MARGUERITE A MAXIMILIEN

Elle recommande à son père les enfants de feu messire Bauduin

le B.... , son parent. •— {Minute.)

( Malines , le 28 dëcembre. )

Mon très redoubté seigneur et père, très humblement à vostre bonne grâce me recommande.

Monseigneur, les enffans de feu messire Bauduin le B • , mon cousin, m'ont remonstré comment ilz ont estez par delà les mons en vostre service, et deppuis s'en sont par vostre ordonnance revenuz par deçà , me requérans à ceste cause vous en escripre en leur faveur. Et pour ce, monseigneur, que lesdits enffans sont josnes et en estât pour bien servir, aussi que le plus josne d'eulx a habandonné la court de France pour venir servir la maison de céans, de laquelle ilz sont issuz, comme sçavez, vous prie les avoir pour recommandez en quelque estât à eulx convenable devers mon seigneur et nepveur; et sur ce me mander vostre bon vouloir et plésir pour selon icelluy me régler et conduyre.

Mon très redoubté seigneur et père , je prye à tant nostre Seigneur vous donner bonne vye et longue.

Escript à Malines, ce xxviii* de décembre, anno xv*' dix.

Mariage projeté du duc de Lorraine , qui ne pourra envoyer ses ambassadeurs que dans le délai d'un mois. «— ( Original, )

( Fribourg , le 80 décembre. )

Très chière et très amée fille, nostre cousin, le duc de Lorrainne , a icy envoyé devers nous son secrë-taire par lequel il fait traictier avec nous les choses touchant le fait du mariaige que sçavez % parquoy devant ung mois nostredit cousin ne pourra envoyer par delà ses ambassadeurs, comme le tout plus à plain entendrez par noz conseilliers que envoyerons brief devers vous; et vous requérons que de ce tenez pour excusé nostredit cousin. A tant, très chière et très amée fille, nostre Seigneur soit garde de vous.

Donné en nostre ville de Fribourg, le pénultième jour de décembre. Tan mil v*" et dix. Per Regem. — Plus bas , Renner.

Il lui recommande de ne rien statuer sur les nouvelles diiticultcs de

l'affaire de Gueldre, avant l'arrivée des conseillers qu'il lui

envoie. — ( Original, )

(Fribourg, le 30 décembre.)

Très chière et très amée fille, nous avons receu voz lestres du vu® de ce présent mois , touchant le fait de Gheldres , lesquelles et les nouvelles charges et difficultez que les depputez de messire Charles de Gheldres

* Il s'agit sans doute du mariage dn duc de Lorraine avec Léonor d'Aulriclic. Voyez ci-après une lettre du 29 mai i5ii.

vous ont mises en ayant nous avons entendues bien et au long , ensemble sur ce vostre advis et de ceulx de nostre conseil de par delà.

Sur quoy nous désirons et vous requérons que ne procédez ou traictez aucune chose plus avant sur ceste matière y mais remectez le tout jusques à la venue de noz conseilliers que nous envoyerons brief par delà , par lesquelz nous vous advertirons amplement de nostre intencion sur ladite matière. A tant, très chière et très amée fille, nostre Seigneur soit garde de vous.

Escript en nostre ville de Fribourg , le pénultième jour de décembre, l'an xv*" dix. Vostre bon père Màximilien. — Plus bas, Renner.

II lui mande qu'il a renouvelé la ligue et les traités contre les Vénitiens avec le roi de France et le roi d' Aragon. Il compte aussi engager le pape dans cette même ligue. Il veut pousser la guerre avec vigueur et demande de l'argent. — ' ( Original. )

(Fribourg, le 31 dëcembre. )

Très chière et très amée fille, vous povez assez avoir entendu la renovacion et revalidicion des confédéracions et amitiez qui a esté naguères faite et conclud à Bloiz entre nous et nostre bon frère et cousin , le roy de France , et mesmement la bonne et grande assistence que par icelle nous a promis faire nostredit frère en nostre commune guerre contre les Véniciens , jusques à tant que aurons d'eulx recouvré les pays et seigneuries que nous appartiennent. Est aussi conclud que nous deux en propres personnes devons tirer ce prouchain esté à ladite guerre.

