MARGUERITE A MAXIMILIEN

Marguerite transmet à son père la demande de la reine de Portugal concernant l'alliance de son petit-fils avec une princesse

d'Autriche. — {Minute. )

(Juillet.)

Mon très redoubté seigneur et père, très humblement à vos bonnes grâces me recommande.

Monseigneur, j'ay naguères receu , par ung frère religieux de l'ordre de Saint-François qu'il me semble homme de bonne apparence , lettres de crédence de la reyne vefve de feu le roy de Portingal , nommée madame Lyonor l, laquelle, selon que j'ay peu entendre, est vostre cousine germaine du costé de madame vostre mère, dont Dieu ait l'âme, m'a dit et déclairé ledit religieux par sadite crédence ,

Comme ladite reyne, désirant le bien et avancement de ceste maison , dont elle parente, désireroit sur toutes choses que une bonne amytié, intelligence et allience par mariage fust faicte, traictée et conclute entre icelle nostredite maison et le roy de Portingal à présent.

Laquelle allience ne se pourroit mieulx faire que en traictant le mariage de madame Lionor, ma niepce, avec le prince et fîlz aisné' dudit roy de Portingal, lequel , selon que m'a dit ledit religieux , peult avoir de neuf a dix ans qu'est l'âge consonant à tout deux 3, ou à madame Ysabeau , laquelle il vous plairoit des deux, et avec ce pourroit l'on encoires traicter autre mariage de madame Marie estant en Espaigne avec ung des autres petitz-fîlz dudit seigneur roy, lequel, selon que j'entends, en a trois ou quatre ; et est en effect la charge et crédence que ledit religieux m'a dit de ladite dame reyne et m'a requis de par elle lui faire responce.

' Léonore, reine de Portugal , femme de don Juan II, dit le Parfait, était fille de l'infant Ferdinand, duc de Viseu. La mère de Maximilien était fille d'Edouard , roi de Portugal.

1 C'est-à-dire fils du roi régnant; car le seul fils de don Juan mourut avant son père, en 1491*

3 Juan III, fils aîné d'Emmanuel le Fortuné, épousa en effet, non pas Éléonore, mais Catherine d'Autriche, fille posthume de l'archiduc Philippe.

Monseigneur, il me semble, soubz vostre bonne correction, considéré le petit nombre des princes aujourduy vyvans et la prospérité dudit roy de Portingal , lequel est encoires nostre parent et allié, et duquel l'on peult ayder, que pour faire plus grande allience et intelligence avec luy, bon seroit traicter ung des mariages dessusdits ou les deux , se vostre plésir estoit tel , et encoires aurés deux de mesdames mes niepces pour en faire allieurs autre allience.

Monseigneur, après luy avoir remercyé de ses bonnes adsistances et peines qu'il avoit prins pour ceste matière, ay respondu que cestedite matière estoit de grande importance et vous touchoit du tout pour austant que vous estes seigneur et père de mesdites dames mes nyepces, et que d'icelle matière vous écrirais bien et au long pour sur icelle entendre vostre bon vouloir.

Monseigneur, je vous supplie le tout bien penser et m'en mander et escripre bien au long vostre bon vouloir et plésir, ensemble de la responce telle qu'il vous plaist faire audit religieux ' sur ceste matière; car il désire estre bref despesché et j'en feray ainsi qu'il vous plaira me commander.

Au surplus, Monseigneur, j'entends qu'il y a un Portugaloix qui s'avence de parler de ces matières et n'en a charge ny demie, et tiens qu'il soit ung abuseur de gens, dont, Monseigneur, vous ay bien voulu avertyr, afin d'y prendre garde.

r Ce religieux signait frère Nicholas d'Anvers. Nous avons en main la lettre par laquelle il demande audience à Marguerite, et lui adresse des consolations religieuses sur la mort de son mari, Philibert, duc de Savoie.

Consulter le conseil privé sur les réponses rapportées par les ambassadeurs de Rome. La proposition de la reine de Portugal mérite d'être examinée mûrement. Rien à faire au sujet de Saint-Tron. Le médecin Libéral doit se rendre auprès de l'Empereur. La capitainerie de Mude et le bailliage de Goylant peuvent être conférés au seigneur de Montaigny, à certaines conditions. Résignation delà trésorerie des guerres, recette d'Artois, pour Charles Le Clerc. Prévôté de Notre-Dame de Bruges. Commission pour le renouvellement des lois de Flandre. Prépositure de West-Frise. Bénéfice à accorder au procureur de Bresse. Anneau envoyé au prince Charles par Marie d'Angleterre. Affaires d'Espagne et d'Aragon. — {Original.)

(Au château d'Ynan, le 30 juillet. )

Très chière et très amée fille, nous avons receu pluseurs voz lettres et aussy ouy beaucoup d'articles à nous exposez de vostre part par le président de Bourgongne; aussquelles lettres et articles, causantz noz autres grans afïères et empeschemens de ceste guerre, ne nous a esté possible respondre jusques à présent que vous respondons d'article en article.

