MARGUERITE A MAXIMILIEN

Elle mande à son père qu'étant sur le point de partir pour Malines avec le prince Charles , son neveu , elle a appris que les princesses ses nièces étaient atteintes de la petite vérole. En conséquence , ne voulant pas exposer le jeune prince à la contagion , elle se décide à demeurer avec lui à Bruxelles. — {Minute.)

(Bruxelles, le 29 octobre.)

Mon très redoubté seigneur et père, très humblement à vie, bonne grâce me recommande.

Monseigneur, à l'eure que monseigneur mon nep- ^eur et moy avyons délibéré d'aller à Malines pour y faire la feste de Toussains , et le surplus de l'yver , est survenu que madame Isabeau , ma niepce , a prins la petite véreulle, et depuis madame Marye. Et encoires, Monseigneur, cejourd'huy , me sont venues nouvelles que madame Leonor se plaindoit de la teste ; et font doubte les médecins qu'elle ne vienne à prendre lesdites véreulles. Parquoy, Monseigneur, et que lesdits médecins .client que ceste maladye est contagieuse, et que monseigneur mon nepveur la pourroit prendre, sont d' ad vis quel/on ne doit bouger ny mener mondit

ET DE MARGUERITE SA FILLE. —1509. 203 seigneur et nepveur à Matines , pour éviter le dangier desdites véreulles , lesquelles sont fort dangereuses mesmement en temps d'y ver, à cause du froit. Et à ceste cause , monseigneur , et avoyr ouye lesdits médecins sur cest afFère, aussi qu'il se pourte très bien , ay, suivant Padvis desdits médecins, et de ceulx estant autour de mondit seigneur et nepveu , et afin d'éviter tous dangiers conclus et deslibéré tenir mondit seigneur en ceste ville , tant et jusques à ce que mesdites dames mes niepces soient du tout bien guéryes, et que tous dangiers soient dehors. Desquelles choses , Monseigneur, en toute humilité, vous ay bien voulu averty, vous suppliant les prendre de bonne part , et sur icelles et autres choses me mander et commander voz bons plésirs pour à iceulx obéyr de mon povoir. Aydant nostre Seigneur, auquel je prie qui, mon très redoubté seigneur et père, vous doint bonne vie et longue, avec l'entier accomplissement de vos très haulx et vertueux désirs.

Escript à Bruxelles, le xxixe d'octobre xvc îx.

L'Empereur confère «à Jean Isaac l'office d'échevin du Franc de Bruges. — (Original.)

(Ary, le 30 octobre.) DE PAR L'EMPEREUR.

Très chière et très amée fille, pour le bon rapport que fait nous a esté de la personne de nostre bien amé Jehan Ysaac , et en récompense des bons et agréables services qu'il nous a faiz et encoires fait soubz nostre

amé et féal cousin , le seigneur de Fiennes x, nous vous requérons, et néantmoins ordonnons bien expressément que , sans de nous attendre aultre ne plus ample ordonnance, ne commandement que cestes, vous faictes à icelluy Jehan Ysaac expédier noz lettres patentes en forme deue de l'office et estât de eschevin du terroir de Franc, pour par ledit Jehan Ysaac en joyr, ou lieu d'ung nommé Josse Van Lesseve , puis nagaires terminé vie par mort ou d'ung aultre dont ne sçavons le nom aussi trespassé le mesme jour , tant qu'il nous plaira et jusques à notre rappel. Car ainsi nous playtil ; sy n'y veuilliez faire faulte. Très chière et très amée fille , nostre Seigneur vous ayt en sa saincte garde.

Donné en nostre place de Ary , le pénultiesme jour d'octobre xvc ix. Per Regem. — Plus bas, Renner.

Pieter Clais Zon est confirmé dans l'office de prévôt des maréchaux. — ( Original. )

(Roveredo, le 1er novembre.)

Très chière et très amée fille, nous avons pieça receu voz lettres par lesquelles nous advertissez Pieter Clais Zon avoir esté par ci-devant pourveu par feu nostre très chier et très amé fîlz, le roy Dom Philippe, d'estat de prévost des mareschaulx ; et que combien dernièrement, à la confirmation que feismes des officiers de noz pays de par delà , la confermation d'icellui estât nous ait esté requise , néantmoins nous n'y avions encoires

' Jacques de Luxembourg, seigneur de Fiennes, chevalier de la Toison-d'Or, gouverneur général de Flandre et d'Artois.

ET DE MARGUERITE SA FILLE. — 1509. 205 rien ordonné; parquoy et qu'il est fort nécessaire par delà estre pourveu audit estât , pour le bien des pays , nous requérez y vouloir ordonner. A ces causes, désirant le bien de nosdits pays de par delà , vous advertissons présentement que sommes bien contens que ledit Pieter Clais Zon soit entretenu et confermé oudit estât de prévost des marischaulx, aux gaiges de vin patars par jour, et selon la première retenue qu'il en a eu de nostredit feu filz , et que , en ensuivant ce, luy enfaictes despechier nosdites lettres de confirmacion en tel cas pertinentes. A tant, très chière et très amée fille, nostre Seigneur soit garde de vous.

Escript en nostre ville de Rouvey, le premier jour de novembre, l'an xvc et ix. Per Regem. — Plus bas, Rentier.

Le docteur Pavie nommé confesseur de l'archiduc Charles, et l'un des exécuteurs testamentaires de Philippe, roi de Castille, en remplacement de l'évêque de Salubrie , décédé. L'Empereur consent que les Vénitiens envoient des députés à la prochaine journée de Mantoue. Il s'étonne de l'alliance que certains princes d'Allemagne veulent contracter avec Charles de Gueldre qui est au ban de l'empire. Il insiste pour l'envoi des sommes nécessaires au paiement de ses gens d'armes qui menacent de le quitter, si on diffère leur solde. Ne peut faire droit à la demande de la cure de la Gonde pour le prévôt de Cassel. Confère une chanoinie d'Aire à sire Galois Le Vasseur. — {Original. )

(JRoveredo, le 2 novembre.)

Très chière et très amée fille , nous avons depuis naguères receu certaines voz lettres, entre lesquelles nous escripvez que , au moyen du trespas de feu l'évesque

de Salubrye, lequel avions constitué en estât de confesseur de nostre très chier et très amé filz , l'archiduc Charles , et prescheur de son hostel , il est besoing , pour le bien de nostredit filz et de nostre maison de Bourgongne, pourveoir audit estât de personne à ce ydoineet souffisant. Parquoy, par l'advis des principaulx estans lez vous, aviez regardé de quel personnaige de par delà Ton se pourroit servir en iceHui estât et , en ensuivant ce, nous en nommez deux par vosdites lettres , nous requérant pour les causes au long contenues en icelle de vouloir pourveoir audit estât de confesseur, l'un d'iceulx deux personnaiges, et sur tout vous signiffier nostre bon plésir.

Et pour ce , très chière et très amée fille , que désirons bien la promocion audit estât de confesseur d'un homme à ce ydoine et souffisant, et qu'entendons, tant par vosdites lettres que par les bons rapports que nous ont estez faiz des bonnes meurs et souffisances du docteur Pavye ', icellui docteur estre propice et qualiffie audit estât de confesseur , nous vous advertissons que sommes contens et voulons qu'il en soit pourvueu, ou lieu dudit feu évesque de Salubrye.

P'autre part , pour ce que aucuns des exécuteurs du testament de feu nostre très chier et très amé filz , le roy dom Philippe de Castille, que Dieu absoille, sont allez de vie à trespas depuis certain temps ença, entre lesquelz ledit évesque de Salubrye en estoit ung, et que à présent il n'y en a que deux qui vacquent ne entendent à l'exécucion d'icellui testament, nous, désirant

1 Michel Pavie, docteur en théologie, chanoine et doyen de l'église de Camhrai, mort à Bruxelles le 17 mai i5ij. Il a laissé des notes manuscrites sur Te'rence et sur les Commentaires de César.

ET DE MARGUERITE SA FILLE. i- 1509. 207 en ce pourveoir au soulaigement et ayde desdits deux exécuteurs, voulons que ledit docteur de Pavye soit aussi commis exécuteur du testament de nostredit feu filz , ou lieu dudit feu évesque , et que de cesdits deux estats vous lui en faictes despecher par delà noz lettres patentes à ce pertinentes.

