MARGUERITE A MAXIMILIEN

Mai^erite mande à l'Empereur qu'elle s'est rendue en la ville qu'il loi a indiquée. Dispositions pour la guerre. Faible concours de la part de ceux du conseil priré. Bon état de Tartillerie. Envoi de l'archiduc et des princesses à Malines. Soins pris pour leur sûreté.

( Anvers ? )

Mon très redoublé seigneur et père, etc.

Monseigneur, je me suis tirée en ceste ville , selon que vous ay escript , pour faire marcher avant nostre armée, laquelle il fait très bon veoir, ensemble l'artillerie , et vous asseure que les capitaines et conductors d'icelle sont bien délibérés y faire quelque bon exploit; et espère. Monseigneur, que deans deux jours ilz auront passé l'eau sur la terre de noz ennemys et illec adviseront ce que se pourra faire pour le mieulx ; car il n'y a celluy qui n'y voîse de bon cueur; paixfuoy, s'il plait à nostre Seigneur de vouloir estre ung peu de nostre cousté, je ne faiz doubte que quelque bon exploit ne se face ; et aujorduy ou demein se doit conclurre avec l'admirai, seigneurs d'Ilsestain , de Romy , le capitaine d'Angleterre et aultres qui sont icy ce que se debvra premier exploitier , dont, Monseigneur, serez cy-après averty.

Monseigneur, j'ay receu voz lestres du xxi de juillet ■ et vous mercie de leur contenu et de ce que par icelles vous plait agréer ce que j'ay jusques icy fait touchant nostre armée. Monseigneur, je faiz tout pour le mieulx et le plus h vostre honneur et prouflTit que m'est pos-

' Cette lettre ne s'est pas retrouvée.

sible, m'y conduisant par l'advis de vostre conseil par deçà duquel y réserve d'aucuns^ je suis petitement assistée pour le présent ; maiz je ne laisserey d'en faire mon mieulx ^ j'ay tant seulement icy avec le sieur de Berghes, le bailly d'Amont ' et mes gens; et tous les aultres de robbe courte et longue se retirent arrière pour ce que , comme je croy , en matière de guerre n'a nul prouffît pour eulx.

Quant au fait de l'artillerie. Monseigneur, tous les capitaines et gens entenduz au fait de guerre disent qu'on né peult sans cella, et moyennant icelle ont espoir faire quelque bon exploit; car elle est très bien esquîppée et tiennent beaucoup de gens nostre armée de maintenant tant de gens que d'artillerie mieulx à point qu'elle ne fust oncques du temps du feu roy.

Car il y aura xv« bons chevaulx ou environ et vi°*bons piétons, xiiii bons cortauls (?) et xxvi ser^ pentines avec leur suyte ; bien est vray que l'on n'a pas fort grande quantité de pouldre , maiz je faiz toute diligence pour en recouvrer de tout coustez et ne crains que faulte d'argent; à quoy je ferey mon mieulx d'obvier, s'il est possible.

Monseigneur, je vous envoyé le double de nostre estât de la guerre , tant de la grande armée que de l'artillerie , aflfin que puisses plus au long congnoistre ce que y a esté fait.

Et voiant, Monseigneur, qu'il m'estoit nécessaire icy venir, ay fait incontinent conduyre monseigneur mon nepveur à Malines avec mesdames mes nyèpces, où j'ai donné ordre qu'il demeure continuellement

' Claiido (\v Caiou<lclcl , depuis chef du conseil prive à Bruxelles, morl ou i5iS.

ET DE MARGUERITE SA FILLE. — 1611. 425 sans partir de ladite ville jusques à mon retour, que me sera si brief , affin qu'il soit bien sceurement gardé et que aucun dangier ou inconvénient n'en puisse advenir; car aujorduy Ton ne scet en cuy l'on se doit fier. J'ay aussi ordonné aux gouverneurs de ladite ville de Malines d'y prendre bonne et soigneuse garde ; ce qu'ilz m'ont promis faire tellement que, j'espère, nul inconvénient ne s'en pourra ensuyvir dont, Monseigneur, je vous ay bien voulu avertir à ce que le saichant en soiez de mieulx à vostre repoz.

D'aultre part, Monseigneur, je vous averty que suis sur ti^ictiéavec ceulx d'Utrecht tellement que j'espère bien brief y mectre quelque bonne conclusion à vostre honneur et prouffit dont. Monseigneur, je vous avertirey incontinent; et ont pour ledit affaire esté envoyez de par vous en ladite ville le sieur de Gaesbèke, le doyen de Louvain , Thoison d'Or et ung pensionnaire d'Anvers, lesquelz ont mys les choses en bon train par le moyen du sieur de Monfort, et tiens que deans trois ou quatre jours tout sera conclut ; et si

aurons ceulx de qui nous assisteront à la guerre

contre monsieur de Gheldres; de quoy je les feray soliciter.

Monseigneur, j'ay receu les placcars et les ferey exécuter; j'avoye mandé Meteney devers messieurs de Glèves et de Juilliers, maiz ilz font assez sèche responce et veulent vendre leur service bien chier. Si vous en sçavez mieulx faire que moy, ce seroit bien fait.