MARGUERITE A MAXIMILIEN
Elle recommande à son père , pour être trésorier de l'épargne ,
Jacques de Thamise, jadis receveur de Lille et de Courtrai.
— (Minute.)
(Maîines, le 22 avril.)
ment à vostre bonne grâce me recommande.
Monseigneur, j'entens que délibérez de disposer de Testât de trésorier de l'espargne des pays de par deçà , ouquel estât il est mestier de pourveoir d'homme expérimenté par lequel ledit estât soit personnellement desservi et exercé. A ceste cause vous en escrips et advertys voulentiers pour ce que par le rapport d'aucuns de voz financiers à moy fait, ce seroit grandement le prouffit du monseigneur mon nepveu et le vostre , ainsi se feist, A ceste cause me suis enquise d'ung personnage féable, et mesmementde Jaques de Thamise, naguères vostre recepveur de Lille et Cortray, frère du prévost de Cassel, vostre bon serviteur, lequel Jaques a faiz de bons services au feu roy, monseigneur et frère, que Dieu absoille, homme de bien et expérimenté en fait de recepte et autrement. Pourquoy,
ET DE MARGUERITE SA FILLE. — . 1509. 127 Monseigneur, en cas que dessus , vous vouldroye bien supplier que vosti e bon plésir fust l'avoir pour recommandé et le pourveoir dudit estât de trésorier de l'espergne. Quoy faisant, Monseigneur, me ferez honneur et plésir, et se vous en trouverez bien servy.
Escript à Matines, le xxne jour d'avril xvc et neuf.
Il l'invite à lui abandonner la seigneurie de Faucogney en Bourgogne, moyennant quoi elle sera déchargée de la somme qu'elle payait pour la pension de la princesse douairière d'Orange.
( Worms, le 23 avril.)
Très chière et très amée fille, pour aucunes grans raisons à ce nous mouvans et que vous ferons sçavoir cy-aprez, nous désirons que nous veuillez laisser la seigneurie de Faulcongney • en nostre conté de Bourgongne pour en disposer à nostre bon plaisir et en ce lieu , puis que ladite seigneurie ne vault , comme entendons, plus haut de huit cens francs par chacun an, et que autrefïbis nous avez consentu donner à nostre très chière et très amée cousine , la princesse douaigière d'Oranges % la moitié de la pencion de mil livres que lui avions accordée, nous vous requérons affectueusement que nous veuillez en ce complaire et vous condescendre de mettre ladite seigneurie en noz mains, comme dit est, duquoy faisant, nous vous deschargeons envers nostredite cousine, la princesse douaigière d'Oranges, de cincq cens francs, avec d'autres
' Faucogney, chef-lieu d'une prévôté en Franche-Comté, à deux lieues et demie de Luxeuil.
1 Philiberte de Luxembourg, seconde femme de Jean II, de Cbâlon, prince d'Orange.
trois cens francs que, sans ce, nous aviez aussi con^ sentu payer chacun an, et ferons de ce avec icelle nostre cousine qu'elle aura cause soy en contenter, vous advertissant que se vous n'estes encores contente des descharges dessusdites, nous vous ferons telle récompense que pour ce adviserez, comme le tout plus au long entendrez par nostre trésorier Veillingher, auquel nous en escripvons présentement. Et vous requérons aussi le croire et non point nous reffuser ceste nostre requeste. A tant, très chière et très amée fille, nostre Seigneur soit garde de vous.
Donné à Vormes, le xxme jour d'avril, l'an mil vc et neuf.
Ma fille, donnés nous ung bon respons sur ce '. Vostre bon père Maximi. — Plus bas, Renner.
Somme de cinq cents livres assignée à Antoine de Waudripont, secrétaire de l'Empereur. ■ — ■ {Original.)
(Worms, le 23 avril.)
Très chière et très amée fille , nous avons donné et accordé à nostre amé et féal secrétaire, Anthoine de Waudripont, la somme de cinq cens livres, du prix de xl gros la livre, tant pour le paiement de ses gaiges que lui sont deuz depuis le xve jour de janvier dernier passé, jusques au xve jour de ce présent mois d'avril, comme pour récompense des bons et agréables services qu'il nous a toujours faiz autour de nostre personne, mesmement depuis le trespas de feu nostre très cher et
* Cette dernière ligne est de la main de l'Empereur.
ET DE MARGUERITE SA FILLE. — 1509. 129 très amé filz, le roy de Castille, que Dieu absoille, tant en l'expédition de nostre réception à mainbournie et gouvernement de nos pays et seigneurie d'embas, comme aussi d'autres nos besongnes et affaires durant qu'avons présentement esté en nosdits pays et seigneuries, et encores fait journellement à grands frais, soing, traveil, labeur et diligence dont lui avons fait despeschier nos lettres patentes. Et à ceste cause vous requérons que, en suivant cestes, en faites payer comptant, ou du moins assigner pour en estre payé le plustost que possible sera. Très chière et très amée fille, nostre Seigneur soit garde de vous.
Donné en nostre cité de Worme, le xxine jour d'avril, Fan xvc et neuf. Vostre bon père Maximilien. — Plus bas, Renner.
L'Empereur ne veut pas que le serviteur du médecin Libéral approche de l'archiduc et de ses sœurs. — {Original.)
(Spire, le 27 avril.)
Très chère et très amée fille, nous sçavons que le jour d'hier passa, par ceste ville, ung serviteur de maître Libéral ' , médecin, a tout ung matingo % lequel s'en va par delà en intention de donner icelluy matingo à nostre très chier et très amé fils l'archiduc Charles ou à nos filles , et à ces causes vous requérons et néantmoings ordonnons que incontinent cestes
• Ce médecin était suspect à l'Empereur, en sa qualité de Vénitien. 0 Ce mot, que les glossaires ne mentionnent pas, signifie sans doute un chien.
veues, vous faites sur ce prendre garde, et ordonnez que ledit serviteur ne viengne aucunement vers nosdits fils ne filles , et que quant il viendra celle part vous enjoingnez à ung gentilhomme et à ung archier tel que aviserez qu'ils conduisent incontinent icelluy serviteur jusques à nostre ville de Maëstricht, auquel voulons que donnez une lettre adressant à sondit maistre, par laquelle luy soit mandé de non soy trouver devers nous ne nosdits enffans durant le différent estant entre nous et les Vénissiens. A tant, très chière et très amée fille, nostre Seigneur soit garde de vous.
Donné en nostre ville de Spire, le xxvne jour d'avril, l'an mil cinq cent et neuf. Per Regem. — Plus bas, Renner.
Son départ des Pays-Bas. Affaire du duché de Gueldres. Mauvaise
volonté des États. Se justifie des accusations dont il est l'objet
de la part desdits États. Promet de n'emporter d'argent des
Pays-Bas que ce qui lui est nécessaire pour son voyage jusqu'à
Worms , etc. ■ — {Autographe.)
(Le 29 avril.)
Ma bonne fille, je prend avecq ces te lestre ancor une fois congié de vous, car nous passuns demain la Moese, tirant nostre grant viage *, cumme scavés et vous recommande le fact de Geldres % et prie Diu que
1 JMaximilien fait ici allusion à son départ des Pays-Bas où il se trouvait depuis l'année précédente , et à son projet d'aller à Rome.
