GOUVERNANTE DES PAYS-BAS

Commençant le jour de Pâques 4 avril, finissant le 11 avril.

L'Empereur recommande à sa fille et aux gens de son conseil le seigneur d'Aymeries, à qui il est dû de fortes sommes pour entretien des gens de guerre. Il requiert aussi qu'il soit écrit à l'évèque de Liège pour que l'on fasse bonne et brève justice audit d'Aymeries dans le procès qu'il soutient contre la demoiselle de Landilly. — ( Original.)

(Constance, le 27 mai.)

jVIaximilian, par la grâce de Dieu, roi des Romains, toujours Auguste.

Haulte et puissante princesse, très chière et très amée fille, et très chiers et féaux. Pour ce que nostre amé et féal chevalier conseiller et chambellan, le sieur Day- 1. 1

meries ', par vostre ordonnance et commandement, a par longue espace entretenu grand nombre de gens de guerre à pied et à cheval , tant pour la garde et sceureté de ses maisons et places que des frontières de nostre pays de Haynaut, lesquels il a toujours et jusques à présent payé de son propre, sans jamais en avoir receu ung denier de payement. A cause de quoy luy est deu grande somme de deniers, et ne luy seroit possible de plus avant pouvoir furnir au payement et entretenement desdits gens de guerre, mais luy conviendroit leur donner congié et les laisser aler quérir leur parti ; parquoi sesdites places et toute ladite frontière demouroit impourveue, laquelle chose ne voulons souffrir ne permettre; mais est plus nécessaire que n'a encore esté de les bien garder, veu la disposition des affaires, qu'est telle que vous sçavez. A ceste cause, nous à vous requérons, et néantmoins ordonnons bien expressément que incontinent vous faites bailler et délivrer audit sieur Daymeries aucune somme d'argent comptant, le plus avant que pourrez faire et furnir, sur ce que luy peut estre deu pour le passé, et aussy pour la continuation de l'entretenement desdits gens de guerre, jusques après l'accord des nouveaulx aydes, et que besongnerons au fait de la gendarmerie et autres affaires de par delà qui sera brief , que lors l'appointerons de la reste qui luy sera deue, et aussy pour le temps avenir. Ledit sieur Daymeries nous a remonstré qu'il a certain affaire contre la damoiselle de Landilly et ses

" Louis de Rollin, seigneur d'Aymeries, fonda en cetle même année iSoy, à Berlaimont en Hainaut, aujourd'hui arrondissement d'Avesnes, un couvent de filles hospitalières, où les malades du village d'Aymeries étaient admis concurremment avec ceux de Berlaimont,

enfans par devant les pers de Buillon, sur lequel, par le port et faveur du sieur de Sedem ' , a esté rendue certaine sentence contre droit et justice, au préjudice dudit sieur Daymeries, dont il se trouve grandement foullé et intéressé. Et pour ce qu'avons ceste matière pour recommandée, tant pour la faveur du droit, comme pour nostre hauteur et souveraineté, à cause de notre saint-empire, que aussy pour les bons et léaux services que ledit Daymeries nous a faiz et fait journellement, nous vous requérons que vous, nostredite fille, escripvez à Févêque de Liège % bien acertes qu'il face faire et administrer bonne et briefve raison et justice audit sieur Daymeries, sans quelque faveur ou dissimulation, tellement qu'il n'ayt cause de s'en plaindre, et que ne nous soit besoing y pourveoir d'autre remède de justice en nostre chambre impériale. Ce que en son delFault ferons prestement par façon que son bon droit luy sera bien gardé et entretenu. Haulte et puissante princesse, très chière et très amée fille et très chiers et féaux, nostre Seigneur soit garde de vous.

Donné en nostre cité de Constance, le xxvnc jour de may, l'an xvc et sept. — Vostre bon père Maximilien. — Plus bas, de TV audriponi .

1 Robert de la Marck, dit le Sanglier des Ardennes , seigneur de Sedan, mort en i536. Le seigneur d'Aymeries ayant été reçu, par l'Empereur, appelant de plusieurs sentences rendues contre lui par les pairs de Bouillon, Robert prétendit que cet appel portait atteinte à sa justice souveraine, et déclara plus tard (en i52i) la guerre à l'empereur Charles-Quint.

2 Erard de la Marck, frère du Sanglier des Ardennes.

Il mande à Marguerite de solder et entretenir convenablement les archers qui étaient au service de feu l'archiduc Philippe , afin qu'ils lui fournissent toujours une garde fidèle, ainsi qu'au jeune prince Charles. — {Original.)

(Constance, le 30 juin.)

Màximilien, par la grâce de Dieu, roy des Romains, toujours Auguste , de Hongherie , de Dalmatie , de Croatie, etc.

