LE PRINCE D'ORANGE A SES DÉPUTÉS A GAND

Il les informe qu'il a mandé quatorze ou quinze compagnies de Hollande, pour le secours de la ville d'Anvers. — Il désire savoir l'ordre qui devra être observé par ces compagnies, et de quelle manière seront payés les gens de guerre qu'on tirera à l'avenir de Hollande et de Zélande.

MiDDELDOURG, 51 OCTOBRE io76.

Messieurs , cesle servira pour vous advertir que j'ai mandé quatorze ou quinze conipaignies d'Hollande, pour les employer au secours de la ville d'Anvers : mais, comme je ne sçais quel ordre je debvray suivre en cela, ce que lesdicies compaignies auront à faire et avecq quy à se renger, je vous prie d'en parler avecq messieurs les députez de delà, et me faire entendre leur et voslre advis, comme aussy de sonder d'eulx quelle correspondance il y a entre eulx et les sieurs contes d'Ebersteyn et Cliampigny. D'aultre part aussi, je vous prie de communicquer avec eulx touchant le payement des gens de guerre qui se tireront d'ores en avant de ces pays. Et, sur ce, je prie Dieu vous donner, messieurs, en santé bonne Vie et longue. Escript à Middelbourg, ce dernier d'octobre 1576.

Voslre bien bon amy a vous faire plaisir,

GuuTle de Nassau.

Copies (lu XVni' siècle, à la Bibliothèque royale : MS. n'9238, p. 31 , et (lu X\W siècle, WS. a" 7223 de la même Bibliothèque, fol. W.

DLXIII.

LE PRINCE D'ORANGE AUX ÉTATS GÉNÉRAUX (')

Il les engage à écrire au Roi une lettre où ils expriment leur ferme intention de maintenir le pays en ses droits, libertés et anciennes coutumes, et do le délivrer de la tyrannie des Espagnols. — Il leur déduit longuement les motifs qui doivent les y déterminer.

Saks date (.. novembre lb76).

Messieurs, me trouvant en continuel soucy de l'issue de voz affaires, desquelles je voy apparentement dépendre le salut et

(1) J'avais d'abord conçu des doutes sur l'authenticité de cette lettre, nonseulement parce qu'elle n'est pas datée, mais aussi parce que je ne l'ai trouvée nulle part ailleurs que dans le manuscrit des Affaires étrangères, à Paris, d'où elle est tirée, et qu'il n'en est fait mention dans aucun des recueils d'actes des états généraux que j'ai consultés, non plus que flans les Résolutions publiées par M. de Jonge.

Les raisons suivantes m'ont engagé à revenir de mon opinion : lolcs pièces dont se compose le manuscrit des Affaires étrangères paraissent avoir été réunies par une personne qui avait puisé à de bonnes sources j 2» pour le fonds, comme pour la forme, cette lettre en rappelle d'autres de la même époque, écrites par le prince d'Orange ; elle a surtout beaucoup de rapport avec celle du 50 novembre lo7fi que j'ai publiée, en 1830, dans les Analccles belijiqueSf p. 501-51 1 ; 5° cette dernière lettre se termine ainsi : « Messieurs, » ores que ce que par cy -devant vous ay escript soyt quasy le mesme du « contenu que dessus, etc. « Le prince semble se référer, dans ce passage, à la nouvelle lettre que je mets en lumière.

11 reste à fixer la date du document. Après en avoir considéré le contenu avec attention, je suis porté à croire que Guillaume l'écrivit avant qu'il fût informé de l'arrivée de don Juan d'Autriche à Luxembourg, et dans le temps que ses députés négociaient, à Gand, avec ceux des états généraux.

Dans le manuscrit d'où la lettre est extraite, on lit en tête : Lettre de monseigneur le prince d'Orange aux estais généraidx des Pays-Bas, écrite en l'an 1576.

ilélivrancc de tf)us ces pay? de par deçà , et considérant de bien près toutes les qualitez et circonstances d'icelles, je trouve qu'il y a quelques poincts qui merveilleusement retardent, et presque de tout arrestent, le cours de vostre prospérité, que je ne puis obmectre de vous déclarer, pour ce que , par aventure, en une si grande multitude d'affaires très-pesants, il pourroit estre qsîils fussent moins considérés : dont vostre cause pourroit recevoir intércsl. et voz adversaires très-grand avantaige.