Et , affin que le testament de nostredit feu filz , le roy dom Philippe, soit tant mieulx exécuté , nous vous requérons que, à l'exécution et avancement d'icellui , vous vueillez tenir nostre lieu par delà, et vous y employer, durant nostre absence, par tous les meilleurs moyens que sçaurez adviser.

Nous avons , d'autre cousté , reçeu une voz lettres , ensemble une copie de lettre que nostre frère , le roy d'Angleterre, nous vouloit escripre, et par icelle vostre lettre entendu vostre advis sur ce. Surquoy vous advertissons que le hérault de nostredit frère est depuis venu devers nous à tout icelle lettre, et que sommes sur ce délibéré consentir aux Vénissiens qu'ilz puissent envoyser leurs commis et depputez à la prouchaine journée de Saint-Andrieu , qui se doit tenir à Mantoua, avec ceulx de la lighe ou leurs depputez.

Semblablement, nous entendons par vosdites lettres que, pour ce que aviez esté advertye que noz cousins de Cleves, de Juilliers et de Gheldres , estoient sur faire quelque traictié et aliance , ouquel traictié les évesques de Coulongne, Munstre et Liège, se dévoient aussi joindre, vous aviez envoyé devers nostredit cousin de Cleves, nostre amé et féal secrétaire maistre Anthoine de Waudripont, pour en sçavoir et enquerrela vérité, et y luy par vous oy, nous advertir de ce que en trouverez à la vérité.

Surquoy vous voulons bien adverty que autresfois nous avons pouparlé et fait commancer quelque aliance entre nous , nostre maison de Bourgongne et les dessusdits princes, mesmement du temps que nostre frère, le roy de France , nous estoit contre ; et ne sçavons bonnement croire que, sans nostre sceu, lesdits princes voulsissent faire aucunes aliances avec messire Charles de Gheldres, veu que ledit messire Charles est ou ban impérial , et que en ce faisant ilz feroient contre leur serement , et par ce , tous leurs pays et biens seroient à nous assignez. Néantmoins, nous désirons que, quant ledit maistre Anthoine sera de retour, vous nous advertissez à diligence de ce qu'il aura peu sçavoir de cestedite matière; et nous mectrons peine de, selon ce, en brief parbesoingner sur le commencement desdites alliances.

Par autre vosdites lettres , nous escripvez que les deniers du payement de noz gens d'armes de par delà, dont nagaires vous avons bien expressément escript, auroient esté prestz. Mais pour les causes au long déclairées en vosdites lettres, ilz avoient esté employez en autre usaîge. Toutesfois , ceulz de noz finances vous avoient dit qu'ilz feroient tant que deans ung mois ou six sepmaines au plus tart ledit payement seroit prest.

Surquoy, très chière et très amée fille , nous semble que vous et ceulx de nosdites finances entendez peu le dommaige et inconvénient en quoy, à l'occasion dudit payement, nouspovons tomber, combien que vous en aions bien adverty de longtemps; car nosdits gens d'armes d'embas, jaisoit que leurdit payement de deux mois ne eschée encoires devant quelques jours, ne font autre chose que nous poursuyr et traveillier pour

ET DE MARGUERITE SA FILLE. — 1509. 209 leurdit payement. Et tout plat nous ont fait dire qu'ilz ne nous serviront plus s'ilz n'ont prestement ledit payement de deux mois; et que plus est, au moyen des traignées qui ont esté faictes en leurdit payement, demandent avoir de nous doresnavant dix florins d'or par cheval , ou ilz ne nous serviront plus , mais s'en retourneront et nous habandonneront en noz plus grans afferes. Parquoy vous requérons très acertes que, affin que puissions pourveoir audit payement comment il est nécessaire, vous vueillez fère toute extrême diligence que iceluy payement nous soit incontinent envoyé par deçà, et le plus tost qu'il sera possible; car autrement nous congnoissons bien nous en advenir de grans dommaiges; parce que à cause des grans charges que avons de deniers, nous ne povons furnyr à icellui payement, et que lesdits gens d'armes, soubz couleur de ce que dit est, sont totallement résoluz de nous faire du regrec t et desservice.

Au regard de ce que nous avez escript touchant la promocion qu'avons faicte à nostre amé et féal secrétaire, maistre Jaques de Banissis, de la cure de la Gonde , nous tenons vous avoir assez advertie des raisons pourquoy nous avons pourvueu d'icelle cure ledit maistre Jaques. Toutesvoyes, nous entendons par vostredit escript les raisons qui vousmennent à encoires une fois nous recommander nostre conseiller, lepresvost deCassel, à icelle cure. Et combien, très chière et très amée fille , que soyons aussi enclins que vous à le récompenser des services que sçavons et entendons qu'il nous a faiz et à feu nostredit filz, le roy dom Philippe , néantmoins , pour ce que , comme desjà vous avons escript, nous nous tenons tenu audit maistre i. 14

Jaques , à cause des bons services qu'il nous a de longtemps fait, et que feu l'évesque de Cyber in, son oncle, qu'il le nous donna pour nostre filz, fut du plus cause de nostre aliance de mariaige à nostre bonne compaigne, dame Marye de Bourgoingne, vostre mère, que Dieu face mercy , nous vous advertissons que voulons que ledit maistre Jaques ait ladite cure de la Gonde , et que d'icelle luy faictes despescher par delà noz lettres patentes à ce pertinentes, ensemble le mectre en possession et joyssance de ladite cure, comme en tel cas appartient ; car nostredit conseiller est plus riche que luy, et desjà, pourveu de deux prévostez pour à tout tousjours povoir mieulx attendre que ledit maistre Jaques qu'il n'a nulz biens. Mais nous sommes contens et vous donnons povoir par cestes que de la première dignité ou aultre bon bénéfice qu'il vacquera d'icy en avant par delà, vous en pourvéez nostredit conseiller, en récompense de ses services.

Quant à la recommandacion que nous avez fête en faveur désire Galois le Vasseur, chappelain de nostre amé et féal escuyer, le seigneur de Castre, à celle fin que le veuillons pourveoir de la chanoinie et prébende d' Ayre , naguères vacante à nostre disposicion par le trespas de feu sire Lanys Porer, nous vous advertissons que tant, pour les causes au long contenues en vosdites lettres , que autres à ce nous mouvants, nous sommes contens que ou cas dessusdit, ledit sire Galois soit pourvueu de ladite prébende d'Ayre, et vous requérons que lui en faictes despechier par delà noz lettres patentes à ce pertinentes. A tant, très chière et très amée fille , nostre Seigneur soit garde de vous.

Escript en nostre ville de Rouvey, le 11e jour de

ET DE MARGUERITE SA FILLE. — 1509. 211 novembre , Fan xvc et îx. Vostre bon père Maxi. — Plus bas, Rentier,

L'Empereur mande à sa fille et aux gens de ses finances de faire solder ce qui reste dû au seigneur de Reux. — ( Original. )

(Roveredo, le 2 novembre.) DE PAR L'EMPEREUR.

Très chière et très amée fille, et chiers et féaulx, nostre amé et féal cousin, le seigneur de Reulx, nous a présentement remonstré que, de la somme de vim vic IIHxxx florins de xn groz de nostre monnoye de Flandre le florin, que lui estoit deu et dont, au congié que prinsmes de tous, à nostre partement d'Anvers, vous ordonnasmes sur ce l'appoinctier, vous ne l'avez encoires appoinctié que de nm desdits florins et que la reste lui est encoires deue, ainsi que plus au long est contenu en ung billet que, à celle cause, il vous a présenté par nostre charge et commandement, et ensuivant ce que vous en avons ordonné, à nostre partement de par delà, comme dit est, nous requérant, considéré les grans fraiz et despens qu'il lui convient à présent avoir et supporter pour nostre service , le vouloir faire payer et contenter d'icelle reste ou l'en appoinctier, ainsi que bon nous sembleroit. Parquoy , très chière et très amée fille, et que trouvons ladite requeste estre raisonnable, aussi que sçavons nostredit cousin avoir et soustenir journellement de grans fraiz et despenz pour nostredit service, à ces causes escripvons présentement devers vous et vous requérons et néantmoins ordonnons à

212 LETTRES DE MAXIMÏLIEN

vous de noz finances que appoinctez icellui nostredit cousin de ce que trouverez lui estre deu d'icelle reste, pour en estre payé sur deux ou trois années advenir et de telz deniers que adviserez, car ainsi nous plaist-il. A tant, très chière et très amée fille, et chiers et féaulx, nostre Seigneur soit garde de vous.