Nous tenons vous avoir pieçà signiffié que le ix>y de Hungherie s'est mis en nostre lighe, et que à ce printemps^ il doit emprendre à recouvrer le royaume de Dalmacie.

Le roy d'Ârragon nous a de nouveau accordé baillier à nostre assistence pour ladite guerre , cinq cens lances et ii"" piétons.

Nous sommes en praticque et espoir que le pape se remettera en nostredite lighe et nous fera aussi ayde et assistence.

Par icelle renovacion est dit et spéciflié que ledit roy de France nous doit baillier et entretenir à nostre assistence aux champs xii^ lances et x"" hommes à pied , tous gens d'armes à l'eslite; et que de nostre costé devons aussi avoir et tenir aux champs x" hommes à piel et iiii°* combatans à cheval pour nostredite commune guerre^ à l'exécution de laquelle sommez délibérez nous tellement employer, au moyen de l'ayde et assistence de nosditz allyez et bons subgectz, que espérons en Dieu venir à chief de nostre emprinse contre lesdits Véneciens, au bien, gloire et louenge de nous et de nostre postérité. Ensievant quoy, nous est besoing de bonne heure pourveoir à nostredite affaire ; ce que toutes voies ne povons bonnement faire , comme povez mesmes congnoistre, sans l'ayde de nos bons et léaulx subget^ au bien desquelz nostre prospérité et bonne yssue d'icelui nostre affaire tout redunde.

Noz subgetz d'Austrice, Styer, Karinte, Crain et Tirol, nous ont tousiours fait en icelle guerre très bonne ayde et assistence, et aincores sont délibérez y continuer.

Vous savez aussi Taccord que les Estaz de l'empire

:i64 LETTRES DE MâXIMILIEN

nous ont fait l'année passée^ et espérons qu'iiz nous tiendront promesse.

Mais aincores, considéré la grandeur de nostredite affaire y nous est nécessaire ceste foiz estre subyenuz généralement de tous nosdits bons subgetz, tant de par delà que de par deçà. A ceste cause voulons et vous requérons très affectueusement ^ et acertes que veulliez tellement faire et vous employer par tous moyens , de nous envoyer en deniers comptans pour subvenir à nosdits grans affaires^ la somme de cinquante mil livres de xl gros des deniers de noz domaine et aydes de par delà, par les contes de Nassou, sires de Chierves, noz cousins de Berghes , et nostre trésorier général , messire Rolant le Fèvre, ausquelz présentement escripvons et ordonnons venirpar ensemble vers nous^ et eulx employer et faire tout leur possible avec vous pour finer et nous apporter lesdites l"* livres, en les advisant qu'ilz entendront sur ce et autres choses nostre intencion plus à plain de vous.

Pourquoy les convocquerez incontinent vers vous et leur déclarerez ce que dessus, avec ordonnance jBt instante requeste de nostre part d'eulx employer et trouver façon et moyen de nous apporter en leurdite prouchaine venue iceulx l™ livres ; et s'il ne se povoit si hastivement recouvrer toute ladite entière somme ^ que pour le moins ils nous eu apportent la plus grand partie, et que soit tant fait que la reste nous soit tantost aprez envoyée et furnye.

Et si tost que lesdits seigneurs seront prest à partir à tout ledit argent, nous en advertissiez à dilligencc, et nous leur signiffierons le chemin cpi'ilz devront tenir et où ilz nous pourront trouver.

Vous donnerez cherge et instruction à iceulx seigneurs de toutes choses , matières et aiOfaires qui touchent nosdits pays de par delà , à quoy il est besoing mettre ordre, pollice et provision.

Pareillement leur donnerez chei^e et déclaracion de la disposition de la matière de Gheldres des difficultez qui se trouvent sur le traitter d'icelle et vostre adviz sur le tout; car nous sommes résolu d'y mettre une bonne et totale fin.

Faites-nous aussi savoir par lesdits seigneurs ^ ce qui a esté fait et besoingnié touchant les cincquante mil livres que demandons^ nostre vye durant, de nosdits pays de par delà , dont nous vous avons par pluisem^s foiz escript, et que sur ce ilz nous apportent une bonne résolution.