L'un est qu'au lieu de prestcr au Roy une obéissance deue et légitime , conforme aux previléges , droiclz , libertez et usances de noz ancestres , l'on se laisse esblouir les yeulx et renfendement d'un vain masque et apparence de ce que aucuns flatteurs, aians plustost esgard à leur prouffit particulier, qu'au bien publicq, ou au service du Roy, mectent en avant trèsfaulses enseignes, soubs ombre d'une volonté du Roy, déguisée à leurs appétits et fantaisies : car il est certain que, tout ainsi que, là où le subject et vassal ne porte ce respect et révérence à son prince et souverain seigneur, qu'il luy obéisse sans contredict, en tout et partout, en choses légitimes, on n'en peut espérer que toute confusion, désordre et rébellion, digne d'estre punie Irès-gricfvement et exemplairement, ainsi pareillement, au contraire, quant, au lieu de justice, droicture et vérité, l'on ne peut alléguer aultre chose que la seule volonté du roy ou prince , et mesmes d'un prince très-mal informé des occurrences et qualitez des affaires, et que, de peur de l'offenser, l'on crainct de remédier à ung déluge de maux très-évidens, et de faire son debvoir, auquel l'on est appelle de Dieu et des loix , à la conservation de la patrie , de peur d'offenser celuy lequel est luy-mesme, selon Dieu et les hommes, et l'obligation de son serment et du debvoir de sa vocation, assubjecii aux loix de justice, cela est encore une confusion beaucoup plus horrible, d'aultant que c'est le vray fondement de toute tiraii-

nie. par laquelle toutes républicques et polices nécessaircmeut viennent à estre ruinées de fond en comble; et. si alors on ne se résoult fermement et couragieusement de marcher en toute droiclure et rondeur, sans avoir esgard ny à bon gré, ny à mauvais gré que l'on puisse attendre du roy, certes, en lieu de meetre remède au mal , l'on ne faict que l'augmenter et empirer de plus en plus, jusques à ce que l'on se soit du tout enveloppé es fdets de ruine irréparable.

De cecy procède ung autre mal : c'est que , cependant que les uns voudroient bien cheminer droictement, et les aultres, qui ne se peuvent résoudre, tirent tousjours la charue de l'autre costé. cerchans des conseils différens , tantost pour contraster aux premiers , tantost pour déguiser les matières et avoir à l'avenir quelques échappatoires, pour oster la coulpe de dessus eulx et la mectre sur les aultres, il n'en peult ensuivre qu'une ruine, inégalité et diversité de volontez , conseils et délibérations, laquelle retarde , voire et arreste , le cours de toutes bonnes exécutions : car il fault nécessairement que ceste inégalité engendre deffiance des ungs aux aultres, de laquelle procède disunion, vraie et presque unique mère et cause de la ruine et perdition de toutes républiques , ainsi que l'on peult évidenmient veoir à l'œil par les exemples de touts eages.

Car, afin que je ne vienne à refreschir les playes de nostre propre corps, et ne vous remectre au-devant la mémoire des choses passées, lesquelles nous voudrions estre ensevelies en oubliance éternelle, comme sont les désastres advenuz aux seigneurs d'Egmont et Hornes, et presque à la plus belle fleur de la noblesse et de la bourgeoisie de par deçà , l'occasion desquels n'est procédée d'aultre source et origine que de ce que dict est, certes, si vous considérez de près, non-seulement la suitte des histoires anciennes, mais aussi les calamitez advenues fraischement, de nostre temps et de celui de noz pères, aux peuples à l'entour de nous, vous trouverez qu'en

Fi'iince, Italie, Allcmaigne, que mesmcs en Hongrie, Afrique el Barbarie, où la fureur du Tureq ravage tout ce par où elle passe, presque tous les maux et calamitez qui leur sont achenuz ont esté attirez par ceste maudite désunion, laquelle est coustumière de renverser en ung instant les Estatz les plus feni es et plus florissans qui soient au monde.