1 Arnoul d'Egmond, duc de Gueldres, poussé à bout par les indignes traitements que lui avaient fait subir Adolphe, son fils et sa propre femme, Catherine de Clèves, cède, en ï472j à titre d'engagement, ses États à Charles, duc de Bourgogne. De là les droits de la maison
ET DE MARGUERITE SA FILLE. — 1509. 131 vous doint en sela en vostre gouvernement bon fortune; car i me samble que nostre cousin de Gheldresou d'Egmond vous fera la plus grand hunte brieff; mesmement nous estans empu plus avant montés de nostre person aux almaingnes que vous avez unkes eu en vostre vie, je Fusse volentier pourveu par bon manière, cumme bon père est tenu de la faere ; mes depuis que vous m'avez aujour d'huyescrit la manière que les Estas de nous pays commançont mutiner contra nous, au provit des Gheldres , leor bons amis et futurs parens T nous sumus délibéré tout commander à Diu, sy avant que cy après ly plaera.
Il nous vient journellement des fort mavès rapors desdis Estas; aulcuns mesmement que yl omit entre eos recouvré aulcuns diables secrètes damnés qui leor funt croere que moy et le seigneur Floris d'Iselstain ' ne soumus point content de la paes fait à Cambray % et nous deux tenduns de le rumpre à rencontre leur amoros idol , le susdit Charles d'Egmond, et que il sera bien content de entretenir le paes, sy oun ly donra point ocasion de la rompre.
Ancor sumus nous, qui pys est, au fré (vrai) averty que lesdits nous mal vol ans en Anvers par myl les Estas fount entre eos ung bruyt que cumme nous sumus point délibéré de retourner la liault es Almaingnes, mes solement yssy cokiner et despendre leor argent pour riens.
d'Autriche sur ce duché , et les démêlés de Maximilien avec Charles d'Egmond, fils d'Adolphe.
' Floris d'Egmond, seigneur d'Iselstein.
2 Traité conclu à Camhrai par les soins de Marguerite d'Autriche et du cardinal d'Amhoise.
Sur quoi je vous, cumme à ma très chière et très amée fille, prie que vous par bon moyen déclarés pour mon excuse ausdits Estas en général et leor remontrer la vérité; set assavoer :
Que nous soumus venus par deçà après la trêves fait avecq les Veniciens , pour, de nostre person et aulcuns jendermes, leor donner suecurs contra les François et Gheldrois, et n'ount esté en ma compaingnie point cent hommes que tous eussent esté combatans a cheval ou à pié contra les Françoes ou contra Gheldres pour un g assawt; la moitié ont esté armés, l'autre moitié point; car nous avons guerdé leor armure, jusques que yl fust nécessité , afin de ne point perdre les armures pour riens.
Frae (vrai) est que vous et tout nostre conseil de par deçà ount esté d'avis de prenre l'apunctement avecq le roy de France pour Geldres et autrement, veu que yl n'estoit pour riens délibéré abandonner de tout monseigneur de Geldres. Sela fut cause que nous fimus riens au pays de Geldres de nostre person et pussance; aultrement sans fault nous lussiuns ledit monseigneur de Gueldres dehors de pays ou la plus part mys en ruine. Nous avons point fait venir null argent pour despendre de nostre pays de par delà; car nous avons guerdé soes , pour donner soucours de cet argent aux pays de par deçà a tout dix mil combattans, sy les Françoes volissent ancor une foes currir suus à nous et lesdits pays; mes depuis nous avons lesdis deniers mis en ordre pour satisfaire aux alliances des Françoes contra les infidèles ; par quel reson nous avons eu ceste resonable paes de Cambray.
Semblablement nous vous promettons que nous ne
portruns nulle argent de par delà, sinon nostre despens, jusques à Worms, là nous avons fait porter argent ou devant de nous; mes sy vous me voilés, moiennant le consentemont de pais de par deçà, nous revenger de messire Charles de Gheldres ou d'Egmondt , de ce que yl nous a sy vilainement rompu la paes et se moke de nous, nous sumus content envoyer à vous ung bon somme d'argent de nos pays dlOstrice. Et touchant la primier artikle, qui disunt aulcuns que nous sumus plus culpable de la rupture de la paes que monsieur de Gueldres, vous savés et tout nostre conseil du contraire ; car vous avés oy Hesdin * et Thoeson-d'or a et aussi veu les lestres originales, plusieurs de monsieur de Geldres et de Fiènes, à rencontre de la paes, cumme du tonliu de Lobeke, de pais de la Velua, Betau , Tillerwerd et Kesel 3.
Mes je vous promès ma foy que je leor montrera , à l'aide de Dieu, bientost ausdits nos mutins, traiteurs, men tours tel myroy et remède à rencontra que il ne sarunt en ung an après sauver leor langes ne oraylles.
Ma fille, pardonné moy que je escrive sy mal; car je vous assure que je suis de bon ceur corrussé et sera content de faere à l'encontra tout sela que yl ma coustera jusques à ma vie; mes je suis contraint de tenir mon serement et promesse pour mon susdit viage.
Escript de la main de vostre bon père Maximilianus , ce 29e jour d'avril.
1 Jean d'Ostin, dit Hesdin, conseiller, maître d'hôtel de Marguerite.
a Thomas Isaac , dit Toison d'or, à cause de son titre de héraut de cet ordre.
3 Lieux du pays de Gueldres.
VèA LETTRES DE MAXIMIL1EJS
L'Empereur renvoie vers Marguerite David de Taxis , Vénitien , qui, à cause de son origine, ne doit plus être employé dans les postes tant crue durera la guerre contre Venise. — ( Original, )
(Stockart, le 1er mai.)
Très chière et très amée fille, pour ce que David de Taxis *, lequel est ici devers nous, ayant charge de nos postes est natif du pays de Venise, et que, durant les différens estans présentement entre nous et les Venissiens , ne nous voulons servir d'aucuns de leur nation, mesmement en telle charge ou gist grant soupçon, craindant les inconvéniens, interestz et dommages que en pourrons avoir, nous renvoyons icellui David devers vous, vous requérant le vouloir entretenir en Testât de messaigier ou coureur général pour nous servir en noz communes affaires et messaigeries, sans, lesdits différentz durans , lui souffrir avoir aucune charge ou entremise de nosdits postes. A tant, très chière et très amée fille, nostre Seigneur soit garde de vous.
Donné à Stockart , le premier jour de may, l'an mil cinq cens et neuf. Per Regem.
1 C'est à David de Taxis que fut confié le premier établissement des postes sur la route de Vienne à Bruxelles. Après lui, cet emploi fut exercé par François de Taxis. B. de Taxis, fils de François, qualifié chevalier, et maître général des postes de Charles Quint, mourut le ï6 octobre i54i et fut inhumé dans l'église Notre-Dame du Sablon, à Bruxelles, avec sa femme, Christine de Wachtendonch. Depuis lors, la direction des postes impériales, toujours confiée à la maison de la Tour et Taxis, a été dirigée en fief immédiat de l'empire, avec titre de prince.
ET DE MARGUERITE SA FILLE. — ■ 1509. 135 112. — MAXIMILIEN A MARGUERITE.
Instructions en cas de mort du roi d'Angleterre. ■ — [Original.)
(Stockart, le 1er mai.)
Très chière et très amée fille , nous avons receu les lettres que de vostre main nous avez escriptes touchant nostre frère, le roy d'Angleterre; incontinent lesquelles receues, nous avons fait despeschier à son filz telles lettres que par la réponce d'icelles que vous envoyons cy enclose pourrez veoir. Sy vous requérons que se trouvez que ledit roy soit allé de vie à trespas ', que incontinent vous faictes despeschier aux personnages dénommez et ayant crédence en nosdites lettres telle instruction que adviserez pour le mieulx et les envoyez à diligence devers sondit filz. Sy non ne ferez semblant de riens et deschirez nosdites lettres. Et à tant , très chière et très amée fille, nostre Seigneur soit garde de vous.
