MARGUERITE A MAXIMILIEN

Elle entretient l'Empereur des mauvaises dispositions des cantons suisses à l'égard du duc de Savoie et d'elle-même. Elle le prie d'interposer ses bons offices pour amener les cantons à un traité amiable. > — {Minute.)

Mon très redoubté seigneur et père. Monseigneur, je vous tiens bien avertye de la départye de la journée nagaires tenue avec les cantons, touchant le fait de monseigneur de Savoye, mon bon frère, à laquelle voz ambassadeurs et ceulx du roy de France avec les miens se sont trouvez, et pour ce que, par ladite départye, peult assez sembler lesdits cantons estre plus enclins à mal faire, vouloir et exécuter leur maulvaise intention et voulenté, que d'entendre à nulle raison. En quoy faisant, non seulement mondit seigneur et frère recep-

via dommaige, mais moy aussi, à cause qu'ilz ne sauroient entrer ny envahir les terres et pays de mondit seigneur et frère, sans passer par les terres et seigneuries que je tiens de luy pour mon douhaire, lesquelles ilz déchurent vouloir envahir, prendre et retenir pour leur faulse action; que seroit à mondit seigneur et frère et à moy grant esclandre, dommaige et inconvénient, dont Monseigneur, s'il advient, pour estre mondit seigneur et frère prince du saint-empire, et moy vostre fille, ne sauriez avoir honneur. Parquoy vous supplie, Monseigneur, y vouloir avoir bon advis, et y tellement et à diligence pourveoir et remédier par tous bons et gracieux moyens, que lesdits cantons se vueillent régler à la raison; et j'espère qu'ilz trouveront mondit seigneur et frère si raisonnable, que par amyable traicté ilz auront plus de luy que par rigueur. Et quant à moy, il me semble qu'ilz n'ont nulle cause de me grever ny adommaiger. Sy vous supplie, Monseigneur, derechief y emploier vostre entendement; car ce vous sera honneur de trouver en cecy moyen d'éviter œuvre de fait et violence, et rendrez de plus en plus enclin mondit seigneur et frère à vous faire tout honneur et service.

Mon très redoubté seigneur et père, etc.

Il répond à diverses plaintes de sa fille, et lui donne quelques explications concernant le gouvernement dont elle est chargée. ■ — {Autographe. )

Ma bonne fille, je resceu vous lesti es deux, ung après {'autre, sur lesquelles yl nous semble que yl est de né-

ET DE MARGUERITE SA FILLE. — 1508. 12t cessité que je vous don la réponse de nostre main par escript, afin que nous pouns véritablement croere que vous soes acertes informé sans interprète de ce que yl nous touche, et à vous sy grandement.

Ma fille, vous avez par ung de vous lestres à moy escript, et en icelles vous plaint de se que yl vous samble que je vous veulx oster vostre charge de donner sans nous les offices etbénéfîces et les collations d'icelles. Sur sela vous plaese à entendre que , en espédiant par nous devers vousMyserSigmund Pluq (Phloug), doyen, le président de Bourgoingne en Bresse ' , et Myser André de Bourgo % nous leur donamus charge de vous déclarer en nostre nom ou de par nous, set assavoer que du primier, eos Cils) nous devont excuser vers vous que, quant nous vous despeschamus à Hagenew en Faerret, nous cuidamus vous avoer donné lestres et pouvoir suffisant sur vostre despesche , pour aller prenre le possession de nos pays et seignories de la meson de bas Bourgoingne et le gouvernement, cume yl fuslt conclu enter nous deux, toutesfois selles, par faulte de nostre secrétaire et du vostre, n'estiunt point espédiés, et yl ne pount accorder assamble, là ù nous cuidamus que yl fussunt despeschés, selon la charge qu'il auront de nous, et nous affertions point de ce que yl n'aveont desus riens besungné.

Despuis vous nous avés souventefois escript de lavoer lesdites lettres et pourvoer, sur lesquelles vous nous donamus point de répons ; mes volyons atendre la dé-

1 Mercurin de Gattinare , président du parlement de Bourgogne et Bresse, depuis chancelier de Charles V, et ensuite cardinal.

2 André de Burgo fut depuis chargé de plusieurs négociations de la part de l'Empereur auprès de la cour de France.

pèche du président et autres nos ambascadeurs, car nous cuidamus que vous eusses en vostre pouvoer et lestres tourtoutes qui furent accordés en nostre susdite ville de Hagenea, et cuidamus en oultre que vous volissiés avoer icelles quelles Mester Loys ' vostre secrétaire pourchassoit à Strasbourg devers nous.

Mes en despeschant ledit président et autres de nostre conseil, nous entendismes le susdite faulte, et vous envoyâmes lesdites lestres et povoer en ample forme, pour récompense que vous nous avions traîné si longeraient; mes à part nous avons donné charge à eos nos ambascadeurs devers vous , pour vous en nostre nom déclarer que nous voluns faere ung roi des bénéfices, avec vostre sceu et bon avys, pour par vous estre despeschés avec nostre noveau % quel avons encor entier de nous; lequel seauw nous vous envoyeruns tost, cume cy-après yl est déclaré.

