MARGUERITE A MAXIMILIEN

Elle prie l'Empereur de permettre que Louis Barangier reste près d'elle , et fasse exercer momentanément par un autre l'office du greffe du parlement de Dole. — ( Minute. )

( Bruxelles, août.)

Mon très redoubté seigneur et père, très humblement à vostre bonne grâce me recommande.

Monseigneur, j'ay receu les lettres qui vous a pieu m'escripre , faisant mencion du greffe de parlement à Dole, lequel à ma requeste et suyvant le don que en avoit maistre Loys Barangier, mon secrétaire, de feu le

ET DE MARGUERITE SA FILLE. — 1509. 173 roy de Castille, mon seigneur et frère, que Dieu absoille, avez donné et accordé audit maistre Loys, en dépourtant tous autres, comme aplain le contiennent lesdites lettres patentes; lesquelles depuis les ay confermées , et donné de nouveau ledit estât de greffier, vosdites lettres qui sont, ou cas qu'il ne le pourroit desservir personnellement, qu'il le feroit desservir par personne à ce ydoine a vous agréable et à ceulx de la court dudit parlement, comme aplain le contiennent vosdites lettres patentes.

Monseigneur, et après que le conté de Bourgoingne a esté en mes mains, ay confermé audit maistre Loys vosdites lectres, et donné de nouveau ledit estât et office de greffier dudit parlement. Lequel maistre Loys jusques à oïres n'a peu desservir personnellement icellui office, combien qu'il ne désire autre pour estre en son mesnage, obstant la charge qu'il a eu de vous en France et ailleurs, aussi pour ce que l'ay mandé venir devers moy et délaisser toutes autres choses, tant pour servir en vos affères secretz de par deçà et dont il vous a pieu me donner charge, comme pour les myens et aussi pour la confidence que j'ay de luy plus que d'autre, et que l'ay adez trouver diligent et soingneux en vosdites affères et myens. Parquoy et qu'il n'a peu ne peult à présent m'abandonner jusques au retour de Marnix, lequel j'ay envoyé par vostre commandement où sçavez, ledit maistre Loys y a commis maistre Guillaume de Boisset qui a, passé dix ans, exercé ledit estât et est souffisant à ce et agréable à ladite court de parlement tant et jusques à ce qu'il y puisse aller, et luy aye donné congié. A ceste cause, Monseigneur, vous supplie, actendu ce que dessus, et qu'il est en vostre

service et pour voz afferes empesché entour de moy, le tenir excusé. Et quant à maistre Jehan Jonnelle , en ce que luy pourray faire plésir ny adresse pour Fonneur de vous, voulentiers le feray. Aydant Dieu auquel je prie qui , mon très redoubté seigneur et père , vous doint bonne vye et longue avec l'entier accomplissement de voz très haulx et vertueulx désirs. Escript à Bruxelles, le.... jour d'aoust xvc ix.

Il confère à Philippe Lombart l'office de concierge de son hôtel à Malines, vacant par le décès de Goudewerle de Bru. ■ — (Orig.)

(Au château d'Ynan, le 3 août.)

Très chière et très amée fille, pour les bons et agréables services que nostre bien amé, Phelippe Lombart, fourrier de nostre maison, nous a par cidevant faiz et à feu nostre très chier et très amé fîlz , le roy dom Philippe de Castille, que Dieu absoille, en ses vouages d'Espaigne , et autrement fait encoires journellement, à l'en tour de nostre personne oudit estât de fourier, et le vueillans d'iceulx aucunement récompenser, audit Philippe, pour ces causes et autres à ce nous mouvans, avons donné, octroyé et accordé, donnons, octroyons et accordons par cestes Testât et office de concierge de nostre maison à Malines, comme vacant à nostre disposicion par le trespas de feu Goudewerle de Bru, pour d'icellui estât et office joyr et user, tout ainsy et par la manière que faisoit ledit Goudewerle; dont vous advertissons et requérons de, en ensuivant ce, luy en faire despeschier par delà noz

ET DE MARGUERITE SA FILLE. ~ 1509. 175 lettres patentes en tel cas pertinentes sans aucune difficulté, en déportant par icelles tous autres y prétendans droit par quelque moyen ou couleur que ce soit. Car nostre plaisir est tel. Très chière et très amée fille, nostre Seigneur soit garde de vous.

