PHILIPPE DE MARNIX, S' DE SAINTE-ALDEGONDE ('), AU PRINCE D'ORANGE

Il le prie de traiter de son échange et de celui des autres prisonniers. — A cette occasion, il l'engage à songer aux moyens de faire la paix ; il lui soumet différentes considérations propres à l'y déterminer. — Il serait d'avis que le prince accueillît le désir de Julian Romero d'avoir une entrevue avec lui. — Il termine, en demandant que le prince lui fasse tenir quelque argent. 1

La Haye, 7 novembre 1573.

Monseigneur, je ne faiz nulle double que le commun bruyct n'ait desjà donné à entendre à Vostre Excellence le triste acci-

{') Il avait été fait prisonnier par les troupes espagnoles logées par le duc d'AJbe en Hollande, dans les premiers jours de novembre. Le prince d'Orange écrivait au S^ de Lumbres, de Deift, le 13 de ce mois : « Espérant » faire garder le Maeslant-Sluys, j'avois envoie monsieur de Sainte-Aldegondc » pour la fortifier : mais, avant que les ouvraiges ont esté en deffence, l'en- » nemy, conduit par les paysans d'un autre chemin qu'on les attendoit, l'ont » enfoncé, où, à mon très-grand regret, ledict S«" de Sainte-Aldegonde, qui » aultrement se montroit vaillant, mais ayant esté délaissé de ses soldatz, a » esté prins avec autres, et mené à La Haye. » [Archives ou Correspondance inédite de la maison d'Orange-Nassaxi, t. JV, p. 239.)

Ce fut Philippe de Sainte-Aldegonde, soigneur de iNoircarmes, auquel le ducd'Albe avait confié le gouvernement de la Hollande après la perte du comte deBoussu, qui fit exciter Marnix à écrire au prince, pour lui proposer de négocier avec le Roi. 3Iais Bor s'est trompé, et, après lui, M. Groen Van Prinsterer, en disant que Requcsens approuva ces tentatives d'accommodement: le grand commandeur écrivit, au contraire, le 29 décembre, à Noircarmes, qu'il ne convenait d'admettre aucun traité par le moyen du prince d'Orange. ( Voy. la Corresjwndanœ de Philippe II sur les affaires des Pays-Bas, etc., t. II, p. 438.)

On trouvera, dans VAppendice, une très-curieuse lettre de Noircarmes sur ce sujet, écrite au duc d'Albc, le 10 décembre 1573.

denl quy nous est survenu. Je dis triste, non pas tant pour révéncnient en soy, puisqu'à un homme verlueulx et craignant Dieu ne peult rien survenir de triste, comme pour la plus grande lascheté des soldatz, et singulièrement des gens de cheval, quy ont occasionné les soldatz de s'oublyer sy avant comme ilz ont faict : mais j'espère que le mesme bruyl, et certain tesmoignaige de ceulx qui s'y sont trouvez présens, aura desjà (') Vostre Excellence non- seulement de ma disculpe et innocence, mais aussy du fidel debvoir que je y ay faict, lequel je ne tascheray d'imprimer à Vostre Excellence par parollei, affin qu'il ne samble que je me deffie de la bonne opinion qu'icelle at tousjours eu de moy ; mais plustost m'advancheray à la supplier très-humblement que, puisque monsieur le mestre du camp don Julian Romero , es mains duquel nous sommes tombez pour nostre bonheur, nous faict ceste faveur et grâce, par-dessus une infinité de courtesies et gracieusetez qu'en nostre endroict il at usé, qu'il nous donne espérance que , là où Vostre Excellence vouldrat entendre à changement d'aulcuns prisonniers, puisqu'il en y a quelquesungs quy luy sont bons amys, que Vostre Excellence veulle aussy user de ceste faveur et grâce en nostre endroict, qu'elle monstre par effect qu'elle nous tient pour ses fidelles serviteurs : ce que je supplie d'autant plus voluntiers, que j'estime que une façon de mener guerre que l'onat, par cy-devant, du temps passé, accoustumé d'user allendroit des prisonniers, est non-scuUement plus humaine et beaucoup meilleure que ceste barbare cruaulté quy desjà a commencé prendre pied d'ung costel et d'aultre, mais aussy est plus conforme au debvoir d'homme chrestien, et singulièrement à la profession que nous faisons, voyant que aultrement nous tomberons en