Nous vous requérons de rechief que , à l'adresse et effect de ce que dit est dessus , vous employez et faites comme en vous en avons la fiance^ et vous nous ferez ung fort agréable service et plaisir. A tant , très çhière et très amée fille, nostre Seignem^ vous ait, en sa garde.

Donné en nostre ville de Fribourg en Brisco, le dernier jour de décembre xv"" x.

P,S. Ma bonne fylle, faetes en ceste matère cumme avons confidence en vous , per manum propriam,

Maxi. — Plus bas, flannart.

L'Empereur ordonne de publier dans les Pays-Bas le traité conclu

récemment à Blois entre lui et le roi de France. Il ordonne que

le président de Bourgogne soit payé de manière qu'il n'ait plus à

se plaindre. — ( Original, )

(Fribourg, le dernier décembre.)

Très chière et très amée fille , nous voulons et vous ordonnons que faîctes publyer, par tous les lieux et ainsi qu'il est acoustumë, le traictié, renovacion et revalidacion nagaires fait et conclud a Bloiz ', entre nous et nostre bon frère et cousin , le roy de France, lequel vous a esté porté par nostre amé et féal conseillier, maistre Jehan Gaulier; et dudit traictié nous envoyez ung double ou vidimus auctenticque es mains de nostre amé et féal secrétaire , maistre Jacques de Banissis, et après faictes mectre et garder l'original d'icelluy traictié en la trésorie de noz charlres où sont les autres et semblables traictiez. Pour ce que entendons le président de Bourgoingne, nostre ambassadeur par devers nostre frère et cousin , le roy d' Arragon, soy condouloir de sobre appoinctement et payement pour son entretenement en ladite ambassade , et à ceste occasion contend à retourner, nous , désirans estre encoires servy de luy en icelle légacion et ambassade, vous requérons et néantmoings ordonnons le faire tellement traictier, appoinctier et payer qu'il s'y puist honnestement entretenir, et n'ayt cause de soy plus condouloir.

' Ce traité, pour la ratification et prorogation de celui de Cambrai, de i5o8, a été signé à Blois, le 17 novembre iSio. Il est inséré dans le Corps diplomatique de Diimont, IV, i'* part., 12a.

ET DE MARGUERITE SA FILLE. — 1510. 367 Nous voulons aussi que faciez tousjours entretenir

les postes depuis vous jusques en court de France. A

tant, très chière et très amëe fille, nostre Seigneur vous

ayt en sa gaixle.

Donné en nostre Tille de Fribourg, le derrenier

jour de décembre xv"" dix. Per Regem. — Plus bas ,

Harmart*

Il lui annonce l'état maladif de l'impératrice. Il désire avoir pour elle une consultation des plus doctes médecins des Pays-Bas. ^— - ( OrigînaL )

( Fribourg, le dernier décembre. )

Très chière et très amée fille , nous vous avertissons que nostre compaigne^ la royne, vostre belle-mère, a desjà esté par aucun temps toute maladieuze et traveillié d'ung excez de fièvre, lequel tire sur l'éticque ; elle ne désire que tousjours boire et riens mengier : parquoy elle commenche à chergier l'eauwe. Nous vous requérons que faites secrètement convenir avec voz médecins , deux ou trois des plus doctz médecins qui sont par delà ou à Louvain , et leur faire tenir une consultacion pour le moyen du remède de ceste maladie; et ce qu'ilz trouveront pour conseil et adviz le nous envoyez par escript en extrême dilligence, et vous nous ferez plaisir. A tant, très chière et très amée fille, nostre Seigneur vous ait en sa garde.

Escript en nostre ville de Fribourg en Brisco, le derrenier jour de décembre xv^ x. Vostre bon père Maxi. — Plus bas, Hannart.

L'Empereur demande Farbre généalogique des rois d'Espagne et celui des rois d'Angleterre. Il désire aussi une histoire d'Espagne intitulée la Valeriana,

( Fribourg , le dernier décembre. )

Très chière et très amée fille, comme vous avons desja escript , nous désirons et voulons que nous envoyez incontinent l'abre de la généalogie des roys d'Espaigne, lequel se trouvera devers ung marchant tapissier de Bruxelles qui a cherge de faire de la tapisserie pour le roy d'Arragon de ladite généalogie; pareillement nous envoyez la généalogie des roys d'Engleterre qui se trouvera en la maison du sieur de Berghes audit Berghes.

