MARGUERITE A MAXIMILIEN

Elle recûinmande h son père Adrien de Wjntre et son fils , qui ont donné de belles étrennes à l'archîduc Charles. — (Original,)

(MaliDes, le 28 janvier. )

Mon très rdoubté seigneur et père , si humblement que faire puis à Tostre bonne grâce me recommande. Monseigneur, Adrian de Wyntre , à présent huissier de chambre de monsieur mon nepveu, le jour de l'an dernier passé fîst ung présent à mondit nepveu pour son nouTcl an, assavoir d'un sien petit-fîlz nommé Franskin de Wyntre , pour le servir de paige , et avec ce ung bien beau chien et ung bel espieu de chasse pour le sanglier, duquel présent mon nepveu ftit bien joyeulx et l'accepta bien agréablement. Il a longuement servi en ceste maison, si on fait par ci-devant ses feuz père et grand père et autres ses parens du quartier de Hulst. Ledit Adrian m'a requis que sondit petit filz puist estre receu pour paige vers mon nepveu ou de mes dames mes niepces, et combien , Monseigneur, que la requeste soit raisonnable et que l'en ait bien accoustumé avantagier les bons serviteurs de céans , se ne lui ay voUu accorder sans sur ce savoir vostre bon plaisir, lequel je vous supplie me déclarier et avoir ledit Adrian et son filz pour singulièrement recom-

mandez. A tant , mon très redoubté seigneur et père^ nostre Seigneur vous donne prospérité, avec les entiers accomplissemens de voz très haulz et très nobles désirs. Escript à Malines , ce xxviii® jour de janvier xv* et dix. Vostre très humble et très obéisante fille Marguerite.