(>) Sic dans la copie. Le copiste paraît avoir oublié ici le mot convaincu ou un autre équivalent.

juste blasme de inique cruaulté : ce qui causera que nostre querelle deviendra odieuse, en lieu qu'elle est bonne et favorable, et mesmes nous fermera les aureilles de nostre Roy à ne vouloir entendre à nulle pilié et clémence envers ses pouvres subgectz, desjà tant de temps sy misérablement affligez. Par quoy je m'asseure que Vostre Excellence userat en cest endroict de sa douleeur et bénignité, que non-seullement le respect de nous, ses fidèles serviteurs, mais aussy son jugement et prudence accoustumé, luy enseignent, et pourtant la supplie vouloir envoyer bomme exprès, ou lettres, audict mestre de camp, pour traicter résolutement et fructueusement sur l'entrechange des prisonniers, de costé et d'ailtre. Et dadvantaige, je m'advanceray de supplier pareillement Vostre Excellence de vouloir de plus prez penser à quelques bons et propres moyens que icelle aultresfois m'a mis en avant, pour traicter quelque bonne paix, veu que je treuve que Sa Majesté n'en sera par adventure sy très-esloignée, comme nous estimons bien, présupposant qu'il s'inclinera à pitié et miséricorde, plustost que de permectre que ses subjectz soyent ainsy pitoyablement ruynez. De ma part, puisque je vois que nostre religion, par laquelle nous nous fondons simplement et seullement sur la parolle de Dieu, est tant baye et descryée, qu'il est impossible qu'en ce monde-icy elle ait lieu de repos, sans croix et persécutions, quy sont tousjours nécessairement joinctes à l'évangille de Christ, j'estime qu'il vault beaucoup mieux quicter toutes les commoditez de la patrie et des biens de ce monde, et vivre en un pays estrange, possédant son àme en pacience, que non pas estre en guerre continuelle, laquelle ne peult amener qu'un ravage de touttes impiétez, maliieuretés, et de tout ce qui provoque l'ire de Dieu.

Vostre Excellence at desjà monstre le zèle qu'elle at d'advancer ceste cause. Il est temps (je vous prie de ne prendre de mouvaise part ce que je dis) de monstrcr à tous ceulx quy

blasment voz actions, et taschenl de les opprimer par calumpnies, de monstrer évidemment que n'avez oncques désiré de rien empiéter sur la Majesté du Roy ; voires que, après la gloire et honneur de Dieu, avez tasché d'advancer en tout et partout la grandeur d'icelle. Quant au peuple, sy Ion povoit obtenir asseurance qu'il ne sera molesté ny inquiété pour les choses passées, ce que j'espère que l'on obtiendroit bien, il resteroit une seule difficulté pour ceulx quy veullent en leurs consciences maintenir ceste religion tant haye, sans laquelle ilz s'asseurent ne pouvoir estre sauvez : ou, par adventure, que le Roy sera content de leur octroyer, ou liberté de conscience (ce qu'l^grand'paine je me puis persuader"), ou bien qu'ilz se pourront retirer en pays estrange, avecq quelque peu de leurs biens. Et, quand il ne leur vouldroit laisser suyvre les biens, cncoires ne voy-je pas que leur condition seroit beaucoup pire qu'elle est maintenant en ceste triste guerre, la fin de laquelle ne peult estre aultre que pouvreté et misère extrême de tout le pays; et, par adventure, nous estans retirez. Dieu nous donnera quelque occasion de faire quelque part sy bon service au Roy, qu'il sera content de nous prester une aureille plus bénigne, ou bien par adventure de nous souffrir en son pays : à quoy ne fault espérer, tant que ceste guerre dure, car, ores que nostre intention ne soit nullement de mener la guerre à Sa Majesté, toutesfois jamais nous ne le sçaurions persuader aultrement à ceulx quy n'entendent le fondement de nostre cause, et jamais ne vouldront y entendre, sy longuement qu'ilz auront ceste persuasion.