Or, pour obvier à ces inconvénients, et d'un coup retrancher le filet de tous empeschemens et retardemens (pie voz adversaires entrelascbent au milieu de vostre négociation, je me suis avisé d'un remède, à mon avis (soubs vostre correction) , non-seulement propre et expédient, mais aussi du tout nécessaire, et mesme tel que, oultre une seureté entière que vous en recevrez, encor y advancerez-vous le vray service du Roy, en détournant la ruine de ces pays, et si gaignerés-vous un bruict de louange immortelle, avec une faveur indicible envers tous princes et potentats, peuples et nations estrangères : c'est que vousvous résolvez, joinctement et unanimement, de mander au Roy, par un courier et lettre expresse, vostre intention et ferme arrest à l'endroict de maintenir vostre patrie en ses droitz, libertez et coustumes anciennes, et la retirer, soit par bon gré ou mauvais gré, hors de l'insupportable tirannie i\es Espaignolz , loutesfois dessoubs l'obéissance légitime et deue de Sa Majesté, ainsi que vous la luy avez jurée et promise, comme, au réciprocque, il vous a promis et juré de vous maintenir en voz droitz et libertez susdicts, auxquelles vous entendez résolutement de demeurer, quoy qu'il en puisse advenir; le supplier très-humblement de ne le trouver mauvais , et de ne se laisser induire à user quelque violence ou voie d'armes, pour vous constraindre soubz un joug de servitude duquel et Dieu, et la nature, et vos loix, droictz et previléges, et son serment et obligation, et la succession de vos ancestres, et le debvoir de vostre honneur, vous ont faictz el renduz à jamais libres : pour ce que, aullrement, par les obligations que vous

avez à Dieu et au service du Roy, au bien général du peuple et aux droictz et previléges receuz de vosdicts ancestres, et jurez bien et solennellement par vous et par Sa Majesté mesme, et finalement à vostrc honneur, vous seriez, selon conscience, obligez de repousser une telle violence et iniquité par armes, et cercher touts aultres remèdes, jusques à adventurer le dernier homme de par deçà , plustost que de le vouloir endurer ou souffrir en façon que ce fust, suivant presque le formulaire de la lettre qui , à ces effectz , va cy-jointe , à laquelle vous pourriez adjouster et diminuer ce que bon vous semblera, moiennant que vous ne tombiez en aulcune dissimulation ou desguisement que vous pouroit par cy-après estre dommageable, et ne vous mettiez en aulcune obligation qui pouroit préjudicierà ce que, par cy-après, par advis général de tous estatz, seroit trouvé bon et convenable pour le repos et pacification généralle de tout le pays, et que cestedicte lettre fût signée de tous les estatz du pays, et mesmes des principaulx ordres des couvents, et de tous ceulx en général qui sont, ou en aulcune dignité au pays, ou en aulcun crédit vers le Roy, ou bien ont obligation à pourveoir au bien et salut général.

Par ce moien-icy, premièrement, aiant déclairé vostre intention à Sa Majesté , vous vous donnerez comme un espron et vif éguillon à poursuivre magnanimement vostre saincte et louable enlreprinse, sans plus rien déguiser, et aurez occasion de pourveoir tant niieulx à toutes choses nécessaires j puis, vous arracherés tous ces masques fardés lesquels , soubz ombre de n'oser desplaire au Pioy, vont nageants entre deux eaues, et empeschent le cours de toutes bonnes délibérations, se persuadans qu'ilz demeureront en grâce, ou, pour le moins, en une si grande multitude de délinquans, trouveront lieu, ou d'eschappatoirc, ou de miséricorde, de n'avoir si mal fait que les aultres ; laquelle inégalité de volontez et faulse amorce de tromperies, qui est In vraye peste de toute vostre négociation,

