DLII
LES ÉTATS GÉNÉRAUX AU PRINCE D ORANGE
Ils lui renvoient le seigneur de Ilaussy, pour lui expliquer le malentendu qui a donné lieu à leur lettre du 27. — Ils le remercient du secours qu'il a fait passer à Gand, et le prient de nommer le plus tôt possible ses députés, pour traiter avecles leurs de la pacification.
Bruxelles, 29 septembre 1376.
Monseigneur, ayant à cest instant entendu le rapport de monsieur d'Aussy, du besogné faict avec Voslre Excellence, suyvant le pied de l'instruction à luy donnée, dont il nous a faict aussy ostension, et lasseurance qu'il nous a faict de n'avoyr excédé en aulcun point d'icelle, avons assez apperceu que certain rapport faict, auparavant son retour, à messieurs du conseil dEstat et à nous, assavoir : que ledict S"" d'Aussy auroyt accordé aux soldatz du secours envoyé par Voslre Excellence exercice de leur religion, et, pour asseurance d'icelluy, mectre la ville de l'Escluse en voz mains, n'cstoit véritable. Sur quoy, craindant les inconvéniens, avions esté meuz requérir Voslre Excellence, par celles que le S"^ d'Uuytinglie vous aura présenté de noslre part , de retirer ledict secours que ledict S' d'Aussy, sans cherge, auroyt faict entrer jusques à Gand : en quoy y a eu du malentendu, par les raisons que dessus; priant Voslre Excellence, bien affectueusement, que, sans avoyr regard à ladicte clause, plaise à icelle députter pour entendre à la pacification, le plus tost qu'elle pourra. En quoy désirons procéder en toutte confidence, rondeur et fidélité, reciprocquement , recevant pour aggréable et remerciant Voslre Excellence dudict secours, de tant plus que l'ordre et
conduicte desdicts soldatz est conforme à noslre intention, sçavoyr : que riens ne sera par eulx attenté au préjudice de l'exercice de la religion catholicque romaine, et deue obéissance à Sa Majesté.
Monseigneur, nous prions le Créateur maintenir Vostre Excellence en sa saincle grâce, après noz affectueuses recommandations à la vostre. De Bruxelles, ce xxix^ de septembre 1576.
De Vostre Excellence affectionnez en service,
Les estatz du Pays-Bas assemblez à Bruxelles.
Suscription : A monseigneur monsg' le prince d'Oranges.
Copie du temps, à la bibliothèque de la Chambre des Représentants : Recueil de pièces relatives aux états généraux, 1576-1380, t. I, fol. 25.
DLIIl.
INSTRUCTION DES ÉTATS GENERAUX POUR LE S' DE HAUSSY, ENVOYÉ VERS LE PRINCE D'ORANGE.
Points à régler pour la négociation entre les états généraux, d'une part, le prince et les états de Hollande et Zélande, d'autre part.
BnOXELLES, 30 SEPTEMBBE 1S76.
Affin que monsieur d'Aussy entende ce que, de la part des estatz icy assamblez, il aura à traicter avec le prince d'Orenges et les estatz d'Hollande et Zeelande : avant de venir en quelque communication, donneront asseurance par escript, signée de leur part, comme il appartient, de riens attempter ou laisser attempter, directement ou indirectement, au préju-
clicc de la religion calholicque romaine el deue obéissance du roi calholicque d'Espaigne, nostre sire.
Et, ce faict, pourra ledict S' d'Auchy entendre, dudict S' prince et estatz d'Hollande et Zeelande, quel lieu semblera convenir pour, avecq les députtez d'un costel et d'aultre, traicter sur la pacification tant désirée, soyt en ceste ville de Bruxelles, Gand, ou Bruges, en donnant touttes seuretés à ce requises.
Au surplus, ledict S' d'Auchy se réglera selon la lettre le jour d'hier escripte audict seigneur prince, dont luy est baillée copie. Faict audict Bruxelles, le dernier de septembre 1576.
Copie du temps , à la bibliothèque de la Chambre des Représentants : Recueil de 2}ièces relatives aux états généraux, 1576-1580, t. I, fol. 25 et 26.