Et premièrement, quant aubesoingne de noz ambassadeurs de Rome, nous semble que devez prendre leurs instructions ou le double, ensemble les responces qu'ilz ont apportées , et le tout proposer en nostre conseil privé et avoir leur advis sur chacun article de ce que sera à fere , et y donner le meilleur remède que pouvez, antretenant noz haulteuret préhéminences, ainsi que en ont usés noz prédécesseurs , mesmement le feu roy Philippe , nostre filz , jusques a ce que nous viendrons à Rome pour nostre coronacion.

ET DE MARGUERITE SA FILLE. — 1509. 167 Touchant la matière de Portugal , de laquelle nous escripvez , vous devez renvoyer le religieux pour ceste heure, luy disant que ceste matière ne se peult traicter sans nous, et que avoir achevé ceste guerre, nous retournerons par delà; et que adonc quant nous y serons, qu'il doye revenir devers nous pour traicter ladite matière plus aysément. Et remercyerez de nostre part la Reyne, qui l'a envoyé, du bon vouloir qu'elle monstre avoir à nous.

Du fait de Saint Tron, nous ne pouvons plus riens fère; car l'évesque de Liège a desjà eu ses régalles.

Et de ce que nous escripvez en faveur de maistre Libéral le médecin , nous voulons que l'envoyez incontinent devers nous, pour nous servir en ce voyage, et voulons qu'il soit paie de sa pencion avec le paiement des gens d'armes qui viennent de par deçà.

De la cappitanerie de Mude et bailliage de Goylant desquelz nous rescripvez en faveur du seigneur de Montaigny nous serons contens , si luy mesmes veult excercer lesdits offices, lui baillier ladite cappitanerye et balliage avec les gaiges ordinaires, pourrai que le revenu ordinaire et extraordinaire desdits lieux demourera aux receveurs du prince en la manière accoustumée, et qu'il soit paie desdits gaiges par la main dudit receveur, afin que la recepte demeure tousjours en ordre, comme a esté fait parcy devant , et qu'il baillera caucion souffisante en la chambre des comptes, ainsi qu'il appertient.

Et quant à la résignacion faicte par Charles Le Clerc, trésorier des guerres, de la recepte d'Artois, pour ce qu'il y a deux contendans, voulons que nous envoyez le double des lettres octroyées à l'ung et l'autre, afin

que icelles veues, y puissions myeulx pourveoir : assavoir les lettres de maistre Jehan Eynart et celles aussy de Marc Charles. Voulons aussy que haiez regard qu'il ne soient octroyées nulles lettres de placet au prévost du tiers contre le prothonotaire de Melun , touchant la prévos^é de Nostre-Dame de Bruges, préjudiciables à celles que ledit prothonotaire a autrefois obtenu de

nous.

En oultre , voulons et vous ordonnons que faictes rénover la commission de Flandres pour le renouvellement des loix, et que y comectez nostre cousin, le seigneur de Fiennes, l'abbé de Saint-Bertin , messire Robert de Melun , seigneur de Roigny , et le seigneur de Castres qui estoit bailli de Gand.

Oultre ce, voulons que faictes veoir en nostre privé conseil le mandement cy encloux, touchant la prépositure de nostre pays deWest-Vrieze, despesché auprouffit de maistre Mathias Lauwerin, s'il se doist ainsy despescher et sceller, ou autrement, et selon l'advis dudit conseil, le ferez expédier audit Lauwrin.

Et pour ce que entendons que noz lieuxtenans de Flandres, de Hollande et autres se meslent de donner offices et béneffices, ce que n'est pas nostre intencion, voulons que de nostre part leurs faictes deffendre de non donner ou conférer office , ny béneffice quelconque; ains voulons que vous y pourvoyez selon l'ordre que vous avons laissé à nostre pertement et noz lettres que vous avons envoyé.

Et pour ce que n'avons encoires fait le roelle des béneffices, lequel entendons bien tost fère, voulons que cependant , si vient à vacquer quelque bonne prébende à Mous, Soignies ou Bruxelles, en pourvoiez de la

ET DE MARGUERITE SA FILLE. — 1509. 169 première vostre procureur de Bresse , frère du président de Bourgongne , lequel entendons vouloir estre d'église.

Et au regard de ce que sollicitez le retour de vostredit président qui nous en sollicite aussy de son cousté , nous le despescherons le plus tost que nous sera possible, pour le vous renvoyer, chargé de toutes nouvelles, quant sera l'opportunité du temps.

Et quant à ce que vous escripvez de l'anneau envoyé par madame Marie d'Angleterre à nostre filz, et qu'il seroit bien que, de sa part , l'on en\oyast quelque autre bague à ladite dame pour entretenir tousjours l'amytié, nous remectons cela à vostre discrécion et serons contens de ce que par vous en sera fait.

Touchant l'ambassadeur du roy d'Arragon, qui estoit en Angleterre, lequel dictes devoir venir devers vous avec aucunes instructions , et nous demandez comme vous y devez conduyre , vous respondons que ne scaurions bien en ce vous conseillier sans entendre ce qu'il vous dira. Et désirerions bien de le sçavoir pour vous en mander après nostre advis.