vous arracherez du millieu de vous, et, establissanl une égalité partout , vous dresserez une ferme union et concorde généralle, obligeant tous et un chascun, par ce moien, à remettre la main à la besoingne, à bon escient et sans aulcune dissimulation. Qui est le seul moyen d'encheminer voz affaires à une bonne fin , ainsi que tous exemples de confédérations faicles de tout temps monstrent évidemment : car, tout ainsi qu'il est impossible qu'un chariot marche droit, ayant les roues mal et inégalement proportionnées , ainsi ne se peult-il faire qu'une confédération et société ne se rompe et ne réussisse à très-mauvaise fin, quand il n'y a point une égalle obligation de tendre à un but commun et général. Voilà pourquoi les anciens, quand ilz faisoient quelque confédération et société par ensemble, usoient de cérémonies, ou d'avaller du sang, ou de tuer quelque beste , ou aultre chose semblable , par laquelle ilz maudissoient et maulgréoient tous ceulx de leur compaignie qui ne chemineroient d'un pied d'obligation égal et conforme à la fin qu'ilz s'estoient proposée. Et noz ancestres , toutes et quantes fois qu'ilz ont voulu à bon escient maintenir leurs privilèges et libériez, et s'opposer à la tyrannie et violence des mauvais ministres de leurs princes et souverains seigneurs , ilz se sont addressez au maistre mesme , et luy ont franchement déclaré et remonstré leur intention, sans en rien dissimuler les matières, et mesme luy ont faict ratifier les confédérations que, pour l'asseurance de leurs libertez et privilèges, ilz faisoient entre eulx par ensemble, soubz obligations irès-estroictes de vie et d'honneur, pour eulx et pour toute leur postérité , maintenans que le service du prince en dépendoit, ainsi qu'il appert par les Chartres de Cortemberg et leurs confirmations , et par celuy que l'on appelle clen walschen charter; les déclarations et alliances faictes entre les villes de Louvain et Bruxelles , avec Thielmont , Anvers , Lierc, lïerenlals et autres villes de Brabant, en l'an 12G1, le

lendemain de Saint-Jacques, et semblablement par l'alliance faicle entre Brabaiit et Malines, environ le mesme temps ; item, entre le ducq et les villes de Flandres, en l'an 1339, le iij° d'octobre; item, le chartre des quatre, faict le xvij" de juing l'an 1368; en l'alliance entre les villes de Brabant et celles de Tricht, Limborg, Daclhem, faicte l'an 1304, le viij* de mars, et de la nouvelle alliance faicte entre les villes de Brabant de demeurer en leurs libertés, faicte en Pan 1371, le xviij" de février, et le cliartre du duc Wenceslaus, de l'an 1372, le jour de Saint-Lambert ; item, par l'acte du duc Jelian de Brabant, faict et passé en l'an 142!, le \'f de mai; item, par l'alliance faicte entre les villes, de l'an 1514, le xvj'' de février, et une infinité d'autres semblables. Et cela seul a esté cause qu'ilz nous ont laissé tant et de si beaux privilèges, droiclz, coustumes, que nous nous pouvons vanter estre le peuple dessoubz le ciel qui, avecq la fidélité loyalle et les bons services faicts à leurs princes, ont sceu le mieulx eonjoindre une liberté franche et inviolable , laquelle aussi nous ne pouvons maintenir que par la mesme voie qu'elle nous a esté acquise et maintenue jusques au présent.