Donné en nostre ville de Rovereyt , le 11e jour de novembre , l'an mil vc et neuf. — Per Regem.

Il lui recommande Guillaume de Pavisson pour un office dans la maison de l'archiduc. — (Original.)

(Roveredo, le 3 novembre.)

Très chière et très amée fille , pour ce que Guillame de Pavisson , escuier, a parcidevant servy feu nostre très chier et très amé filz le roy, dom Philippe de Castille , que Dieu absoille , en estât de gentil-homme de sa maison et que nostre cousin , le seigneur Constantin, son oncle, le nous a fort recommandé à celle fin que le vueillons entretenir ou service de nostre très chier et très amé filz l'archiduc Charles; à ces causes, nous l'envoyons par delà et vous requérons que le faictes entretenir ou service de nostredit filz en l'un des quatre estaz de sa maison , et pour ce donner les gaiges y appartenant, jusques à ce que y aurons autrement ordonné et mesmement sur l'estat de nostredit filz Charles; car nostre plésir est tel. A tant, très chière et très amée fille, nostre Seigneur soit garde de vous.

Donné en nostre ville de Rovereyt, le 111e jour de novembre , l'an mil vc et neuf. Per Regem. — Plus bas , Renner.

Il lui recommande Jehan Bontemps, seigneur de Salans, trésorier des finances , qui a été fait prisonnier par les Vénitiens. — ( Original. )

(Roveredo, le 8 novembre.)

Très chière et très amée fille, nous croyons que soyez advertie de la prinse et détemption de nostre amé et féal conseiller et trésorier général de noz domaines et finances enBourgoingne, le seigneur de Salans, Jehan Bontemps, par les Véniciens, noz ennemis, dont il vous dépleait; et doubtant que à raison de sadite détemption ou autrement ne vuillez commettre et instituer ung autre en son estât, escripvons présentement devers vous et vous requérons très affectueusement que vous vuillez servir dudit seigneur de Salans, en le continuant oudit estât de trésorier et aussi en l'office de cappitainne en nostre cité de Besançon, ainsi et par la manière que l'avons commis et institué par noz lettres patentes; et après sa délivrance l'envoyrons devers vous dont sur ce de vostre vouloir nous vuillez escripre. En quoy, avec ce que serez bien et loyalement servie de luy, vous nous ferez chose très agréable et nostre volenté.

Donné en nostre ville de Rouveret, le huitième jour de novembre xvc et ix. Vostre bon père Maxi. — Plus bas, Hannart,

Reprise d'une ville sur l'armée impériale. Échec des Vénitiens devant Vérone. — ( Original. )

(La Pierre, le 26 novembre.)

Très chière et très amée fille , nous vous advisons corne noz enemis sont venuz en grande puissance devant nostre ville et cité de (illisible) par trahison et entendement qu'ilz avoient dedans icelle , Font entreprise et après sont venuz devant nostre cité de Véronne pensant semblablement la gaingnier par trahison. Mais nous avions si bien pourveu dedens et noz gens se sont si bien portez qu'ilz n'y ont peu riens faire.

Nous rassemblons nostre armée et tirons cejourd'huy audit Véronne ; et se viennent les François joindre avec nous et sommes délibérez incontinent tirer contre nosdits ennemis et espérons y faire quelque bon exploit et vous en faire savoir de bonnes nouvelles. A tant , très chière et très amée fille , nostre Seigneur vous ait en sa garde.

EscrLpt en nostre chasteau de La Pierre, le xxve jour de novembre xvc ix.

P. S. Et combien que noz gens d'armes aient esté déans environ de vm, toutes voyes le peuple a esté tous si desloyaulx qu'ilz ont esté contrains vuydier dehors par appoinctement sans nulle perte.

Vostre bon père Maxi. — Plus bas, Renner.

Gérard de Pleine est nommé chancelier du Brabant, au lieu de Jehan Le Sauvaige. — ( Original. )

(Au château de Stain, le 26 novembre.)

Très chière et très amée fille , nous vous escripvons , par autres noz lettres, comme désirons que nostre amé et féal chevalier cliancellier de Brabant , messire Jehan Sauvaige, demeure continuellement auprès de vous, et que pour ce ses gaiges de premier président luy soient haulsez et acreuz, ainsi que congnoistrez luy estre nécessaire pour soy entretenir honnestement et garder l'honneur d'icellui estât, sans qu'il s'empesche plus dudit estât de chancellier; parquoy sera besoing de pourveoir d'un autre audit estât de chancellier de Brabant. Et pour ce que ne trouvons par delà personne qu'il nous soit plus agréable audit estât de chancellier, que maistre Gérard de Plaine , seigneur de la Roiche , nous voulons que dudit estât de chancellier vous luy faictes despescher par delà nos lettres patentes de commission pour tenir et desservir icellui estât, par manière de provision.

Aussi que ledit seigneur de la Roiche preste vm livres et que lettres de sceurté luy en soyentdespeschées à présent, que ne le désappoincterons ou débouterons dudit estât de chancellier, qu'il ne soit premier remboursé desdits vm livres ; lesquels vm livres voulons et entendons qu'ils soient employez au paiement des gens d'armes de par delà qui sont icy devers nous, dont vous advertissons pour selon ce vous reigler. A tant,

très chière et très amée fille , nostre Seigneur soit

garde de vous.

Escript en nostre chasteau de Stain , le xxvie jour de novembre, Fan xvc ix. Per Regem. — Plus bas, Renner.

L'Empereur veut que le président Jehan Le Sauvaige réside auprès de Marguerite , et que ses gages soient augmentés. — ( Orig. )

(Au château de Stain, le 26 novembre.)

Très chière et très amée fille, et chiers et féaulx, pour ce qu'il n'est bonnement possible à nostre amé et féal chevalier chancellier de Brabant , messire Jehan Sauvaige *, de vaquer ne entendre aux affaires de nostredite chancellerie de Brabant, ne à ceulx qui journellement surviennent à vous, nostredite fille, pour les affaires de nous , nostre très chier et très amé filz l'archiduc Charles , et tous nos pays de par delà, à quoy nous l'avions commis et ordonné comme nostre premier président , et que désirons nous servir dudit messire Jehan auprez de vous, nostredite fille, et qu'il y face continuelle résidence , sans ce qu'il s'empesche de plus grant charge et de nosdites affaires dessusdites , et aussi que congnoissons bien , les gaiges que luy avons ordonné dudit estât de nostre premier président non estre souffisant pour son entretenement celle part. A ces causes , vous requérons et néantmoins ordonnons à vous de noz finances que advisez de haulcer et

' Jehan Le Sauvaige, chevalier, président de Flandre, puis chan-^ celier de Brabant, de Bourgogne, d'Espagne-,

ET DE MARGUERITE SA FILLE. ~ 1509. 217 acroistre audit messire Jehan sesdits gaiges de nostre premier président , comme congnoistrez luy estre nécessaire pour soy entretenir honnestement alentour de vous, nostredite fille, et garder l'honneur audit estât appartenant , sans se plus empeschier dudit estât de chancellier; car nostre plésir est tel. A tant, très chière et très amée fille, et chiers et féaulx , nostre Seigneur soit garde de vous.

Escript en nostre chasteau de Stain , le xxvie jour de novembre , l'an xvc ix. Per Regem. — Plus bas , Renner.

L'Empereur a recommandé François de Melun pour Tévèché d'Arras. Cure de Harlem donnée au prévôt de Cassel , la prévoie de Saint-Pierre de Louvain à Conrard Renner, et une prébende de Courtrai au neveu du seigneur de Chièvres. Enfin , Jehan Geylart est pourvu d'une chapelle à Flobecq, Guillaume Isaac d'un canonicat à Tenremonde , et Philipot Loubart d'un personnat en Brabant : tous bénéfices vacants par la mort de

l'évèque d'Arras.

