DXXXVII
LE PRINCE D'ORANGE A JULIAN ROMERO
Il le remercie du bon traitement qu'il fait à Philippe de Marnix.— Il regretté son départ, et l'engage à remontrer au Roi l'état présent des Pays-Bas. — Il lui propose l'échange de Pliilippe de Jlarnix contre quelqu'un des capitaines espagnols qu'il tient prisonniers.
DeLFT, 8 NOVEMBRE lb'73.
Monsieur, j'ay veu, par vostre lettre que m'eseripvez en responce de la mienne , le bon Iraictement que vous faictes à monsieur Philippe de Marnix : dont je ne veux délaisser de vous remerchier de telle courtésie et gratiosité , comme aussi j'ay tousjours espéré semblables honnesletez de vous. J'ay aussi cogneu, par vostre susdicte lettre, que vous estes prest partir demain vers Espaigne, et que, à ce regard, vous n'aurez loisir de parler au gentilhomme que je vous voulois envoyer. Or, ce que je désirois par luy vous comunicquer, estoit, en premier lieu, le marissement que jay de vostre retraicte de ces pays, suyvant que, par vostre lettre d'hier, m'aviez faict entendre, pour aultantque, vous demeurant par deçà, j'avois espéré que, par vostre bon moyen, crédit et authorité, nous eussions cy-après fait bonne guerre, ainsy que, par cy-devant, entre toutes aultres nations at tousjours esté practicqué, faisant cesser touttes cruaultez tant indignes de chrestiens : ce que je crains maintenant , par vostre absence , ne se pourra sy bien effectuer. D'aultre part , je vous eusse faict prier de remonstrcr à Sa Majesté Testât présent de ses pauvres Pays-Bas, et la ruyne certaine d'icculx que toutes ces misères tirent à présent, alin que, pour ce, Sa Majesté soit servye d'entendre une fois au
vray à ses affaires, considérant le grand déservice que en ung besoing Sa Majesté trouveroit , estant sesdiets pays réduictz en telles extrémitez où l'on les voit aller , sy en temps n'y est prévenu : ce que, par vostre bonne discrétion, je m'asseure vous sçaurez très-bien persuader à Sadicte Majesté. Et, de vostre part, povez croire et tenir pour tout certain, soit que les affaires viègnent bien ou mal , trouverez en moy tousjours ung serviteur et bien affectionné amy vostre ; et me déplaist bien que pour ce coup les occasions ne se sont présentées de pouvoir moy-mesme parler à vous. Quant audict seigneur Philippe de Marnix , pour aultant que je suis bien asseuré , s'il vient entre les mains du duc dAlve , il le fera mourir, ainsi qu'il at faict tant d'aultres , et que par ce je seray constrainct de faire le semblable envers ceulx que je liens ou pourrois encores tenir prisonniers , dont seroit dommaige de perdre ainsy ces gens de bien, vous me pourrez mander vostre intention, sy vouldriez rendre ledict de Marnix en eschange d'aulcun capitaine que je tiens prisonnier et vous me vouldrez nommer, désirant avoir sur ce vostre responce, ou si plus tost vous le vouldriez mectre à rançon. Du soldat que m'envoyastes hier, jen'ay oy depuis aultres nouvelles : estant retrouvé, je levons renvoyeray. Et en cest endroict prieray Dieu, monsieur, vous avoir en sa saincte garde. Escript à Delft , ce viij" jour de novembre 1573.
Vostre bien bon amy à vous faire service ,
GuilIe de Nassau.
S'uscription : A monsieur monsieur Julian Romero, mestredu camp et général de l'infanterie espagnole estant présentement par deçà.
Copie du temps, aux Archives de Simancas: Papeles de Estado, liasse 1403.
MXXVIII.
LE PRINCE D'ORANGE A JULIAN ROMERO
Il est prêt à envoyer deux personnages pour traiter avec lui ; mais il uc peut admettre l'échange de Philippe de Marnix contre le comte de Boussu.
Delft, D^novembre 1373.
Monsieur, voslre lettre m'at esté délivrée à cesl instant, selon laquelle je n'eusse l'ally d'envoyer, incontinent après, deux personnaiges de ma part vers vous, à la HorneBriigghe, en recepvant deux qualifiiez de vostre costel, pour leur seureté. Mais l'inégalité du changement de monsieur de Marnix allendroit du comte de Boussu , est sy hors de propos et raison, que ne vois de povoir venir aulcun fruict par l'envoy desdicts personnaiges. Néantmoings, s'il y at aultre chose qu'avez envie de me faire entendre, suis content de vous envoyer de ma part deux personnaiges pour demain au matin, à huit heures, au lieu que dessus, avecq passeport libre pour aller et retourner pour ceulx que vous m'envoyerez, lesquels seront receuz devant la ville, dans nostre trenchie, et s'achemineront quant et quant (') les nostres devers vous, estans garnis de semblable passeport pour aller et retourner librement. Sur quoy, n'estant ceste à aultre effect, je supplieray Dieu vous maintenir, monsieur, à tousjours en sa sainte garde. Escript à Delft, ce ix*" jour de novembre 1573.
Vous ne trouverez, s'il vous plaist, mauvaix que je vous ay faicl attendre sy longtemps au lieu où vous estes venu, d'aultanl que, venant de pourmencr, j'ay receu voslre lettre assez
(') Quant cl quant, en même temps.
lard, et n'avoye personne chez nioy pour faire la rcsponee. Vous me pourrez encor ce soir mander sy estes délibéré de m'envoyer demain deux personnaiges de vostre coustel, lesquelz, venant à l'heure susdicle à noz faulbourgs, y reeepvront mon passeport, et pourront d'un chemin les miens recepvoir vostre passeport pour ceulx que je vous envoycray. Et vous pouvez asseurer, sur ma parolle, par ceste, que ceulx que m'envoyerez pourront venir et retourner librement et franchement.
GuiFle de Nassau.
Copie du temps, aux Archives de Simancas : Papeles de Estado, liasse 550,