D'autre costé, je vous prie, considérez comment ceste vostre résolution donnera à penser au Roy, et luy fera changer les conseils violents que, jusques ores, on l'a faict suivre par cy-devant. On luy a donné à entendre que ce n'estoit qu'un tas de rebelles et mutins, ou des hérétiques luthériens, comme ilz les appellent, qui cerchoient remuement d'Estat et de religion, et, pour cela, se servoient d'un prétexte forgé de la tyrannie et insolence des Espaignolz, mais que, en général, tout le pays et commun peuple en estoit assez content et satisfait, ou, pour le moins, s'en tiendroient bien contents, s'il n'y avoit un ou deux des principaux qui les incitassent à se mutiner, et, comme le Roy mesme me disoit en termes exprès et formels, quand il estoit question, en l'an 15S9, de faire sortir

— Mlles Espaignolz : Que, si /os cstados no tuviessen pi/ares,no hablarian tan alto (•). Maintenant, il verra, au contraire, que c'est une voix généralle de tout le peuple, aussi bien de petits que dcgrandz, etdegrandzque de petits, aussi bien des prélatz, abbés, moines, religieux, que des seigneurs, gentilshommes, bourgeois et paysans ; brief, qu'il n'y a aage, sexe, condition ny qualité des personnes qui ne le crie d'une mesme voix et désire dune mesme volonté : à quoy certes jamais il ne voudra ou s'osera opposer j et, quand il le voudroit faire, il donneroit manifestement à entendre à tout le monde son grand tort, et la grande justice que vous auriez à vous opposer à telle iniquité, violence et manifeste tyrannie. Mais, certes, si, alors estant luy-mesmes icy présent, et ayant la fleur de la gendarmerie espaignoUe en aussi grand nombre que maintenant ; aiant aussi à la main et à son commandement ung nombre florissant de gendarmerie allemande et wallone pour les conjoindre; ne voyant pas aussi une telle et si ferme résolution xles cstatz, ny la meilleure partie des justes causes et motifs que depuis ont esmeu et incité le pays contre lesdicts Espaignolz, et n'ayant nul ennemy dedans les entrailles de son pays, beaucoup moins en Hollande et Zélande, qui en est comme la clef principalle, lesquelz s'eussent peu joindre avec les estalz, ni une telle et si suspecte pacification entre les évangéliques et catholiques de la France (=), toutesfois il a mieux aimé de retirer ses Espaignolz (^j, quoyqu'à regret, que de bazarder son Estât par voye d'armes, contre le consentement des estatz, que devez-vous penser qu'il fera maintenant, là où il verra une résolution si magnanime, si ferme et

(') Que, si les états n'avaiont pas des soutiens, ils ne parleraient pas si haut.

(^) Allusion à la cinquième paix ou paix de Monsieur, signée à Chastenoy, le 6 mai I!i7(). (Voy. Sismondi, Histoire des Frnneois, t. XIII, p. 393.)

(') Ku l."i(M.

si unie de tous les estalz par ensemble, mesmes accompagnée des cffectz, là où il se trouve absent , menasse du Turcq en Espaigne, dans les entrailles de son royaulme; là où il n'y a ici que une poignée des Espaignolz , desquelz la fleur principale est cheute en ces guerres intestines , sans oncques avoir sceu conquester la moindre province de son pays sur ceulx qu'ilz appellent, par mocquerie, povres geux; là où il ha despouillé les garnisons de Sicille, de IVaples et de Milan et Sardeyne , pour estouppcr (') à grand malayse les bresches et ruines de ceste troupe de par deçà; là où il voit si grandes etsi intollérables insolences, iniquitez et superbitez, tyrannies et bostilitez des Espaignolz, lesquelles ne peuvent ni doivent par raison estre souffertes, sans très-grande infamie et déshonneur, et finalement là où il verra que vous vous pouvez tousjours joindre avec nous , et mesmes que desjà vous vous estes y joincts ('), et que plustost vous estes d'intention de vous jetter entre les bras des anciens ennemys de la maison d'Austrice (^) , lesquelz , estans pacifiés entre eulx , n'attendent qu'une semblable occasion , que de plus longtemps endurer telles indignités? Là où, dis-je, il verra et considérera toutes ces circonstances, estimez-vous aussy qu'il voudra encor plus longtemps opiniastrer, après avoir receu de vous une semblable lettre et déclaration comme est celle que je vous envoyé ici joincte? Et, quand il le voudroit faire, pensez-vous qu'il en pourra venir au bout? Un faisceau , estant deslié en plusieurs petites verges ou baguettes, se rompt bien aisément; mais, quand il est très-bien conjoint et lié par ensemble, il n'y a bras si robuste qui le puisse forcer. Ainsi pareillement , si vous vous tenez joints et unis, comme nécessairement vous

(i) Estoupper, boucher.

