LE SIEUR DE TRESLONG AU PRINCE D ORANGE
Arrivée et départ pour l'armée d'une troupe de cavalerie française. — Impression produite par la nouvelle de la reddition de Tournai : députation envoyée au prince par le magistral de Dunkerque , pour lui représenter la laiblesse de la garnison et le mauvais élat des fortifications de cette ville.
Dunkerque, 5 décembre 1581.
Monseigneur, la présente servira pour advertir à Vostre Excellence que la cavallerie françoise qu'on altentloit icy , quelques deux ou trois jours passez, conime par aultre mienne ay escript à icelle, est icy arrivée ceste après-disnée, estant forte d'environ six cens clievaulx ; mais, à mon advis, il n'y avoit qu'environ deux cens cincquante en ordre pour faire service. Hz sont passez la rivière environ midy, sans quel'ennemy ait faict grande mine de leur vouloir empescher le passaige, aians seulement tirez après eulx quelques coups d'artillerie, sans aulcunement les avoir endommaigez ; et sont, encores à ce soir, passez parmy ceste ville, pour ce qu'il n'y avoit aultre chemin à les pouvoir faire passer, à cause de l'eau ; et demain poursuyvront leur voyage, pour aller trouver les troupes de monsieur le comte de h Rochepot.
Au surplus, monseigneur, comme, ce mesme soir, avons icy entenduz les tristes nouvelles de la perte de la ville de Tournay, messieurs du niagistiat de ecste ville, avec aulcuns des plus notables d'icelle, en estans fort troublez et rnarryz, me sont venuz prier vouloir aultrcfois remonstrer à Vostre Excellence le povre estât dicclle ville, tant par faulte de fortilication que pour la foiblesse de ceste garnison : à quelle fin
lesdicts de ceste ville, pour la maigre responce et satisfaction qu'ilz reçoivent de messieurs de Bruges et du Francq, quelques remonstrances et instances qu'il leur en ont faict, et moy aussi, de leur part, ont, ces jours passez, expressément député envers Voslre Excellence leur pensionnaire, avec instruction bien ample, de ma part, de tout ce qu'estoit très- nécessaire pour la conservation de ce quartier, et singulièrement pour ceste ville, principalement aslheure, ayant l'ennemy obtenu une telle victoire, estant incertain quelle part il prendra sa route pour la poursuyvre. Si supplie à Vostre Excellence plaise à icelle prendre la conservation de ceste ville à cœur, comme l'importance d'icelle le requiert, et ordonner à messieurs les quatre membres y pourveoir avecq tel soing et diligence qu'il convient, tant au regard de la fortification que du renforcement de la garnison d'icelle : car, aultrement, elle est en très-grand dangier, et avecq elle tout ce quartier, comme Vostre Excellence mesmes peult considérer. Et à tant, me recommandant bien humblement à la bonne grâce de Vostre Excellence, prie le Tout-Puissant, monseigneur, d'avoir et maintenir icelle en sa très-saincte garde et protection. De Dunkercke, ce iij" de décembre 1581 .
De Vostre Excellence très-humble et très-obéissant serviteur,
Guillaume de Blovs et TpxEslong.
Si(scription : A Son Excellence.
. Copie du temps, aux Archives du Royaume : Lettres de
et à Guillaume de Nassau, (. VL
