MARGUERITE A MAXIMILIEN

Elle le prie de ratifier l'accord qu'elle a ménage entre deux prétendants à l'office de receveur de Flandre^ au quartier de Gand. •— ( Minute. )

Mon très redoubté seigneur et père , très humblement a vostre bonne grâce me recommande.

Monseigneur, ces jours passez, j'ay dressé ung ap- I. A

poinctement entre Lyévin Lyens et Lyéviu de Porthelberghe, à cause de l'office de receveur de Fkndre ou quartier de Gand^ en la forme et manière contenue ou mëmoyre icy encluz , qu'est au grey et contentement desdites parties , et semblablement de mon cousin le sieur de Fyennes, lieutenant et gouverneur des pays de Flandre. Et sera cause ledit appoinctement obvyer à pluseurs grans inconvëniens, qui en fussent peu sourdre, d'un cousté et d'autre. Aussy j'ay par ce moyen satisfait à ce qu'avoye prins , tant pour avoir promptement argent pour aucunement survenir aux grans affaires qui occupoient , que pour complaire audit de Fyennes, qui a voit ceste matière fort à cueur ; et en telles neccessités, Monseigneur, eusse esté contraincte engaiger plustôt tout ce que j'ay que faillir ou paiement des Alemans , noz ennemis estanz dedans le pays de par deçà comme pour lors y estoient , que me contraignir prandre argent dudit Porthelberghe sm* ledit office, comme par aultres mes lettres avez peu entendre. Et pour ce, Monseigneur, queay promis à icelles parties tenir main envers vous que ledit appoinctement seroit ratiffié et agréé par vous, vous supplie. Monseigneur, en toute humilité, me faire cest honneur de icelluy confirmer et auctoriser et faire dépesclier à ung chacun voz lettres patentes, selon le contenu dudit appoinctement, et vous me ferez honneur et plésir; aussy ferez vous audit seigneur de Fyennes , qui est vostre bon et léal serviteur ".

* L'Empereur a fait à cette lettre une réponse favorable, sons la date du 3i juillet 1607, à Constance; de sorte qu'elle eût pu être classée parmi celles du même mois.

Commeiiçaiit à Pâqnes, le 23 avril; finissant le 7 avril.

L'Empereur Tlnvitc à faire dorénavant solder par le trésorier de Dole la pension que Simon Franchois avait obtenue sur la recette générale des Pays-Bas. — (Original,)

( Lauchstaedt, le 27 avril.)

Très chière et très aînée fille, nostre amë et fëal escuier, Symon Franchois , nous a remonstré comme feu nostre très chier et très amé filz, le roy de Gastille, que Dieu absoille, lui avoit parcidevant donné et constitué la pension de dix-huit solz par jour, à en estre payé par les mains de nostre amé et féal receveur général de noz pays d'embas , Symon Longin , ou d'autre présent ou avenir. Et que, combien que derrenièrement, nous estant en nostre cité de Constance, lui octroiasmes lettres addressant à vous pour d'icelle pension l'en faire payer , jusques autrement par nous en seroit ordonné, toutefibys, pour les grans affaires qui ont esté en nostre conté de Bourgoingne, ledit Symon Franchois n'a peu présenter sesdites lettres, ne aussi poursuy sadite pension devers ledit receveur, nous requérant au surplus que, actendu la distance du chemin dez noz pays de Bourgoingne en noz pays d'embas et la despence qu'il lui convient supporter en poursuivant sadite pension, nostre plaisir soit lui

transporter sadite pension et l'en faire doiresenayant payer par nostre amé et fëal trésorier de Dole présent et avenir. Et pour ce que avons en bonne et singulière recommandacion ledit Symon Franchois, nous yons requérons que , en ayant regard aux bons services qu'il a parcidevant faiz à nous et à nostredit feu filz , vous vueillez consentir que sadite pension lui soit transportée sur nostre trésorier de Dole présent et avenir, et que, actendu vostre assignat, vous prenez iceulx ailleurs. A tant, très chière et très amée fille, nostre Seigneur soit garde de vous.

Donné en nostre ville de Laustat, le xxvii* jour d'avril , l'an mil v"^ et vu après Pasques. Ayès ly pour recommandé. Maxi. — Plus bas, Bennen

L'Empereur mande à sa fille de conférer à Jacqaes Goeiraan, chapelain de l'arcbidac Charles , la cure de Menicquedame en Hollande. — ( Original. )

( Lintz-sur-le-Rhin , le 12 mai.)