Nous escripvons présentement à nostre secrétaire , maistre Pierre Ximaines , pour ung livre des histoires d'Espaigne imprimé, appelle la Valeriana ', que l'on dit qu'il a; et si d'aventure il ne l'avoit, nous luy ordonnons faire dilligence d'en recouvrer ung et le nous envoyer par les postes ; nous voulons que luy ordonnez aussi faire ladite dilligence , et baillier autant d'argent qu'il fauldra pour l'achat d'icelui livre, et n'y faictes faulte; car tel est nostre plaisir.

Donné en nostre ville de Fribourg en Brisco, le dernier jour de décembre xv*^ dix. Per Regem. — Plus bas , Hannari.

* Sans doute la Cronica de Espaiia abrevieiday par Dieç^o de fraiera, jmprinice plusieurs fois dans le xv* siècle.

L'Empereur évoque à lui la décUîon à prendre sur la convocation d'un concile demandé par les cardinaux. '—{Original,)

(Fribourg, le 6 janvier. )

Très chière et très amëe fîUe, nous avons receu voz lettres par lesquelles nous advertissez comment six cardinaulx vous ont escript et requis de vouloir escripre à nostre saint Père de mectre sus ung consille^ nous requérant vous mander sur ce nostre advis, et comment vous leur devez faire responce.

Sur quoy vous signifiions que désirons que remectez la matière à nous pour la poursuyr devers nous ; car ces choses appartiennent à nous^ comme tuteur et mainbour de nostre fîlz l'archiduc Charles. A tant, très chière et très amée fille, nostre Seigneur soit garde de vous.

Donné en nostre ville de Fribourg, le vi* jour de janvier, l'an mil v*" et dix. Per Regem. — Plus bas , Renner.

Il lui mande de recevoir et entretenir parmi ceux de l'hôtel de l'archiduc Charles , le fils de Jacques d'Albion , ambassadeur du roi d'Aragon auprès du roi de France. — - (Original,)

(Bolzanne, le 10 janvier.)

Très chière et très amée fille , à la prière et requeste du senor Jacques d'Albion, présentement ambassadeur de nostre frère et cousin, le roy d'Arragon, pardevers I. 2/f

370 LETTRES DE MAXîMILIEN

nostre bon frère et cousin , le roy de France^ pour traitté Taccord d'entre nous et nostre frère, le roy d'Arragon, au fait du gouvernement du royaume de Gastille , nous lui avons accordé prendre et retenir son filz de l'ostel de nostre très chier et très amé filz l'archiduc; ce que vous signifiions et requérons que quant icelluy son filz viendra de par delà que le faictes mettre et couchier en Testât de l'ostel de nostredit filz à tels gaiges que ceulx qui sont des quatre estaz de sondit ostel. Et tel est nostre plaisir, très chière et très amée fille, nostre Seigneur vous ait en sa garde.

Escript en nostre ville de Bolzaenne ', le x® jour de janvier xv*" x. Per Begem. — Contresigné Botechou.

Il la remercie du retard des joutes qui doivent se faire à Bruxelles» Il annonce sa prochaîne arrivée en cette ville. — {Original,)

(Le 13 janvier.)

Tràs chière et très amée fille, nous avons à ceste heure par le porteur de cestes receu voz lettres par lesquelles nous avertissez des joustes qui se doivent faire en nostre ville de Bruxelles, et du délay que y avez fait mectre pour les causes contenues en vosdites lettres; dont vous mercions, vous ad visant que nous entendons estre audit Bruxelles merci'edy prochain , et désirons que pour nous acompaignier nous envoyez voz archives , et qu'ilz soient icy lundy au soir. Et quant

' Il parait que l'Empereur datait suivant le style du pays où il se trouvait; de sorte que cette lettre-ci pourrait bien être du lo janvier iSoQ, style de Rome. Cette remarque s'applique à d'antres lettres que nous ne signalons pas.

aux jousteors, s'ilz yeullent faire leursdites joustes jeody par tout le jour^ nous les verrons youlentiers^ et s'ilz poYoient suractendre jusques au dimence après ensuivant^ ilz auroient plus largement jousteurs pour leur donner du passe-temps ; remectant néantmoins le choix de l'un desdits deux jours à leur arbitraige. A tant^ très chière et très amëe fille, nostre Seigneur soit garde de tous.

