LE PRINCE D'ORANGE AU COMTE DE LALAING

Il répond à la lettre précédente. — Motifs qui ont déterminé sa venue à Bapaume. — Envoi du seigneur de Montigny à Cambray, pour faire renouveler la foi du maréchal de Saint-André, et insinuer à celui-ci de demander une entrevue avec le prince.

Bapaume, ii août 1538.

Monsieur, j'ay receu vostre lettre datée d'Arras, le xiij du présent, par laquelle entens comme Sa Majesté désireroit bien que , en cas que le marichal de Saint-André désireroit de parlé à moy, que je regardies de tirer quelque chose de luymesmes, avant qui parlis à conestable. Je vous escripvis hier que Son Alteze estoit d'oppinion qui je deusse allé à Cambray, sur prétext d'ester malade; mais, despuis , m'ast samblé que cela n'estoit convenable : car, si je meus retiré, à cause de la maladie, il y avoit des aultre villes, comme Paupaulme (■) et Arras, plus près du camp, et aussi meillieur aire : par quoy mon allé eus esté trop soubsoné. Mais je mis en avant à Son Alteze qui me sambleroit meillieur que je fisse semblant me retirer, pour deux ou trois jours, à Paupaulme, et amvoier quelque aultre à Cambray, pour renoveller la foy dudict marichal, ne faisant doubte, quant il entendra que je suis liors du camp, qu'il aura tant plus gran envie de parlé à moy, s'il désire au moins de communiquer avec moy. Sur quoy Son Alteze s'est résolu qui trouvoit bon que je fisse semblant me retirer, pour ma malèdie, deux ou trois jours, à Paupaulme,

(') Ponpan/mr, Bapaume.

et ast ainvoié mons"^ de Montigny (') à Cambray, pour renoveller sa foy, avecque cherge de liiy tenir quelque propos que, comme je me suis retiré du camp à Paupaulme, pour deux ou trois jours, et aussi qu'il savoit bien que, si je m'eusse bien porté, et eusse esté près de Cambray, que n'eusse iailly de avoir demandé mon congé à Son Alteze, pour le veoir. Et, si sur ce il demande de parlé à moy, mons" de Montigny a cherge de luy dire, si veult qu'il en advertisse monseigneur le duc, qu'il ferat très-voluntiers; et, s'il demande, m'a semblé que Son Alteze estoit bien d'oppinion que Sa Majesté le permist de venir issi , plus tost que je me en allis vers luy, pour oster toute soubson. Il me samble que, selon les propos que mons' de Montigny aura tenu avec luy, Sa Majesté, ou Son Alteze, se pourriont tant mieulx résouldre de ce que j'aurey affaire.

Que sera l'endroit, monsieur, me recommandant de bien bon ceur à vostre bonne grâce, etc. De Paulpaulme. ce xiiij' d'aust.

Copie, de la main du prince d'Orange, aux Archives du Uoyaunie : Lettres (lu tt à Guillaume de Nassau, t III