MARGUERITE A MAXIMILIEN

Elle regrette de ne pouvoir conférer à Guillanme Le Ncmnand l'office de commissaire aux revues , attendu que le sieur de Mod-« tigny en est déjà pourvu. — (Minute,)

Mon très redoubté seigneur et père , très humblement a vostre bonne grâce me recommande.

Monseigneiu*, j'ay par Guillaimie Le Normand receu les lettres qu'il vous a pieu m'escripre en sa faveur, pour le pourveoir de Testât et office de commissaire des monstres et revues de la gendarmerie de par deçà, ou lieu de feu Julien de La Haye, dernier possessant d'icelle.

Sur quoy. Monseigneur, vous avertiz que avant le trespas dudit Julien , obstant son absence , a convenu par plusieui*s fois députer et décerner commissaires ausdites reveues et monstres, entre lesquelz y ont esté députez, par advis de nostre conseil aucunesfois la plus part du temps, le sieur de Montigny et Jérôme Vent, pour garder le passe droit et abuz qui se font en semblable cas.

Et advenant le trespas dudit Julien, ceulx dudit

ET DE BiARGUERlTE SA FILLE. — 1507. 49

.toûsell et moy regardans l'exercice dudit office estre ▼acanty avons esté d'avis pourveoir ledit de Montigny d'ioelluy estât et office de commissaire sous vostre nom, par manièi^ de pencion et soubz vostre bon plésir ; lequel office despuis il a exercé jusques à présent.

De quoy, Monseigneur, je vous ay bien voulu avertir ayant que y pourveoir plus à plain ; et croy , Monseigneur, que entendez assez que ledit office requerroit bien avoir ung vieulx gentilhomme expérimenté ou fait de guerre, qui fîist craint et obéy, pour y bien garder vostre droit et éviter tous abus ; et que ce ne «croit pas bien convenable y pourveoir dudit Guillaume, lequel , à ce que ay entendu, a esté reconnu par ceulx de Yostre conseil inhabile à tenir office , et requerroit tousjours ledit office homme plus expérimenté que ledit Montigny qui en pourroit finir.

Toutefois, Monseigneur, vostre bon plésir sera me mander et ordonner ce qu'il vous plaira en estre fait; et soit ledit Normand ou aultre, j'en useray tant en ce que en toutes autres choses tousjours selon vostre désir et intencion. Priant Dieu, mon très redoubté seigneur et père , qu'il vous doint bonne vie et longue. Escript