LE PRINCE DORANGE A L'ÉVÊQUE ET AU CHAPITRE DE LIÈGE

Il demande itérativement le passage et des vivres.

En son camp, 4f novembre 1568.

Monsieur et messieurs, j'ay receu vostre lettre, et me déplaisl veoir, par icelle, qu'on ne clierclie sinon me délayer et faire perdre temps, car pouvez avoir entendu, par ma lettre d'hier, que mon intention n'est nullement me conduire hostilement en vostre pais et villes, si avant qu'on ne me donne l'occasion; et eusse partant espéré ne mestre refusé ma

demande tant raisonnable, ayant offert donner asseiirance réciproque et suffisante, par ostagiers, que nul mal ny foulle seroit faiste à la ville par niondict passaige, qui m'at aussy esmeu vous au viser faire passer linfanterie par batteaux. Et, comme il me déplairoit au cueur de veoir ce qu'il pourroit advenir à la ville, ensemble au plat pais et tant de belles monastères et maisons, à cause de ce refus, vous ay bien voulu faire ceste itérative, et vous requérir me mander, au point du jour, vostre absolute responce, si me seront accordez le passaige et vivres sur pris raisonnable, ou point ; protestant derechef tout le mal qui adviendra, en cas de refus ou ultérieur délay, n'estre ma coulpe. Et, quant à ce que peult estre faict jusques à présent, vous, monsieur, sçavez qui en ayt donné première occasion. Et à tant, monsieur, Nostre-Scigneur vous ait en sa saincte garde. De mon camp, ce matin, à trois heures, iiij^ de novembre 1568.

Copie du temps, aux Archives du Uoyaume : Lettres de et à Guillaume de Nassau, l. V.