Donné à Stockart, le premier jour de may xvc et ix. Vostre bon père Maxi. — Plus bas, Renner.
L'Empereur mande à sa fille de n'accepter la résignation de l'office du trésorier des guerres sans son exprès commandement. — (Orig.)
( Mindelheim , le 8 mai. )
Très chière et très amée fille r si nostre trésorier des guerres, Charles Leclerc, veult résigner l'office de
1 Henri VII, roi d'Angleterre, était mort en effet le 22 avril précédent.
nostre receveur d'Arras dont l'avons nagaires pourveu, à Marc Charles ou autre quel qu'il soit. Nous, en ce cas , pour certennes causes à ce nous mouvans , en voulons pourveoir à personne à nous agréable. Pourquoy voulons et vous ordonnons très expressément que ne souffrez ou parmettez de ladite recepte estre faite aucune résignation par nostredit trésorier, tant que ayez autre commandement ou ordonnance de nous , sans y faire faulte ; car tel est nostre plésir.
Donné en nostre ville de Medelhem, le vine jour de may xvc et ix. Per Regem, — Plus bas , Hannart.
L'Empereur s'étonne de la non arrivée à Liège des députés du roi de France et de ceux de Charles d'Egmond. Prise de Trévise ; révolte et carnage par les troupes du roi de France. Le roi d'Aragon a aussi commencé les hostilités contre les Vénitiens. L'Empereur va aussi livrer combat. — {Original.)
( Kauffbeuren , le 11 mai.)
Très chière et très amée fille, nous avons receu quatre voz lettres sur lesquelles vous ferons bien tost au long responce ; et n'euist esté que nostre secrétaire, maître Hans Renner qui est allé vers son ménage a lesdites lettres , vous eussions desjk fait response sur i celles.
Nous entendons que noz députez sont piéça esté k Liège pour la journée qui estoit conclute illec tenir sur le fait de Gheldres, mais que les députez de nostre frère et cousin, le roy de France , et de messire Charles d'Egmonde n'y sont aincores venuz, dont nous don-
ET DE MARGUERITE SA FILLE. — 1509. 137 lions merveilles et désirons savoir s'il n'est aucunes nouvelles de leurdite venue audit Liège; et, s'ilz le délaissent, pourquoy ce peult estre, et de ce que en entendez que nous en avertissiez à dilligence.
Nous avons passé x jours eu nouvelles que nostredit frère et cousin , le roy de France , a , ou nom du pape et de la ligne , encommencé la guerre sur noz communs ennemis, les Véniciens, et que desjà il a gaingné sur eulx les villes et chasteau de Trivi , Révolta et Caravaga, et y prins nm prisonniers qui se sont renduz à sa volunté, et qu'il sera personnellement aux champs.
Nous avons semblablement nouvelles que le pape a aussi encommencié la guerre sur lesdits Véniciens et gaingnié ung chasteau , et qu'il s'en va mètre le siège devant une très bonne ville.
Le cardinal de Sainte-Croix nous a escript que nostre frère et cousin , le roy d' Arragon , a pareillement encommencié la guerre sur lesdits Véniciens. Nous sommes d'intencion de le plus tost qu'il sera possible aussi l'encommencier. Et à tant, très chière et très amée fille , nostre Seigneur vous ait en sa garde.
Escript en nostre ville de Kaufbuyren , le xie jour de may xvc et îx. Vostre bon père Maxi. — Plus bas , Hannart.
Nouvelles de la guerre contre les Vénitiens. Dispositions pour la bataille d'Agnadel. — ( Original.)
(KaufFbeureii, le 13 mai,)
Très chière et très amée fille, nous vous advisons que avons aujourd'huy eu nouvelles comme l'armée des
François et de nos communs ennemis , les Vénitiens , sont à une lyeue prez Fung de l'autre, et veuillent donner la bataille, et que desjà lesdits Vénitiens estoient sur le plain, mais que les François estoient ancores en leur fort et faisoient amaz et assemblée de leur gens, et mergredy dernier passé se devoit faire ladite bataille. Nous attendons de jour à aultre nouvelles de ce qui en sera fait , et l'avoir entendu le vous signifierons incontinent. Et à tant, très chière et très amée fille, nostre Seigneur vous ait en sa garde.
Escript en nostre ville de KaufFbuyren, le xme jour de may xvc ix.
P. S. Nostre frère et cousin le roy de France est party de Milan pour estre à ladite bataille.
Vostre bon père Maximilien. — Plus bas, Hannart.
Reprise de Trévise par les Vénitiens. Arrivée du roi de France avec son armée. Dispositions pour la bataille. Louis XII retient le cardinal d'Amboise , qui doit le créer chevalier. Un trait de serpentine passe au-dessus de la tête du roi. — (Original.)
( Kauffbeuren , le 17 mai.)
Très chière et très amée fille, nous euysmes hier nouvelles certeines que les Véniciens ont regangnié la ville de Trivi ■ en laquelle y a voit mil francq archers et ne savons se ilz sont fuys ou esté prins prisonniers ; et aprez ont bruslé icelle ville et se sont retournez logier
' Trévise. Cette ville , dont le maréchal de Chaumont s'était emparé au mois d'avril , fut reprise , le 8 mai , par l'Alviane , général de la seigneurie de Venise,
aux champs. Nostre frère et cousin, le roy de France, en sa personne avec son armée en laquelle y a heacop de Suysses est si trèstost venu , qu'il a passé la rivière et s'est logié bien prèz desdits Véniciens et les encloz qu'ils ne se peuwent bonnement retirer sans combatre. Pour la première nuyt ne leur a voulu donner la bataille; mais le lendemain il avoit vouloir de le faire. En icelle nuyt, lesdits Véniciens ont fait grand fossez et fortimé à l'entour d'eulx. Nostre cousin, le cardinal d'Amboise, nous a escript que nostredit frère et cousin le retient avec luy pour le fère chevalier et qu'il y a passé un trait de serpentinne pardessus la teste d'icelui nostre frère. Nous espérons bien tost avoir nouvelles de ce qu'il y aura esté fait , et le vous ferons savoir. A tant , très chière et très amée fille , nostre Seigneur vous ayt en sa garde.
Escript en nostre ville de Kauffbuyren , le xvne jour de may, xvc ix. Vostre bon père Maxi. — Plus bas, Hannart.
Victoire d'Agnadel remportée par le roi Louis XII. — (Orig.)
( Angelberg, le 18 mai.)
Très chière et très amée fille, ce jourd'huy nous avons reçu lettres de nostre frère et cousin , le roy de France, par lesquelles il nous escript que le xnne de ce présent mois, il a eu bataille1 avec noz communs ennemis, les Vénitiens, et qu'il a esté victorieux et
« Il s'agit de la bataille d'Agnadel, aussi nommée de la Ghiera d'Adda.
gangnié icelle , et demeure maistre des champs ; et il a prisonnier, avec plusieurs autres , ung des principal chief et capitaine de l'armée \ Nostre ambassadeur, messire Andrieu de Burgo, qui a esté présent à ceste bataille , nous escript qu'il y a veu bien nu " mors. Par autres lettres que le maistre des postes de France a escriptes , nous entendons qu'il y a de x àxii111 hommes que mors que prins , et que nostredit frère et cousin a gangnié quarante pièces d'artillerie. Nous entendons aussi la puissance desdits Véniciens en ceste bataille avoir esté de xxm hommes , et des François d'ung peu plus. A tant, très chière et très amée fille, nostre Seigneur vous ait en sa garde.
Escript à Angelberg, le xvme jour de maij, xvc ix. Vostre bon père Maximilien. — Plus bas, Renner.