Donné en nostre ville de Bruxelles ', le xiii* jour de janvier, Vostre bon père Maxi. — Plus bas > ffaneton.

Il l'invite à payer à Simon de Ferrette et au capitaine Audrelin les sommes qui leur étaient assignées sur le comté de Bourgogne , avant que ce comté fût échu à Marguerite. — (OrîginaL)

( Fribourg , le 1 5 janvier. )

Très chière et très amée fille, avant le transport et bâillement que vous avons fait de nostre conté de Bourgogne, avions baillié certaine assignation et lettres de descherge à messire Simon de Ferrette et le capitaine Audrelin sur Jacques Luc, nostre trésorier de Salins, de la somme d'environ m™ 1. de x gros, procédans à cause de semblable somme qu'ils avoient prestée. Lequel Jacques dit que, après que ladite conté avoir esté en voz mains , ne luy a par vous volu estre passé ne couchié en son estât ladite assignation. Par quoy lesdits de Ferrette et Audrelin sont demourèz impayez et

' C'est sans doute par erreur que cette lettre est datée de Bruxelles, puisque l'Empereur déclare ne pouvoir y arriver que sous quelques jours.

en sommes journellement fort poursievy et traveillié. ToutesYoyes vous savez assez que entendions toutes assignations faictes et bailliës avant ledit transport dévoient avoir lieu et sortir effect. Et désirans contenter et satisfaire les dessusdits de Ferrette et Audrelin et estre deschergié des importunes poursuytes que l'en nous en fait, vous requérons fort affectueusement et acertes nous vouloir donner et baillier les m™ frans que vous sont nagaires esté donnez et accordez par les estaz de nostredit pays de Bourgogne pour leur en faire payement et pour ce nous envoyer telles voz lettres qu'il vous semble que en aurons de besoing et meismeut une commission sur Antlioine Glammet, nostre receveur général des aydes audit pays, à celle fin de recouvrer, lever et recevoir lesdit m'" frans avec nostre ayde et nous ferez grand plaisir. Sur ce, nous escripvez une bonne et briefve response.

Donné en nostre ville de Fribourg en Brisco, le xv*" jour de janvier xv*^ x. PerRegem. — Plus bas, Hannart.

P, S. Ayés cesle matère pour recommandé , pcr manitm propriam.

Il lui mande d'envoyer sur-le-cliamp , dans le pays de Ferrclte où il se trouve , le comte de Nassau , les sires de Chlèvrcs et de Berghes , ainsi que le trésorier général. — ( Original. )

( Fribourg , le 1 7 janvier. )

Très chière et très amée fille , pour ce que nostre intcncion est ne faire aucun long séjour en cestui nostre pays de Ferrette , voulons que faictes incontinent partir noz très cliiers et féaulx les conte de Nassou^

sire de Chievres, noz cousins de Berghes et nostre trésorier général et haster leur venue vers nous le plus qu'il sera possible comme leur avons desjà mandé, à celle fin qu'ils nous puissent encoires trouver en nostredit pays y sans y faire faulte. A tant, très chière et très amée fille, nostre Seigneur vous ait en sa garde. Donné en nostre ville de Fribourg en Brisco, le xvii® jour de janvier xy^ x. Vostre bon père Maximi- LiEN. — Plus bas, Harmart.

H demande que ses ëcuyers et fauconniers lui soient envoyés avec

leurs oiseaux. — ( Original^

(Fribourg, le 17 janvier.)

Très chière et très amée fille, pour ce que renvoyons par delà nostre amé et féal chevalier et grant faulconnier, messire Jehan van den Aa, nous escrip* vons présentement à noz amez et féaulx escuiers et faulconniers , le sieur de Herlaer , Aert van Meeghem et Colin de Lestre , qu'ilz viengnent incontinent devers nous avec leurs ôyseaulx. Sy vous requérons que faictes payer et contenter ledit Aert de ce que lui peut estre deu à cause de sa pension, et lesdits sieur de Herlaer et Colin leur faire délivrer autant d'argent que besoing leur sera pour venir devers nous; et si les dessusdits ne peullent estre brief despesché , nous en vueilliez advertir. A tant, très chière et très amée fille, nostre Seigneur soit garde de vous.