(Trente, le 1er de'cembre.)

Très chière et très amée fille. Nous avons receu les lettres que nous avez escript touchant les bénéfices que feu l'évesque d'Arras * tenoit en son vivant à nostre collation. Sur quoy, quant à l'éveschié d'Arras, nous sommes bien contens et le désirons que nostre amé et

1 Le prélat qui cumulait tous ces bénéfices était aussi archidiacre de Bruxelles en l'église de Cambrai. Il se nommait Nicolas de Ruistre. Après avoir été conseiller de Charles-le-Téméraire, de Marie de Bourgogne et de l'archiduc Philippe, il fut élu évêque d'Arras en i5oi? et mourut à Malines en i5og.

féal conseiller, messire François de Melun l'ait; et à celle cause en avons escript en sa faveur et recommandation à nostre saint Père le pape et à nostre frère le roy de France.

En tant qu'avez, en vertu du povoir que vous avions donné, pourveu nostre conseiller le prévost de Cassel de la cure de Haerlem, nous ne vouldrions pas aller au contraire et en sommes contens, combien que de pieça l'eussions promisse à nostre secrétaire maistre Jehan Collauer, lequel à celle cause nous en a à présent fort sollicité.

A raison de quoy, et pour contenter sur ce ledit Collauer de nostredite promesse, luy avons accordé la prévosté de Saint-Pierre , en nostre ville de Louvain, dont nous aviez escript en faveur du neveu de nostre cousin, le seigneur de Chierves, en quoy ne vous sçavions complaire au moyen des promesses avantdites ; car en entretenant- audit docteur Collauer nostredite promesse de ladite cure de Haerlem, il eust convenu aussi,tpar vertu du povoir que vous avions donné touchant nostredit conseiller prévost de Cassel, pourveoir icelluijprévost de ladite prévosté de Louvain.

Et pour aucunes causes et raisons qui à ce ont meu ledit docteur Collauer dont il nous a amplement informé, il a appoincté avec nostre amé et féal le docteur Conrard Renner, frère de nostre amé et féal secrétaire, maistre Jehan Renner, que icellui docteur Conrard auroit à son prouffit ladite prévosté et requis que en voulsissions estre content, et pour ce que ledit appoinctement nous a bien pieu, car nous désirons la promotion et avancement en sainte Eglise dudit docteur Conrard , en faveur mesmement de sondit frère , à ces

ET DE MARGUERITE SA FILLE. — 1509. 219 causes nous avons fait despescher audit docteur Con-^ rard noz lettres de don d'icelle prévosté de Louvain que vous envoyons présentement signée de nostre main, et vous requérons que par nostre chancellier de Brabant, vous les faictes sceller et après délivrer à nostre amé et féal secrétaire et audiencier, maistre Philippe Haneton , sans pour le droit du scel d'icelle en souffrir prendre aucune chose; car nostre plésir est, et voulons que ledit docteur Conrard en soit tenu quitte et exempt.

Et affin que nostredit cousin de Chierves soit pour ceste fois aussi contenté, nous avons accordé et accordons par cestes à sondit neveu, ou lieu de ladite prévosté de Louvain , la prébende et chanoinie de Courtray, vacant à nostre disposition par le trespas dudit feu évesque, et ce pour tousjours povoir mieulx attendre la promotion de quelque dignité par delà. Car, comme nous entendons, il est encoires jeune assez et l'aurons adez, en faveur de nostredit cousin, pour recommandé. De quoy vous requérons que advertissez nostredit cousin et que à sondit neveu faictes despescher par delà noz lettres patentes de ladite chanoinie de Courtray, comme en tel cas appartient. Quant à la promocion qu'avez faicle à sire Jehan Geylart de la chappelle de Flobecq, pour les raisons au long contenues en vosdites lettres, nous en sommes bien contens et l'avons agréable.

En oultre, nous avons donné et accordé à Guillaume Isacq, clerc de nostre trésorier Willingher, la chanoinie de Terremonde comme vacant par le trespas dudit feu évesque.

D'autre part, nostre fourrier Philippot Lombart

nous a humblement requis que, en faveur et récompence de ses services, et qu'il n'a joy du don que luy avions fait de la consiergerie de nostre maison de Malines, nous luy vueillions accorder quelque personnaige ■ que ledit feu évesque avoit en son vivant en la Campigne de nostre pays de Brabant. Pourquoy nous, ce considéré et mesmement les services qu'il nous fait journellement à grant peine et traveil et espérons que encoires faire doye, à icellui Philippot avons octroyé et accordé ledit personnaige pour sa personne, en tant qu'il le peut tenir et qu'il soit à nostre disposition, ouquel cas vous requérons que luy en faictes despescher par delà noz lettres patentes à ce requises. A tant, etc.

Escript en nostre cité de Trente, le premier jour de décembre, l'an xvc ix.

P. S. Combien que vous escripvons que vous envoyons noz lettres du don de la prévosté de Louvain , néantmoins nous voulons que les faictes despescher par delà pour ledit docteur Conrard.

Vostre bon père , Maxi. — Plus bas, Botechou.

L'Empereur invite sa fille à bien accueillir l'évêque de Badajoz qui

se rend auprès d'elle pour faire partie du conseil de l'Empereur.

— ( Original. )

(Bolzanne, le 12 décembre.)

Très chière et très amée fille , nous avons naguères escript à l'évesque de Badaxos que sa venue de par delà nous estoit agréable et qu'il se tint devers vous et

1 Personnat, dignité supérieure dans certaines églises cathédrales ovi collégiales.

ET DE MARGUERITE SA FILLE. — 1509. 221 que de ce vous advertissons ce qui a esté obmis faire. Pourquoy présentement vous en advisons , et veu que ledit évesque est d'une des plus grand maisons d'Espaigne , vous requérons que le recueilliez et traittiez favorablement; et pour ce qu'il souloit estre du conseil de feu nostre très chier et très amé filz, le roy dom Philippe de Castille, que Dieu absoille, voulons que l'appeliez en nostre conseil devers vous mesmement es choses et affaires d'Espaigne. Très chière et très amée fille, nostre Seigneur vous ait en sa garde.

Escript en nostre ville de Bolsaenne, le xne jour de décembre xvc ix. Per Regem. — Plus bas, Hannart.

Il lui mande qu'il a donné , à ses envoyés en France , pouvoir de traiter l'affaire de Gueldre. Il désire que la princesse Marie d'Angleterre soit reçue suivant son rang. — ( Original. )

(Bolzanne, le 14 décembre.)

Très chière et très amée fille , nous avons receu les lettres que nous avez naguères escript touchant l'affère de Gheldres.

Surquoy vous advertissons que, trois ou quatre jours avant la récepcion de vosdites lettres, nous avons fait despeschier noz lettres de povoir de ceste matière, sur noz conseilliez estans de par nous devers nostre frère le roy de France, et icellui nostre povoir envoyé avec instructions et mémoires sur ce , pour, ensuivant ce , besoingner oudit affère.

Quant à ce que nous avez aussi escript de dame Marie d'Angleterre, nous désirons bien et sommes contens

qu'elle vienne en noz pays d'embas, luy furnissant pour l'entretenement de son estât, ainsi que de ce nous avez mandé et escript. A tant, très chière et très amée fille, nostre Seigneur qu'il soit garde de vous.

Escript en nostre ville de Bolzanne, le xime jour de décembre, l'an xvc ix. Vostre bon père Maxi. — Plus bas, Renner.

Office d'huissier de l'archiduc conféré à Jehan Marlot , dit Deschiens , qui est autorisé à s'absenter pour aller voir sa femme et

ses enfants. — ( Original. )

(Bolzanne, le 15 décembre.)