{^) Ceci paraît se raj)i)orter aux négociations entamées à Gand.

(') C'est-à-dire des Français.

ferez, si vous suivez ce conseil, et que, par ceste déclaration, vous establissez une obligation pareille entre tous de maintenir ce faict jusques au dernier homme, toute la Hispaigne et Italie n'est bastante pour vous faire mal.

Vous voyez ce qu'ilz ont icy faiel, en Hollande et Zélande, l'espace tantost de cincq ans ; et toutesfois, ceulx qui y sont natifs et habitués du pays mesme, comme d'Amsterdam et d'Utrecht en Hollande , et de Middelbourg et Zierickzée en Zélande , nous ont faict cent fois plus de dommage, que non pas eulx, avec toutes leurs bravades. Etnéantmoins, qu'est-ce ceste petite poignée des villes, au pris de toutes les provinces qui se sont joint maintenant en ceste querelle , mesmes si elles se veulent encor joindre avec nous ? Mais il y a encor un autre point : c'est que le Roy a estimé et estimera tousjours, jusques à tant que vous ayez prinse la résolution susdicte et le pied que je vous propose, qu'il sera bien aisé de vous disjoindre et séparer les uns des aultres, promettant à l'un une croisade (') , à l'autre une pension ou autre mercède, et donnant pardon aux uns et récompense aux autres : car c'est la seule vraye ruse de ceulx qui veulent opprimer un peuple, ou rompre une confédération, lorsqu'ilz voyent qu'ilz n'en peuvent autrement venir au bout. Par ceste ruse, mit le roy Louis XP les roys de France hors de page, comme ilz disent, c'est-à-dire hors de toute subjection et obéissance des loix, et réduisist le pays en servitude, promettant à son frère le duché de Guienne, au ducq de Bourgoingne, Charles le Hardy, le duché de Normandie, avec Péronne et les autres villes de la rivière de Somme, et, par-dessus, quelque honnorable pension, et aux aultres autres choses semblables, chascun selon sa qualité. Ainsi disjoignit-on naguerres ceulx de la religion en France,

(') C'csl-à-tlirc la croix d'un des ordres militaires dont le Roi disposait, et à laquelle un revenu annuel était attaché.

j)ar l'amorce du royaume de Sardègnc promise au roy de Navarre, père de cesluy-ey. En Allemaignc. l'on trouva nioien de disjoindre et séparer les princcîs, afin qu'iiz ne se résolussent à embrasser, d'un consentement commun, la confédération de Smalcalde : qui fut cause que Allcmaigne se veit en bien peu de temps réduite soubz le joug de l'Espagnol ; mais, aussi tost que, s'apercevant de leur erreur, ilz se remirent en union et se confédérèrent par ensemble, se déclarans vouloir résolutement maintenir leurs droictz et privilèges, tout aussitost furent-ils redressez au premier estât de leur liberté.

Mais il ne fault cercher les exemples si loing, lesquelz se présentent à nostre porte. Je vous prie, qu'est-ce qui nous a par deçà ammenez les Espaignolz, seule occasion de tout nostre mal, sinon pardons, promesses et beaulx semblants? L'on a désuny les volontez de ceulx qui s'y debvoient opposer ; et, de faict, n'avez-vous pas veu les lettres de l'ambassadeur dEspaigne en France, escriptes à madame de Parme, du commencement de ces troubles (')? Que dis-je de l'ambassadeur? le Roy mesme, de sa propre main, escrivit lettres à messieurs d'Egmont et de Hornes, et à moy aussy, déclarant que luy avions faict services fort signalez, desquelz il nous remercioit; recognoissant qu'avions, par nostre bonne conduite et dextérité, conservé ses pays, et requérant que voulsissions continuer en cela, avecq asseurance qu'il ne fauldroit à le recognoistre par toute gratitude. Par lequel moyen il sceut si bien entretenir et endormir les cœurs de ceulx qui s'y fîoient et pensoient n'avoir guères mefifaict, qu'il empescha que jamais l'on ne se peult resouldre unanimement à empescber que le ducq d'Alve ne nous ammenast, avec ses Espaignolz , ce dé-