L'Empereur consent à ce que la terre de Montfort soit engagée au comte de Homes, jusqu'à remboursement d'une somme de douze ou quatorze mille livres qui lui est due, et moyennant que le prince d'Anhalt soit payé de la somme pour laquelle cette terre avait été mise en ses mains. Excuses proposées par Philippe Luc sur les faits qui lui sont imputés, à l'occasion de son ambassade.
( Mimlelheim , le 19 mai.)
Très chière et très amée fille, nous avons receu pluiseurs et diverses voz lettres , et premiers touchant le fait de nostre cousin, le conte de Homes, ensievant ce que par pluisieurs fois nous en avez escript, somme contens que la place, terre et seignourie de Montfort luy
' Le général vénitien , Barthélemi Alviano , qui perdit un œil et fut fait prisonnier.
ET DE MARGUERITE SA FILLE. ~- 1509. 141 soit transportée pour en joyr par manière de gagière , et jusquesà ce qu'il soit payé et remboursé de son deu, montant, comme entendons, à xn ou ximm liv. de xl gros, en la forme et manière et soubz les conditions que vous et ceulx de noz finances avez advisé , et qui sont au long contenues en vosdites lettres et moyennant toutesfvoies que nostredit cousin , le prince de Anhalt, soit contenté et remboursé de la somme pour laquelle ladite place de Monfort a esté mise en ses mains et que, pour des deniers venant dudit remboursement, il veulle acquitter et deschergier noz ville de Gorchem et chasteau de Louvestein envers nostre cousin, le conte d'Egmonde, et messire Henry de Swane, et les prendre en ses mains et tenir ainsi quilz sont, comme par autres noz lettres lui escripvons vouloir faire. Et vous requérons , que avec ceulx de nosdits finances , trouvez tous moyens à ce que ceste matière se puisse ainsy conduire. Et le surplus qu'il faudra pour ravoir tesdites ville de Gorchem et chasteau de Louvestein , nous voulons que le faites furnir des deniers qui peuvent par nous estre aincores deuz à nostredit cousin d'Anhalt et tantmoins d'iceulx. Mais ou cas qu'il soit dudit deu tout payé, nous entendons que l'on le furnisse de noz deniers et en nostre nom , affin que ceste matière puisse avoir son effect : car pour aucunes raisons nous désirons bien la demeure de nostredit cousin d'Anhalt en noz pays d'embas.
Au regard de ce que par autres voz lettres nous avez escript touchant les excuses que Philippe Luc dit faire sur les faultes et mésuz à lui chargées et imputées , et la requeste qu'il fait de soy povoir retirer a Couloigne et y tenir sa résidence , combien que , par le rapport
que fait nous a esté desdites faultes, trouvons qu'il s'est absenté et départy de noz autres ambassadeurs ses compagnons et soy transporté à Venise , ou il s'est voulu ingérer de avancer de faire certein traittié et appointement entre nous et les Vénéciens sans en avoir eu aucune cherge ou ordonnance de nous. Et semblablement s'est publiquement vanté en court de Rome qu'il vouldroit bien tant faire envers nous que n'entretiendrions les alliances et confédéracion faicte avec le pays et les roys de France et d'Arragon, touttefois, pour en savoir la vérité , sommes bien content que oyez et entendez ce qu'il vouldra dire pour sa descherge et excuse sur les choses dessusdites et que nous en avertissez k diligence pour sur vous escripre nostre vouloir et intencion. Nous sommes aussi content que ladite résidence de Couloigne luy soit accordée. Mais quant au saulfconduit il demande pour envoyer aucuns de ses gens devers nous, il n'est besoing qu'il y envoyé, mais les retiengne devers luy.
Pour ce que sommes présentement fort occupez et empeschez sur le fait de l'apreste de nostre armée et d'autres matières qui grandement nous touchent, nous ne vous povons plus avant faire responce pour ceste fois; mais bien tost le vous ferons sur la reste de tous les autres articles de voz lettres et mesmement sur le faict de nostre cousin, le prince de Chimay. Très chière et très amée fille, nostre Seigneur vous ait en sa garde.
Escript a Medelhem, le xixe jour de may, xvc ix. Yostre bon père Maxi. — Plus bas, Renner.
Le seigneur de Chièvres ne doit pas exiger les huit mille livres qui lui avaient été promises, puisqu'il s'en trouve amplement compensé par le gouvernement de l'hôtel et la charge de premier chambellan du prince Charles. Le seigneur de Sempy nommé louvetier d'Artois , et Jean Hesdin gouverneur de Béthune. — ( Original. )
(Rierti, le 25 mai. )
Très chière et très amée fille , combien que nostre cousin, le seigneur de Chierves, eust sur le gouvernement de Namur la somme de huit mil livres de xl gros pour une foiz, néantmoins, au moyen de l'appointement par vous fait entre luy et nostre cousin , le prince de Chimay , touchant Testât du gouverneur de l'ostel et premier chambellan de nostre filz, l'archiduc Charles, par lequel nous donnons a nostredit cousin de Chimay , en pur don , semblable somme de huit mil livres avec pluiseurs autres belles parties de récompense, comme savez, nous n'entendons que nostre cousin de Chierves doye avoir lesdites vinm liv., ains nous semble qu'il se doit contenter et tenir pour grandement récompensé dudit estât de gouverneur de l'ostel et premier chambellan de nostredit filz ou lieu dudit gouvernement de Namur, dont vous advertissons et requérons nous escripre incontinent le plus secrètement que pourrez, se par ce ledit seigneur de Chierves se déportera de l'action desdites huit mil livres.
D'autre part, nous avons receu voz lettres par lesquelles nous advertissez de la griève maladie de nostre louvier d'Artois et gouverneur de noz ville et chastenu
de Béthune, Claude Bonnart ', et par icelles, entendu que nostre cousin, le seigneur de Sempy, requiert que, en rescompense des services qu'il par sy longhe espace de temps faiz a nous, à feu nostre fils le roy de Castille, que Dieu pardoint, et qu'il fait encoires journellement en ceste nostre maison, que, le cas de trespas dudit Claude de Bonnart avenant, nous lui veullons donner icelle louverie.
Sur quoy, très chière et très amée fille, combien que soyons records de autrefoiz l'avoir promise, ladite vaccacion avenant , à Hesdin , vostre maistre d'ostel, toutesfoiz, à vostre requeste, et considérant lesdits services faiz par nostredit cousin et la qualité de sa personne, nous nous trouvons plus tenu et abstraintde lui accorder ladite requeste que a la promesse dudit Hesdin ; et est nostre désir et voulenté que , ledit cas de trespas avenant dudit Bonnart , nostredit cousin de Sempy soit pourvueu de ladite louvetrie. Mais, au lieu de la promesse qu'en avons faicte ausdit Hesdin , sommes contens que, icellui trespas avenant, il soit pourvueu et récompensé du gouvernement de nosdites ville et chasteau de Béthune , en la forme et manière que le tient de présent icellui Bonnart, à condicion toutesfoiz que icellui Hesdin sera tenu y demourer et tenir sa résidence qui est bien requis et nécessaire au gouvernement dudit lieu , actendu la situacion et importance d'icellui et non autrement, vous requérant, ledit cas de trespas advenu, en veullez ainsi ordonner. Et en cas que ledit Hesdin ne voulsist accepter icellui gouvernement à la charge d'y demourer et résider, comme dit
' Claude Bonnart était grand écuyer de Philippe-le-Beau , roi de Caslille-, à l'époque de la mort de ce prince.
