MARGUERITE A MAXIMILffiN

Elle conseille à son père d'en venir à un bon accommodenieni avec le duc de Gueldre. Elle donne, avec discrétion, son avis sur une négociation secrète et importante. — (Minute '. )

Monseigneur, j'ay receu les bonnes et cordiales lettres qu'il voas a pieu m'escrîpre par la derraine poste de vostre main, ensemble la belle baglie y enclouse, dont je vous remercie très humblement, et suis délibérée la garder pour l'amour de vous jusques à la mort.

Monseigneur, j'ay aussi receu le povoir du fait de Gheldres, lequel je ne suis point délibérée d'amploier hors de vostre intencion. Combien, Monseigneur, que avois mys en avant ce que désirez aux députez de M. de Gheldres qui estoient icy, ilz l'ont trouvé le changement bien estrange, disant qu'ilz congnoissoient bien par les termes qu'on leur tenoit et par les changemens qu'on n'avoit nul vouloir de besoigner avec eulx , allégant ouvertement que en tout k ce traictié, il n'y avoit nulle seurté pour leur maistre ; et sur ce sont départiz pour aller faire le rapport desdiles difficultez à leurdit maistre, duquel il doubtent n'avoir jà bonne responce. Toutes fois je verrey qu'il en ensuyvra, et me semble que à peu de chose l'on ne devroit laisser

' Cette lettre , retrouvée pendant l'impression , fait réponse à celle du ag juin i5io.

a conclui'e ladite affaire ; car autrement par ledit apoînctement l'on gardera de ce cousté la descente des François que ne sera pas petite chose; et si vous poui'rez servir dudit de Gheldres au temps advenir.

Monseigneur, quant au demeurant de ce que vosdites lettres contiennent, je vouldroie estre saige pour vous y bien conseillier. Maiz la matère est de si grant poix que je ne vous en oseroie riens dire que par manière de devise, persistant. Monseigneur, en l'opinion que j'ay tousjours esté qu'est de mectre secrètement en effect la matère, dont par Thoison vous feiz avertir, de laquelle l'ambassadeur d'Angleterre vous poursuyvra aussi , et à ceste fin ay envoyé devers vous avec luy Guillaume Pingeon , par lequel je vous en escriptz de ma main mon intencion ; et luy en ay aussi dit quelque chose ; car c'est ung vray et seur moien de resourdre nostre maison et de vous eslever le plus grant prince qui soit au monde. Et si ne laisserez par ce d'entretenir tousjours le roy de France par bons moyens si voulez , affin qu'il n'en praingne nulle maulvaise ymagination; et ne restera, sinon de conduyre l'affaire secrètement; et pleustàDieu, Monseigneur, que vous me eussiez voulu croire au commancement; car le tout seroit desjà résolut sans bruit; et encoires vault>-il mieulx tart que jamais, pourveu qu'il se face de bonne sorte ; maiz je crains , puisque l'ambassadeur d'Aragon vous en a parlé et l'ambassadeur d'Angleterre vous en parlera aussi qu'il ne vienne à la connoissance des François; ce que je ne vouldroie pour riens; ains vous loue les entretenir jusques ayez fait d'eulx, combien que je suis seure, à parler entre vous et moy, que quelque amytié qu'il y ait, qu'ilz vous feront le moings de bien que

pourront; et à cause que j'ay envoyé ledit Pingeon pour la matère susdite ^ il ne m'a point semblé expédient de vous envoyer Thoison. Toutesfois vous m'en manderez vostre bon plésir lequel je acomplirey tousjours de tout mon povoir. A ce sait xiostre Seigneur, auquel je prie vous donner bonne vie et longue.

Nota, A cette minute est jointe une note en chiffres dont voici la traduction.

Du fait de Gheldres. — Le roy d'Aragon dict , puisque ladîcle guerre emporte tant à ceste maison , il est bien d'avis d'y chercher quelque bon appoinctement plus au prouffit et à l'honneur que seroit possible pour obvier que , venant s\ quelque rompture contre le roy de France , lesdits François ne puissent plus bactre l'Empereur et monsieur le prince de celle verge et empescher plus grant bien, et luy semble que à ceste cause ou par guerre ou par paix , l'on doit tacher d'i mectre une fin.

Et touchant le moien du mariage , combien qui luy semble trop difforme et d'eaige et de dignité ', et qu'il désireroit bien que mesdames voz niepces fussent toutes mariées en maisons royalles , néantmoins , si l'on ne peust trouver autre expédient , il consentiroit plustost qu'il se fist de la dernière , pourveu qu'elle demeurast en voz mains , ensemble les viUes que tenez jusques à la consumacion du mariage ; car par ce moyen pendant le temps l'on pourra avoir le bout des autres plus grans affaires.

* Il est saDS doute là question du projet de mariage entre Tune des jeunes princesses et le duc de Gueldre.

402 LETTRES DE HAXIMILIEN

i5li

Commençant le ao avril, finissant le lo avril.