Escript en nostre château Dynan, le 111e jour d'aoust, l'an mil vc et ix. Per Regem. — Plus bas, Renner.

11 lui mande qu'il est satisfait de sa besogne en Hollande. Nomination à divers offices. Différend entre les seigneurs de Vergy et de Flagy. Dispositions pour le siège de Padoue. Nécessité de payer les gens d'armes. ■ — (Original. )

( Bassano , le 7 août. )

Très chière et très amée fille, nous avons receuvos lettres escriptes à Bréda, et ouy ce que sur icelles nous a dit le président de Bourgogne de vostre part et pour vous faire briefve réponse, vous advertissons que à toutes vos autres lettres précédentes avons donné plaine response par autres nos lettres, lesquelles croyons avoir desjà recheuptes.

Et au regard de ce que vous escripvez de nouveau , vous advertissons que sommes bien content de vostre besongne en Hollande. Et avons agréable ce que vous y avez fait, tant sur l'appointement des différends des villes , reddition des comptes et appointement des deniers, que sur la réformation de la justice.

Touchant les offices de Jérôme Lauverin ', le cas

■ Jérôme Lauwerin était commissaire au renouvellement de la loi du pays de Zélande. On verra ci-après que cet emploi fut donné aux seigneurs de Wassenaer et de Berghes.

advenant de sa mort, sommes content que pourvoyez Richart Consault, vostre contrerolleur, de la recepte de Cassel , en suivant les lettres que vous avions desjà escriptes en sa faveur, entendons que icellui qui aura la recepte générale de Flandres , sera tenu de aggréer le don de ladite recepte de Cassel audit Richard.

Et de la commissarie de Flandres, pour ce que y avons desjà pourveu pour ceste année, ainsi que vous avons naguères escript, n'est possible pour ceste heure satisfaire au bailly d'Amont; mais serons bien content que pour l'autre année ensuivante , il soit dénommé commissaire dudit pays de Flandres, et le luy accordons dès maintenant, pourveu toutesfois que se ne soit contre les privilèges du pays.

Et ce que vous avons escript pieça du différent de monsieur du Vergy et de monsieur du Flagy, nous ne voulons estre en riens changié ce que vous avons escript, pour les causes qu'avons déclairez audit président de Bourgongne.

Et entant que touche le retour d'icelluy président, nous entendons que dedans quinze jours , nous aurons expérimenté nostre fortune. Et adonc le vous renvoyerons plain de toutes bonnes nouvelles; car, comme vous avons desjà advertye, les terres et les places qu'estoient rebelles contre nous sont desjà retournées toutes en nos mains, excepté Padue, et ont esté les rebelles si bien chastiez, qu'ilz donneront exemple aux autres. Et au regard de Padue et aussi de Tervise, espérons d'en avoir bientost la raison; et pour ce faire aurons aujourd'huy toute l'armée qu'avons par deçà ensemble pour assiegier ou Padue ou Tervise, ainsi que trouverons plus expédient. Et croyons que

ET DE MARGUERITE SA FILLE. — 1509. 177 ledit siège ne sera pas long; car nous sommes assés bien équipés; et journellement nostre armée se renforce et trouvons les gens d'armes de France bien délibérez à nous faire service.

Vous prions néantmoins donner ordre au payement des gens d'armes de par delà, lesquelz nous avez envoyez; car si vous n'envoyez ledit payement à toute diligence, ce nous tourneroit à ung merveilleux domaige et grant dangier de nos affaires. Et pour ce, vous requérons qu'il n'y ait faulte. A tant, très chière et très amée fille, nostre Seigneur soit garde de vous.

