IV

pour parachèvement et exécution desquelles j'emploieray , selon mes promesses , ce qui dépendra de ma puissance et aucthorité, sans manquer en aulcun poinct à touttes les occasions qui s'en présenteront. Et, en vostre particulier, mon cousin , prenez ceste asseurance que vous ne ferez jammais estât ni fundement d'amitié plus stable , de laquelle les effectz vous soyent plus promptement produictz, que de la mienne. Sur ceste vérité , je supplieray le Créateur qu'il vous donne , mon cousin, en santé, longue et heureuse vie. A AUencon, le X* jour de may 1581.

Vostre bien bon cousin

Françoys.

Smcription : A mon cousin mons' le prince d'Orange.

Copie du temps, aux archives de la ville d'Ypres, cl aux archives de l'Etal à Bruges, reg. du Franc de Bruges n» 9, pièce 67.

DCCIV.

LE PRINCE D'ORANGE AUX QUATRE MEMBRES DE FLANDRE

Il les prie de trouver bon que le conseiller Casembroot, qu'ils ont appelé à siéger au conseil de Flandre, conserve le poste qu'il occupe eu Hollande.

Amsterdam, 16 juin 1S81.

Messieurs, je ne puis vous celer que le sieur Léonard de €asembrot('), conseillier du conseil provincial en Hollande,

(') Voy. ci-dessus, p. 257, à la note, et p. 275, note 1.

m'a faiet entendre que, puis naguerres, vous avez faicte élection de sa personne, pour estre du conseil provincial en Flandres, l'ayant, à cest effect, desjà appelle et par voz lettres sommé qu'il auroit à se transporter par delà : ce que, pour la singulière affection qu'il a de faire service à sa patrie, il estoyt bien prest d'effectuer, m'ayant à ce regard prié que je vouldrois le descharger de Testât par luy, en qualité que dessus, par deçà déservy, et aussy luy donner congié de se rethirer chez vous. A quoy, pour l'entier désir que j'ay de veoir fleurir la Flandre en tout bien, bonheur et prospérité, cognoissant aussy combien, à cest effect, il soit besoing qu'elle puisse estre pourveue des hommes craignans Dieu, vertueux et de bon sçavoir, principalement ceulx qui sont constituez en dignitez et auctorité, j'eusse fort voluntiers condescendu et luy accordé sa demande, n'estoyt, messieurs, que, pour la bonne cognoissance qu'il a des affaires, non-seulement de justice, mais aussy de celles d'Estat de ce pays d'Hollande, aiant, passé plusieurs années, esté employé en divers grands et très-urgens affaires, ausquelles il s'est porté aultant bien et vertueusement que l'on auroyt peu désirer, les estatz de cedict pays et moy nous sçaurions bien mal passer de luy, sans grand intérest du pays, d'aultant plus qu'il y est encoir journellement employé aux affaires les plus importantes. Qui est cause que j'ay bien voulu vous faire la présente, pour vous prier que, veu les raisons susdictes, meismes que présentement les estatz icy et moy envoyons ledict Casembrot en Ooslande pour affaires importans grandement ce pays, vous vueillez, pour mon respect, accommoder d'aultant ceulx de Hollande que ledict Casembrot puisse par deçà continuer en son estât susdict, sans l'appeller plus par delà, ou que cela luy puisse apporter quelque intérest ou préjudice en Flandre, mais que vous vueillez eslire et commectre quelque aultre en sa place, continuant, ce néantmoings, voz bonnes faveurs en son cndroict : vous asseurant

que le plaisir que vous me ferez en ce regard sera tellement imprimé en ma mémoire, que je le recognoistray tousjours fort voluntiers, aveeq toute gratitude, en vostre endroict, comme aussy je tiens pour tout certain que ceulx de Hollande le recepvront à obligacion, pour, en cas pareil, ou plus grand, vous accommoder. Et, n'estant cesle à aultre fin, je prieray Dieu vous avoir, messieurs, en sa saincte garde et protection. D'Amstelredam, le xvj° jour de juing 1581 .

Vostre bien bon amy à vous faire service, GuiHe de Nassau.

Suscription : A messieurs messieurs les quattre membres du pays et conté de Flandres.

Copie du temps, aux arcliivcs de la ville d'Ypres.

DCCLVI.