Très chière et très amée fille, nous sommes adverty comment les archers du feu roy nostre fils, en nombre de cinquante, se sont retirés devers vous, pour avoir entretenance de leur état devers nostre très chier et très amé fils Charles, archiduc d'Austrice, prince d'Espagne, etc., et vous. Surquoy encoires ne leur avez fait aucune réponce ; et pour ce, très chière et très amée fille, que voulons, pour vostre plus grande seureté, soyez bien acompaigné pour de mieulx exploiter la charge que vous avons baillé de par delà ; aussy que désirons iceux archiers avoir entretenance, afîin qu'ils n'aient cause eulx absenter de nos païs de par delà, et pour autres bonnes raisons à ce nous mouvans , vous ordonnons iceulx archiers retenir chacun à ung cheval seullement, en attendant nostre ayde, leur baillant gaiges raisonnables, lesquels ferez payer par ceulx de nos finances de par delà , en la manière accoutumée , ausquels mandons par cestes le ainsi faire. Et entendons que lesdits archiers vous doient accompaigner en tous lieux de nos pays où vous tenrez, et prendre bonne garde à vostre personne, jusques nostredit fils soit en

eaige soufïisant pour se servir d'eulx. Aussi, quand serez où nostredit fils fera sa résidence, ils prendront garde à lui et à vous par ensemble; et vous servez d'eux en tout ce que en aurez mestier, et obéiront comme à nous mesmes. Et ausdits archiers députerez ung tel chief duquel puissez être féablement asseuré ; car ainsi nous plaist. Et très chière et très amée fille, nostre Seigneur soit garde de vous.

Escript en nostre ville de Constance le dernier jour de juing xvc et sept. PerRegem. — Plus bas, Botechou.

Il l'entretient de leurs députés réciproques , lui parle de l'entrevue du roi Louis XII avec Ferdinand , roi d'Aragon , de l'espoir où il est que ce dernier n'aura plus d'enfants de sa seconde femme, des dispositions de Ferdinand à l'égard des partisans de feu l'archiduc Philippe et de ses héritiers. Les Suisses séduits par le roi de France. — {Autographe.)

(Lindau, le 18 août.)

Ma bonne fille ', je a resceu vous lestres dont vous m'avez averti de la venue de vos députés , davant que nous devons depaescher le nostres qui devont aller vers vous. Sur sela nous avons retardé ruons l'évesque de Gurke 2 et sa compangnie ; mes mon cousin l'archevesque de Trêves 3 estoet déjà parti et prins conclusion sur le général instruction dont nous vous

■ En général, les lettres qui commencent par ces mots : Ma bonne fille, sont entièrement de la main de Maximilien.

" Mathieu Lang, évêque de Gurce, depuis cardinal et archevêque de Salzbourg.

3 Jacques de Baden, archevêque de Trcves depuis i.5o4 jusqu'en i5n.

avons , passé aulcuns jours, anvoyé la copie, et sur se avoer de vous, par le doyen Symon Plug ' nostre conseiller, votre bon avis secrètement.

Pour novelles, l'évesque de Lubiane3, mon privé serviteur, est venu devers nous , aveq ung aultre privé serviteur du roy d'Arogon, nous avertissant de ce que le roy d'Arogon susdit a volu faere, à son retour de Naples, avecque le roy de France, en la voeu 3 {entrevue) enter eoz deux personelement, et aussi touchant son retour en Espaingne. Pour la primier, la royna 4 ne fut point grosse ou ensainte, comme il disoet, et plusurs aultres, cumbien que la renommée courroyt, etc., et sur sela il (le roi) nous a promis estre bon frère sans avoer espoer de enfans, aultres que les nostres communes, et qu'il le ne veult reveingner point aux princes de Castille de se que yl ount tenu sy fort contra ly pour la querel d'Osterige pour la person du roy Phelippe5, et nous enfans. Mestinant en ouître yl ount practiqué ung trêve entre le roy Franzoes et moy. Il samble que le roy de France et content pour moy donner le passage seurement et honestement par Venise , ou Mantua , ou Savoe sans Mylan , durant le trêves, et en Geldres ung bon avantage pour nous poulies réduire. Toutefoes yîlia ancor sur se beaucop à dire

1 Sigismond Phloug, prévôt, de Messine, envoyé de Marguerite vers son père depuis août 1607 jusqu'au mois d'avril i5o8. a Christophe Rauber, évêque de Laubach en Carniole.