Escript en nostre ville de Passoen, le vne jour d'aoust, l'an mil vc et ix. Pro Rege. — Plus bas, Renner.

Il lui fait connaître où sont ses joyaux et trésors, afin que s'il venait à mourir, elle sût où les trouver.

( Bassano , le 7 août. )

Très chière et très amée fille. Pour aucuns afFères et nécessitez d'argent que eusmes l'année passée à faire la guerre contre les Vénissiens, il nous convint de, affin de prestement recouvrer argent , mectre en gaige deux couliers d'or garniz de beaucop de bonnes et riches pierres dont l'une est plus grant que l'autre. Lesquelz couliers nous avons depuis rachetez, et est ledit grant coulier es mains des Furkers *, et l'autre petit coulier, ensemble deux beaulx esfiquez garniz l'un d'un car-

1 Fugger, famille riche qui était en possession de fournir des capitaux à tous les souverains de l'Europe.

boucle et l'autre d'un balays, sont en nostre cité de

Trente , bien lyez et parquez deans une bote.

Nous avons encoires es mains d'un marchant appelle Jehan Paut garder une housse et couverture de barde fête de perles bien richement, qui ne les autres bagues dessusdites, ne sont pour riens qu'il soit en gaige.

Quant à noz autres bagues et grant trésor, le tout est bien sceur et ou lieu que vous avons dit et déclairé de bouche. Parquoy n'est besoing que plus avant vous en advertissons que desdites bagues dessusdites déclairées; ce que avons présentement voulen tiers fait, à celle fin que se Dieu , nostre créateur, vueilt à ceste fois faire de nouz sa voulenté, que vous sa i chez le tout où trouver pour noz très chiers et très amés petis enffans. Priant à tant, nostredit Créateur qu'il, très chière et très amée fille, vous ait en sa garde.

Escript en nostre ville de Basan , le vne jour d'aoust, l'an xvc et ix. Vostre bon père Maxi.

La garde de l'artillerie du château de Lille est confiée à Jaquet Kennessière, fourrier de l'hôtel. — {Original.)

(Au camp devant Padoue, le 18 août.)

Très chière et très amée fille, pour les bons et agréables services que nostre bien amé Jaquet Kennesière , dit le Sellier, fourier de nostre hostel , nous a parcidevant faiz et faict encoires journellement à l'entour de nostre personne, audit estât de fourier, audit Jaquet, pour ces causes et autres à ce nous mouvans, avons donné, octroyé et accordé, donnons, octroyons et accordons par cestes, Testât et office de garde de

ET DE MARGUERITE SA FILLE. — 1509. 179 nostre artillerie en nostre chasteau de Lille , comme vacant à nostre disposicion par le trespas de feu Hues le Mayre, pour d'icellui estât et office joyr et user tout ainsy et par la manière que faisoit ledit Hues; dont vous advertissons et requérons de, en ensuivant ce, luy en faire despeschier par delà noz lettres patentes en tel cas pertinentes, sans aucune difficulté ; car ainsy nous plaist il. A tant, très chière et très amée fille, nostre Seigneur soit garde de vous.

Donné en nostre camp devant Padoue, le xvme jour d'aoust, Tan mil vc et neuf. Per Begem. — Plus bas, Renner.

Le seigneur de Wassenaer et le jeune Jean de Berghes sont commis au renouvellement des lois du pays de Zélande, en remplacement de Jérôme Lauwerin , décédé. — ( Original. )

(Devant Padoue, le 23 août.)