Très chière et très amée fille, pour les bons et loyaulx services que Jehan Marlot dit Deschiens a parcidevant faiz, dez sa jeunesse, à feu nostre très chier et très amé filz, le roy dom Philippe de Castille, que Dieu absoille, en tous ses voiiaiges quelz qu'ilz aient esté, et à nous aussi, en estât de fourrier comme autrement et fait encoires journellement , nous avons pour ces causes et luy donner entretiennement par delà pour ses anciens jours, ouctroyé et accordé de long-temps audit Jehan Deschiens, Testât d'huissier de nostre filz l'archiduc Charles, et, en ensuivant ce, fait inscripre oudit estât en Testât qu'avons commancé faire pour les officiers de la maison de nostredit filz Charles ; et pour ce que luy avons présentement aussi ouctroyé congié pour aller par delà veoir ses femme et enffans, et soy y tenir jusques à nostre venue celle part, nous voulons et vous requéronsbien acertesque dez maintenant, en attendant que vous envoyerons Testât de nostredit filz Charles ,

ET DE MARGUERITE SA FILLE. ~ 1509. 223 vous faictes servir ledit Jehan Deschiens oudit estât d'huissier d'icellui nostredit filz et le mectre en ses escroes tousjours compté à telz gaiges que d'ancienneté y appartiennent, sans y faire aucune difficulté; car nostre plésir est tel, et le voulons estre fait. A tant, très chière et très amée fille, nostre Seigneur soit garde de vous.

Escript en nostre ville de Bolzanne, le xve jour de décembre, l'an xvc ix. Vostre bon père Maxi. — Plus bas, Renner.

Recommandation de François de Melun pour Tévéché d'Arras. — ( Original. )

(Bolzanne, le dernier décembre.)

Très chière et très amée fille, nous avons entendu, par les lettres que nous avez escript du xxie de ce mois, comme ceux du chappitre de l'église Nostre-Dame d'Arras ont canonicquement esleu messire François de Melun1, pour leur pasteur et évesque dudit Arras, et que pouç obtenir conformation de sadite élection est besoing que icelle élection soit gréé par nostre frère le

■ François de Melun, fils de Jean, châtelain de Gand, et de Marie de Sarrebruche, était prévôt du chapitre de Saint-Omer et de Saint- Pierre de Lille, chanoine d'Arras, et trésorier de l'église de Cambrai, lorsqu'il se mit sur les rangs, en i5o2, pour obtenir l'évêché de Cambrai, vacant par la mort de Henri de Berghes. La moitié du chapitre élut Fr. de Melun, et l'autre se prononça pour Jacques de Croy, chanoine de Cologne et prévôt de Liège. L'empereur Maximilien fit prévaloir ce dernier, et plus tard dédommagea l'autre en lui faisant obtenir l'évêché d'Arras.

roy de France, nous requérant à ceste fin luy en vouloir escripre et semblablement à nostre saint Père le pape et aux cardinaulx.

Sur quoy, très chière et très amée fille, vous advertissons que avons voulentiers entendu ladite élection ; car nous désirons fort la promotion dudit messire François à icelle éveschée d'Arras et à ceste cause en escripvons présentement à nostredit frère le roy de France^ selon la mynute que nous avez envoyée et semblablement à nostredit saint Père le pape et aux cardinaulx ; et s'il survient chose que nous puissons faire pour ceste matière, advertissez nous en tousjours et nous le ferons voulentiers. Ce scet nostre Seigneur qu'il, très chière et très amée fille, soit garde de vous.

Escript en nostre ville de Bolzanne, le dernier jour de décembre, Tan xvc ix. Vostre bon père Maxi. — Plus bas, Botechou.

Il ne faut pas permettre de rien innover dans le mode de renouvellement de la loi de Saint-Omer. — ( Original. )

(Bolzanne, le dernier de'cembre.)

Très chière et très amée fille , nous avons receu voz lettres du vne de ce mois , par lesquelles nous remonstrez les praticques qui ont esté menées l'an passé , nous estant par delà , pour faire quelque nouvellité au fait du renouvellement de la loy de nostre ville de Saint- Omer et autres choses à ce propos au long contenuz en vosdictes lettres , nous requérant y avoir regard et vouloir escripre aux bailly ou son lieutenant et aux

ET DE MARGUERITE SA FILLE.— 1509. 225 mayeur et eschevins privés dudit Saint-Omer que , à la feste des Roix prouchaine, ils procéderont à la créaeion et renouvellement d'icelle loy selon que d'ancienneté l'on -a accoustume faire. Et oultre advertissez que, pour éviter aux dangiers et inconvéniens qui pourroient advenir de ceste matière , estiez délibérée de leur mander de par nous que, au fait dudit renouvellement de loy , ilz se règlent selon leurs previleiges et anchien train en ce observer, se n'est que de bonne heure vous mandons autrement le faire.

Surquoy , très chière et très amée fille , de vostre bon advertissement en ceste partye vous sçavons bon gré et vous signifiions que n'entendons estre fait, pour ceste fois, aucune nouvellité audit renouvellement de loy de Saint-Omer et ne le vouldrions point permectre. Et nous plaist bien que ensuyvez vostredite délibéracion sur ceste matière. x\ tant, très chière et très amée fille , nostre Seigneur soit garde de vous.

Escript en nostre ville de Bolzanne, le derrain jour de décembre , l'an xvc et ix. Per Regem. — Plus bas, Botechou.

Il lui adresse un paquet de lettres qu'elle devra envoyer sur-lechamp, par un archer, à son ambassadeur près le roi de France.

— ( Original. )

(Bolzanne, le 12 janvier. )

Très chière et très amée fille, nous vous requérons

que, incontinent cestes veues, vous envoyez le paquet

de lettres qui est avec cestes , par ung de vos archiers

en bonne diligence à nostre conseiller et ambassadeur

devers nostre frère et cousin , le roy de France , le seigneur de Rogendorff, et que iceluy archier voise le droit chemin de delà devers nostredit frère, et s'il rencontre ledit Rogendorff en chemin, luy baillera ledit paquet et s'il ne trouve aussi ledit Rogendorff devers nostredit frère, le baillera, en ce cas, à messire Andrieu de Burgo.

Donné en nostre ville de Bolzaenne , le xne jour de janvier xvc ix. Per Regem. — Plus bas, Hannart.

Nouvelles de la guerre. Exploits du cardinal de Ferrare. Défaite des Stradiots vénitiens en Esclavonie. Sortie de la garnison de Vérone , etc. — ( Original. )

(Sterzingen, le 15 janvier.)

Très chière et très amée fille, pour ce que en long temps ne vous avons escript de noz nouvelles de la guerre , vous avertissons présentement que le cardinal de Ferrare ', ou lieu de son frère le duc qui n'est grand gens d'armes, a tuez et noyez nnm Véniciens, qui en plus grand nombre estoient venuz ou pays dudit de Ferrare et on prins cinquante, lesquelz il a aussi fait noyer et si a gaingnié d'iceuls Véniciens xi gallées et par trait d'artillerie fait périr autres cincq gallées comme luy mesmes nous a fait savoir.

Mil paysans véniciens avoient fait ung fort sur ledit pays de Ferrare , lequel a esté gaingné par noz capitaines de Véronne , et y a demouré plus de 11e hommes mors d'iceulx Véniciens et lx prins.

' Hippolyte d'Est, frère d'Alfonse Icv, duc de Ferrare.

Nous avons nouvelles que noz gens en Esclavonie ont rué juz nnc Stradioz véniciens et les chassé jusques aux portes de leur garnison , où ont esté tuez n ou in hommes d'armes des nostres du trait à pouldre. Autres cent d'iceulx Stradioz, par faulte de payement se sont depuis renduz à nous.

Puis peu de temps, iiic de noz gens d'armes ytaliens on fait une course sur iceulx Véniciens et y avons perdu environ lx homes. Noz capitaines nous ont escript que, pour contrevenge, ils sont d'intencion, en nombre de v à vira hommes , faire une bonne emprinse. De ce qu'ilz y feront le vous signiffierons.

Quatre mil de noz gens d'armes de la garnison de Véronne, ont puis brief jours rencontré v ou vim paysans et en tuez v ou vic et bruslé un village qu'ilz avoient fortiffié et vi moulins.

Nous tirons vers Ysbroeck, pour y prendre ung chamois et delà oui tre à Ausbourg, à une journée impériale que tendrons illec. Et à tant, très chière et très amée fille , nostre Seigneur vous ayt en sa garde.

Escript en nostre ville de Stertsinghe, le xvejour de janvier xvc ix. Vostre bon pèreMAXi. — Contresigné, Hannart.