ET DE MARGUERITE SA FILLE.—. 1509. 145 est, nous en advertissez, affin que y puissons pourveoir d'autre. A tant, très chière et très amée fille, nostre Seigneur vous ait en sa garde.
Donné de Rierti , le xxv de may xvc et ix. Fer Regem. — Plus bas , Renner.
L'Empereur ratine l'arrangement fait avec le prince de Chimay qui s'est démis des offices de gouverneur de l'hôtel et de premier chambellan. Il veut que le renouvellement des lois de Flandre se fasse comme il l'a prescrit dans sa nouvelle ordonnance. Philippe Haneton est préposé à la liquidation des dettes du testament du feu roi de Castille. Ratification du mariage de l'archiduc Charles. Convalescence de ce prince et de ses sœurs. On n'usera plus du signet des finances. Bénéfices accordés. Chevaux et pension accordés à Claude de Bouton , capitaine des gardes de l'archiduc. Achat de coursiers.
(Rierti, le 25 mai.)
Très chière et très amée fille, pour vous faire responce à aucunes lettres que nous avez escriptes aux lettres faisant mencion du faict de nostre cousin , le prince de Chimay,
Nous vous signifiions que ayans aggréabtes toutes et singulières les choses par vous faictes et promises à nostredit cousin de Chimay, pour raison qu'il s'est déporté de son estât de gouverneur de l'ostel et de premier chambellan de nostre très chier et trez amé filz, l'archiduc Charles, nous avons, en approbacion de ce, signées de nostre nom et fait sceller de nostre scel les lettres d'aggréacion en la même forme que les nous avez envoyées, lesquelles vous renvoyons avec cestes i. 10
pour perachever et accomplir tout ce que reste à ceste
matière.
Et quant à ce que par autres lettres nous avez escript touchant la continuacion du seigneur de Ronny en Testât de commissaire au renouvellement des loix de Flandres, nostre intencion a tousjours esté et est qu'il soit continué en icelle selon et en ensuivant la nouvelle ordonnance par nous nagaires advisée , sur le fait du renouvellement des loix de tous noz pays d'embas où nous loist y ordonier commissaires : qui est que les commissaires qui l'une des années auront eu l'administracion du renouvellement desdites loix, ne l'auront l'autre année après ensuivant. Ains en y aura d'autres telz que y dénommerons chacune année en temps deu, et n'y pourront estre que d'an à autre , saulf et réservé seullement nostre cousin, le seigneur de Fiennes, au renouvellement des loix de Flandres, que y vacquera tous les ans continuellement comme premier commissaire; dont vous advertissons ensemble que, dès maintenant pour lors, voulons et entendons que, au prouchain renouvellement desdites loix de Flandres , ledit seigneur de Ronny soit l'un des commissaires, avec nostredit cousin de Fiennes, et telz autres deux que y dénommerons lettres en temps et lieu. Vous requérant que, en ensuivant icelle ordonnance, vous faictes expédier audit seigneur de Ronny nos lettres de continuacion dudit estât, se desjà fait ne l'avez.
D'autre part , touchant ce que semblablement nous avez escript en faveur de nostre audiencier, maistre Philippe Haneton , afin de le continuer en l'entremise de la conduicte des deniers ordonnez et à ordonner pour le payment de debtes et exécution du testament
ET DE MARGUERITE SA FILLE. — 1509. 147 du feu roy de Castille , nostre filz, vostre frère, que Dieu pardoint, nous désirons que communiquez de ceste matière aux gens de nostre privé conseil estans lez vous , et que ce fait, en ordonnez selon que par leur advis trouverez estre affaire pour le mieulx.
Nous vous avons sceu et savons bon gré des dilligences par vous faictes pour la despesche de noz gens d'armes d'embaz lesquelz, comme entendons, sont desjà en chemin.
Nous avons receu les deux lettres de ratification du traicté de mariage de l'archiduc Charles , nostre filz , que nostre bailly d'Amont ' a dernièrement rapportées d'Angleterre, ou lieu d'autres qu'il y a laissées, lesquelles nous avons fait rompre et casser.
Vous nous avez fait plaisir et vous mercyons de par autres voz lettres nous avoir avertis de la bonne disposicion et convalescence de nostredit fils, ensemble de noz petittes filles ses seurs, et sommes bien contens que l'aves menez esbatre à la Vuère et à Brucelles , vous advisantque, grâce à nostre Seigneur, nous sommes aussi en très bonne santé et disposicion de nostre personne, et ne cessons jour ne nuyt de labourer pour nostre appreste pour faire nostre vouaige.
Quant au signet des finances dont trouvez que l'on ne doit plus user, actendu que vous signez en icelle , nous sommes contens et désirons que le nous envoyez par deçà, moiennant que ce soit seurement par quelque gentil homme ou aultre féable personnaige.
1 Claude de Carondelet, chef du conseil privé à Bruxelles, était bailli d'Amont dès l'an i494 ; il se démit en faveur de Claude de la Baulme, sou parent, peu de temps avant, sa mort, qui arriva le 3i mai i5i8.
Au regard des bénéfices vacans par le trespas de feu maistre Hughes de Groot, dont aussy par icelles lettres nous escripvez en faveur du filz de nostre trésorier, nous avons ja pieça en noz pays d'embas promis et accordé à l'un des chappelains de nostre chappelle domestique, nommé messire Hans...., qui nous sert journellement, la première prébende, que de là en avant vacqueroit a La Haye. Parquoy, en ensuivant nosdites promesses, avons pourveud'icelle prébende de La Haye, vacquée par le trespas dudit feu maistre Hughes à son prouffit. Et quant aux deux autres, assavoir de Gheerbliet et cure de la nouvelle église de Delf, nous sommes contens que le filz de nostredit trésorier ayt celle des deux que son père vouldra choisir, et l'autre qu'il délaissera a nous accorder à maistre Jacques Coelman, chapellain de nostredit filz l'archiduc, lequel nous a longtemps poursuyz pour ung bénéfice, comme sçavez. Sy leur en veullez faire expédier noz lettres de collacion , et que icellui nostre trésorier ayt de ce pacience jusques à une autrefoiz.
En oultre nous avons nagaires retenu nostre amé et féal escuier, Claude de Bouton , en Testât de cappitaine des gentilz hommes et autres que, par Testât que ferons à nostredit filz, lui entendons ordonner pour sa garde, compté toujours a huyt chevaulx au pris de huit phi— lipus d'or pour chacun cheval par mois et à la pencion que lui ordonneriez par chascun an, comme par les lettres par lesquelles vous avons requis luy en faire despechier noz lettres patentes avez peu veoir. Sy vous requérons de rechief que, en cas que ladite pencion ne luy soit desjà tauxée et ordonnée et nosdites lettres de retenue despechées que le veullez incontinent faire
ET DE MARGUERITE SA FILLE. — 1509. 149 faire selon et en ensuivant lesdites premières lettres que tous en avons escriptes, et semblablement à ceulx de nos finances. Et vous nous ferez plaisir.
D'autre part , nous avons chargé et ordonné audit Bouton qu'il nous achate un grant et puissant coursier, lequel il nous envoyé incontinent avec les deux que ja pieça avons ordonné et chargé à Mingouval, escuier d'escuerie de nostredit filz, nous acheter, et deux autres que Gillotin, palfrenier de nostredit feu fils, a dit nous amener. S y vous requérons que par les gens de noz finances vous faictes payer lesdits chevaulx et furnir incontinent autant qu'il fauldra pour les nous amener à dilligence; car nous en avons nécessairement affaire pour nous en servir en nostre vouaige.