Très chière et très amée fille , pour les bons et agréables services que noz amez et féaulx escuiers, le seigneur de Wassenaer et le jeune Jehan de Berghes nous ont faiz et font journellement à l'entour de nostre personne, et affin qu'ilz aient cause d'y persévérer de bien en mieulx, nous leur avons donné et accordé Testât de commissaire au renouvellement des loix de nostre pays de Zéellande, ou lieu de feu messire Jéromme Lauwerin, naguères terminé vie par mort, comme entendu avons, pour icellui estât doiresenavant exercer et desservir, selon l'ordonance que avons sur ce faicte, asçavoir ledit Wassenaer ceste première année et ledit de Berghes l'autre après, et successive-

ment d'an en an; dont vous advertissons et requérons de, en ensuivant ce, leur en faire despescher par delà noz lettres patentes en forme deue ; car nostre plaisir est tel. A tant, très chière et très amée fille, nostre Seigneur soit garde de vous.

Escript en nostre camp devant Padoue, le xxine jour d'aoust, l'an xvcix. Per Regem. — Plus bas, Renner.

Il lui explique les motifs qui l'ont déterminé à faire appointement avec le roi d'Aragon. Offices vacants par la mort de Jérôme Lawerin. Commissariat de Flandre , etc. — ( Original. )

(Au camp près de Padoue, le 23 août.)

Très chière et très amée fille, nous avons receu vous lettres escriptes de vostre main et aultres du secrétaire touchant l'appoinctement d'Espaigne et aultres partiel ieretez, et ensemble ouy ce que de vostre part nous ha dict le président de Bourgoigne. Et quelque chose que vous ayt escript Marnix, touchant la responce du roy d'Arragon, la vérité a esté tout ainsi que, par aultres nos lettres escriptes en nostre chasteau de Ynan, vous avons aplain advertye; et n'y a esté aultre traicté quelconque; et n'en fault souspicioner nulz de ceulx qui sont à l'entour de nous; car les causes desquelles vous avons desjà advertye nous ont induict et contraint de ainsy traicter, pour éviter plus grandtz inconvénient et pour povoir 1 adresser nos affères, mesmemant considérantz les grandes sollicitations que avions journellemant du roy de France, lesquelles procédoient par les importunes poursuites des ambassadeurs du roi d'Ar-

ET DE MARGUERITE SA FILLE. — 1509. 181 ragon, lesquelz encores despuys^nosdites lettres ont tellement sollicité ledit roy de France que pour modérer les différents que restaient, il nous ha envoyé aulcuns aultres articles desquelz tous envoyons le double; celon lesquelz il nous prie et conjure pour nostre grand bien et pour non laisser rompre audit roy d'Arragon son armée, vouloir conclure ledit appoinctement et traictier et envoyer povoir pour ce fère. Et pour ce que nous affères sont encoires en tielle disposicion que se ledit roy d'Arragon rompoit son armée de mer , il nous porteroit ung domaige inextimable, il nous est plus que impossible refuser ni dislayer la conclusion dudit appoinctement.

Au regard des offices que tenoit messire Jhéromme Lawrin, vaccanlz à présent par sa mort, nous voulons que, touchant la recepte de Flandres, soient observées les lettres que nous en avions baillées à Potelverge du vivant dudit Lawrin, pourveu néantmoyns que nous puissions pourveoir aux menus offices d'icelle recepte, et n'entendons en riens empeschier le poyemant de ce que dheu aux écritures dudit Lawrin.

Et en tant que touche l'office de commissaire de Flandres, vous sçavez que, comme vous avons desjà escript, havons pourveu des commissaires pour la présente année; et pour l'an ensuyvant avons à vostre requeste, au lieu dudit Lawrin, denomé le baiilif d'Amont, mais se vous désirez que le seigneur de Lalaing y soit aussi nommé pour l'an ensuyvant, nous serons bien content qu'il hait pour ledit an le lieu de l'un de ceulx qui sunt dénommez pour l'année présente ; car entendons les changier touz les ans.

De Testât que avoit Husson, nostre varlet de cham*

bre, auprès de la§personne de nostre filz, lequel demandez pour vostrt escuyer Émericourt, vous advertissons que celluy estoit ung estât extraordinaire octroyé par les bons services dudit Husson, à sa vie seulemant : et n'entendons ledit office plus durer; mais par Testât q'havons faict à nostredit filz , lequel vous envoyerons bientost , havons pourveu à toutz les offices nécessaires à l'en tour de sa personne.

