MARGUERITE A MAXIMILIEN

Elle recommande Charles Le Clerc pour l'ofiice de maître extraordinaire en la chambre des comptes de Lille. — {Minute '.)

(Malioes )

Mon très redoubté seigneur et père , très humblement à Yostre bonne grâce me recommande.

Monseigneur, Charles Le Clerc, vostre conseillîer et trésorier des guerres de par delà , m'a exposet maintz et divers services qu'ilz a faiz au feu roy mon frère, cuy Dieu absoille , encoires despuis son trespas en sundit estât et office, pour récompense desquelz il seroit voulentier par vous pourveu de Testât et office de maistre extraordinaire de la chambre des comptes à Lile, suractendant la vacacion d'aucune place par ordonance d'icelle , qui est assez apparente de bien tost vacquer, à cause de la vielesse et débilité esquels sont constitué la plupart desdits maistres ordinaires. Et pour ce, Monseigneur, que la nécessité requiert bien y peurveoir d'aucun bon personnaige expérimenté en fait de comptes, qui ayt à supporter et soulaigier les anchiens et caducques officiers qui désoiresnavant ne peuvent supporter la labeiu* et traveil y requis, et comme suis avertye de la suffisance et expérience dudit trésorier, vous supplie, Monseigneur, le vouloir, en faveur de moy et d'aucuns bons personnaiges qui m'ont de ce pour luy requis, poiu'veoir dudit estât et office de maistre de la chambre des comptes extraordinaire, jusques par

' Cette minute sans date a été classée par M. Godefroy dans les liasses de i5o7; toutefois je remarque que Charles Le Qerc n'a été reçu maître extraordinaire de la chambre des comptes de Lille qu'en i5i2, et maître ordinaire qu'en i5i6. (Voyez La Flandre illustre'e par FinstiiuUon de la Cltambre du Roi, par J. de Seur^ 80, 8i.)

le trespas d'aucun résignant , ou autrement^ il peut estre ordinaire. Et de celly faire despechier' ou me envoier faire despecher lettres patentes en tel cas pertinens; et j'espère. Monseigneur, que vous en trouverez bien servyt, et aura par ce moyen persévérer de bien en mieux et si me ferez honneiu* et plésir.

Mon très redoubté seigneur et père, je prie à tant nostre Seigneur qui vous doint très bonne vie et longhe.

Escript à Malines.