MARGUERITE A MAXIMILIEN

Elle expose à son père la demande qui lui est faîte d'une prébende à Saint-Aubin de Namur, pour Jacques de Longcbaropt, né hors de légitime mariage; elle lui fait part qu'elle avait déjà engagé sa parole pour le même bénéfice à Louis Maroton, et le prie de régler la chose lui-même. — {Minute,)

( Bruxelles , le 1 1 décembre. )

Mon très redoubté seignem' et père , très humblement à vostre bonne grâce me recommande.

Monseigneur, le sieur de Spontin s'est trouvé par devers moy et m'a recjuis donner une prébende vacante que il dit à Namur en l'esglise Saint-Aulbain, puis aucuns jours ençà , à M® Jaques de Longchampt, son parent, et avecq ce dispenser ledit M'' Jaques, sur ce qu'il est incapable à tenir ladite prébende, pour ce qu'il n'est nez en léal mariage ; et les statuz feriez par

les fondateurs d'icelle esglise sont toutellement contraires à tous illégitimes. Touteffois, Monseigneur, que c'est la mesme prébende de laquelle paravant j'avoye fait don à M* Loys Maraton , secrétaire du sieur de Berghes, qui est vostre bon serviteur, soubs touteffois vostre bon plésir, ne luy ay pu bonnement octroyer sadite requeste. Ains me suis accordée vous en escripre à ce que vostre bon plésir soit en faire et disposer ainsi qu'il vous plaira , me mandant et commandant tousjours sur ce et toutes choses voz bons plésirs, pour de tout mon povoir les faire et accomplir. Aydant nostre Seigneur auquel je prie, mon très redoubté seigneur et père , vous donner très bonne vie et longue. Escript à Bruxelles, ce xi* de décembre xv*" vu.

Incursions de Robert de la Marck dans les pays de Luxembourg et de Namur. Mesures à prendre pour le repousser. — {Original,)

(MeramingeD, le 18 décembre.)

Très chière et très amée fille, nous sommes advertis que messire Robert de la Marche se retire à tout ses gens d'armes à l'encontre de nos pays de Luxembourg et de Namur, en intention de courir sus aux subjects d'iceulx pays et de vaingier le fait d'armes que à bonne cause ils ont naguères fait sur les François. Et pour ce que desirons qui soit à ce pourveu à la préservation de nosdits subjects, nous vous requérons que incontinent cestes veues, vous faictes faire crys et publications par tout iceulx pays que ung chascun d'eulx soit sur

ses gardes^ affin que se ledit messire Robert, François ou aultres les vueillent invahir, oultraigier et combattre, qu'ils se puissent deffendre et que à ce leur faictes donner secours et autres aides nécessaires et que besoing leur sera , et en sorte que par iaulte d'y pourvoir de bonne heure, ils, ne nos autres subjects de par delà n'y aient du domiiiaige. A tant , très chière et très amée fille, nostre Seigneur soit garde de vous, Escript en nostre ville de Menynghen, le xviii* jour de décembre. Tan xv*" vu. Vostre bon père Maxi. — Plus bas , Renner.

Mathieu Lang, Paul de Liechtenstein et Cyprîen de Seurtemer continueront de toucher la pension de quatorze cents livres que chacun d'eux recevait du feu roi de Castîlle. — {Original double, dont Vun porte la date du 13 décembre, )

(Memmingcn, le Î8 décembre.) DE PAR LE ROY.

Très chière et très amée fille , pour certaines causes et considérations à ce nous mouvans , avons continué et de nouveau octroyé et accordé à révérend père en Dieu, nos chiers et féaulx, sire Mathieu Laing, évêque de Gurce; Paule Lichtenstain , chevalier de nostre ordre, et Cyprian de Seurtemer, nostre chancellier de Thirol, et à chacun d'eulx, la pension de quatorze cens livres, du pris de quarante gros de nostre monnoye de Flandres la livre, par an, qu'ils et chacun d'eulx avoient de feu nostre très chier et très ami fils, le roy de Caslille, vostre frère, cui Dieu absoille, a commcncier

ladite pension dès le premier jour de novembre quinze cens et six prochain suivant^ après le trespas de feu nostredit fils« Et en outre pour ce que à cause d'icelle pension leur estoit et est encore deu le payement d'une demye année auparavant^ montant pour chacun d'eulx à sept cens desdites livres^ nous avons aussy ordonné^ ordonnons et voulons qu'ils soient payez desdites sept cens livres^ selon et ainsi que verrez plus à plain par les lettres que leur en avons fait despéchier et enregistrer par deçà^ et les avons signé de nostre main; mais pour l'absence de notre audiencier secrétaire signant en finances^ estant par delà^ ne les avons fait signer de secrétaire ne aussy sceller^ ains les vous envoions avec ceste , vous ordonnant et mandant bien expressément et acertes que lesdites lettres vous faictes signer par nostredit audiencier^ après les faictes sceller, vériffier et intériner par les chiefs gouverneur et trésorier général de nos domaines et finances par delà, selon et ainsy qu'il appartiendra, de sorte et manière qu'il n'ait faulte au contenu et estât d'icelles en quelque façon que soit, et le tout ainsy faict et despéchié, nous renvoyez icelles lettres par la poste, sans y faire faulte, car nostre plaisir est tel. Très chière et très amée fille, nostre Seigneur soit garde de vous.

