MARGUERITE A MAXIMILIEN

Elle regrelte de ne pouvoir conférer à Guillaume Le Normand l'office de commissaire aux revues , attendu que le sieur de Monligny en est déjà pourvu. — (Minute»)

Mon très redoubté seigneur et père, très humblement a vostre bonne grâce me recommande.

Monseigneur, j'ay par Guillaume Le Normand receu les lettres qu'il vous a pieu m'escripre en sa faveur, pour le pourveoir de Testât et office de commissaire des monstres et revues de la gendarmerie de par deçà, ou lieu de feu Julien de La Haye, dernier possessant d'icelle.

Sur quoy, Monseigneur, vous avertiz que avant le trespas dudit Julien, obstant son absence, a convenu par plusieurs fois députer et décerner commissaires ausdites reveues et monstres, entre lesquelz y ont esté députez, par advis de nostre conseil aucunesfoîs la plus part du temps , le sieur de Montigny et Jérôme Vent, pour gai'der le passe droit et abuz qui se font en semblable cas.

Et advenant le trespas dudit Julien, ceulx dudil

conseil et moy regardans Texercice dudit office estre Tacant^ avons este d'avis pourveoir ledit de Montigny d'icelluy estât et office de commissaire sous vostre nom, par manière de pencion et soubz vostre bon plésir ; lequel office despuis il a exercé jusques à présent.

De quoy, Monseigneur, je vous ay bien voulu avertir avant que y pourveoir plus à plain; et croy, Monseigneur, que entendez assez que ledit office requerroit bien avoir ung vieulx gentilhomme expérimenté ou fait de guerre, qui ftist craint et obéy, pour y bien garder vostre droit et éviter tous abus ; et que ce ne seroit pas bien convenable y pourveoir dudit Guillaume, lequel , à ce que ay entendu, a esté reconnu par ceulx de vostre conseil inhabile à tenir office , et requerroit tousjours ledit office homme plus expérimenté que ledit Montigny qui en pourroit finir.

Toutesfois, Monseigneur, vostre bon plésir sera me mander et ordonner ce qu'il vous plaira en estre fait; et soit ledit Normand ou aultre, j'en useray tant en ce que en toutes autres choses tousjours selon vostre désir et intencion. Priant Dieu, mon très redoubté seigneur et père , qu'il vous doint bonne vie et longue.

Escript