ET AUX GENS DE SES FINANCES

Un secours de trois mille livres est accordé pour une fois au jeune duc de Milan, au-dessus de sa pension qui est insuffisante. — ( Original, )

(Au camp de Langora, le 13 octobre.)

DE PAR L'EMPEREUR

Très chière et très amée fille, et chers et féaulx. Il est bien vray comme puis nagaires avons par vous, très chière et très amée fille, esté adverty qu'il n'est

possible à nostre cousin le duc de Milan ' soy entretenir sur la pension à lui par delà ordonnée et accordée prendre et avoir de nous par chacun an, montant à la somme de mil livres de xi gros. Parquoy en considérant son estât, nous vous requérons et néantmoins ordonnons à vous de noz finances, affin de soy mieulx povoir entretenir et tant que par nous aultrement en sera ordonné, luy faire bailler et délivrer que lui donnons et par espéciale, pour une fois et pour ceste année, la somme de troes mil livres dudit pris, et icelle somme luy faire délivrer à l'heure que sadite pencion luy sera payée. Sy n'y veuilliez faire faulte; car nostre plésir est tel. Très chière et très amée fille, et chiers et féaulx, nostre Seigneur vous ayt en sa garde.

Donné en nostre camp à Langora, le xme jour d'octobre xvc noef. Vostre bon père Maxi. — Plus bas, Renner.

L 'office du sel Bouchet Savoy c à Salins , est conféré à Benoît

Plâtre , dit Bigot , salpétrier de l'empereur en Bourgogne. —

( Original. )

( Au camp de Longhar, le 15 octobre.)

Très chière et très amée fille , nous avons parcidevant, en considéracion et récompence des grans pertes et dommaiges que nostre bien amé, maistre salpétrier en Bourgongne, Benoist Pâtre, dit Bigot, avoit euz pour nostre service, donné et accordé audit Bigot,

* Maximilien Sforce, fils aîné de Ludovic, duc de Milan, fut envoyé avec son frère auprès de l'empereur Maximilien en i5oi, lorsque le duc son père fut fait prisonnier par les Français à la déroute de Novarre.

ET DE MARGUERITE SA FILLE. — 1509. 199 la charge et conduicte du marchié du seel Bouchet Savoye de nostre saulnerie de Salins et de ce luy fait despeschier noz lettres patentes dont il a joy jusques à naguères que entendons que, soubz umbre de quelque ordonnance faicte par ceulx de la court de parlement à Dole, l'on luy a en ce mis et mect empeschement. Parquoy, très chière et très amée fille, et que avons ledit Bigot, pour les causes dictes, en singulière recommandacion, escripvons devers vous et vous requérons que, en ensuivant la promesse que nous avez faicte des officiers que avons commis en nostredit conté et en faveur de nous, vueillez entretenir ledit Bigot en ladite charge et conduicte du seel Bouchet Savoye, et sur ce, luy faire despechier voz lettres de confremacion, selon le contenu des lettres que luy en avons despesché, comme dit est, le double desquelles vous envoyons à celle cause. Et que icelle confremacion nous vueillez incontinent renvoyer pour les faire délivrer audit Bigot, qui est à ceste heure devers nous en nostredit service. En quoy faisant, vous nous ferez chose agréable, À tant, etc.

Donné en nostre camp à Longhar, le xve jour d'octobre, l'an xvc ix. Per Regem. — Plus bas, Renner.

Jacques Kennessière , dit le Sellier, est nommé garde de l'artillerie du château de Lille et concierge de la Salle. L'Empereur entend que ces sortes d'offices soient toujours donnés à ses vieux serviteurs. -— (Original.)

(Longhar, ie 15 octobre.)

Très chière et très amée fille, nous vous tenons records comment vous avons haguer.es escript que, en

faveur des bons et loyaulx services que nostre bien amé fourier de nostre hostel, Jaques Kennessière, dit le Sellier, nous a fait dez sa jeunesse et fait encoires journellement, allentour de nostre personne, oudit estât de fourier et autrement, nous luy avons donné les offices de garde de nostre artillerie ou chasteau de Lille et concierge de la salle, illec comme vacant à nostre disposicion par le trespas de feu Hues le Maire, et requis de lui en despeschier par delà noz lettres patentes, en tel cas pertinent. Toutesvoyes nous entendons que en avez pourveu au prouffit d'autre , et que par ce ledit Jaques ne peut joyr de nostredit don. Parquoy et que voulons que ledit Jaques joysse d'icelluy nostre don avant tous autres , escripvons devers vous et vous requérons que , sans avoir regard au don par vous fait comme dit est , vous faictes despeschier audit Jaques noz lettres patentes d'iceulx, pour en joyr comme faisoit ledit feu Hues en son vivant, par lesquelles en soit déporté celluy que y avez commis et tous autres qui y pourroient mectre empeschement; car nous entendons tousjours pourveoir à telz offices noz vieilz serviteurs. Parquoy ne vous vueillez désormais tant haster de les donner, mais nous en advertissez avant que d'en faire aucune promesse. A tant, très chière et très amée fille, nostre Seigneur soit garde de vous.

Donné en nostre camp à Longhar, le xve jour d'octobre, l'an xvc neuf. Per Regem. — Plus bas, Renner.

Jacques , seigneur de Licques , est nommé échanson de l'archiduc

avec faculté de retourner dans ses foyers à cause de son état de

maladie. — ( Original. )

(Au camp de Castelz, le 18 octobre.)

DE PAR L'EMPEREUR

Très chière et très amée fille, pour ce que aprez que nostre amé et féal escuier, Jacques, seigneur de Licques, nous a, en ceste nostre présente guerre contre noz ennemis vénissians, bien honnestement et deuement servy, et en sorte que sommes bien contens de lui, et icellui estant fort pressé et traveillié de maladie et débilité, et aussi à sa requeste, lui avons donné congié et licence retourner en sa maison et demeure; lequel, pour icellui et autres agréables services qu'il nous a faiz tant vers nostre très chier et très amé filz le feu roy de Castille, que Dieu absoille, que autrement, et espérons que encoires nous fera, avons retenu et retenons de la maison et fait couchier en estât d'eschanchon de nostre très chier et très amé filz l'archiduc. A tant, etc.

Donné en nostre camp de Castelz , le xvine jour d'octobre xvc neuf. Per Regem.

L'Empereur recommande à sa fille Gauvein de Grantmont. — ( Original. )

( Ve'ronne, le 24 octobre. )

Très chière et très amée fille , pour ce que nostre chier et bien amé escuier, Gauvein de Grantmont,

vostre serviteur , s'est bien et honnestement employé per deçà en nos tre service, nous l'avons en singulière recommandacion. Et vous requérons que pour l'amour de nous , le vueillez tousjours tant plus avoir pour recommandé. A tant, très chière et très amée fille, nostre Seigneur soit garde de vous.

Escript en nostre ville de Véronne , le xxiine jour d'octobre, Tan xvc ix. Per Regem. — Plus bas, Renner.