Mission donnée au seigneur de Melun et à Mercurin de Gaitinare pour aller en Espagne. — ( Original. )

( Madron , le 17 janvier. )

Très chière et très amée fille , pour ce que nous désirons servir de nostre amé et féal chevalier de nostre

ordre, le sieur de Mêle un et de maistre Marcurin de Gattinàire, vostre président, en ung voyage en Espaigne, nous vous requérons que, incontinent cestes veues, parlez avec eulx qu'ilz entreprendent ledit voyage à tout quelque honneste train pour le temps de demy an; et en aprez convenez et appointiez de ce qu'ilz auront pour faire icelui voyage, durant ledit temps, et à dilligence nous advertissiez de ce qu'ilz vouldront faire, à celle fin de leur envoyer instructions de ce qu'ilz auront à besoingnier de .nostre part. A tant, très chière et très amée fille , nostre Seigneur vous ait en sa garde. Escript à Madron, le xvne jour de janvier xvc ix. P. S. La matière est pour praticquier une ayde contre les Vénéciens pour l'esté prouchain.

Escript comme dessus.

Per Regem. — Plus bas, Hannart.

L'Empereur se réjouit de la guérison du seigneur de Fiennes qui avait été en danger de mort. Il est d'avis , le cas échéant de cette mort , de ne pas le remplacer comme gouverneur de Flandre. Capitainerie de Lille, Douai et Orchies. — {Original.)

(Inspruck, le 24 janvier.)

Très chière et très amée fille , nous avons receu les lettres que nous avez dernièrement escript faisant mencion de l'accident de maladie qui est survenu à nostre cousin , le seigneur de Fiennes ' , et entendu l'advertissement que par icelles nous faictes touchant

• Jacques de Luxembourg, seigneur de Fiennes, chevalier de la Toison d'or, gouverneur général de Flandre et d'Artois, a vécu longtemps encore après l'accident dont il est ici question.

ET DE MARGUERITE SA FILLE. — 1509. 229 la disposicion de ses estas et offices. Et par autres voz lettres subséquantes, en date du xime de ce mois, comme Dieu et nature ont tellement ouvré et labouré à nostredit cousin, qu'il est fort amendé et en espoir de eschapper du dangier de la mort. De quoy avons et sommes bien joyeulx , car nous le tenons pour ung de noz bons et espéciaulx serviteurs.

Et pour ce que par vosdites lettres vous nous advertissez de la manière comment le cas advenant de la disposicion des estas et offices de nostredit cousin de Fiennes que encoires, Dieu ne vueille , nous en pourrions disposer nous en ce vouldrions tousjours bien reigler par vostre advis , mais quant au gouvernement de Flandres, il nous semble non estre nécessaire de y plus commectre gouverneur et sommes en ceste opinion.

Au regard du gouvernement et capitainerie de noz villes et chastel de Lille, Douay et Orchies, il nous semble aussi que, quant l'on en pourvuerroit le personnaige nommé en vosdites lettres que par ce il devroit quicté la moitié ou du moins la tierce partie des mm livres que luy ont esté accordées pour récompence de l'estaz que sçavez. A tant, très chière et très amée fille, nostre Seigneur soit garde de vous.

Escript en nostre ville d'Ymsprugg, le xxime joui de janvier, l'an xvc et ix. Per Regem. — Plus bas, Botechou.

L'Empereur accorde la cure de Ghervliet à Bauduin, fils de Dierick le Begge , chevalier et trésorier de l'artillerie , nonobstant la promesse faite à Nicolle Mayoul , premier chapelain de l'Empereur. ■ — i ( Original. )

(Bolzanne, le 28 janvier.)

Très chière et très amée fille , nous avons receu voz lettres du xixe de décembre dernier passé , par lesquelles nous advertissiez de la remonstrance que nostre premier chappelain, messire Nicolle Mayoul tous a faicte du différend qu'il a parcidevant eu de la cure de la Gonde, ensemble de rappoinctement que feu nostre filz , le roi de Castille , que Dieu absoille , lui en feit nous requérant, actendu que ledit messire Nicolle n'a jamais peu joyr dudit appoinctement ou du moins avoir d'icelluy aucune récompense , quelque poursuites, devoirs ne diligences qu'il en ait sceu faire, de à présent luy vouloir donner et accorder la cure de Gheervliet comme vacant par le trespas de feu sire Jehan Cayllot, prebtre.

Et combien, très chière et très amée fille, que eussions ledit messire Nicolle à icelle cure de Gheervliet bien pour recommandé, tant en faveur des bons services qu'il nous a parcidevant faiz que de l'appoinctement devant dit, toutesfois pour ce que de longtemps nous avons promis et accordé à nostre amé et féal chevalier et trésorier de nostre artillerie, messire Dierick le Begge, de pourveoir par delà sire Bauduin le Begge, prebtre, son filz, qu'il n'a aucun bénéfice, comme entendons , et que desjà par quatre ou cincq

ET DE MARGUERITE SA FILLE. — 1509. 231 fois il s'est déporté d'aucuns bénéfices que par nostredite promesse lui estoient escheuz, nous considérans ces choses, mesmement que ledit messire Dierick est de noz bons vielz serviteurs fort povre et chargé de pluiseurs enffans, lesquelz ont bon besoing de nostre ayde, et que ledit messire Nicole est jà pourveude nous d'office et bénéfices , pour povoir mieulx attendre quelque récompense dudit appoinctement avons présentement, à l'instance dudit messire Dierick, donné et accordé, ou cas dessusdit, audit messire Baudouyn ladite cure de Gheervliet, dont vous advertissons pour selon ce vous reigler.

Donné à Bolzanne , le xxvme jour de janvier xvc et neuf. Vostre bon père Maximil. — Plus bas, Botechou.

Il lui renvoie le projet modifié du traité à faire avec Charles de

Gueldre , qui autrefois avait promis de ne jamais se marier et

de payer une forte somme, si on voulait lui laisser la jouissance

viagère du duché de Gueldre , en arrière-fief du Brabant. —

( Original. )

(Iuspruck, le dernier janvier. )

Très chière et très amée fille, nous avons au long veu et entendu les points et articles que nous avez envoyé qui ont esté advisé pour la seureté du traittié et alliance qui se pourra faire entre nostre très chier et très amé fîlz, l'archiduc Charles, et messire Charles de Gheldres et les advis de vous et de ceulz de nostre privé conseil de par delà apostilliez sur chacun d'iceulx articles. Et nous a le tout assez pieu. Par advis d'aucuns de nostre conseil , avons changié aucuns desdits

articles, en y adjoustant aucunes choses à l'honneur, avantage et prouffit de nouz et nos pays de par delà , ainsy que verrez par l'escript que vous envoyons encloz en cestes. Et sommes content que envoyez nostre trésorier général, messire Rolant Lefevre,pour comme de vous mesmes , toutefvoies adviser de besongnier sur cest affaire selon le contenu en iceluy escript, en y adjoustant aussy ce que verrez et congnoistrez plus avant servir à l'adresse de ceste matière, bien, honneur et prouffit de nous et nostredit fîlz.

Ledit messire Charles nous a autreffoiz fait requérir et offrir, en ceste nostre ville d'Isbroeck et aussy en nostre cité de Constance, que, en le délaissant en paix, il nous prometteroit jamais soy marier, nous donner grosse somme de deniers par atterminacion, nous baillier aucunes villes dudit pays convenables et propices au pays de Brabant, et tenir ledit pays de Gheldres en arrière fief de Brabant et déclarer que, après sa mort, ledit pays nous escherroit et appartiendroit. En communicant de ceste affaire, s'il vient à point, l'on luy pourroit ce réciter, dont vouluntiers vous advisons ' . Très chière et très amée fille, nostre Seigneur vous ait en sa garde.

Escript en nostre ville d'Isbroeck, le dernier jour de janvier xvc ix. Vostre bon père Maxi. — Plus bas, Hannart.

1 Voir sur cette négociation une lettre du 16 mars, et diverses autres de l'année i5io.

L'Empereur ne répondra au sujet de Jehan de Brégilles, qu'après le retour du secrétaire, Hans Renner, qui est allé traiter de la trêve avec les Vénitiens. •— (Original.)

(Rauffbeuren, le 11 février.)

