DXXXIX

LE PRINCE D'ORANGE A JULIAN ROMERO

Il l'assure qu'il sera toujours son serviteur et ami. — Il l'engage à supplier le Roi de considérer de plus près l'état des Pays-Bas. — Il déplore les mauvais effets des conseils donnés au monarque, et dit les conditions auxquelles les provinces soulevées rentreraient sous son autorité.

' DelPT, 10 NOVEMBRE 1S73.

Monsieur, j'avois ce matin tenu prest deux personnaiges, pour les vous envoyer, suyvant le contenu de ma lettre d'hier : mais , puisque ne samblez estre de ceste opinion , fault le remectre jusques à ce que Dieu présente aultre occasion. Ce néantmoings, pouvez estre asseuré que vous aurez tousjours

en moy ung serviteur et )3on amy. Je n'ay osé m'advaneer demander à Sa Majesté par vous aultre chose , sinon ce que vous ay escript par mes précédentes : mais, s'il me fust permis liiy présenter mes très-humbles représentations , vous en prieroye de bien bonne affection le vouloir faire, ensamble, selon vostre offre, de vous employer en tous bons offices devers Sadicte Majesté , affin qu'il luy plaise considérer de plus prez le faict de ses pays patrimoniaulx, puisque c'est pour son propre bien, et repos d'icculx pays. Par où me samble, à correction, que ceulx quy ont conseillé et conseillent encores à Sadicte Majesté de dépendre tant de millions, pour gaster sesdicts pays et conquérir ce quy est sien, au lieu que telle despence serviroit mieulx estant, employée en aultres endroictz, ne luy sont fidelz ministres, serviteurs, ni subjectz, puisque, avec la seule permission de povoir servir Dieu selon son sainct commandement et parolle , et de vivre selon les anchiennes libertez et jurez privilèges du pays, soubz l'obéyssance entière de Sa Majesté, s'eust peu et se pourroit encores facilement remédier à tout : au moyen de quoy se éviteroyent les inconvéniens quy aultrement sont apparans de s'augmenter de tous costelz de plus en plus, au grand préjudice de la grandeur de Sa Majesté , laquelle désirerions tous veoir plustost accroistre que s'abaisser et diminuer par ces troubles et dissenlions civiles. Sur quoy, n'allant ceste à aultre effect , je supplieray Dieu, monsieur, vous avoir en sa saincte garde. Escript à Delft, ce x" jour de novembre 1573.

Vostre bien bon amy à vous faire service,

GuiÛE DE Nassau.

Suscription : A monsieur monsieur Julian Romero, mestre du camp et général de l'infanterie espagnole estant présentement par deçà La Haye.

Copie du temps, aux Archives de Simancas : Papelcs de Eslado, liasse 550.