3 L'entrevue de Louis XII avec Ferdinand, roi d'Aragon, eut lieu à Savone, en juin i5oj.

4 Germaine de Foix, deuxième femme de Ferdinand-le-Catholiquc.

5 Philippe d'Autriche, qui avait pris le titre de roi de Castille en t5o5, après la mort de la reine Isabelle, sa belle-mère, trouva à son arrivée en Espagne tous les seigneurs castillans disposés à le servir et à abandonner Ferdinand.

entre nous traiteurs roes dont serés tout à long afaerty (avertie) per nous ambaxadeurs, quant yl se trouverunt devers vous et le tans pendant nous besoingneruns tousjours à bon prouvit , sy Diu et la fortun veult.

Touchant les Suysses, yl a gaingné, set assavoer le roy de France, contra nous, une baende par force de bon escuz d'or; mes le peuple est tousjours pour nous, et aulcuns kamtonns; mes en sumarum il sount meschans, villains, prest pour traire France ou Almaingnes. Tenés toute ceste matère secret et confortés tousjours nostre privé conseil et le grand, selon vostre discrécion. Et à Dieu.

Escript à Lindaw, le xvme jour d'aoust, de la main de vostre bon et léal père Maxi.

Mauvais vouloir du roi de France. Nécessité de maintenir les habitants d'Arras et de leur porter assistance. Motifs pour différer une attaque contre les Français. Dispositions au sujet du Luxembourg et du pays deFerrette. Espoir d'un secours de la part des Suisses. — ( Original).

(Laadeck, le 29 août.)

Très chière et très amée fille, nous avons receu vos lettres du xvme de ce présent mois, ensemble la copie de la lettre que le roy de France a escripte à ceulx de nostre ville d'Arras ', et entendons bien par icelle que le roy de France n'a pas intention de chaingier son

' Le 2i juillet 1507, Louis XII avait signifié aux habitants d'Arras de ne point reconnaître Maximilien pour maimbour des jeunes princes de Castille , promettant de les soutenir s'ils étaient inquiétés à ce sujet. (Voyez Lettres de Louis XII, I, io5.)

maulvais vouloir envers nous, ainsde persévérer à nous

faire le pis qu'il pourra , comme de ce sommes bien

advertis.

Et vous requérons que , en continuant à vostre bon debvoir, vous tenez toujours la main à pourvoir sur toutes choses par delà au mieulx que possible vous sera, et mesmement à assister et conforter de par nous lesdits d'Arras et aultres nos subjets de par delà en tous affaires que ledit roy de France leur pourroit donner, les advertissant que à nostre povoir nous ne les souffrerons fouler ne adommaigier en corps ne en biens ; mais les assisterons en toutes choses nécessaires, comme leur prince et naturel seigneur doit faire.

Quant au contenu de l'article touchant l'advertissement par vous conceu sur le fait des François, vous désirez tousjours que envoyons de nos gens de guerre contre eulx ; et si ne voulez point commencer la guerre par delà. Et touttesfois il nous convient attendre que les gensdarmes de nostre sainct-empire soient prests pour nous aidier à commencer cest affaire, lesquels nous faisons journellement mettre empoinct à rassembler de tous costez, et seront brief tant à pied comme à cheval en grant nombre, mesmement en nostre pays de Ferre tte avec les Ferretois; et à tout lesquels nous espérons donner tel affaire audit roy de France , que nos pays de par delà seront bientost quittes desdits François, moyennant que nous donnez congié de faire la guerre, car sans icelle nous ne les sçaurions faire retirer; autrement nous despendrions nostre argent pour riens.

Vous nous avez naguères escript pourquoy nous ne vous avons envoyé les gens de guerre que vous avions

mandé envoyer en notre pays de Luxembourg, pour résister aux François qui vueillent entreprendre sur nos pays de par delà ; et néantmoins vous nous avez aussy mandé que les gens de nos pays de par delà ne vueillent point entreprendre de guerre allencontre dudit roy de France; parquoy nous ne pourrions bonnement envoyer nosdits gens de guerre par delà qu'ils n'entreprennent icelle guerre , ou que du moins ceux de Luxembourg ou de Bourgogne furnissent iceulx nos gens de guerre de vivres en faisant la guerre , dont à celle cause nous désirons savoir quelle est leur intention et résolution sur ce ; si vous requérons que vous nous en advertissiez.

Nous despescherons aussy demain Andrieu Schaffer, nostre fourier, pour aller en nostre pays de Ferrette mettre sus et empoinct , tant nostre artillerie de muraille que des champs , ensemble toutes choses servans à icelle , affin de nous en povoir aidier de jour à autre que mestier sera.