Donné en nostre cité de Meinminghen, le xxviii* jour de décembre, l'an xv^ et vu. Per Regem, ad man-' datum Domini Cœsaris proprium.

Alliance avec rAngleterre ; dispositions pour commencer les hostilités. Aide à demander aux Etats. Présomption des Français et des Vénitiens. Mort imminente d'un conseiller de Hollande. Office du greffe des finances retiré au secrétaire Marnix pour en gratifier Maximilien Quarré, filleul de l'Empereur. — (Original.)

(FranckeDstein, le 31 dffcembre.)

Très chière et très amée fille. Nous ayons receu vos lettres du xx'^ de ce mois escriptes de vostre main et autres de vostre secrétaire , aussy ouy ce que vostre président nous a dit de bouche de vostre part et veu les advertissemens qu'il nous a monstre tant escrips de vostre main que d'autres.

Et au regard desdits advertissemens escrips de vostre main , nous avions desja proposé la plupart de ce que nous avez advisé et avons conceu certaines instructions secrètes par lesquelles entendrez bientost nostre voulenté de ce qu'entendons faire et aurez ung bon chief , aussy la conclusion de l'aliance d'Angleterre et semblablement bientost nouvelles que nous aurons commencé la guerre ; car nous nous en allons maintenant mettre aux champs pour entrer en pays et avons donné ordre pour secourir les pays d'embas, se le cas le requiert et toutes choses si bien disposé que espérons en avoir bonne yssue.

Entant que touche l'assemblée des estats de nos pays de par delà^ nous sommes d'advis que^ pour mieulx induire les Flamends à donner aide et affin que les autres les ensuivent, tous faites assembler lesdits estats en nostre ville de Gand et illec leur faites exposer les

matières bien au long et aussy dire les remonstrances nécessaires ausquels envoyons de bonnes lettres^ comme verrez par la copie d'ycelles que vous envoyons aussi avec cestes.

Les François et Yénissiens^ nos communs ennemis^ se renomment estre puissans de quarante mille combatansy tant ungs que autres^ et se vantent aussy que à la première entrée que ferons deans les Itales^ ils nous viendront combattre et baillé la bataille dont nous espérons bien, Dieu en ayde, et à nostre bonne querelle, de nous deflendre.

Touchant ce que nous escripvez du conseiller de Hollande qui est en doubte de mort, nous sommes contens que, le cas advenant, vous en pourvéez celluy pour qui vous en avez escrîpt.

De ce que nous remerciez des offices du greffe de nos finances de par delà, et de secrétaire ordinaire qu'avons donné à vostre secrétaire Marnix, nous l'avions fait de bon cueur; car nous avons tous ceulx qui vous servent bien pour recommandez , et à celle cause fait mettre nostredit don deans les instructions de messire Sigismond Phloucg, et de vostredit président, ainsy que verrez; mais pour ce que nous avez encoires depuis escript de vouloir confermer la résignation qui avoît esté faite à nostre filleul, Maximilien Quarré, dudit office qui pour ce est venu devers nous, devant que ayons receu vosdites lettres de merciement et aussi que en avons esté très instamment requis, nous luy avons fait despescher nosdites lettres de confirmation dont vous ad ver tissons, affin de contenter les parties au mieulx que pourrez. Et quant quelque autre office vaquera en nos pays de par delà bone pour vostredit secrétaire ,

nous l'aurons en icelluy avant tous autres pour recommandé. A tant, très chière et très amée fille, nostre Seigneur soit garde de vous.

Donné en nostre chasteau de Fragestain , le dernier jour de décembre, Tan mil v* et vu. Vostre bon père Màxi.

Il informe sa fille qu'il a conféré l'office de pelletier et fourreur aux honneurs de l'archiduc Charles, à Ghîsbrecht Yan den Djck. — ( Original, )

( Franckenstein , le 31 décembre, j

Très chière et très amée fille, de la part d'un nommé Ghysbrecht Van den Dyck, demeurant en nostre ville de Malines, peletier et fourreur aux honneurs de nostre très chier et très amé filz, l'archiduc Charles, nous avons esté requis luy vouloir donner et accorder l'office et estât de peletier et fourreur ordinaire compté par les escroes de nostredit filz à demi an que feu Guillaume de Warenghien souloit avoir. Et pour ce que sommes advertis ledit Ghysbrecht estre homme à ce ydoine et souffisant, et que aucuns de noz féaulx le nous ont fort reconunandé, nous luy avons donné et accordé icellui estât et office de fourreur ordinaire vacant par le moyen dessusdit , en cas que vous n'y aiez encoires pourveu d'un autre. Et voulons et vous requérons que en ce cas vous luy en faictes despechier par delà telles nos lettres que besoing lui sera.

A tant, très chière et très amée fille, nostre Seigneur soit garde de vous.

Escript en nostre château de Fragenstain^ le derrenier jour de décembre, Tan xv^ et vu. Per Regem. — Plus bas I Botechou.