COMMISSION DONNÉE PAR LE PRINCE D'ORANGE A PIERRE CLARISSE
Il le charge de lever, en Angleterre, une enseigne de gens de pied.
OeLFT, 5 DÉCEMBRE 1S72.
Guillaume, par la grâce de Dieu, prince d'Orange, conte de Nassau, de Catzenelleboghe, de Vianen, de Dietz, de Beuren, de Leerdamme, etc., seigneur et baron de Breda, de Diest, de Grimberghe , d'Arley, de Nozeroy, etc., viconte d'Anvers et de Besanchon , gouverneur cl capitaine général d'Hollande, Zeelande, Westvryse et Utrecht. Schavoir faisons que, pour le bon rapport que faict nous at esté de la personne
(') Le baron de Rassenghien , Maximilien Vilain, gouverneur de Lille, Douai et Orchies, écrivait au duc d'Albe le 17 avril 1575 :
» Quelques deulx jours avant les Pasques dernières, l'on appréhen-
dast,à Coinynes, termes de che gouvernement, deulx gardions, qui sont esté depuis exécutez par le feu en ccste ville , qui confessiont estre complices d'ungne conspiration et surprinse que Tennemy pensoit faire aulx Pasques sur la ville de Nieupoort, sans cognoistre toutesfois comment ne quy debvoit faire ladicte emprinse , sinon qu'ilz estiont advertys se trouver au jour de Pasques vers ledict Nieupoort, où ilz trouveriont leurs chiefz et capitaines, et que l'on leur avoit dict qu'il y avoit bien xxvi capitaines despeschés par le prince d'Orenges, pour faire gens en Angleterre et partout, estimantz que des bannys de par dechà, retirez en Angleterre, debvoit venyr la principalle troupe pour surprendre ladicte ville : che qui fust confirmé oussy de mesmes par aulcuns , lesquelz au mesme tamps furent prins au quartier d'Ypre , selon que suis esté adverty par la communication qu'eusmes des confessions réciprocques desdicts prisonniers ; et, sur l'uug desdicts prisonniers appréhendé audict Ypre , fust trouvée copye de certaine commission du prince d'Orenges, parlant sur ung Pierre Clarisse, que j'cntens estre cordoannier, natif de Neuf-Église et banny, dont me fust envoyée copyc, laquelle j'ay bien vollu ciiy joindre. » (Archives du Royaume, papiers d'État.)
de Pierre Clarisse, el de sa diligence et bonne expérience, luy avons donné congié, povoir et auelhorité spécialle de, par nous et pour nostre service, aller en Angleterre, et illecq lever, cuillier et faire une enseigne de gens de pied, de trois cens testes, ou environ, et iceulx mener par deçà, pour les employer là et ainsi que, pour la tuition, seuretéet défencede ce pays, et pour nostre service, sera trouvé nécessaire; de faire faire ausdicts soldatz le serment de fidélité, tel qu'on est accoustumé de faire entre les gens de guerre; de tenir lesdiets soldatz en bon ordre, rigle et discipline militaire -, aussi qu'ilz fâchent bon guet et guardc aulx lieux et places quy leur seront commises et ordonnez, et, au surplus, faire tout ce qu'à bon capitaine et sokhitz compète et appertient de faire : et ce à la soldée et traictement que cy-aprez sera par nous ordonné. Requérons partant à tous, de quelque qualité ou condition qu'ilz soyent, de donner ausdicts Pierre Clarisse et ses soldatz, en ce quedessuz , toutte bonne faveur, ayde et assistence, et les laisser passer librement et franchement, pour venir devers nous : ce que nous recognoistrons très-volontiers vers ung chascun. En tesmoing de quoy, avons signé ceste de nostre nom, et faict mectre nostre sceau de secret en placcart. Donné en la ville de Delft. le v^ jour du mois de décem bre 1572.
On lit au bas de la commission :
t< Moy, Pierre Clarisse, capitaine en dessoubz la charge de mons^ le prince d'Orange, ay donné congié et licence à Jehan de Bray et aultres de mes soldalz de povoir chercher la guerre là où Uz treuveront leurs ennemys, et se retirera Ziricxzé pardcvers le gouverneur, en attendant ma venue, priant à tous capitaines et gouverneurs de ne les vouloir empescher.
» Par moy : Pierre Clarisse, signé de ma main.
(1 En dessous estoit peinct ung corbeau. >