Et combien que les Suyches ne entreprendent pas voulentiers commencement de guerre contre ledit roy de France, comme ils nous ont assez donné à entendre à la dernière journée qui a esté tenue à Zuerich, toultesfois ils ont fait mandemens et deffence par tout leur pays , tels que verrez par la copie d' iceulx que vous envoyons avec cestes , laquelle , pour la mieux entendre, vous ferez mettre en françois, et espérons tant faire avec ceulx, qu'ils nous aideront et assisteront en toutes choses , à nostre vouloir. A tant , très chière et très amée fille, nostre Seigneur soit garde de vous.

Escript à Landeck, le xxixcjour d'aoust, l'an xvr vu* Vostre bon père Maxi. — Plus bas, Renner.

L'Empereur s'excuse de n'être pas venu par-deçà pour traiter une bonne alliance avec l'Angleterre. Il se rendra à Ferrette et h Haguenau pour y recevoir les ambassadeurs du roi d'Angleterre. Entre-temps il ira à Constance, et va rassembler une armée pour son voyage d'Italie. 11 prie sa fille d'agir auprès du roi d'Angleterre pour le maintenir dans ses bonnes dispositions : il voudrait la voir mariée à ce roi. — (autographe. )

( 16 septembre.)

Ma bonne fille , nous avons receu vos lettres par lesquelles vous nous requirés de vouloir aller en poste par delà pour faire ung bon alliance en Engleterre ; sur quoy vous advertissons qu'il nous est point possible à cause de grand affaires que avons par deçà. Nous ferons nostre diligence que nous pourruns aller jusques en Faeret, à Hagenow, pour resevoir les arabaxadeurs du roy d'Angleterre , le plus tost qui soet possible ; car nous partuns incontinent de issy pour aller à Constance, et rassembler ung armée en Sbene [Zwene) et Ferrette , pour nostre viage de Rome , nous avons asthoer et mestinant mis sus nostre armée de Tyrol et ung partie de l'empire en ordre , aussi pour nous accompaingner, et par aventur tousjours passer avant et prenre le passaige d'Italie, pour tousjours empescher les François , afïin que il ne soent sy fort coraige de donner soucours à Geldroès. Néantmoins nous vous requirons que de vostre part vous voulez tousjours tant faere vers ledit roy d'Angleterre % par tous les

' Henri VII, qui mourut le il avril i5oc), âgé de cinquante-quatre

ans.

meilleurs moyens que vous pourrez que de l'entertenir en bonne amour et empescher qu'il ne face point ladite alliance entre lesdits deux roes; maes principalement cest matière se tient tout et depent de vostre mariage avecq luy ' ; sans sela il n'y a point d'espoer que il nous fera aucung service ou plaisir. Nous avons sur cela encor paensé que sy vous voudrés entendre en cest mariage que nous veuldrons mestre avant, depuis que il est nullement en volenté de marier son fils avecq vous, affin que vous ne soes son prisonière; cume le plus craindès, veu que il est ung homme de son propre teste , et que vous ne nous pourrez après et à notre maison de Bourgoingne point faere null service que paer vostre mariage soet expressément déclaré , et excepté que il soet content, que vous pourrés avoir le gouvernement, avoecq nous, des pays de Brabant et aultres de par delà , et affin que il soet principalement content que en faisant le mariage entre vous deus, que en la traetié de mariage soet expressément déclaré et promis , que vous nous pourrés servir en nostre gouvernement ung quartier, ou quater moes par anée, ou ancor en nostre absence un peu plus , selon la nécessité, dont de se que en sela vous pourrés*faere en estre content. Nous vous requiruns que incontinent vous nous affertissés par cest posterie bien tost, et vous priuns sur ce que vous volez accorder cest mariage par tel fachon; car i me semble, par tel manière de

1 Dès i5o6 ce mariage était déjà projeté. On lit dans un mémoire inséré parmi les lettres de Louis XII, I, 64 : « Le roi des Romains et « le roi de Castille suivent fort cette matière pour la mettre à fin ; « mais ladite madame Marguerite dissimule fort pour obtempérer aux « roys susdits, disant que par trois fois ils ont contracté d'elle, dont <c elle s'est mal trouvée. »

mariage, vous serés quit de la prison que craindez d'y entrer, sy vous fusses mariée avec le susdit roy d'Engleterre, veu sa test dur et plain, de me lasser en paes ; car aussy paer cest fachon, vous gouvernerés Engleterre et la maison de Bourgoingne, et vous ne pourrés estre mis errier de la monde, comme ung person perdu et oblié, cume vous aussy nous avez aultrefois déclaré.

Escript de la main (le xvie jour de setembre 1507) de vostre bon père Maxi.

11 la prie de lui faire savoir si les peuples des Pays-Bas sont compris dans la guerre que le roi de France lui a déclarée. Il lui mande de se retirer, avec les jeunes princes, de Malines à Anvers , à cause de la peste qui régnait dans la première de ces deux villes. — ( Original. )

(Inspruck, le 20 septembre.)