Très chière et très amée fille, de la part de maistre Jacques Goelmann, chappellain de nostre très cher et très amé fils, l'archiduc Charles, nous a esté remonstré comment dernièrement, nous estans à Constance, lui accordasmes la première cure qui dès lors escherroit vacant en nostre pays de Hollande, et que puis naguères la cure de Menicquedamme, en nostredit pays de Hollande, est escheue vacant à nostre disposicion, nous requérant de, en ensuivant nostredit don, nostre plésir soit le pourveoir d'icelle cure et luy en faire despes-

chier noz lettres patentes. Et pour ce que sommes bien enclins à sadite réqueste ^ en faveur mesmement des bons et agréables services qu'il a parcidevant faiz et fait journellement à nostredit filz Charles^ nous vous requérons que^ en ensuivant ce que dit est, vous le vueillez avoir en ce pour recommandé et le pourveoir sur ce par delà de nosdites lettres comme faire pourrions. En quoy faisant, nous ferez chose agréable. A tant très chière et très amée fille nostre Seigneur soit garde de vous.

Donné à Lins-sur-le-Rîn, le xii* jour de may, Tan mil v"^ et viii. Per Regem. — Plus bas, Renner.

Rémission annoncëe à Jehan de Bourgogne , quî avait détroussé et volé un marchand du quartier d'Artois. — - ( Original. )

( Cologoe , le 18 mai. )

Maximiliàn, par la grâce de Dieu, etc., empereur, etc.

Très chière et très amée fille, et très chiers et féaulx, nous avons entendu la prinse et détencion en nostre ville de Brucelles de la personne de Jehan de Bourgoingne j filz d'un de nos officiers d'armes , demeurant en noz pays de Bourgogne, a cause d'avoir esté en compaignie d'autres à destrousser ung marchant du quartier d'Artois d'aucuns deniers qu'il pourtoit sur luy pour lequel mésus , nostre amman de Brucelles , et ceulx de la justice d'îcelle ville ont desjà procédé à faire son procès et contendent l'en faire mettre au dernière supplice. Et combien que ce soit cas digne de

pugnicîon dont sans cause raisonnable ne Touldrions estre dispense , toutesfois ayant regard aux bons services que les ancestres dudit prisonnier et mesmement son père ont ^ tout leur eage, fait à nous et aux nostres, et que aucuns de noz espéciaulx serviteurs estans lez nous nous ont requis, actendu que le délinquant n'a jamais esté noté d'aucun autre blasmeouvillain deffault, de luy pardonner ce qu'il a à ce moyen mesprins envers nous. Nous à ces causes^ inclinans aussi à leurdite supplicacion et requeste, luy avons en ce cas quicté et remis icellui délict et mésuz^ avec tout ce qu'il en peut avoir offensé envers nous et la justice, et escripvons présentement à nostre chancellier de Brabant de luy en faire despeschier nos lettres patentes de rémission dont vous advertissons et voulons que se s'est le premier cas ou deffault dont on se soit plaint dudit Bourgogne, et qu'il ne soit trouvé qu'il ait voulu mectre à mort ledit marchant, que le faictes joyr de nostredite remission y sans aucun contredit ne difficulté , car nostre plésir est tel. A tant, très chière et très amée fille et très chiers et féaulx, nostre Seigneur soit garde de vous. Donné en nostre cité de Couloingne, le xviii* jour de may, l'an mil v'' et viii. Per Regem. — Plus bas, Renner.

La pension de mille florins d'or octroyée à l'évéque de Gurce par le feu roi de Gastîlle lui est continuée. — ( OriginaL )

(Cologne, le 31 mai.)

