LES COMMUNE MAITRES ET ÉCHEVINS DE MALINES AU PRINCE D'ORANGE
Ils le prient d'ordonner aux capitaines des six compagnies hollandaises, tenant garnison dans leur ville, de remettre le rôle de leurs compagnies au lieutenant-gouverneur. — Ils lui demandent aussi d'écrire à ceux de Gand qu'ils laissent passer les grains destinés pour Malines.
MaLINES, 10 MARS 1S79.
Monseigneur, comme nostre bourgeoisie est fort travaillée par le desboursement que, toutes les sepmaines, convient faire pour le service des soldatz, et que, par expérience, trouvons que se veullent plus de services qu'il n'y a des soldatz ; désyrantz ad ce remédier, et tant faire que, le soldat ayant le sien, le bourgeois ne paye plus qu'il doibt : à cesle occasion, sommes esté meuz d'escripre la présente à Vostre Excellence pour la supplier qu'il plaise à icelle Vostre Excellence d'escripre aux capitaines des six compaignies hoUandoises tenantz chez nous garnison, leur ordonnant bien et acertes que, incontinent et sans dilay, ilz ayent à délibvrer le relie, ou double d'icelui, qu'ilz ont de leurs compaignies respectivement, es mains de monss"^ de Moffweghen, nostre escoutette et lieutenant-gouverneur en absence de monsieur de Bours : espérantz qu'au moyen dudict roUe, on pourra redresser les abuz qui se commectent èsdits services.
D'aultre part, monseigneur, ces deux bourgeois de Malines, porteurs de cestes, marchans de grains, nous ont requyz vouloir supplier Vostre Excellence que le bon plaisir d'icelle soit vouloir escripre à ceulx de Gand qu'ilz veullent laisser passer
la quantité de ij" rasiers, tant froment que soille (•). par eiilx achaptez, pour estre dispensez en eeste ville de Malines, que lesdicts de Gand leur reffusent, sans sçavoir cause ny raison pourquoy, estantz de nostre part assez esbahy de telle manière de faire. C'est ce que ne vouldrions faire en leur regard. En quoy, monseigneur, prions Vostre Excellence nous vouloir impartir et aiisdits bourgeois vostre faveur. Et, soubz espoir que Vostre Excellence secondera en ce nostre pétition, n'extendrons cestc à aultre ultérieur effect, que de prier nostre bon Dieu avoir et conserver, monseigneur, Vostre Excellence à jamais en sa saincte grâce. De Malines, cex^ de mars 1S79.
De Vostre Excellence humbles et affectionnez en service,
Escoutette, communemaistres, eschevins et conseil de Malines.
Minute, aux archives de la ville de Malines.
DCIXXXVII.
LE PRINCE D'ORANGE AUX QUATRE MEMBRES DE FLANDRE
Anvers, 18 mars IS79.
Il les prie de faire régler et payer le décompte du colonel d'Argentlieu, pour tout le temps qu'il a été avec son régiment à leur service.
Archives de Gand, reg. Résolution Uden, 1578-1579, fol. 275 vo.
(') Soi/le, seigle.
DCLXXXVIÏI.
LE PRINCE D'ORANGE AUX DÉPUTÉS DES QUATRE MEMBRES DE FLANDRE
Anvers, 18 mars 1379.
Il leur écrit itérativement en faveur du trésorier général Mathias Laurin, auquel certaines personnes voulaient faire ôter l'office de trésorier des guerres .
Archives de Gand, reg Resolutien leden, 1578-1579, fol. 275.
DCIXXXIX.