Très chière et très amée fille, nous avons entendu que le roy de France a fait crier la guerre contre nous et nos pays et subjects ; et pour ce que désirons sçavoir se ceulxide nos pays de par delà y sont comprins, et comment il en est, nous vous requérons que nous advertissez de ce que en pourrez sçavoir à la vérité.

A la despesche de cest présente poste , nous avons receu vos lettres par lesquelles, entre autres choses, vous nous advertissez du dangier que nos très chiers et très amez enfans pouroient avoir en nostre ville de Malines, à cause de la peste qui y règne bien fort. Par quoy nous désirons que, pour la préservation et seureté de vous et d'iceulx nos enfans, afîîn d'éviter

tous dangiers , vous vous retirez avec eulx en nostre ville d'Anvers, et que pourvéez sur ce, ainsy que trouverez estre affaire. Et quant au surplus de vosdittes lettres, nous vous ferons brief ample response. A tant , très chière et très amée fille , nostre Seigneur soit garde de vous.

Escript en nostre ville d'Ynsprugg, le xxe jour de septembre, l'an xvc vu, Vostre bon père Maxi. — Plus bas, Renner.

Il lui recommande de faire signer par l'archiduc Charles les lettres qu'il lui envoie en faveur de Don Diego de Sotomayor, en ayant soin de faire jurer par ce dernier qu'il ne les montrera à qui que ce soit jusqu'à ce que le jeune prince ait son état en

Castille. — ( Original. )

(Inspruck, le 30 septembre.)

Très chière et très amée fille, nous avons despeschié aucunes lettres signées de nostre main, en faveur de don Diego de Soto Mayor, comme verrez en ensuivant ce que pour lui nous avez escript; et vous requérons que faictes signer lesdites lettres de la main de nostre très chier et très amé fils, l'archiduc Charles, et que, au dos d'icelles vous les faictes signer de deux ou trois de nos conseillers et des plus congneus en Espaigne; et que après , en délivrant lesdites lettres audit don Diego, vous prenez serment de lui qu'il ne les monstrera a personne qu'il soit, jusques à ce que nostredit fils ait son estât en Castille. En quoy faisant nous ferez chose agréable. Très chière et très amée fille, nostre Seigneur soit garde de vous.

Donné en nostre ville d'Ymsbrouch, le dernier jour de septembre, l'an mil xvc et vu. Per Regem.

Il lui envoie des chiffres dont elle devra se servir pour les choses secrètes et importantes qu'elle aurait à lui mander. — [Original.)

(Inspruck, le 16 octobre.)

Très chière et très amée fille, pour ce que le dangier des chemins est plus grant qu'il ne souloit, nous vous envoyons avec cestes une manière de chiffre par laquelle vous nous pourrez escripre doiresnavant les choses doubteuses et d'importance et par la première poste, nous avertissez se l'avez receue. Chière et très amée fille, nostre Seigneur soit garde de vous.

Donné en nostre ville d'Insbrouch, le xvie jour d'octobre, l'an mil vc et vu. Per Regem. — Plus bas, Rentier.

Desseins des Français contre le comté de Bourgogne. Difficulté de secourir les pays de par-delà contre les Gueldrois. L'empereur différera son voyage de Rome si les Pays-Bas se mutinent ou s'il faut faire la guerre au roi de France; mais s'il ne s'agit que des Gueldrois, ce n'est pas la peine d'ajourner ce voyage. — (autographe. )

(Le 17 octobre.)

Ma bonne fille, nous avons entendu que les Franchoes sunt en chemin pour aller destruyre le conté de Bourgoingne. Ainsi summes conclu de leor donner suceurs, et avons délibéré d'y envoyer le conte de Horn,

à tout les princes de l'empir qui estiunt orduné pour résister aus Françoes en Brabant, soes yrunt, et suirunt lesdits Françoes qui ont esté en Brabant, là où il yront, car il nous semble que le pays est bien fiebl , set assavoer le conté de Bourgoingne , car sans grand suceurs il n'est point tenabl.

Nous eusons volentier à vous et à nos pays de paer de là donné suceurs contre les Geldroes ; mes il nous est point possible de furnir jendermes à tant de liu ; aussy les pays de la meson de Bourgoingne sont fort assés pour résister aux Geldroes solement; car incontinant que nostre grand armée sera assemblé, nous donrons, par l'aide de Diu, tant afFayre et sufïryr aux Françoes que il serunt contraint de abandonner lesdits Geldroes.