Et au regard de Claude de Cilly, pour ce que dhoires en avant qu'il ne feroit riens là où il est, ainsy que nous escripvez, sommes content que luy escripvez qu'il retourne. A tant, très chière et très amée fille, nostre Seigneur soit garde de vous.

Escript à nostre camp auprès de Padua, ce xxme jour du mois d'aoust. Per Regem. — Plus bas, Renner.

Il lui donne des nouvelles de son arrivée devant Padoue. Mille paysans faits prisonniers et relâchés. Progrès du duc de Brunswick en Frioul. Assaut donné à la ville de Civitate. Le siège en

est levé.

(Au camp devant Padoue, le 23 août.)

Très chière et très amée fille , comme vous avons escript dernièrement, nous avons assemblé toute nostre armée et sommes venuz mectre nostre champ trois mille d'Italye près de nostre cité de Padoue; et, en venant deçà et delà, noz gens de guerre ont prins plus de mil payssans prisonniers lesquelz, par advis de noz cappitaines, et affin qu'ilz nous appourtent tant mieulx des vivres, nous avons fait relâche de leurdits prison, et espérons de en brief, à l'ayde de Dieu, avoir ladite cité de Padoue.

De la part de nostre cousin, le duc de Brunntsweych, nous sont venues nouvelles, qu'il nous signiffie que, en venant contre (au-devant de) nous il a assailly un fort cloistre ou pays de Friole où estoient aucuns gens de guerre vénissiens ; lequel il a gaingné et mis à mort desdits Vénissiens environ cent et cinquante hommes de guerre.

Que deslà s'est tiré devant une ville oudit pays de Friole, appellée Cividate, laquelle il a fait fort batre d'artillerie jusques à donner l'assault; lequel il leur a donné de fait par dedans au long des murailles , des fossez plain de pouldre de canon et couvert par dessus d'estrain (paille), pour quant nostredit cousin et ses gens reviendroient à l'extrémité, mectrelefeu par deans et illec les brusler tous. Parquoy il et sesdits gens ont levé ledit siège et se sont retirez à tout l'artillerie; et en ce faisant , n'ont point perdu plus de x ou xu hommes.

D'autre part, nostredit cousin estoit bien adverty que ceulx de la ville d'Oden qui estoient puissans d'environ vinm hommes, envoyant au secours desdicts de Cividate mil chevaulx dont, pour ce empescher, il envoya au devant mc chevaulx, lesquels ont franchement assaillyz lesdits mil chevaulx et d'iceulx mis à mort iic cinquante, environ, des meilleurs et prins autant de prisonniers, entre lesquelz est le cappitaine général des Stradiotz et un g autre bon personaige ; et fut blaissé fort le premier de Venisse, et comme on dict qu'il est mort.

D'autre cousté, nostre cousin, le marequis de Mantoua, cuydant aller à tout cent et cinquante chevaulx^ veoir son beau-frère, le duc de Ferrare, et en chemin reposer et coucher sceurement en ung villaige, a esté

naguères prins par lesdits Vénissiens, et trahy par les-

dits du village ! .

Et hyer, nous levasmes nostredit champ pour le mectre plus hault deçà la rivière, là ou estoient assemblez environ nm Vénissiens, lesquelz nosdits gens de guerre ruèrent jus, par force, gaingnèrent ledit fort et d'iceulx mirent à mort plus de mc et prindrent prisonniers environ nc avec leur bannyère que vous envoyons présentement pour vostre butepenninck a et à celle fin que puissiez tant mieulx sçavoir la prospérité que Dieu nous donne à présent, dont nous le remercions et prions qu'il, très chière et très amée fille, vous ait en sa sainte garde.