(') Guillaume veut parler ici de la lettre de don Francès de Alava, publiée à la suite de sa Justification i[c VôQS. Mais, comme nous en avons déjà fait l'observation, t. I, p. lxxvii, note 1. cette lettre était controuvce.

luîïedes maux et calamités que nous avons veu et senly continuellement depuis ce temps-là. Que si. dès alors, ilz eussent suivy ce présent conseil, et mandé au Roy, pour leur i'ernie résolution, qu'ilz n'estoient nullement d'intention de recevoir les compaignies envoiées, du depuis, avec le ducq d'Alve, nous ne serions pour le présent en peines où nous nous retrouvons ; mais, par les ruses susdictes, on les a empeschés de veoir ce qui estoit expédient, et d'exécuter ce que salutairement ilz auroient peu veoir ou délibérer. Or, il ne nous fault pas doubter qu'ilz ne feront à présent tout le mesme, voire d'autant plus industrieusement, qu'ilz voient qu'ilz en ont maintenant plus de besoing. Et, defaict, vous trouverez que desjà, dès maintenant, ces ruses ont esté mises en campagne. Mais, si vous leur voulez couper la broche, et retrancher toute espérance de vous pouvoir attrapper par ce moien-là, le vray et unicq remède est que vous suiviez le pied que je vous propose, et vous leur ferez perdre toute espérance de faire leur profit par semblables amorscs, et que, quant et quant(' ), vous vous entretiendrez en vostre union. Car ilz seroient constraints de quitter ceste voie, et se résouldre, ou à vous accorder vostre demande, ou à user de force manifeste, puisqu'ilz verront que vous estes résoluz de ne croire plus à promesses, mais seulement aux effectz. Et, s'ilz se résolvent à suivre la force, tousjours vous aurez cest avantage, que vous ne pourrez estre surprins, mais aurez le loisir et moien de pourveoir àvoz affaires, là où, au contraire, si vousneprennez le pied susdict, l'on vous persuadera et donnera à entendre que le Roy est très-content de faire tout ce que requerrez, comme desjà vous voiez qu'aucuns, mesmcs du conseil de par deçà, ont commencé à user de ceste ruse. Cependant, on fera les préparatifs à loysir, et, ayant gaigné, lantost les uns, tantost les aultres, Ion vous accablera, avant que vous y ayez pensé à

(') Quant et 'jauni, en même temps.

bon escient. De sorte que vous voiez que, en toutes manières, il est nécessaire que vous vous résolviez à ce que dict est , joinct que maintenant vous ne pouvez entrecognoislre vos amis d'avec voz ennemis : car, tant qu'ilz voient que vous estes les plus forts, ou, pour le moins, qu'ilz ne se peuvent déclarer sans hazard, ilz sont masqués et font semblant d'estre avec vous, ou, pour le moins, ilz demeurent neutres ; et c'est cela qui vous ruine et rompt le cours de voz desseings. Il faut doncques avoir une pierre de touche : c'est de subsigner la déclaration de telle sorte que vous aurez moien et occasion de vous fier ou deffier d'eulx.

En oultre, vous donnerez, par ceste déclaration, à tous voz amis et bienveillans occasion et cause de se déclarer de vostre coslé. Les princes d'Allemagne, les seigneurs et gentilzhommes de France , mesmc la royne d'Angleterre et tous les aultres potentats de la chresticnté, qui par cy-devant ont avecq compassion veu voz misères et afflictions, toutesfois n'y ont voulu mettre la main, car ilz ont tousjours pensé, puisque vous le souffriez volontairement, qu'il ny avoit raison de vous en tirer hors.

