MARGUERITE A MAXIMILIEN
Rupture des négociations avec Charles de Gueldre. Nécessite de
veiller à la sûreté des frontières , et d'assembler les États afin de
leur faire connaître la situation des choses. Proposition d'une
entrevue à Diest avec l'évéque d'Utrecht el celui de Munster,
rélecteur de Cologne , les ducs de Clèves el de Juliers. —
( Minute. )
( Malines, le 33 decemhrc. )
Mon ti'ès redoublé seigneiu' et père, très humblement à vostre bonne grâce me recommande.
Monseigneur, les depputez de messîre Charles de Gheldres ont longuement esté devers moy, et ont tousjours contendu et persisté d'avoir aucuns articles du traie té conceu muez et changez à leur voulenté et principallement deux, assavoir cellui de la délivrance de madame ma niepce et cellui de la renonciacion de toutes aliancesy à l'opposite descpielz ilz demandent madite dame et niepce estre dès maintenant délivrée audit messire Charles; et quant à la renonciacion desdites alliances ledit messire Charles n'entend pas elle faire
jusques après la consumacion dudit mariage, combien qu'il eust ça devant esté advisé et conclut avec eulx autrement, ainsi que vous ay escript; et si veulent absolutement avoir la somme de viii"* philippus par an de récompense pour Bommel et Bommelw^art, qui ne vault point xiiii'' florins de rente annuelle. Lesquelles choses ont ressemblé à moy et à ceulx de vostre privé conseil toutes desraisonnables , et non se devoir faire, considéré que vostre intencion n'estoit telle , laquelle pour rien je n'ay voulu excéder. Au moyen de quoy, monsieur, ilz se sont départiz et est demourée la chose enterrompue. Par quoy est de besoing maintenant regarder ce que l'on a à affaire et pourveoir aux frontières, assavoir tant en Hollande que en Brabant, affin que ledit messire Charles n'y sui'prende quelque ville ou endommage lesdits pays et subjectz.
Et au regard de moy, Monseignexir, vous sçavez que je suis femme et que ce n'est point bien mon cas de moy mesler de la guerre , veu qu'il y a petite assistence des subgectz de par deçà , ainsi que en semblable cas, j'ay bien expérimenté.
Sy vous supplye. Monseigneur, avoir sur le tout bon advis, et y tellement pourveoir que les pays de ce jeusne prince ne soyent pigiez et adommaigez durant sa minorité ; car ce vous seroit honte et à moy regret merveilleux.
En oultre. Monseigneur, vostredit conseil et moy sûmes résoluz, si vostre plésir est tel;, de faire assembler tous les Estatz en général pour leur déclarer les devoirs en quoy l'on c'est mis pom' appaisier cest affaire de Gheldres, affin de leur demander conseil et ayde pour garder les pays et subgectz de mondit seigneur et nep-
yeur; sur quoy est aussi de besoing savoir à diligence ▼ostre bon plësir.
D'autre part^ Monseigneur, congnoissant, ja aucuns jours a , que cest aiTaii^e de *Gheldres ne prendroit bonne yssue pour les practicques que se demenoient sur ce par ledit messire Charles devers le roy de France , lequel lui a fait déclairer que aviez par voz ambassadeurs poursuy devers lui qu'il Thabandonnast , ay eu quelque converçacion avec les depputez de monsieur d'Utrecht et de monsieur de Clèves, qui ont este d'advis de faire une assemblée en la ville de Dyest, et y convocquer et semondre lesdits sieurs d'Utrecht, de Clèves , avec les sieurs de JuUiers , de Coloigne et de Munstre pour une ligue et confédération contre ledit messire Charles, auquel lieu j'ay desjà cejourduy envoyé voz depputez, aifin que si les autres si treuvent , conclure et faire quelque bonne chose contre ledit messire Charles pour nostre defTense, puisque ne povons avoir paix à luy. Et me semble. Monseigneur, ferez bien d'escripre à diligence bonnes et expresses lettres ausdits cinq personnaiges à ce qu'ilz soyent plus enclins d'entendre à ladite matière.
Mon très redoubté seigneur et père , je prye à tant nostre Seigneur vous donner bonne vye et longue.
Escript à Malines, ce xxiii* de décembre, anno xv*" et dix.