Escript en nostre champ devant Padoue, le xxme jour d'aoust, Tan xvc îx.

P. S. Nous vous requérons que mectez ladite bannière que vous envoyons avec cestes en l'église de Nostre-Dame de Haulx 3.

Nous avons , ce jour d'hier, gaingné la ville de Est , et continuellement noz gens tuent et prengnent prisonniers beaucop de noz ennemis, et croyons que pour ce jourd'huy sont tuez plus de vm de nosdits ennemis, et prins prisonniers beaucop de mil. > — Donné comme dessus.

Per Regem. — Plus bas , Renner.

' Jean François, quatrième marquis de Mantoue, après avoir adhéré à la ligue de Cambrai, se signala en diverses rencontres dans l'expédition contre les Vénitiens, et fut surpris dans l'île de la Scola. Réfugié dans un champ de millet, il y fut découvert et trahi par un paysan, qui le livra le 9 août i5og. Il ne recouvra sa liberté qu'au mois de juillet i5io, sur les instances de Jules II, qui le nomma ensuite gonfalonier de l'église.

a Butepennink, expression allemande, monnaie de butin, pour votre part du butin.

3 Halle , petite ville de Hainaut , à trois lieues de Bruxelles et sept de Mons, célèbre par son église de la Vierge, où se font de nombreux pèlerinages. Diva Firgo hallensis, par Juste-Lipse.

Il mande à Marguerite l'expédient qu'il a imaginé pour sauver l'honneur de cette princesse compromis , parce que le traité avec le roi d'Aragon a été conclu sans son entremise. — {Original.)

(Au camp devant Padoue, le 5 septembre.)

Très chière et très aînée fille, depuys que, par vous lettres escriptes de vostre main, havions cogneu le regret que aviés que le traictié de l'appoinctement d'Espaigne entre nous et le roy d'Arragon passât par aultres mains que les vostres, attendu que vous en havions baillé le povoir et que vostre honneur n'y seroit guardé, le oustant de vous mains et en faisant la conclusion sans vous; n'havons cessé de penser toutz moyens pour saulver vostre honneur, autant que le nostre propre. Et par conclusion , voyant que cestuy appoinctement ne se peult retarder et ne peult estre traictié par vous, par les causes desjà escriptes, n'havons sceu penser ny trouver meillieur moyen pour guarder vostredit honneur, sinon de vous fère une procuration de antidate et que, en vertu d'icelle , vous substituer en vostre lieu pour traictier cestuy appoinctement, vostre président de Bourgoingne et messire Andréa de Burgo, celon la minute laquelle vous envoyons présentement, en vertu de laquelle substitucion, les dessusdits comme commis et députez de part vous , pourront traictier ledit appoinctement; car à ce nous avons choisy vostredit président comme celluy qui est cogneu estre vostre serviteur ordinaire, et qui est bien informé de la matière et bien expert à couchier le traictié et pourra mieulx

satisfaire à vostre honneur et à nostre prouffit que nul autre. Et pour ce, vous ordonnons que incontinent dépeschiés icelle par ceste ou par messagier exprès à toute diligence en la cour du roy de France, auxdits président et de Burgo ; car dès maintenant dépeschions ledit président pour aller là et , hayant vostredite substitucion à temps, besogneront en vertu d'icelle et non autrement; et néantmoins en deffault d'icelle leur avons baillé autre povoir de nostre part, duquel ne useront, sinon en cas de nécessité. Et pour ce vous fault diligenter à envoyer ladite substitucion , affin que vostre honneur y soit guardé ; et pour le mieulx guarder havons réservé aulcuns articles, lesquelz ne seroit bon déclairer au roy de France et voulons iceulx estre traictiés secrètement à part par vous en vertu de vostredit povoir, tiellement que ledit roy d'Arragon cognoisse que Jtiavons plus de confidence en vous que en nul aultre; desquelz articles secretz , qui se doibvent traictier par vous à part, vous envoyons la mémoyre cy-enclouse et nous semble que, pour la conclusion d' iceulx, debvés mander à Marnix, vostre secrétayre, non se partir de là jusques à ce que le tout de cestuy appoinctement soit entièrement parachevé, et que havons à ce envoyé nous ambassadeurs pour recevoir le serement et la ratifficacion dudit roy d'Arragon. A tant, très chière et très amée fille, nostre Seigneur soit garde de vous.