En oultre plus, vous requérons , comme dessus, que ordonnez à nostre trésorier général de nosdites finances qu'il recouvre de nostre cousin, le conte de Nassau, la pye (cheval pie) que, comme entendons, il a nagaires acheté du seigneur de Lichtervelde, laquelle avions chargé ledit Bouton nous acheter et qu'elle nous soit aussi incontinent envoyée avec lesdits autres chevaulx et avec chacun desdits chevaulx une bonne pense dont nous servirons et les ferons bien traicter. A tant, très chière et très amée fille, nostre Seigneur soit garde de vous.
Escript en nostre ville de Rierty, le xxve jour de may, Tan mil vc et neuf. Vostre bon père Maxi. — Plus bas , Renfler.
L'Empereur approuve la réponse faite par sa fille au maître-d'hôtel de France. Naissance et mort d'un fils du roi d'Aragon. Voyage de Marguerite en Hollande approuvé. Elle peut révoquer ou modifier les commissions d'offices délivrées par l'Empereur pour le Charolais. Jérôme Vent ne peut exercer le bailliage de Bruges, parce qu'il ne sait pas le thiois. Envoyer Rombaut vanMechelen en Normandie, au sujet des galères. Succès de l'Empereur dans la guerre du Tyrol. *— ( Original,)
(Sterzingen, le 8 juin.)
Très chière et très amée fille, nous avons receu deux vos lettres Tune du xxie et l'autre du xxvie de may, ensemble le double des lettres que le maistre-d'ostel de France Gamaches vous a escriptes et le double de la réponse que luy avez sur ce faicte.
Sur quoy, très chière et très amée fille, ladite réponse que avez faicte audit Gamaches nous plaist fort bien , et vous requérons vous employer à ce que ceste affaire demeure en bon train.
Avant la réception de vosdites lettres, avyons eu nouvelle de nostre frère et cousin le roy d'Arragon, de l'enffantement de sa compaigne d'ung fils et de la mort d'icelluy.
Vous avez très bien faict d'estre allée en Hollande pour mettre ordre aux affaires dudit pays et vous en savons bon gré.
Par nos dernières lettres, vous avons faict ample réponse sur tout le contenu des lettres que nous aviez auparavant escrites ; toutes fois, s'il y a quelque chose oblié, faites le nous savoir et nous vous y respondrons.
Et quant à ce que nous écrivez qu'il y a aucuns qui
ET DE MARGUERITE SA FILLE. —1509. 151 se sont trouvez vers vous et disent avoir commission de nous pour aucunes offices en Charolois, et mesmes ung fourier de la recette de Chastel Chinon, nous sommes contens que quelques lettres de commission que povons avoir baillet pour lesdits offices, que ceux que ne trouverez idoine et qualifié à tenir iceux, que en disposez à vostre plésir. Toutes voies ceux qui le seront pour honneur de nous, les y veuillez entretenir.
Nous serions bien contens d'entretenir à Jérôme Vent le don que luy avyons faict du bailliage de Bruges, le cas advenant du vacant, s'il sa voit le langage thiois (flamand). Et pour ce qu'il ne le sçait, nous semble que mieux vault, pour le contentement du peuple, d'y commettre ung qui sçait bien ledit langage; et si ledit office vaque, prendrez quelque nostre officier du pays d'Artois ou d'autre quartier de Flandres et le commettrez audit bailliage et ledit Jérôme en l'office de celui que ainsi commettrez. Et ce sera mieulx le contentement du peuple, et auront plus agréable ung que saura parler ledit thioiz ; car ceux de Bruges ont privilège que leur officier doit estre un Flamen et par faisant ce que dessus ledit privilège sera gardé.
Nous avons veu ce que vous a escript le lieutenant de l'admirai de France, touchant les navires de guerres que demandions, ce néantmoins nous voulons que envoiez incontinent Romboult van Mechelen au quartier de Normandie pour même regarder s'il n'y a nulle galiaches telles que ont les Vénéciens qui ameinent espiceries à Anvers; car nous sommes avertiz que illec y a de telles galleres, lesquelles desirons avoir, et nous en pourrons aussy servir sur les Vénéciens, et ce qu'il y trouvera le nous face savoir.
Escrivez-nous comment avez faiz avec le roy de Fez pour son aller en Affrique.
Nous vous advisons que , grâce à Dieu , nous avons toute bonne fortune et prospérité en notre emprinse sur nos communs ennemis les Vénéciens ; et desjà pour le premier se sont rendues en nos mains la ville de Reyf et le château, la ville de Roeveret et le château, et tenons maintenant le lac de Garde et tout le plat pays que Ton dit estre le plus beau pays et lac, et le plus fructueux de toutes les Ytales; et nous ont fait ceulx dudit quartier le serment de fidélité. Nostre frère et cousin, le roy de France, tient tout ce qui est de l'austre costé dudit lac, et sommes de bien prez par le costé deçà voisin l'un à l'autre.
Les villes de Poortenauw, de Goriz, de Treviz, de Dryez, les deux escluses et le château de Godenay pratiquent devers nous leur appointement.
Nous avons aussy le château de Tibin qui estoit imprenable et a esté prins par grand subtilité de nos gens d'armes d'Esclavonie.
Par menaces que nostredit frère et cousin, le roy de France, a faict à ceux de la ville de Veronne de se rendre à nous, y joint que lesdits de Veronne aymoient et desiroient plus d'estre en nos mains que de nul autre, si sont renduz avec tous les châteaux et fort du pays de Véronnois et est la plus belle ville de toute l'Italie : et a cent et dix mille ducaz de revenuz par ans. Ils ont receu dedens ladite ville messire Andrieu de Burgo notre ambassadeur, et luy faict le serment de fidélité pour nous.
Semblablement s'est rendu à nous la ville de Vincens (Vicence) et tout le plat pays et fort dudit Vincens,
ET DE MARGUERITE SA FILLE. — 1509. 153 et espérons avoir demain de bonnes nouvelles de la ville de Padua ; car nos gens d'armes acompagné bien de xm Vénéciens malcontens de la seigneurie , qui se sont renduz à nous, tirent devant ledit Padua.
Il y a une partie de nos gens en chemin pour aller recevoir trois autres villes qui se veullent aussy rendre.
L'affection et le cœur tant des nobles que de la commune esdite ville est tout pour nous.
Nous serons d'ici à 3 ou 4 jours ■ personnellement aller aux champs signifier à nos
villes de par delà bonne prospérité, en les
requérir louenge à Dieu. A tant, très chière
et très amée fille garde.
Escript en nostre ville deSterzing, le.... juin xvc ix.
Depuis ces lettres escriptes, nous avons eu nouvelle
que sur nos frontières d'Esclavonie se sont
rendues à nous la très grande ville de Vayda,
et sont nos capitaines dedans. Ceux de Padua ont envoie devers nos capitaine faire obéissance, et sur ce se disposent nosdits capitaine y aler ax
Escript le vme dudit juing. Vostre bon père Maximilien. — Plus bas, Hannart.
P. S. Madame, depuis ces lettres escrites et closes, l'Empereur vostre père a eu nouvelles que ses gens d'armes sont dedans la ville de Portenauw, de Trebiz , de Goriz et de Dryes. Vostre très humble et très obéissant serviteur,
/. Hannart.
• La lettre est lacérée en cet endroit. Sur les divers noms de lieux désignés dans cette lettre et ailleurs, voir la table à la fin du volume.
L'Empereur, voulant mettre fin aux longs procès et débats qui existent entre le seigneur de Vergy, maréchal de Bourgogne, d'une part , et les seigneurs de Thalemey et de Flagey, d'autre part , mande à Marguerite de former un conseil sous la présidence de Jehan Le Sauvaige , pour connaître desdits procès et en donner son avis à l'Empereur, qui statuera ou fera statuer. — ( Orig. )
( Sterzingen , le 10 juin.)