Donné en nostre ville de Fribourg, le xvii® jour de janvier, Tan mil v*^ et dix. Per Relent, — Plus bas, Jienner,

374 LETTRES DE MAXIMIUEN

Il lui recommande , pour être sergent d'armes massier de rarclii<duc Charles , Gérart Stassart, ancien buissier de cbambre de la reine de Gastilie ; mais il ne veut pas que cet office soit exercé avant la majorité du prince. •>-*- ( Original. )

(Fribonrg, le 19 janyier.)

Très chière et très amée fille, pour considéracion des bons et agréables services que Gérart Stassart a par cidevant et dès loings tamps fais à nostre très chière et très amée seur et belle fille, la royne donna Johanne de Castille , de laquelle il a esté son huissier de chambre, et que encoires journellement nous fait soubz révérend père en Dieu nostre très chier et féal conseiller, l'évéque de Gurck, veullans audit Gérart pour ces causes et mesment à la très instante prière et requeste dudit de Gurck , pourveoir de quelque estât à lui convenable, à l'entour de nostre très chier et très amé filz , l'archiduc Charles , lui avons donné et accordé Testât de sergant d'armes machier de nostredit filz, pour en joyr quant icellui nostre filz sera hors de minorité; car nous ne voulons que durant icelle sa minorité, soit porté masse devant lui. Et d'icellui nostre don expectatif voulons incontinent lui faictes expédier noz lettres patentes , par vertu desquelles il soit dès maintenant pour lors couchié es papiers, registres et ordonnances de l'ostel de nostredit filz. Toutesvoyes , affin que ledit Gérart ait quelque entretenement et provision, attendant qu'il poura exercer ledit office de machier , lui avons donné et accordé Testât de varletz servant devers noz filles, pour dès maintenant

ks servir et estre toujours compté par les escroes, à tdz ^ semblables gaiges que ont les autres varletz servans, dont YGulons et vous requérons très acertes que lefiûdes mectre incontinent en joyssance et possession. A tant, très chière et très amée fille, nostre Seigneur soit garde de tous.

Donné en nostre ville de Friboui^ , le xii* jour de janvier, l'an mil v« et dix. Ainsi signé, Per Regem, et du secrétaire Hannarl.

L'Empeiear recommande à sa fille de veiller à ce que la seigneurie dUsier, en Bourgogne , ne soit pas achetée par le comte de Danois. — ( OriginaL )

(Fribourg, le tl janvier.)

Très chière et très amée fille, nous sommes adverty que le conte de Dunois et de Nieubourge , seigneur de Hanrez, est en train et terme d'acheter le chastel et seigneurie de Usier, en nostre conté de Bourgogne , <jue entendons estre très bonne et forte place et dont, en temps de guerre, ou si ceulx qui le tiennent vouloient maligner pourroient porter obsécrables maulx et dommaiges à nostredit pays. Ce considéré et que ledit de Dunoiz ne se tient du tout en nostre obéyssance et <jue peult estre il a quelque ymaginacion de, par ce moyen, cy-après après revenir à la place de Jou, voulons et vous requérons ti'ès acertes que incontinent ordonnez à nostre mareschal de nostredit pays de Bourgogne, vostre lieutenant des fiefs en icelluy, ne passer ladite vendicion et aliénacion dudit chastel de Usier au prouffit dudit de Dunois. Mais est nostre advis

et conseil que vous meismes plustost faictes ledit achat ou le faire faire par quelque aultre nostre subgect, avant le laissier aller en tel main. Car nous entendons que pour trois ou quatre mille frans , il se pourroit faire. Sur ce vostre response. Et à tant, très chière et très amée fille, nostre Seigneur soit garde de vous.

Donnée en nostre ville de Fribourg en Brisco , le xxi^ jour de janvier xv^ x. Per Regem, Maxi.