Escript à nostre camp devant Padua , ce cinquiesme jour de septembre xvc et neuf. Vostre bon pèreMAXi. — Plus bas

Il mande à sa fille et aux gens de ses finances de faire payer, au président du parlement de Bourgogne , cinq livres de 40 gros par jour au-dessus de sa pension , tant qu'il sera député vers le roi de France pour l'appointement d'Espagne. — ! (Orig.)

(Au camp près de Padoue, le 5 septembre.)

Très chière et très amée fille, et chiers, bien amez et féaulx , pour ce que envoyons présentement nostre chier bien amé et féal conseiller, le président de nostre court de parlement en Bourgongne ■ , devers le roy de France, pour traictier et conclure l'apoinctement d'Espaigne , et que les six moys de son voyaige par lesquels il fust payé et tauxé, quand estions par delà, sont desjà passés ; et est mestier présentement y pourveoir d'argent pour sondit voyaige et pour le temps qu'il ha esté et sera absent pour nostredit service, à ceste cause , voulons et vous ordonnons que , depuis le jour desdits syx mois expirés jusques à présent et pour deux moys prouchains , et tant plus quant plus il demourera absent audit voyaige , lui faictes entretenir le taux des despens de son voyaige pour dix chevaulx à raison de cinq livres de quarante gros par jour, oultre et par dessus sa pencion, laquelle, pour suplémant du taus desdits despens de son voyaige , voulons luy estre payée durant sadite absence. Et voulons que, lui estre arrivé en court du roy de France, luy envoyez et faictes délivrer le payemant de tout ce que luy est dheu du passé et de deux aultres moys ensuivantz, et n'y fête

1 Mercnrin de Gattinare, depuis cardinal,

faulte , affin que nous puisse mieulx servir et conduyre les afferes de nostre filz à bonne fin. A tant, très chière et très amée fille , et chiers bien amez et féaulx , nostre Seigneur soit garde de vous.

Escript en nostre camp d'auprès de Padua, ce cinquiesme jour du moys de septembre, l'an xvc et neuf. Vostre bon père Maxi. — Plus bas, Renner.

Il lui recommande de recevoir et de faire entretenir convenablement le jeune marquis de Brandebourg, qu'il envoie pour être au service de l'archiduc Charles. — ( Original.)

(Au camp devant Padoue, le 8 septembre.)

Très chière et très amée fille , nous envoyons par delà le jeune marquis de Brandebourg x , pour servir nostre très chier et très amé fils, l'archiduc Charles. Et vous requérons que le recepvez ou service de nostredit filz, et faictes de deslà en avant bien et honnestement entretenir à l'en tour de luy. Et s'il a d'aucunes choses affaire, vous le veuillez en ce assister et lui faire toute l'ayde et assistance que pourrez aussi faire, tant vers ceulx de nos finances qu'ilz luy payent doiresenavant la pension de mil livres par an que lui avions ordonné pour son entretenement, aux termes et en la manière acoustumée sans en ce faire faulte. En quoi faisant > nous ferez chose bien agréable. A tant, très chière et très amée fille, nostre Seigneur soit garde de vous.

' Ce ne peut être que Joachim, fils aîné de Joachim Ier, margrave de Brandebourg, et d' Elisabeth de Danemarck.

ET DE MARGUERITE SA FILLE. ~ 1509. 189 Escript en nostre champ d'encontre Padoue, le viiie jour de septembre, Tan xvc ix. Vostre bon père Maximilien. — Plus bas, Renner.