MARGUERITE A MAXIMILIEN

Elle demande pour maître Henri y organiste de la cba pelle , une prébende qui doit bientôt vaquer à Rodde-lcz-Bois-le-Duc. -— (Minute. )

Mon très redoublé seigneur et père , etc.

Monseigneur, il y a desjà plusieurs jours que vous escripvy en faveur de maistre Henry, organiste de la chappelle de monsieur mon nepveur , à ce que vostre plésir fust l'avoir pour recommandé en aucune prébende qui soit alors aparente de vacquer, ce que eussiez fait, si desjà n'en eussiez fait don ailleurs. Et encoires despuis par maistre Loys , secrétaire du sieur de Berghes, me mandastes dire que, quant quelque chose vacqueroit, l'auriez pour recommandé avant ung aultre, en faveur des lettres que avez reçu de monsieur mon nepveur et myennes. Or, Monseigneur, il m'a avertye présentement qu'il y a une prébende à Roddelez-Bois-le-Duc assez apparente de tost vacquer que luy viendroit bien appoint. Par quoy. Monseigneur, et qu'il est bon serviteur de mondit sieur et nepveur et de mesdames mes niepces, ausquels il a aprins à jouer sur le manucordium et les sert si bien que le me recommandent journellement, vous supplie luy accorder ladite prébende , cas advenant de la vacacion d'icelle , et me ordonner sur ce vostre bon plésir; et suractendant vostredite responce, si la chose venoil à vacquier luy ferey despescher voz lettres par provision et soubz vostre bon plésir.

Mon très redoubté seigneur el père, je prie, etc.