cousin le prince d'Orange, conte de Nassou et de Buren, chevalier de mon ordre.

Original, aux Archives du Iloyaunic • Lettres Je et II Guillaume de iVassau, t II.

LE PRINCE D'ORANGE AU DUC DE SAVOIE

Son indisposition continuant, il n'a pu poursuivre son voyage vers Cologne — Il est informé que les princes électeurs du Rhin sont peu disposés à assister à l'assemblée d'Egra. — Il demande quant à lui une règle de conduite à cet égard.

Weerdt . 19 AVRU. 1537.

Monseigneur, par ceste, plaira à Vostre Altezc entendre que, pour la continuation de ma maladie, je n'ay encoircs peu avoir le moyen de me mectre en chemin vers mons*^ rarchevesque

de Couloingne, comme piéça jay désiré de faire, si me fusse porté mieulx. J'entendz qu'il se partira ;, déans trois ou quatre jours, de sa maison, pour aller lever sur fons l'enfant de mons"^ d'Arembcrghe , et que, incontinent après son retour (qui sera environ le 28 de ce mois) , il tirera vers le pays de Saxen. Si cependant Dieu me donne meilleure convalescence, je ne fauldray de satisfaire à ma charge, au mieulx que me sera possible. Mais, pour ce que c'est chose incertaine et consistante en la voulonté de Dieu, j'en ay voulu advenir Vostre Alteze , affin que, advenant le cas de faulte, qui jà ne procédera de mon affection, il luy plaise m'en tenir pour excusé.

Au surplus , monseigneur , j'ay receu, depuis trois jours en çà, certain advertissement et seur , d'ung bon lieu , comme les princes électeurs sur lé Rhyn ne font aulcunes apprestes, pour se trouver à la journée de Egher, suyvant le mandement du roi des Rommains , ains s'en tiennent encoires excusés envers Sa Majesté, pour bonne espace de temps ('). Par où me semble que je nay occasion de me haster grandement, pour ma part ; joinct aussy mon indisposition , qui ne pourra si tost porter tel voyaige, comme j'avois espéré. Touttesfois, si le plaisir de Sa Majesté, ou de Vostre Alteze, est aultre, je m'appresteray au plus tost que, avec l'aide de Dieu , je seray remis en meilleur estât de santéj suppliant à Vostre Alteze de, par ce porteur , mien genlilhomme , me mander, sur le tout, comme je my auray à conduyre.

A tant, monseigneur, me recommandant bien humblement

(') Les clccleurs du Rliiii, qui avaient d'abord promis au roi des Romains d'assister à la diète d'Egra, lui écrivirent depuis que les affaires d'Allemagne n'étaient pas assez tranquilles, pour qu'ils pussent s'éloigner, sans que leurs églises fussent en danger manifeste, mais que, dans un autre moment, et s'il fixait pour cette assemblée un des lieux accoutumés, ils se rendraient volontiers à sa convocalion. Voy., dans la Colecckm de ilocnmeiilos inédilos, etc., t. II, \^yt7i. la lettre de Ferdinand à Philii)pe II, datée de Prague, le 19 avril irj'i?.

à la bonne grâce de Voslre Alteze, supplie Dieu luy donner, en bonne prospérité, longue vie. DeWierdt, cexix" d'avril 1557.

De Vostre Alteze très-humble serviteur,

GuiLXE DE Nassau.

Suscription : A monseigneur mons*^ le duc de Savoie.

Original, aux Archives du Royaume : Lettres tie et (( Guillaume de Nassau, t (I.

LE DUC DE SAVOIE AU PRINCE D ORANGE

a appris avec chagrin l'indisposition du prince. — II est charmé que l'assemblée que le roi des Romains voulait faire à Egra, soit remise.

Bruxelles, 21 avril 1S57.

Mon cousin, je suis esté bien niarry de, par le gentilhonmie, présent porteur, avoir entendu vostre indisposition, et que, obstant icelle, n'aviez encoircs peu entendre à la charge que vous estoit baillé devers l'électeur de Colongne; confiant néantmoins que, si tost que vous trouverez mieulx, ne fauldrez de y faire le debvoir, comme en vous Sa Majesté et moy en avons la fiance. Je me depporte aussi vous faire mention, en cestes, de ce qu'a escrit le roy des Romains au S"^ d'Arras , touchant lexcuse qu'ont fait les électeurs du Rhin, devenir, pour ceste saison , à Egher, d'autant que , par lettres dudict

S' (lArras, el ce que ledicl S"^ roy vous en a escript («), aurez le tout entendu. Et en suis bien aise , tant pour le respect et service de Sa Majesté, comme aussi pour celluy de vostre personne, et que serez relevé, pour ceste fois, de la paine où, avec ceste indisposition, vous fussiez trouvé, à faire le voiaige ('). A tant, etc. Du xxj*' dapvril 15S7 après Pasques.

Minute, aux Archives du Royaume : Lettres de el (I Guillaume de IS'assau, t. II.

CCXLÏI.

LE DUC DE SAVOIE AU PRINCE D'ORANGE

Bruxelles, 22 avbil to37.

Il lui envoie un de ses gentilshommes, pour le visiter de sa part, et lui déclarer certaines choses dont il l'a chargé.

Minute, aux Archives du Royaume : Lettres de et ('( Guillaume de Nassau, t. IF.

(') Ferdinand donna avis au prince d'Orange de l'excuse aes électeurs du Rhin le même jour où il en eut connaissance. Voy, dans la Coleccion de documentas inéditos, etc., t. II, p. -473, sa lettre à Philippe II, écrite de Prague, le 26 avriinjST.

(^) Granvelle mandait de Bruxelles, le 20 avril, à Philippe II , qui était à Londres : « La lettre que le roi des Romains m'a écrite, et par laquelle il « me dit qu'il n'est pas besoin que le prince d'Orange parte pour le moment, » est venue on ne peut plus à propos. Nous nous trouvions dans un très-grand n embarras, car nous avions fort peu de temps devant nous ; les électeurs » auraient pu trouver mauvais que le prince ne comparût pas au jour dcter- » miné ; et cependant, à cause de son indisposition, et des procès qui l'occu- » pent, il se serait difficilement laissé persuader de voyager par la poste : or un » voyage à petites journées eût été long, très-coûteux et non moins préjudi- » ciable aux affaires de Votre Majesté , ainsi qu'au succès de la négociation. >i Papiers d'Etat du cardinal de Granvelle, t. V, p. 66.