Et mesmement aussy, touchant les offices que par tel manier nous avons voulu , quant ung office vakera, estre pourveu et donné par vous , à tout lesdit nostre noveaw sceau, en nostre mainbournie par nostre sceu et consentement; car i me semble, veu que je suis mainbour et grand-père de nos enfans, que je retieng quelque chose avecq vous pour vous gouverner et pour nostre réputation et le vostre par le conséquent.

Si vous nous eusses escript solement trois lingnes au lieu de dix , ou duse lestres ou artikls dedans vous lestres, lesquels estions si plains de mistères que yl nous estoit point possible de entendre ne tirer dehors

' Louis Maroton, secrétaire de Marguerite d'Autriche, employé souvent dans ses négociations secrètes.

2 Le mot sceï a été oublié dans L'original.

ET DE MARGUERITE SA FILLE. — 1508. 123 la matère principal ; lesquels lingnes fusseunt par vous escriptes par tel manier ou forme : « Mon père, envoyées moy hastivement mon povoer et commission pour « prenre en vostre nom la fidélité et gouvernement des « pays de bas Bourgogne, car mester Jean Renner, « vostre secrétaire , ne m'a point envoyé mon comte mission susdit, selon la commandement et charge (c que vous ly avés baillié à la présence de mon prési- « dent de Bresse ; » certes vous eusses ladite povoer ou commission landemen ou après que vous me eusses escript tel lingnes de lestres de dudit Renner, nostre secrétaire.

Nous vous envoyeruns brief nostre susdit seau nouveau, comme avés entendu par autres nos lettres.

Sy je vous a fait aucun grief en mes adversités de la guerre passé, je vous récompenseré cy après. Certes je a esté sy fort travyllé des mavès novelles tousjours, que je ne savoe là où je a esté en la monde. Ce scet nostre Seigneur qui vous doint ce que plus désirés et bon prospérité.

Escript de la main de vostre bon père Maximilianus.

Commençant le 8 avril, finissant le 5o mars.

Il l'informe de la manière dont elle doit user du plein pouvoir qu'il lui a donné pour traiter l'affaire d'Espagne. — (Orig.)

(Coblentz, le 17 avril.)

Très chière et très amée fille , nous avons , par l'évesque de Gurce, entendu bien et au long ce qu'il vous a dit de nostre part sur la matière d'Espaigne, dont il vous a délivré nostre povoir, et par luy entendu la responce que sur ce luy avez faicte , de laquelle sûmes très content de vous, et nous ferez plésir conduyre ladite matière selon que entre vous et ledit évesque de Gurce a esté conclut et advisé, espérant que le tout se fera au plus près de nostre désir et intencion. Et moyennant vostre sens et prudence, l'onneur et prouffit de nous et de nostre très cher et très amé filz l'archiduc, duquel vous tenons pour mère, y sera bien gardé ; et soubz tel espoir vous avons , par ledit évesque de Gurce, envoyé le povoir tout ample pour en user à vostre discrécion.

Et néantmoins, pour vous avertir de nostre intencion sur ce, désirons que, en traictant ceste affaire, vous tenez tel moyen que le contenu des restrictions faictes à Bolzana ne soit aucunement excédé, et principalement es poinetz qui emportent.

ET DE MARGUERITE SA FILLE. — 1509. 125 En oultre convient que tenez main, traitant ladite matière, que ayons cent mil ducatz pour le maings, ainsi que ledit évesque de Gurce vous a dit de nostre part , assavoir la moytié le plustot que possible sera , et le résidu en dedans demy-an suyvant.

Et affin que cecy puisse prendre meilleur fin, 'est de besoing que le faictes tenir secret et qu'il ne soit communicqué à personne, fors à ceulx que ledit de Gurce vous a dit, dont avons bonne confidenche; et vous remectons le tout en main pour en faire ainsi que vous semblera pour le mieulx, et qu'avons nostre parfaicte fiance en vous. Très chière et très amée fille, nostre Seigneur soit garde de vous.

Donné en nostre ville de Couvelence, ce xvn d'avril xvc et ix.

P. S. Nous avons , par vostre secrétaire, entendu ce qu'il est venu faire de par deçà de vostre part , que a esté très bien advisé à vous, et en sûmes bien content.

Vostre bon père Maxi.

Il mande à sa fille qu'il n'a rien à changer à ce qu'il a écrit touchant l'affaire d'Espagne, bien qu'elle ne s'en montre pas satisfaite. < — i {Original. )

( Saint -Weir, le 18 avril. )

Très chière et très amée fille, nous avons ouy ce que, par vostre secrétaire Marnix, nous avez fait dire touchant les affaires d'Espaigne. Surquoy par luy, nous estans encoires à Berghes, vous avons fait responce, de laquelle n'estes, selon vostre advis, bien satisfaicte. Toutesvoies, pour aucuns bons respeetz à ce nous mou-

vans , n'avons délibéré changer nostredit responce. Ains sûmes d'advis laisser encoires lesdites affères ou même estât qu'ilz sont jusques ayons expédié noz plus grans affères, pendant lesquelz ne voulons que vous ny autre s'empesche desdites matières d'Espaigne, ainsi que avons déclaré plus aplein à nostre secrétaire.

Donné à Saincte-Wire, ce xvine jour d'avril xvc ix. Vostre bon père Maxi. — Contresigné Renner.