Très chière et très amée fille, vous sçavez que, à cause d'aucuns bienz et chevances situez et gisans en noz pays de Bourgoingne, certains grans procès et différans ont, passé a longtemps , esté et dure entre nostre cousin et maréchal de Bourgoingne le sieur de Vergy d'une part, et feurent (feus) les sieur et dame de la Bastie et à présent les sieurs de Thalemey ' et de Flegey a filz et héritiers universaulx d'icelle feue dame, d'autre. Esquelz procès et questions chacune desdites parties ont obtenu en diverses cours et lieux aucunes sentences et appointemens. Touttefois quelque chose qu'elles ayent sceu faire ne poursuir, elles n'ont peu ne sceu parvenir à la judicature et décision diffinitive de la matière principale. Au moyen de quoy lesdites parties, oultre et par dessus les frais et despens qu'elles y ont employez, ont soustenuz de grandes et intollérables pertes, comme entendu avons. Ce véans, désirans la fin desdits procès, questions et différans, tant pour l'affection qu'avons tousjours eu envers chacune desdites parties, que aussy
' Jean de Pontarlier, chevalier, seigneur de Thalemey. 3 Claude de Pontarlier, ccuyer, seigneur de Flagey et de Vaulgrenant.
ET DE MARGUERITE SA FILLE. ►— 1509. 155 pour le bien de nos subgectz de Bourgoingne, avons souventesfois contendu et en personne, avec plusieurs de noz féaulx conseilliez nobles et doctz, prins pluseurs painnes et travaulx, pour, par voye amiable, appoincter, accourder et paciffier lesdites parties de leursdites questions et différands. Et mesmement, à nostre derrenière journée de Constance, en feismes grant devoir; et se n'en peusmes venir à chief ; ains sont tousjours lesdites parties en aussi grant ou plus grande aygreur et rigueur, l'une envers l'autre que par avant et en apparance d'y estre et demeurer encores longtemps ; et ne nous semble point autrement que quant la chose se vuydera par rigueur de droit; ce qui est encoires bien mal prest de povoir faire, sans longue espace de temps. Et que pis est, non seullement la partie qui seroit condampnée en feust ou peust estre affoulée et destruicte, mais vraysemblablement toutes les deux, Parquoy naguères, nous, estanz en nos pays d'embas, avions délibéré d'y pourveoir et mectre fin par la meilleur voye qu'en raison et équité nous eust semblé de faire. Toutefoyes, obstant les granz et urgens affaires qu'avons eu, comme sçavez, ne nous a esté possible de ce faire pendant ledit temps. A laquelle cause et pour pluseurs autres raisons et bonnes considéracions a ce nous mouvanz, désirant la fin et décision d'iceulx procès, questions et différandz, et mesmement pour le bien desdites parties , y trouver ung bon accord et pacciffication qui sont granz et puissans et avec ce alliez de pluseurs nobles parens et amys, dont, si ladite matère principale se vuydoit par rigueur de justice, entent qu'il pourroit sembler à la partie condampnée qu'elle seroit foulée en son droit, faict assez à présupposer qu'elle ne voul-
156 LETTRES DE MAXIMTLIEN
droit, craignant estre destruicte, acquiescer au droit qui en seroit rendu et seulement au proufïit de l'autre et que pluseurs parens, amys, aliez et bienvueillans desdites parties, tant de noz vassaulx et subgectz que autres estrangiers s'en pourroient et vouldroient mesler et entremectre, et par ce faire et susciter des commotions, divisions et parcialitez entre noz vassaulx et subgectz de Bourgoingne qui pourroieut tourner au très grant contempt et mesprisement de noz haulteurs et seigneuries, et à la grant foule, perte et domaige d'icelles parties et de nosdits vassaulx et subgectz. Ce que nullement pourter ou souffrir ne pourrons, debvrons ne aussi voudrions, ains y obvier de toute nostre puissance , comme raison est. Surquoy, les choses dessus dites bien considérées, et qui nous loist et appartient comme empereur, prince et seigneur souverain desdites deux parties, tant par main souveraine que selon disposicion de droit, prendre et atraire pardevant nous ou tel de noz féaulx conseilliers qu'il nous plaist, lesdits procès, questions et différends et, icelles parties appelées, décider et appoincter en bonne équicté, ainsi que par raison se trouvera estre de faire pour le mieulx. Si vous requérons que, en ensuivant ce que fut mis avant, en la présence de vous et de çeulx de nostre grant et privé conseil par delà, que commectez et ordonnez de par nous nostre président, messire Jehan le Saulvaige, ensemble de deux conseillers de nostre grant conseil à Malines, et de chacun de noz consaulz tant de Brabant, de Luxembourg, Flandres , Hollande que de Haynau , ung conseiller, ordonnerez et ferez faire exprest commandement de par nous ausdites deux parties et chacune d'icelles que, deans jour préfix et
ET DE MARGUERITE SA FILLE. — 1509. 157 compétent, ilz ayentà comparoir en lieu convenable pardevant nosdits conseillers, et en leurs mains lesdites parties ayentà bailler et délivrer tous les papiers, titres et droitz et enseignemens dont, à la justification de leurs drois, elles se vouldront ayder, pour iceulx veuz et visitez bien et au long par nosdits conseillers, en bailler sur ce leurs opinions et advis de tel appoinctement deffinitif que en vraye et juste équicté sans rigueur de droit, y pourrons rendre et donner, selon raison et bonne conscience. Et quant les advis dessus dits seront donnés, nous voulons encoires que les envoyez féablement cloz et scellez en chacun de nosdits consaulx pour soy, pour par noz conseillers illec encoires reveoir et visiter le tout et sur ce bailler aussi leur advis, afin que nous, ou vous en nostre nom, avec les chevaliers de nostre ordre et autres noz conseillers, puissions tant mieulx terminer et décider lesditz procès et différands. Et ce faict nous envoyez à diligence tous lesdits advis cloz et scellez pour, selon iceulx, concepvoir et rendre ung appoinctement diffinitif, ainsi que en bonne raison, conscience et juste équicté nous semblera estre de faire. Ausquelles parties nous ordonnons présentement que ce pendant ilz tiengnent toutes choses en tel estât, qu'elles sont, sans riens faire ou innover au contraire, en manière que ce soit, et sur inhibicion ausdites parties de paines telles que adviserez par délibéracion de notre grant conseil en tel cas appartenir. A tant, etc. Donné en nostre ville de Stersing, le xe jour de juing, l'an xvc ix. Vostre bon père Maxi. — Contresigné Leclerc.
L'Empereur, voulant être lui-même le capitaine et châtelain de
Turnhout, nomme pour son lieutenant Simon de Haguenaw. —
(Trente, le 24 juin.)
Très chière et très amée fille, pour que nous voulons retenir les capitainerie et chastellenie de nostre chasteaude Turnhout en noz mains, et mesmes en estre le capitaine et chastellain, nous avons, par noz lettres patentes , commis et ordonné soubz nous , pour garde d'icellui chasteau, Symon de Hagenaw, comme verrez plus à plain par nosdites lettres patentes. Sy vous requérons tenir la main, tant envers nostre chancellier de Brabant auquel , par autres noz lettres , en escripvons aussi présentement et autres qu'il appartiendra, que ouverture lui soit incontinent faicte d'icelle place ; et les artillerye, utensilles et autres choses y estant à nous appartenant , baillez et délivrez par bon et loyal inventoire ; le double duquel voulons estre mis en la chambre de noz comptes à Bruxelles pour y . . . . à nostre garde, à nostre sceurté.
