MARGUERITE A MAXIMIUEN

Marguerite prie son père de confirmer la rcsigoation de rofllce de prévôt de l'hôtel du prince de Castille et des maréchaux de pardeçà , faite par Yalentin de Bussel en faveur de Gérard de Perroche. — {Minute,)

( Bruxelles, le 6 décembre. )

Mon très redoubté seigneur et père, si très humblement que faire puis me recommande à YOstre bonne

grâce.

Monseigneur, Valentin de Bussel , prévost de Tostel de feu monsieur mon frère , que Dieu pardoint, et des mareschaulx de par deçà, soy voyant travîUië de gouttes , a résigné son estât avec les gaiges et drois en mes mains, au prouffit de Gérard de Perroche , lequel estoit son lieutenant. J'ay passé ceste résignacion soubz vostre plésir ; et combien que les principaulx de vostre conseil de par deçà et autres qu'ilz congnoissent ledit Gérard m'ayent affermé qu'il soit très ydoine en Testât, et qu'il me semblast très raisonnable, lui en faire expédier lettres et le faire inscripre es escros de l'oslel de monsieur mon nepvcu, se ay-je différé le

faire tant que vous en eusse adverty et ce que sur ce entendisse vostre bon plésir. Si vous suplie le me segniffier par voz lettres , et sur ce , Monseigneur, je pry e nostre Seigneur vous donner bonne vye et longhe. Escript à Bruxelles, ce vi® jour de décembre, xv*^ vu. Vostre très humble et très obéissante fille, Marguerite d'Austrice.

Il lui recommande Michiel de Clerùkj pour le premier office convenable qui vaquera en Hainaut, au lieu de celui de grandveneur de Gueldres qui lui avait été octroyé. — {Original.)

(Halle, le 10 décembre.)

Très chière et très amée fille , de la part de nostre bien amé Michiel de Clerfay, jaidis escuier de chambre de feu nostre très chier et très amé filz le roy de Castille, que Dieu absoille, nous a esté remonstré que nostredit feu filz luy a donné par ses lettres patentes Testât et office de grant veneur de notre pays de Gheldres dont il a joy sans aucun contredict, nous requérant le vouloir entretenir oudit office et luy en faire despechier noz lettres de confirmation. Et pour ce que avons pîeça accordé icellui office à ung de noz serviteurs qu'il nous semble à ce estre ydoine et souffisant, comme desjà vous avons escript, et que voulons qu'il en joysse et nul autre, nous avons, en ce lieu et pour récorapence dudit office, accordé oudit Clerfay de le pourveoir du premier qui , après ceulx que avez desjk promis, escherra vacant et de sa qualité en nostre pays

de Haynnau^ en fayeur mesmement des services qu'il a parcydevant faiz alentour de la personne de nostredit feu fîlz. Dont tous advertissons et tous requérons que, ledit cas advenant, vous vueillez en ce avoir ledit Clerfay pour recommandé et le pourveoir dudit premier office, ainsi que dît est, par manière de provision et soubz condicion que à nostre venue par delà, il sera tenu d'en obtenir de nous lettres de confirmacion. Car nostre plaisir est tel. A tant, très chière et très amée fille, le Seigneur soit garde de vous.

Escript en nostre ville de Halle, le x* jour de décembre , l'an xv*" et vu. Per Regem. — Contresigné Botechou.