Nous sommes conclu de mettre en surscéance nostre vyage de Rom, sy le pays d'embas vouderant tonber en mutery, et venir embas à tout dix ou duse myl hommes et bien châtier les rebelles ; mes sans cela et solement pour Geldroes, il nous est point possible abandonner nostre viage de Rom.

Ancor sumus nous délibéré mestre nostre viage de Rom en delay ou solement faere la guerr tout partout ou roy de France , jusques nous avons nostre seurté et reson de Françoes ; nous troveruns tousjours le chemin à Rom.

Faet de la main de vostre bon père Maxi. Ce xxvnc jour d'octobre 1507.

Il lui recommande divers seigneurs qui l'ont glorieusement servi dans la guerre contre la France. Dispositions au sujet d'un sénéchal et son secrétaire prisonniers. — [Original.)

( Kauffbeuren , le 10 novembre.)

Très chière et très amée tille, nous avons été adverty par les lettres que les sieurs de Spontin et de Roullers nous ont escriptes, de l'entreprinse et l'exploit de guerre qu'ils , avec Jean Derloigne , Engelbert de Holswestz et Olivier de Dalve, ont nagaires fait à rencontre des Françoys ; et pour ce que en ce faisant ils ont fait grant service à nous et à nos petis enfïans, leurs princes et seigneurs, nous leur faisons responce que n'en serons pas ingrats , et que s'il vaque ou eschiet vacant aucuns offices par delà à eulx propices et duisables, qu'ils vous en advertissent pour nous en advertir, et au surplus les en pourveoir et sur ce leur faire despeschier nos lettres patentes. Sy le veuillez ainsi faire ; car ils l'ont bien desservy et mérité.

D'autre part, nous les requérons que s'ils ont prisonnier ung sénéchal ou son secrétaire, qu'ils le mènent par devers vous, pour par vous enquerre d'eulx d'aucunes choses que avons chargés vous dire par le président de Bresse , vostre serviteur, et ce fait les en remercier et en faire leur prouffit. Sy faictes diligence que ainsi en soit fait. Très chière et très amée fille, nostre Seigneur soit garde de vous.

Donné en nostre ville de Kauffburen, le xe jour de novembre , l'an mil vc et vu.

Nous désirons que se les dessusdits tous mènent îesdits sénéchal et son secrétaire, que les faictes garder en bonne prison , sans les mectre l'ung auprès de l'autre, et que nous en advertissez incontinent.

Donné comme dessus, per Begem. — Plus bas, Renner.

Il l'autorise à faire restituer, sous certaines conditions , les aluns séquestrés au détriment de pauvres chrétiens dépouillés par les Infidèles. — ( Original. )

( Kauffbeuren , le 4 décembre. )

Très chière et très amée fille, nostre saint Père le pape nous a, tant par ses lettres, que par très révérend père en Dieu, monsieur le cardinal de Sainte- Croix, légat apostolique, et le seigneur Constantin, son ambassadeur devers nous, très instamment requis de la relaxacion des aluns séquestrez en nos pays de par delà, et encor fait journellement poursuyr par ledit sieur cardinal, nous remontrant à celle fin, iceux aluns estre députez pour l'entretenement de plusieurs poures chrestiens deschassez de leurs biens par les Infidèles ^ comment dudit sieur Constantin et autres, et que nostredit saint Père est tenu de relever de dommage les marchans, aussy qu'il a ceste matière bien à cueur, dont se icelle relaxacion ne luy estoit faite, il seroit contraint d'y procéder par tous les rigoureux remèdes de l'église.

Et combien que nous nous soyons par plusieurs fois excusé que nous ne nous meslons de ceste matière, i. 2

ains que en laissons faire à nostre conseil par delà^ néantmoins ils nous ont remonstré que vous avez renvoyez le commissaire de nostredit saint Père par devers nous, comme principal tuteur et mainbour desdits pays, sans luy vouloir faire autre responce ne despesche sur les briefs de nostredit saint Père.

Parquoy est que les advertissemens et informations que nous avez envoiez touchant ceste matière, ne semblent à ceux de nostre conseil estre assez souffisans pour y prendre bon pied, nous avons bien voulu entendre de nos amez et féaulx, messire Sigismond Phlouch , nostre conseiller, et de vostre président de Bresse, ce qu'ils sçauroient du demene de ceste matière, et comment l'on y avoit besoingné par delà en leur présence. Lesquels entre autres choses nous ont dit, d'un appointement qu'ils avoient traité avec les marchans desdits aluns par vostre ordonnance, ensemble les difficultez parquoy ledit traité n'avoit sorty effect.

Et ce entendu, désirans une bonne fin estre mise en ceste matière , nous avons commis et députez iceulx messire Sigismond et président de Bresse, et nostre amé et féal conseiller messire Paule de Liechstein ', baron de Castelboren, pour eux trouver avec lesdits sieurs cardinal et Constantin, affin de entendre et communiquer avec eux sur ceste dite matière , et s'il estoit possible y trouver quelque bon appointement amiable.