Ce que je diz n'est pas par deffiance que j'ay de la puissance de Dieu, mais pour ce que je considère que plus souvent Dieu exerce et monstre sa puissance en nostre infirmité et en nostre patience, que non pas en noz armes. Voslre Excellence cognoist les humeurs du peuple, et sçait combien peu Ion s'y doibt fier : par quoy je la supplie d'y penser, et à bon eschient :

ce qui ne procède d'aulcune crainte des ennemis ou de la mort, Dieu m'en est tesmoing en ma conscience, mais par une considération des jugemens du Seigneur et des affaires quy se présentent. Aussy ne suys-je persuadé de nul aultre de l'escripre, sinon qu'il me samble advis que ce seroit ung moyen de retirer Vostre Excellence hors de beaucoup de paines, la purger de beaucoup de blasmes, et délivrer le pays d'une grande misère, veu mesmement que, le duc d'Albe se retirant, j'espère que le peuple pourra joyr de la clémence naturelle du Roy, ou sinon, au moins, ung rigoureux gouvernement sera plus supportable, que ne leur est le fardeau de ceste guerre, s'il dure plus longtemps. Je vouldrois avoir moyen de parler trois motz à Vostre Excellence, et elle entendroit de quel cœur ceci me procède. Tant y at que, si Vostre Excellence y veult entendre, il me samble que Dieu vous en ouvre les moyens, car ledicl mestre de camp aussy, estant d'intention de partir pour Espaigne, et se retirer lundy d'icy, m'a dict qu'il désireroit fort de parlera Vostre Excellence, pour la bonne affection que, du passé, il vous at porté, espérant que cela pourrat servir grandement à Vostre Excellence. Que s'il estoit possible, sans mectre vostre personne en dangier, je le désirerois fort, et en supplieroye Vostre Excellence très-humblement. Que sçait-on sy Dieu, par telz moyens, veult avoir pitié de ce pouvre pays ! Toutesfois, Vostre Excellence est sy saige et advisé, que je n'ose m'advancher de pour rien luy conseillier, espérant qu'elle prendra ce que j'en ay escript, de bonne part.

Au reste, me confiant aux faveurs accoustumez de Vostre Excellence, lesquelz ma conscience me déclaire, en ce malheur quy est survenu, n'avoir par aulcune miesne faulte mérité de perdre, je la supplieray de me vouloir faire tenir quelque argent, pour nous entretenir icy en prison, veu que, mons"^ Julian Romero se partant d'icy, et venant pour gou-

verneur d'Hollande mons' de Noircarmes, je crains que nous soyons mis en oubly, et que personne ne portera nul soing de nous. Ledict S' Julian m'a promis de nous faire tenir ce que Vostre Excellence m'envoyera : par quoy je la supplie trèshumblement nous vouloir assister, affin que ne périssions de pouvreté et de faim. Et à tant, après avoir très-humblement baisé les mains de Vostre Excellence, prieray Dieu vous donner, monseigneur, son saint esprit, pour conduire toutes ses actions à sa gloire et consolation de sa pouvre église désolée. Escript en prison à La Haye, le vij" de novembre 1573.

De Vostre Excellence très-humble serviteur,

PiîË DE Marnix.

Ceulx quy sont icy avecq moy en prison, sont : Wingaerden, lieutenant de Wilcke, Bon Angers, Putman, Berenger, mon enseigne et quelques autres officiers. Les aullres tous sont ailleurs, à part.

Copie du temps, aux Archives de Simancas : Papelts rie Estado, liasse 550