MARGUERITE A MAXIMIUEN

Elle recommande à l'Empereur Ector de Bniyelle, seigneur de la Hovardrie, pour une place de chambellan. -^^ {Original. )

( Malînes , le S8 janvier. )

Mon très redoublé seigneur et père, le plus humblement que je puis à vostre bonne grâce me recommande.

Monseignem^ vous savez que^ tost après le trespas du feu seigneur du Fresnoy , je vous escripvis en faveur de messire Ector de Bruyelle , chevalier , seigneur de la Hovardrye , ung de voz anchiens serviteurs , aflSn de le pourveoir d'estat de chambellan , pour servir devei's monsieur mon neveu , comme il a fait autrefoiz devers vous : ce que à vostre derrain parlement des pays de par deçà lui promistes faire; soubz umbre de laquelle promesse , il est demouré devers mondit seignem^ et neveu 9 où il est encoii^s présentement actendant vostre provision , dont il n'a encoires eu quelque nouvelles, comme il dit, requérant vous vouloir de rechief escripre en sa faveur. Pourquoy, Monseigneur, et que ledit seigneur de Bruyelles est bon anchien chevalier qui a bien servy et despendu largement du sien, comme j'entens, je vous supplie très humblement Tavoir pour recommandé et le pourveoir selon ses qualité et services , qui vous sont mieulx congneuz que à moy, comme verrez à son estât appartenir, me mandant et commandant tousiours voz bons plaisirs , pour ies acomplir à mon povoir, comme tenue y suis. Ce scet le benoit filz de Dieu^ auquel je prie vous

donner bonne vie et longue ^ avec l'entier accomplissement de Toz désirs.

Escript à Malines, le xxviii'^ jour de janvier, anno xv^ dix. Yostre très humble et très obéisante fille Marguerite.