L'ÉVÉQUE ET LE CHAPITRE DE LIÈGE AU PRINCE D'ORANGE

Ils répondent à la lettre précédente par un nouveau refus.

Liège, i novembre 1568.

Monsieur, nous avons receu vostre lettre itérative, datée de trois heures de ce matin. Et, pour y respondre, signamment

où dictes que sçavons qui ait donné premier occasion de ce que par vos gens peult avoir esté faict jusques à présent contre ce pays, vous avons ouvertement déclairé, par nostre responce d'hier, que n'a oncques esté ny est nostre intention de faire, ny de faict n'avons faict, chose du monde qui vous peust ou deust offenser; nous reiglant tousjours (comme tenuz sommes et auhrement faire ne pouvons) selon les constitutions et ordonnances, aussi commandemens exprès de la Majesté Imperialle et de l'Empire, nostre légitime supériorité. Et, quant à vostre demande de passaige par ceste cité et vivres, avecq l'asseurance en vostredicte lettre touchée, certes, monsieur, la conduicte quevoz gens, depuis leur entrée en ce pays, tant endroit les villes de Loz et St-Tron, comme autre part, et à ccst heure contre ceste cité, ont tenu et tiennent, sans que quelqu'un de nous vous ait onc vollu faire la moindre offence, ains tout plaisir et service possible, ne nous peult aucunement asseurer que le passaige par vous demandé s'y feroit sans péril et dommaige d'icelle. Par quoy vous prions estre excusez de vostredicte demande , et que veuillez prendre ceste nostre nécessaire excuse de bonne part. Et à tant, monsieur, prions nostre seigneur Dieu vous octroyer sa saincte grâce. De Liège, ce iiij^ de novembre, devant midy, 1568.

Copie du temps, aux Archives du Royaume : Lettres de et à Guillaume de Nassau, t. V.