Lesquels tous ensemble, après plusieurs communications et assemblées qu'ils ont de ce eues, ont sur ce

» C'est à ce même Paul de Liechtenstein que Maximilien confia plus tard, le 16 septembre i5i 1, le projet qu'il avait conçu de se faire élire pape après la mort de Jules II.

eonçeu certains articles en latin, dont vous envoyons la copie, qu'il semble à ceux de nostre conseil estre meilleurs que ledit premier traitier, mesmement du pris desdits aluns, et touchant l'argent qu'ils presteront incontinent sans gaige, comme de l'absolution de Friscobaldi et des autres que sera asseurée. Et aussy que ledit traité seroit pur et net, et non point condicionné , ainsi qu'estoit le premier. Sy voulons et vous ordonnons que iceux articles , ensemble ceux du premier traitier, vous mettiez en délibération de nostre conseil de par delà, pour sçavoir d'eulx si lesdits articles sont acceptables ou non ; et s'ilz les treuvent estre bons, les pourrez accepter. Toutes voyes il semble à ceulx de nostredit conseil que se ceulx de nostredit conseil de par delà ne trouvent bon et seur fondement en ceste matière et bien soustenable , que feriez mieulx d'en appoinctier de bonne heure que plus tart , pour éviter plus grant dommaige ; et nous advertissez de leur délibération et conclusion sur ce et de ce que y aurez fait. A tant , très chière et très amée fille, nostre Seigneur soit garde de vous.

Donné en nostre ville de Kaufpueren, le mie jour de décembre, l'an mil vc et vu.

Nous avons fait double la présente despesche pour encoires la vous envoyer, affin que se noz autres lestres de ceste matière estoient ruée jus, que ces présentes

puissent venir à vous. Vostre bon père Maxi —

Plus bas, Renner '.

• A cette lettre est joint, en latin, le projet d'appointement dont il est parlé ci-dessus. Il est trop étendu et trop peu intéressant pour être inséré ici.

L'Empereur justifie sa conduite au sujet du mariage de Charles son petit-fils avec la fille du roi d'Angleterre, et de la rupture de l'union projetée du même prince avec Claude de France , fille aînée du roi Louis XII. — ( Original. )

( Kauffbeuren , le 4 décembre.)

Très chière et très amée fille , nous avons receu voz lettres que nous avez nagaires escript de vostre main, ensemble le double des articles que noz et les vostres commis que avez envoyez à Calais devers aussi les commis de nostre frère le roy d'Angleterre, estans illec vous ont envoyez touchant ce qu'ilz ont jusques à oires peu besoingnié par ensemble de leur charge.

Mais pour ce que le roy de France a, dez long-temps, dit et déclairé, et s'en est aussi plaint à nostre saint Père le pape, au roy d'Arragon et à tous les roys chrétiens, princes et subgectz de nostre saint-empire, mesmement à la journée de Constance, que nous avions fait et procuré vers nostre frère le roy d'Angleterre, le mariaige d'entre nostre filz Charles et de sa fille, pour délaisser le mariaige qui avoit esté fait à Haghenauw d'entre nostredit fils Charles et Claude sa fille % parquoy il avoit eu bien cause d'alier à ung autre sadicte fille.

Nous désirons, affin que chacun congnoisse le contre de ce que dit est, que ordonnez à iceulx comme que

• Ce mariage, stipulé pour la première fois dans le traité d'alliance conclu à Trente, le i3 octobre i5oi, a été confirmé par le traité de Lyon du 5 avril i5o2, par celui de Blois du ni septembre i5o4, et enfin par l'acte d'investiture du duché de Milan, donné à Haguenau le 7 avril i5o5. (I{ec. Diplom. de Dumont, I, iG, 27, 55, 60.)

en concluant le mariaige d'entre nostredit filz Charles et la fille de nostredit frère le roy d'Angleterre, ilz réservent que se deans un g an prouchain, ledit roy de France vueilt renouveller et entretenir ledit mariaige d'Aghenauw que en ce cas nous ne serons point tenu, ledit an durant, de entretenir et observer, ne aussi faire entretenir et observer ledit présent traictié avec la fille de nostredit frère le roy d'Angleterre, ne aussi de paier à celle cause les cinquante mil escus, ainsi que lesdits articles le contiennent.

Et combien que saichons que ledit roy de France n'en fera riens, et qui n'y a nul espoir, toutesfois nous voulons bien pour nostre honneur que oudit présent traittié soit mise la clause desusdite, affin mesmement de démonstrer par eifect à tous que nous ains ledit. roy de France mesmes.

