L'ÉVÊQUE ET LE CHAPITRE DE LIÈGE AU PRINCE D'ORANGE

Ils refusent le passage de la manière que le prince le demande, et protestent contre les hostilités qu'il pourrait commettre.

Liège, 3 notembrb 1568.

Monsieur, nous serions marriz que de nostre couslé fût venue aulcune occasion d'ennemitié contre vous, et pensons que c'est chose trop cogneue, qu'elle ne l'est point. Et, quant il vous eust pieu vous condm're, au passaige par ceste cité et vivres que demandés, suyvant le mandement et ordonnances impérialles et circulaires, donnant la caution requise, n'eussions faicl faulte à chose qui fût de nostre devoir : mais, à la manière que demandés ledict passaige, sçavez, autant que nous, qu'il ne nous est aucunement permis, ains, par dessus

lesdictes ordonnances, par Sadicte Majesté Impérial le expressément défendu. Et pour ce ne debvriez prétendre que pour ce nous veuillons nous formaliser voz ennemis, que jamais ne sera ni ne fut nostre intention ; et voudrions que, de voslre part, il vous pleut, monsieur, vous conduire semblablement en nostre endroict. Et, quant vouldriez faire aultrement, protestons bien et acertes que ce n'est à nostre occasion ou coulpe, en tant que, faisans autrement, ne pourrions éviter l'indignation de Sadicte Majesté et autres Estats du Saint-Empire, mais au contraire, nous et les subjectz de ce païs, avons bien grande occasion de nous douloir de la manière que vous et les vostres usent avecques nous. Et à tant, etc. Datée le 3 de novembre 1568.

Copie du temps, aux Archives du Royaume : Lettres de et à Guillaume de Nassau, t. V.

DXÏX.