Vous requérant, comme dessus, que, par les gens de noz finances, vous faictes contenter et assigner sur nostre receveur de Turnhout le chastellaiu qui tient présentement nostredit chasteau de Turnhout de telle somme de deniers qu'ilz lui trouveront estre deuz sur icelle, sans y vouloir faire faulte. Très chière et très amée fille , nostre Seigneur soit garde de vous.
Donné en nostre ville de Trente, le xxime jour de juing xvc neuf.
P. S. Et pour ce que nostre receveur de Turnhout nous pro-
ET DE MARGUERITE SA FILLE. — 1509. 159 meist dernièrement, en acceptant la confirmation de sondit office , de paier et contenter ledit chastellain, nous voulons que audit receveur vous faictes expédier noz lettres dessusdites pour sceurté des deniers qu'il fauldra baillier audit chastellain pour la cause dicte.
Donné, comme dessus.
Per Regem. — Plus bas , Renner.
Nouvelles de la guerre contre les Vénitiens. ■ — {Original.)
(Feltre, le G juillet.)
Très Gjiière et très amée fille, nous vous envoyons, avec cestes, par nostre amé et féal secrétaire, maistre Daniel Le Clerc , présent porteur, la déclaracion des gens de guerre tant à cheval que à pied qui sont prestz et desjà passez pour nous servir en nostre présente guerre , ensemble les noms des villes estans en ce pays de Venise réduites et mises en noz mains, et obéissance avec aussi certaine déclaracion des emprinses et exécution de guerre que voulons présentement exécuter, comme le tout verrez plus à plain par lesdites déclaracion, et aussy que entendrez par ledit maistre Daniel. Et à tant , très chière et très amée fille , nostre Seigneur vous ayt en sa garde.
Donné à Ferletre, le vie jour de juillet xvc et ix. — Per Regem* — Plus bas, Renner.
L'Empereur recommande à sa fille le protonotaire de Varambon pour le prieuré de Mortal en Bourgogne. ■ — ( Original. )
( Marostica , le 17 juillet. )
Très chière et très amée fille , pour ce qu'entendons la prioré du Mortal, en nostre conté de Bourgoingne , estre à présent vacant, et que c'est ung bénéfice sur limites de nostredit conté et frontière des Suyches ; parquoy y eschiet bien, pour le bien et préservation d'icellui nostre conté, d'y pourveoir d'homme féable à nous subgect et de maison. A ces causes, ayant audir*bénéfice avant tous autres , nostre amé et féal cousin , le prothonotaire de Varambon, singulièrement pour recommandé , audit prothonotaire avons consentu et accordé la promocion dudit prioré de Mortal. Et vous requérons que , en faveur de nous , vous vueillez de vostre part consentir à ladite promocion, et en tant qu'il vous touche de ce faire don ou cas dessusdit à icelluy prothonotaire ensemble toutes aydes , faveurs et assistence que pour la joyssence d'icellui prioré pourrez et saurez.
En quoy faisant, nous ferez chose bien agréable, dont vous sçaurons grant gret, comme ce scet nostre Seigneur qu'il, très chière et très amée fille, soit garde de vous.
Escript en nostre ville de Marostica, le xvne jour de juillet , l'an xvc ix.
Il l'informe que les habitants de Connenghem ayant été mis au ban de l'empire pour leurs rébellions , et par suite , le bourgmestre et quelques bourgeois de cette ville ayant été arrêtés , les bourgeois d'Anvers les ont repris, sous prétexte de leurs privilèges. Maximilien ordonne que cette affaire soit instruite pour la conservation de ses droits impériaux. — ( Original. )
(Marostica, le 17 juillet.)
Très chière et très amée fille , pour les mesprisemens, rebellions et désobéissances que ceulx de la ville de Conninghen ont par ci devant fait à nous et à nostre saint-empire, et à quoy ils persévèrent encoires chacun jour, nous les avons mis et signifïié au ban de nostre saint-empire , et parce donné à un chacun povoir et auctorité de les traicter et besongnier allencontre d'eulx et leurs biens, comme contre noz rebelles et désobéissantz subjectz. Maintenant nous entendons que un g nommé Hans Van Sant , soubz umbre de ce que dit est, a prins au corps le bourgemaistre avec aucun bourgois dudit Conninghen, et que ceulx de nostre ville d'Anvers , vueillant dire iceulx estre venuz audit Anvers comme marchans, et par ainsi, selon leurs privilèges , non devoir estre appréhendez , les ont reprins hors des mains dudit Hans Van Sant et menez en nostre ville d'Anvers, où ilz sont encoires à présent, combien qu'il soit esté trouvez lesdits de Conninghen non estre marchans, mais estre prins en allant en pelgrinaige. Parquoy et que désirons noz droitz et haulteurs impérial en ce estre gardez et observez, escripvons à cette cause devers vous , vous requérons , i. 11
commectons et donnons toute puissance, par ces présentes, que appoinctez cest affaire, ainsi qu'il vous semblera , et trouverez estre affaire pour le mieulx et par manière que nosdits droits et haulteurs ne soient par ce amaindriz ou contre venus à iceulx. En quoy faisant, nous ferez chose agréable. A tant, très chière et très amée fille, nostre Seigneur soit garde de vous. Donné en nostre ville de Marostica, le xvne jour de juillet, l'an mil vc et neuf. PerRegem. — Plus bas, Renner.
Reprise de Padoue et de quelques autres places par les Vénitiens.
Espoir de les recouvrer. Défaite de sept cents Vénitiens. —
( Original. )
(Ynan, le 29 juillet.)
Très chière et très amée fille , depuis les dernières lettres que vous avons escriptes touchant la bonne fortune que avons eue à nostre présente emprinse, la ville de Padoue, par trahyson et le maulvais vouloir du commun peuple illec , est retournée à l'obéissance des Vénissiens. Et se ont à ce moyen aucuns gens de guerre et paysans vénissiens reprins trois ou quatre autres petites villes et chasteaulx qui estoient en nostre obéissance. Mais nous avons faict présentement joindre touz noz gens de guerre ensemble avec les Françoes, qui sont venuz devers nous au nombre d'environ nnm. Et espérons , à l'ayde de Dieu , de en brief temps le tout recouvrer, et de l'autre avec. De quoy vous voulons bien advertir, affin que, s'il vous estoit autrement rapporté , que sachiez à la vérité comment il en est.
ET DE MARGUERITE SA FILLE. ~ 1509. 163 À tant, très chière et très amée fille, nostre Seigneur soit garde de vous.
Escript a Ynan, le xxixe jour de juillet, l'an mil vc et neuf.
P. S. Et après ces lestres escriptes il nous sont venues nouvelles que noz gens de guerre ont rué jus vnc villains Vénissiens des plus maulvais qui se povoient trouver.
Per Regem. — Plus bas, Renner.
Il demande ce qu'on a fait d'un homme pris dans l'église de Bruges. — ( Original. )
( Au château d'Yuan , le 30 juillet. )
Très chière et très amée fille , nous vous requérons que nous escripvez et faictes savoir comment il a esté fait et est à présent , du cas de Almite, lequel fut prins en l'église de Bruges et s'il a esté remis en ladite église, comme nous vous avons ordonné, après avoir lu ses livres et registres. A tant, très chière et très amée fille, nostre Seigneur soit garde de vous.
Donné en nostre chasteau Dynan , le xxxe jour de juillet, l'an xvcix. Per Regem, — Plus bas, Renner.