Très cliière et très amce fille, sur ce que nous avez escript et requis par Jehan de Brégilles , qu'il soit compté en son estât de maistre d'ostel l'an entier, ou le demy an qu'il ne sera compté luy donner quelque pencion, vous ferons responce, quant sera de retour vers nous nostre secrétaire, maistre Hans Renner, qui est ung de noz commissaires vers les députez des Vénissiens pour le fait de la trêve, et aussy vous envoyerons Testât de l'ostel de nostre fils, l'archiduc Charles.

Donné en nostre ville de Kauffbuyren , le xie jour de février xvc ix. Per Regem. — Plus bas, Hannart.

Il lui mande de faire procéder à une enquête au sujet des inculpations dont Andrieu de Herlay est le sujet. — ( Original.)

( Kauffbeuren , le 11 fe'vrier. )

Très chière et très amée fille , nous avons naguères despeschié à nostre amé et féal secrétaire, maistre Jehan Hannart, certaines lettres patentes de provision sur la recepte de Bins (Binch) , nous vous requérons que s'il est apparu ou appert des deffaultes faictes par Andrieu de Herlay, telles que en la provision sont narrées, que procédez et faictes procéder contre ledit

Andrieu au prouffit dudit maistre Jehan, selon la déclaration que en faisons par icelle provision ; car absolutement ainsy le voulons estre fait.

Donné en nostre ville de Kauffbuyren, le xiejour de février xvc ix. Per Regem. — Plus bas, Botechou.

Il lui donne des nouvelles de la guerre contre les Vénitiens. Tremblement de terre à Constantinople. Prise de Bougie en Afrique.

• — ' ( Original. )

(Mindelheim, le 13 février.)

Très chière et très amée fille, nostre cousin, le duc de Ferrare ! , nous a , avant hier , adverty comment naguères il a envoyé aucuns de ses gens de guerre à Oriete, pour prendre ung blockhuys que les Vénissiens y avoient fait du cousté de la mer, et icellui bien garni de gens et d'artillerie , et que après avoir assailly ledit blockhuys , sesdits gens de guerre l'ont empourté par terre et gangnié beaucoup d'artillerie qui estoit dedens avec cinquante barques aussi furnies de gens et artillerie.

Ce fait, lesdits gens de guerre de nostredit cousin, se sont tirez à Adry, où lesdits Vénissiens avoient ung autre blockhuys et icellui prins et gangnié ; car ceulx qui estoient dedens, quant ils les veirent venir , habandonnèrent ledit blockhuys, et il ont encoires prins ung molin où il y avoit pour plus de viiic ducas de vivres et de biens.

Nouz avons aussi eu nouvelles comment le jour de l'Exaltation Sainte Croix dernier passé (1 4 septembre),

' Alfonse d'Est , mari de la fameuse Lucrèce Borgia.

ET DE MARGUERITE SA FILLE. — 1509. 235 il y a eu à Constantinople telle esmeute de terre et tempeste du ciel , que plus de la tierce partie des murs de la cité dudit Constantinople sont tombez par terre, mesmement du cousté de la mer, et que ladite tempeste a tué plusieurs mil personnes. Donc, le grant turk s'est retiré à Andrilope , pour y demeurer jusques à ce que les murailles dudit Constantinople seront refaictes.

Aussi nous sommes advertys comment le comte Peter de Navarre , capitaine sur mer de nostre frère le roy d'Arragon , est la veille des Rois passé, venu à tout une armée sur mer de nnm hommes, devant la cité de Bougie, en Affricque, où estoit le roy d'Affricque et plus de xnim combatans, et que en veuillant aborder par ledit conte Pieter et ses gens au port dudit Bougie, aucuns de ceulx qui estoient dedens sont partis hors à tout petites arbelestres qui ne pouvoient guères grever ne deffendre les gens dudit conte de descendre à terre. Et, ce congnoissant, ils feirent partyr hors dudit Bougie toutes les femmes et ensfans qui estoient dedens icelle cité , et combattirent main à main, et en la parmi, ledit conte Pieter et ses gens ont gaingné ladite cité de Bougie par force et par une porte. Et lesdits roy d'Affrique et deffendans avec luy se sont saulvez par une autre porte. Desquelles choses dessusdites nous vous advertissons pour vous participer de nos nouvelles. A tant, très chière et très amée fille, nostre Seigneur soit garde de vous.

Escript à Mydeham, le xme jour de février, Tan xvc et ix. Vostre bon père Maximilien. — Plus bas , Botechou.

Journée assignée à Liège au sujet des différends sur le pays de Gueldre. Ligue des Vénitiens avec le pape. Pratique des Vénitiens pour y attirer le roi d'Angleterre. Les gens de guerre de France qui sont à Vérone n'ont pas encore voulu se mettre en. campagne. L'Empereur va se rendre à Strasbourg dans l'espoir d'y obtenir une aide des princes de l'empire. — ( Original. )

(Mindelheim, le 14 février.)

Très chière et très amée fille , nous avons receu les lettres que nous avez escriptes faisant mencion du besoingne de noz ambassadeurs estanz lez nostre frère, le roy de France , sur le traictié des differendz de noz pays de Gheldres et comment ilz ont accordé avec nostredit frère une journée estre tenue en nostre cité de Liège, au premier jour de mars prouchain, auquel jour est besoing, pour les causes au long contenues en vosdites lettres, que y envoions aucuns noz serviteurs pour avec les commis et députez de nostredit frère, le roy de France, entendre sur lesditz differendz.

A ces causes nous escripvons présentement à nostre cousin AdolfF, conte de NassauW, qu'il, avec trois conseillers de nostre chambre impérial , se tire devers vous pour soy informer de l 'estât et qualité desditz differendz, et en nostre nom comparoir à ladite journée. Sy vous requérons que incontinent et à diligence vous vueillez faire despeschier à nostredit cousin et ausdits conseilliers, telz que par luy entendrez ,- toutes telles lettres et instructions que trouverez par conseil leur estre nécessaires , et que nous en advertissez pour y satisfaire à ce qu'il conviendra par deçà despeschier à

ET DE MARGUERITE SA FILLE. — 1509. 237 celle fin que, en tant qui nous touche, ceste affaire ne demeure à traictier ou conduire comment il appartient et que la chose le requiert. 9

Au surplus , les nouvelles qu'avons eues de l'alyance que nostre saint Père le pape a faicte avec les Vénissiens et aussy les Suyches, nous continuent tousjours et encoires que iceulx Vénissiens praticquent avoir à icelles lighe , le roy d'Angleterre.

Quant à l'exercite et exploit de nostre guerre , nous avons pieça fait nostre mieulx de faire marchier aux champs avec aucuns de noz capitaines et gens de guerre , les gens que nostre frère , le roy de France , a à Veronne ; mais jusques à oires ilz ne se sont encoires voulsu mectre aux champs pour crainte que s'yl y eust eu.... que aucune mutacion ne fust survenue en leurs pays. Et espérons que à présent contre cedit mois de mars ilz se mectront en devoir pour aller combatre les gens d'armes desdits Vénissiens, qui tiennent les champs et gueres loing d'eulx.

Et de ce qui nous en surviendra , et d'autres choses vous advertirons tousjours, quant les cas le requerront, vous signiffiant que nous tirons à présent vers les princes de l'empire en nostre cité d'Ausbourg, ou espérons avoir d'eulx quelque bonne ayde. Dieu aidant qu'il, très chière et très amée fille, soit garde de vous.

Escript à Mydelhan, le xinie jour de février, l'an xvc ix. Per Regem. — Plus bas, Botechou.

L'Empereur approuve fort le voyage que sa fille veut faire en Flandre , et l'exhorte à répandre sur les habitants de ce pays autant de faveur qu'elle pourra. Arrivée du seigneur de La Roche auprès de l'Empereur. • — ( Original. )

{Mindelheim, le 17 février.)

Très chière et très amée fille , nous sommes adverty qu'estes délibérée d'aler visiter nozsubgectz de Flandres, dont sommes bien joyeulx et désirons que en leurs affaires leur faictes toutes faveurs et adresses que pourrez.

Au surplus , pour ce que le seigneur de La Roiche est arrivé devers nous, lequel nous servira bien à l'adresse et solicitation des affaires d'embas , nous vous advertissons qu'il n'est besoing que envoyez autres devers nous. Ains voulons que pour ce faire luy baillez l'entretiennement que bailleriez à ung autre. A tant, très chière et très amée fille, nostre Seigneur soit garde de vous.