Mais de une chose vous voulons bien avertir, afin qu'entendez bien au long le démène de cestuy affère d'Espaygne ; car depuis la rupture de l'assemblée et veue du roy de France et de nous que fust par aucunes suspicions et autres causes , nous envoyasmes nos ambassadeurs devers ledit roy, vénérables princes du saint-empire, les évesques de Gurce et de Brixine, pour excuser et justifier ladite rompture; ce qu'ilz firent. Ausquelz noz ambassadeurs, de la part du roy, furent proposé deux poinctz : l'ung, de fère l'armée par mer pour assiégier et prendre la cité de Venise; et pour ce que l'armée dudit roy de Fiance n'estoit pas assez

souffisante pour ce fère sans l'armée du roy d' Arragon, lequel ne se vouloit mesler de ladite entrepi inse de Venise, ny fère aucune assistence par mer sans estre préalablement d'acord avecques nous, fust, de la part dudit roy de France , proposé le second point : c'est qu'il seroit utile et nécessaire que cestuy appoinctement se feist dès maintenant, afin que ceste expédicion contre les Véniciens fust plus tost achevée. Aultrement que laissant partir les navires et armée de mer du roy d' Arragon, ledit roy de France feroit incontinent aussi retourner les siens. Et monstroit ledit roy de France qu'il désiroit et conseilloit ledit appoinctement en quelque façon que ce fust, autrement qu'il véoit clerement noz affères aller mal. Et pour ce , veullans satisfaire aux persuasions dudit roy , qui nous faisoit si grande instance de cestui appoinctement et pour non mectre noz affères en plus grand desarroy et dangier, mesmement après que avons perdu Padua et aulcunes autres villes et eu plusieurs infortunes, et que congnoissons évidement que lesdites deux armées de mer nous estaient plus que nécessaires à estre à l'entour de Venise pour nous assister et favoriser au recouvrement de nos pièces et parachèvement de nostre entreprinse, et pour mectre touz nos affères en seurté et stabilité, mesmement, pour ce que n'avons nulles nouvelles de Marnix , vostre secrétaire, qui est allé trop tard et que l'ambassadeur dudit roy d' Arragon estant icy devei^s nous, disoit qu'il sçavoit bien que ledit Marnix n'estait pas encoires arrivé devers ledit roy son maistre, et que sondit maistre ne conclurroit riens par vostre moyen ; car, à l'instance du roy de France , il avoit desjà baillé povoir à lui et aux autres ses deux ambassadeurs, estans à présent en France, de conclurre et appoincter ceste matière, pour

ET DE MARGUERITE SA FILLE. — 1509. 171 ces causes et pour autres bons respectz , nous sommes inclinez à traictier avecques ledit ambassadeur d'Arragon pour trouver quelque moyen et expédient pour pervenir à cestui appoinctement. Et voyant que, selon le parler dudit ambassadeur, ledit roy d'Arragon ne vouloit accepter les articles de Naples , ains vouloit avoir le gouvernement à tousjours et ne vouloit laisser nulles places pour seurté, ne bailler autre asseurance , ny vouloit que nostre filz joïst dé la principaulté, sinon tant qu'il seroit présent en Castille, et vouloit que le douaire de la royne , sa fille, fust paie ou qu'il retiendroit le vostre en eschange. Considérantz ces choses , si exhorbitantes de toute raison , sommes condescendu et incliné à mectre en avant audit ambassadeur d'Arragon aucuns petitz articles. Desquels vous envoyons le double signé P. A, Et nous sembloit pour ceste heure non proposer autres articles ; sur lesquelz articles ledit ambassadeur a fait une réponce telle que verrez par le double signé P. B. Et nous y avons fait une réplicque telle que verrez par le double signé P. C. Desquelles choses vous avons bien voulsu adverty, afin que congnoissez le tout et que voyez en quoi lesdits articles sont différendz de ceulx que a pourté Marnix. Et nous semble , que devez de vostre cousté , solliciter devers ledit roy d'Arragon que, puisque nous sommes inclinés à articles si honnestes, que, de son cousté, il ne les doit pas refïuser. Et cecy pourrez solliciter tant par lettres , que par le moyen de Marnix qui est là. A tant, très chière et très amée fille, nostre Seigneur soit garde de vous.

Donné en nostre chasteau d' Ynan, le xxxe jour de juillet xvc ix. Vostre bon père Maxi. — Plus bas, Renner.

L'Empereur ne veut pas que maître Libéral, le médecin, qui est Vénitien, demeure auprès de l'archiduc. — {Original.)

(Château d'Yuan, le 30 juillet.)

Très chière et très amée fille , pour ce que par autres noz lettres vous escripvons nous envoyer maistre Libéral, le médecin, sans vous signiffier la cause, nous vous advertissons que s'est pour la suspicion qu'avons de luy, attendu qu'il est Vénissien , et que ne voulons qu'il soit plus auprès de nostre fîlz l'archiduc Charles. A tant, très chière et très amée fille, nostre Seigneur soit garde de vous.

Donné en nostre chasteau Dynam, le xxxe jour de juillet, l'an mil vc et neuf. Per Begem. — Plus bas, Renner.