Très chière et très amée fille, nous vous tenons bien avertye comment le feu roy don Philippe, nostre fife,

cuy Dieu absoîlle, donna et accorda à Tévesque de Gurce, nostre privé conseillier, une pencion annuelle de mil florins d'or, de laquelle il a esté bien appoincté jusques après le trespas de nostredit filz. Et despuis ^ nous y ayant regard à la bonne diligence que ledit évesque prent continuelement à l'entour de nostre personne^ et mesmement pour Texpédicion des affaires de noz pays d'embas, luy avons confermé. ladite pencion et ordonné par noz lettres d'icelle le faire payer et contenter par ceulx de noz finances de par delà ; ce que encoires n'a esté fait, obstant aucun article contenu es instructions de nos ambassadeurs estans par devers vous. A ceste cause et que voulons icelluy évesque joyr de nostredit don et accord , vous requérons tenir moyen envers ceulx des finances et aillieurs où besoing sera que ledit évesque de Gurce soit payé et contenté de ce que luy peult estre deu par le passé de sadite pencion ou que cy après lui sera deu, par manière de don et non de pencion, à ce qu'il ne soit tiré par les aultres en conséquence, tant et jusques à ce que nous trouvons de par delà pour ordonner sur le tout. Car nostre plésir est tel. Très chière et très amée fille, nostre Seigneur vous ait en sa saincte garde.

Escript en nostre cité de Couloigne, le dernier de may xv*" et huyt. Vostre bon père Maxi. — Ad man-' datum domini Imperatoris proprium^ CoUauer.

La jeune nièce d'Anne de Beaumont sera élevée avec les enfiints

de l'Empereur. — ( Original. )

(Cologne, le 31 mai.)

Très chière et très amée fille , nous avons présentement accordé à nostre chière et hien amée^ don Anne de Beaumont, luy entretenir avec nos très chlers et très amez enfFans une jeune ntepce qu'elle a; dont vous advertissons et vous requérons que la faictes recevoir et traictier avec nosdits enfTans comment les autres jeunes filles de son estât estans à Tentour d'eulx. Et vous nous ferez chose agréable. A tant, très chière et très amée fille , nostre Seigneur soit garde de vous.

Donné en nostre cité de Gouloigne , le dernier jour de may, l'an mil v*' et viii. Per Regem. — Plus bas,

L'Empereur mande près de lui le seigneur de Melun, et ne veut pas que le seigneur de Ravestaîu (le duc de Glèves) reste davantage dans ses états. — ( Original. )

(Bopart, le 5 juin.)

Très chière et très amée fille , nous désirons et vous requérons, que incontinent après la réception de cestes , vous envoyez devers nous , quelque part , que soyons, le sieur de Melun *, ckei^alier de nostre ordre y cume déjà nous vous aidons escript ou mandé par

Hugues de Melun, vicomte de Gand, gouverneur d'Arras.

Jérôme Vent \ Et se le sieur de Rayestain tous escript pour Tenir en noz pays de par delà , nous de* sirons aussi , que luy faictes responce, que nous ne Toulons souffrir qu'il y Tienne ; et si d'ayenture il y estoit desjà yenu de cest heure, faictes luy dire ou escripre, qu'il se retire incontinent hors d'iceulx pays; car nous ne l'y youlons point ayoir ne souffrir et nous faeies incontinent sauver (sayoir).

D'autre part y nous ayons entendu ce que nous ayez escript y touchant la prinse de Jëromme Vent. Sur quoy nous ayons adyisé de faire rendre pour lui le capitaine qui estoit dedans Pourroye, lequel est es mains de nostre cousin le prince d'Anhalt, auquel, à celle cause, nous en escripyons présentement et yous requéi'ons que sollicitez cest affaire, ainsi que congnoistrez esti^ conduysable ; car il est bien raison que ledit Jéromme soit racheté de sa prison. A tant, très chière et très amée fille, nostre Seigneur soit garde de yous.

Escript en nostre yille de Popart, le v* jour de juing, l'an 1 608. Per Regem. — Plus bas , Renner.

L'Empereur invite sa fille à ne pas troubler les habitants de Besan çon dans la jouissance d'un octroi de deux mille cinq cents livres qu'il leur avait accordé , pour la réparation des fortifications de cette ville. — ( Original, )

( Stertzingen , le 7 juin. )

Très chière et très amée fille, de la part de noz bien amez les gouverneurs, manans et habitans de nostre

' Les mots en italique sont de la main de FËmpereur.