Et, ores qu'ilz considérassent que plusieurs gémissoient soubz le fardeau, et mesme que desjà l'on s'en mescontenloit tout ouvertement, toutesfois il n'y avoit personne qui s'y voulust ou osast lier, pour ce quilz ne voioient nulle déclaration généreuse ni magnanime de voz volontés, et estimoient tousjours que vous vous laisseriez plustost accabler soubz le pied, que de repousser une si inique violence par voie d'armes. Et, quand ilz ont veu que vous avez prins les armes, encor ont-ilz estimé que ce n'est qu'une levée de boucliers et un soulèvement d'une populace, laquelle, ne plus ne moins qu'une vague de mer, s'abaisse et s'appaise, tout aussy tost iju'elle s'est eslevée : ce que je vous puis tesmoigncr, en vérité, qu'il a plusieurs fois esté mis en avant et reproché, je dis de

princes et de gens de grande esloffe. Mais, quand ilz verront que vous vous estes déclarés de la façon susdicte, et qu'il n'y a moien de reculer en manière que ce soit, ce sera alors qu'ilz auront du cœur, et vous ferez qu'en estans requis, ilz ne fauldront à vous donner toute ayde et assistance, là où, au contraire, ilz dissimuleront tousjours, tant qu'ilz verront que vous aultres laissez encor quelque lieu à la dissimulation.

Voiez seulement l'exemple de ceulx de par deçà. Je vous asseure bien qu'il y en a une infinité qui jugent que tout cesl affaire qu'avez entreprins réussira finallement en fumée, puisqu'il voient qu'il n'y a nulle déclaration manifeste qu'oblige les uns, aussi bien que les aultres, et qui vous empesche de reculer; et pourtant, plusieurs font difficulté de s'en mesler, là où, au contraire, quand ilz verront que vous vous soiez déclarés en la façon susdicte, il n'y aura personne qui n'accourre à votre assistcnce, et vous demeure fidelle jusques à la dernière goutte de sang : oultre ce que, par ce moien, vous vous acquerrez, par tout le monde, une gloire et réputation d'hommes couragieus et magnanimes, et qui scavez que c'est de maintenir vostre liberté, et d'obéir quant et quant au prince. Vous servirez d'exemple de vertu à tous peuples libres, et de terreur à tous tyrans et iniques oppresseurs de républiques ; et si laisserez-vous et à vostre postérité ung exemple trèslouable et très-utile au maintiennemcnl de leurs privilèges et libertez, ainsi que voz ancestres vous ont laissé, quand ilz ont procédé en la mesme rondeur en toutes leurs déclarations susdictcs, et notamment envers le ducq Jehan de Brabant : de façon que vous rendrez à la postérité le fondament de leur liberté ferme et immuable, qu'est l'obéissance qui est deue au prince juste et légitime; joinct que satisferez en cela au debvoir de voz consciences, et de l'obligation qu'avez à vostre serment, et au rang que vous tenez, en représentant le corps universel de tout le peuple, duipiel vous avez la liberté et salut

comme en dépost, aiant à cest effect receu à voz mains le serment du Roy, afin de le faire maintenir en toute rondeur et sincérité, sans aulcun desguisement ou dissimulation ; et pourtant estes tenuz, devant Dieu et tous hommes du monde, de le faire.

Qui est cause que je vous prie d'y vouloir penser à bon escient, ne faisant doubte qu'aiant bien meurement poisé les raisons et considérations susdictes, vous ne trouviez cestadvis bon et salutaire. Que, si toulesfois vous en jugiez aultrement, je vous prie de penser que cecy ne procède, sinon d'un zèle entier et ardent que j'ay à vostre bien et salut, et à la liberté de la patrie, soubz l'obéissance légitime de Sa Majesté.

Archives des Affaires étrangères, à Paris : MS. intitulé Pays-Bas, 1569-1583, fol. 194-201 (').

(') Ce manuscrit, auquel j'ai fait, comme on le verra, plusieurs autres emprunts, paraît être du commencement du XV 11» siècle ; il a 130 feuillets cotés des n"» 151-280.