Et voulons que en advertissez à diligence nosdiz commis , et que leur ordonnez que avec icelle clause ils passent et concluent incontinent tous lesdits articles; car nostre plaisir est tel. A tant, très chière et très amée fille, nostre Seigneur soit garde de vous.

Donné en nostre ville de Kaupueren , le 1111e jour de décembre, l'an xvc et vu. Vostre bon père Maxi. — Contresigné Renner.

L'Empereur prescrit des dispositions pour secourir la Bourgogne, menacée d'invasion par les Français. — {Original.)

(Rauft'beuren, le 4 décembre.)

Très chière et très amée fille , sur ce que nostre très chier et très amé cousin , le marquis de Bauden , nous

22 LETTRES DE MAXTMILIEN

avoit naguères escript qu'il avoit tout prestz mil chevaulx et mil piétons, vous requérant de luy signifïier ce qu'il en devroit faire, nous luy avons escript et aussy fait dire par nostre amé et féal chevalier, messire Melcior de Maesmunster, que désirions et voulions que à tout iceulx gens de cheval et de pied , et avec autres gens de guerre que luy envoyerions , il print incontinent son chemin par Ghampaigne, pour deslà venir contre le pays de Bourgoingne ; car il estoit trop meilleur, attendu que les François estoient à tout leur puissance à l'entour de nos pays , de les invahir et destruire pour préserver nos subjects , que ce que lesdits François les invahissent et destruisissent , comme ils ont desjà fait, ceulx de nostre pays de Brabant.

Toutes voies , nostredit cousin nous a présentement escript que vous luy avez mandé que vous n'avez plus que faire de ses gens d'armes et que l'on a envoyé un mandement patent venant de nostre pays de Brabant à ceulx de nostre pays de Luxembourg , par lequel l'on leur ordonne de non riens entreprendre sur iceulx François dont nous donnons merveilles, et ne sçavons de où ce peut procéder.

Parquoy et que désirons sçavoir les causes et raisons qui ont meu par delà de empescher l'entreprise dessus dit, nous vous requérons que incontinent et à diligence vous nous en adver tissez bien et au long.

Et considéré que plusieurs François se sont partis du duché de Milan pour eux venir joindre à la puissance des autres, mesmement monsieur d'Aremberch qui est venu sur les frontières de nostre conté de Bourgogne pour le gaster et adommaigier, et que iceulx François s'efforcent de tous coustez de faire illecq une

grande puissance dont il fait bien à douter qui pour- 1 oient tost invahir, brûler et destruire ledit pays de Bourgoingne, se sur ce il n'y estoit pourveu, il est nécessaire, affin de préserver icelluy et autres nos pays que ceulx de nos pays d'embas facent allencontre d'iceulx François une contre puissance et que nostredit cousin, ensemble les gens d'armes dessus dits les assaillent du cousté de Champaigne. Car par ce moyen ils seront contrains d'culx diviser, et en sorte que leurdite puissance ne sera pas si grande que de povoir entreprendre, faire dommaige ne vexation à aucuns de nosdits pays; et aussy il sera meilleur de les invahir sur leur pays que de attendre qu'ils entreprendent sur nous et nosdits pays.

Et partant , nous désirons que escrivez à nostredit cousin que, en ensuivant ce que vous avez conclu avec luy, il amasse desdits gens d'armes pour faire et accomplir ce que luy avons ordonné.

Car par ces moyens , nous espérons de saulver ledit poure pays de Bourgoingne desdits François , qui par tant de fois a soustenu d'eulx de si grans oppressions et molestations que jusques à leur détriment et entière ruyne, pour l'amour et fidélité qu'ils ont toujours euz à nos parens et pi édicesseurs de la maison de Bourgoingne , et mesmement pour le recouvrement de vostre personne, aussy de entretenir la guerre en France, et de vangier l'outtraige qu'ils ont fait en nostredit pays de Brabant.

Et à ceste fin nous ordonnerons a nostredit cousin de Bauden une bonne somme de deniers pour aydier à entretenir sesdits gens d'armes avec les aultres que nous y envoyerons , comme dit est , et vous requérons

t[ue, en entretenant le traité que avez conclu avec luy, vous luy faictes pareillement baillier pour l'entretenement de sesdits gens d'armes une autre somme de deniers à bon compte. A tant, très chière et très amée fille, nostre Seigneur soit garde de vous.

Donné en nostre ville de Kaufpueren, le 1111e jour de décembre, l'an xvc vu. Plus bas est écrit : lysés deux foes ceste lettre, car il est d'importance. Vostre bon père Maxi. — Plus bas, Renner.