cite de Besançon, nous a en toute humilité esté exposé et remonstré comme quatre ans a ou environ^ nous leur ayons par noz lestres patentes octroyé et accordé deux mil francs de nostre monnoye de Bourgoingne^ à les prendre et avoir en quatre années , cinq cent frans par an par égale porcion, par les mains de nostre trésorier de Dole, des deniers ordonnez et accordez pour la garde de nostredite cité; et ce pour convertir et employer à la réparacion et fortifficacion d'icelle, à charge de faire apparoir de l'employ des deniers dudit octroy et autres charges et condicionsau long contenues en nosdites lettres patentes, dont ilz ont desjà joy des deux années , montant a mil livres. Et combien que nagairès, en vous faisant, vostre vie durant, le transport et réservacion de nostre pays et conté de Bourgoingne^ nostre désir et intencion ayt esté que iceulx exposants joyssent et usent du résidu de nostredit octroy et accord, mesmement qu'ilz soient entretenuz et continuez au payement des autres mil livres qui leur reste encoires pour les deux autres années derrenières a expirer, touteffoiz ilz doublent que, au moyen dudit transport, voz officiers et commis ne leur veullent en ce donner empeschement, et maintenir nostredit octroy estre expiré et assoffy ; qui leur tourneroit à grant intérest et dommaige et au grant retardement desdites fortifficacion et réparacion ; nous requérant vous en vouloir escripre en leur faveur. Par quoy, très chière et très amée fille, que désirons la réparacion par eulx encommencée estre parachevée, ce que ne leur seroit bonnement possible, sans la joyssance de ladite reste pour lesdites deux autres années avenir, nous vous requérons bien instamment que leur vueillez continuer et faire conti-

iiuer nostredit octroy et le payement desdits mil livres , aux termes , charges , condicions , selon et en ensuivant lesdites lettres patentes qu'ils en ont de nous, et commes eussions fait , se eussions retenu nostredit pays et conté de Bourgoingne en noz mains. Vous requérant au surplus que vueillez faire visiter lesdits ouvraiges et tenir la main que lesdits deux mil francs, ensemble ce qu'ilz ont aussi promis y exposer, soient bien et deuement employés, et vous nous ferez plésir. Très chière et très amée fille, nostre Seigneur soit garde de vous.

Donné en nostre ville de Stersinge, le vu* jour de juing. Tan mil v*" et viii. Per Regem. — Plus bas, Leclerc.

n la prie d'admettre dans ses cuisines Jossc Weert pour y apprendre à faire des pâtés à la manière des Pays-Bas.— • (0/7^.)

(Chiirherch, le 8 juin.)

Très chière et très amée fille , nous vous envoyons avec cestes ung jeune filz appelle Josse Weert, lequel nous a desjà servy en nostre cuysine, et désirons qu'il aprende à faire pastez à la manière de par delà, sy vous requérons que pour ce vous le mectez avec vostre malstre pâtissier et queux et que le vueillez entretenir avec luy une espace de temps et jusques à ce qu'il s'en sçaura aidier, et vous nous ferez chose agréable. A tant, très chière et très amée fille, nostre Seigneur soit garde de vous.

Donné à Suberch, le viii* jour de juing, l'an mil v*^ et VIII, Per Regem, — Plus bas, Renner,

Il mande de lui faire tenir à Metz une somme de dix mille florins

d'or, sans avoir égard au dommage que pourrait produire cette

levée de deniers. — ( Original,)

(Coblentz, le 10 jain. )

Très chière et très amée fille , nous vous escripvons et à ceulx de nostre conseil de par delà par autres noz lettres que youldrions bien que fessiez mectre et tenir prest en nostre cité de Metz la somme de dix mil florins d'or pour les causes plus au loin contenues en nosdites lettres. Sy vous requérons que y tenez la main et faictes tant par tous les meilleurs moyens que sçaurez que iceulx deniers soient tous prestz audit Metz, comme dit est, sans vous arrester ne avoir regard du dommaige que pour ce l'on pourroit avoir. Car se les trêves mencionnées en nosdites lettres se font comme espérons, nous pourrons lever iceulx deniers pour noz despens à aller en noz pays d'embas et contre les rebelles Gheldrois, ce que ne pourrions si bien faire, s'il y avoit faulte à iceulx deniers, obstant que pour la guerre et les grans afferes que avons présentement, nous avons donné horz et débourssez tous noz deniers contans , et nous conviendroit envoyer pour argent en noz pays d'Austriche que ne viendroit pas sitost , et pourroit estre par longue demeure à nostre grant dommaige et de noz très chiers et très amez enffans et pays de par delà. A tant, très chière et très amée fille, nostre Seigneur soit garde de vous.

Escript en nostre ville de Gouvelance, le x* jour de juing, Fan xv"^ et viii. Per Regem. — Ciontresigné Renner.