MARGUERITE A MAXIMIUEN

Elle fait (les vœux pour la réussite des affaires de son père. Elle est d'avis qu'il ne faut pas envoyer d'ambassadeur en Angleterre. L'argent manque pour le voyage du président de Bourgogne. Légitimation de mademoiselle de Savoie et son mariage projeté avec le seigneur d'Epinoi. Prébendes vacantes à Soigny et à Béthune. — {Minute,)

Mon très redoubté seigneur et père , très humblement à vostre bonne grâce me recommande.

Monseigneur, j'ay receu voz lettres et par icelles entendu de voz bonnes nouvelles desquelles j'ay esté bien joieuse et serey tousjours étendre d'icelles, priant Dieu qui vous doint grâce de tellement exploitier.voz bonnes emprinses que en puissiez venir à chief , et me semble que debvez sur toutes choses diligenter vosdites emprinses , affin qne en temps et lieu puissiez faire voz affaires.

Monseigneur, quant à ce que m'escrîpvez despescher l'ambassadeur pour aller en Angleterre avec voz instructions que avez pieça envoyez, il me semble. Monseigneur, si vous estez bien remis du contenu en icelles n'estre nul besoing d'envoyer à présent îcelle ambassade; car, tout le contenu desdites instructions est estainct, tant par l'alliance que le roy d'Angleterre a nouvellement fait en France, que par l'absoluciou que le pape a accordé aux Vénéciens , pour quoy ne seroit que despence perdue, si ce n'estoit que voulsissez renouveller lesdites instructions.

Quant à l'allée du président de Bourgogne en Espaig ne, Monseigneur, si le sieur de Melun eust volu entre-

ET DE MARGUERITE SA FILLE. -- 1510. 397 prendre le voyage^ il n'eust tenu oudit président^ maiz aiant nouvelles de plusieurs excès que se faisoient en Bourgogne pour y donner ordre ly ay donné congié y aller ; toutesfols je croy que, quant vous le voudrez, il laissera toutes choses pour obéir à voz commandemens et déjà ly ay escript se faire prest, maiz je ne sçay quant Ton trouvera argent pour le despécher ; car il n'y a point moyen de trouver ung solz en noz finances.

Aussi il semble n'avons que le sieur de Ve seroit bien propice pour ledit voyage, ainssi vous y pourrez penser et en faire vostre bon plésir.

Et touchant le fait de Gheldres dedans aucuns jours ensuivant vous en ferey savoir des nouvelles et de la dispencation de la matière.

Au sui^lus , Monseigneur, je vous supplie vouloir faire depescher la légitimation de ma seur, la bastarde de Savoie, de laquelle j'escrips à maistre Jaques de Bannissiis vous soliciter; car je traicteroie voulentier le mariage d'elle et du sieur d'Espignoy, et si vostre plaisir estoit en escripre une bonne lettre de renonciation à la dame d'Espignoy , sa mère , qu'est de ceulx de Luxembourg, l'afTaire eu pourroit estre de mieulx, estre redressié.

Monseigneur, il a vacqué une prébende à Soigny et une des petites à Béthune par le trespas de sire Pierre Le Fevre, dont assavoir de celle de Soigny, j'ay en vertu de voz lettres pourveu le frère de mon secrétaire Marnix, lequel j'entretiens aux estudez, et celle de Béthune ay donné soubz vostre bon plésir à ung chantre de monsieur l'Empereur^ vostre père, qu'est du lieu et qui en avoit la promesse du feu roy, mon frère. Sy vous supplie , Monseigneur, en estre content, vous

â98 LETTRES DE MAXIMILIEN

recevant très humblement raccord que avez fait a mondlt secrétaire, lequel est continuellement prest à vous bien et loiallement servir.

Mon très redoubté seigneur et père , etc.