Escript à Mydelhan, le xvne jour de febvrier, l'an xvc ix. Vostre bon père Maxi. — Plus bas , Botechou.

La prévôté de Louvain est conférée au docteur Conrard Renner. — ( Original. )

(Angsbourg, le 26 février.)

Très chière et très amée fille , nous avons receu les lettres que nous avez escript touchant la prévosté de

ET DE MARGUERITE SA FILLE. —1509. 239 Louvain , et entendu bien et au long le contenu d'icelle. Surquoy, à cause que nostre amé et féal secrétaire , maistre Jehan Renner, à qui , pour son frère , le docteur Conrard Renner , la chose touche , estoit absent de nous et en nostre service , nous avons différé sur ce vous faire responce jusques a sa venue devers nous, que lui avons parlé dudit affaire et aussy le tout fait remonstrer à nostre secrétaire, le docteur Collauer, auquel avions fait don de ladite prévosté, tant pour récompense de la cure de Haerlem, dont feu nostre filz, le roy dom Philippe, luy avoit fait promesse que de le pourveoir de la première dignité qui vaqueroit par delà. Et après que avons la chose bien considérée , et entendu les responces et doléances que, de la part dudit Collauer, nous ont esté sur ce faiz , et que trouvons la provision par nous faicte audit docteur Conrard estre toute honneste et raisonnable, selon que desja vous avons escript bien amplement, car ledit docteur est homme docte , litteré et d'estat, non point seullement pour tenir une telle dignité, mais ung évesché. Nous , pour ces causes aussy qu'entendons nous servir dudit docteur Conrard par delà , leur avons présentement dit et fait déclairé que voulons entretenir audit docteur Conrard la provision que luy avons faicte , comme dit est , de ladite prévosté de Louvain , dont vous advertissons ; car nous espérons bien , attendu que le nepveu de nostre cousin , le seigneur de Chierves, est encoires jeune assez pour laquelle prévosté desirez avancer, de le pourveoir de aussy bonne ou meilleure dignité que icelle prévosté n'est. Et à cest fin desirons et vous requérons que , sans plus de delay ne attendre autre ordonnance de nous sur cest

240 LETTRES DE MAXTMILIEN

affère, vous faictes despeschier audit docteur Conrard noz lettres de don de ladite prévosté de Louvain et d'icelle mectre en possession comment en tel cas appartient, cartel est nostre plaisir. A tant, très chière et très amée fille, nostre Seigneur soit garde de vous. Escript en nostre cité d'Ausbourg, le xxvie jour de février, Tan xvc et ix. Per Regem.

P. S. Ne délayés plus ceste matière.

Plus bas, Botechou.

Chevalier d'honneur pour madame Marie d'Angleterre. — (Orig.)

(Augsbourg, le 28 février.)

Très chière et très amée fille, nous avons entendu ce que vous avez fait dire par nostre amé et féal conseiller roy d'armes, Thoison d'or, touchant le chevalier d'honneur qui sera besoing avoir à dame Marie d'Angleterre, à sa venue par deçà. Surquoi nous lui avons fait response et sur ce donné charge, ainsi que par luy entendrez plus à plain. Et vous requérons le croire de ce qu'il vous en dira de par nous. A tant, très chière et très amée fille, nostre Seigneur soit garde de vous.

Escript en nostre cité d'Ausbourg, le dernier jour de février, l'an xvc et ix. Per Regem. — Plus bas, Rentier.

Il l'entretient de ses projets contre les Vénitiens, de l'aide qu'il espère obtenir des princes de l'empire et du roi de France. Il est fort aise d'apprendre que son petit-fils , le prince Charles , aime la chasse; car s'il n'avait pas ce goût, il pourrait passer pour bâtard. — (Autographe.)

( Augsbourg ,1e .... février. )

Ma bonne fille , je me recommande à vous de bon cueur. Sur la charge que avez donné devers nous à Toeson d'or, nous l'y avons despesché assez selon vostre désir; aussy nous ly avons dit largement de nous novelles, cumme il vous dira d'autre part. Nous espéruns d'avant Pasques returner en garnison contra lesdits Véniciens et avoer receu de soes (ceux) du saint-empire, qui sont issy tourtous venus, ung petit ayde, toutefoes avec le nostre armée, suffisant pour rebouter noz ennemys. Semblablement le roy de France nous a promis bon ayde ; nous avons orduné le prince d'Analt et les marquis de Gonzage, avec aultres nous capitaines se tirer au chans, pour, à l'ayde de François, combattre les Vénéciens qui se sount à tout leor armée que est assez petite, toutefoes bien fortivié, à ung bourgade entre Yicencia et Padua - et aujourd'huy, en huyt jour l'armée devra partir hors de Veron (Véronne).

Aussi nous avons, passé aulcuns jours, resceu ung lestresescriptesde vostre main si a\ecq plusiers poinctz, nous avertissant,* sur lesquelles nous avions déjà particulièrement despesché toutes choses selon vostre avis. . . . Nous fumes bien jeuyeulx que nostre filz Charles prenne tant de plésir à la chasse ; aultrement on pourra i. 16

242 LETTRES DE MAXTMÏLIEN

pensé qui fust bastart. Et nous semble par ce moien à Pasques, quant les tans sera douls, de ly anvoyé à Anvers et à Louvaen prendre aer et passer tans , pour estre travillé à cheval pour sa sainte et fortesse. Je prye Dieu qui vous ayt en sa bonne guerde.

Escript de ma main à Auguste le xxixe de vévryr ' , Tan xvc et ix. Vostre bon père Maxi.

Il lui recommande Jean Le Veau, secrétaire de l'ambassadeur en France , et la prie de lui accorder l'office de la clergie (greffe) de la gruerie du comté de Bourgogne. — ( Original, )

(Augsbourg, le 13 mars.)

Très chière et très amée fille , nous avons par messire Andrée de Burgo , présentement nostre ambassadeur devers le roy de France , esté bien cercioré et adverty des bons et agréables services que soubz luynousa fait et fait journellement Jehan Leveau a de vostre conté de Bourgongne^, son secrétaire et serviteur, tant en noz afïeres que à ceulx de nostre très chier et très amé filz, le prince de Castille, esquelx il nous a esté bon, loyal et secret. Et pour ce que de tout nostre cueur désirons l'advencer et satisfere desdites services , espécialement en vostredit conté de Bourgongne , et mesmement en faveur de nostredit ambassadeur, son maistre, qui nous en a si affectueusement escript. A

1 Février n'ayant, pour les années communes, que vingt-huit jours, il faut, ou que nous ayons mal interprété le sens du mot vévryr, ou que l'Empereur se soit trompé sur le quantième.

1 Jean Le Veau, secrétaire d'André de Burgo, pour les lettres françaises, abusa, dit-on, plusieurs fois de sa position, pour révéler les secrets de l'État.

ET DE MARGUERITE SA FILLE. — 1509. 243 eeste cause , vous requérons tant fère pour nous que luy vuillez, en récompence d'iceulx services, donner et laisser, sa vie durant, la clergie du gruerye * de vostre dit conté que avons entendue estre à service et admodiacion et laquelle n'est pas grant chose. En ce faisant, nous ferez singulier service et plaisir. A tant, très chière et très amée fille , nous prions nostre Seigneur estre garde de vous.

Escript en nostre cité d'Ausbourg, le xme jour de mars xvc ix. Per Regem. — Plus bas , Hannart.

Il l'autorise à prêter assistance à l'évêque d'Utrecht contre le duc de Gueldre. ■ — ( Original. )

(Augsbourg, le 16 mars.)

Très chière et très amée fille , nous avons receu voz lettres du vne jour de ce présent mois, responsives aux nostres que auparavant vous avions escript contenant que, en faisant assistence à nostre cousin, l'évesque d'Utrecht, contre messire Charles de Gheldres a, vous metteriez nos pays et subjectz de par delà en guerre ouverte directement contre le traictié de Cambray , la prorogacion d'icellui et contre la journée prinse à Liège au premier jour de cedit mois, dont grans etinnumérables maulx et inconvéniens pourroient advenir pour pluseurs raisons touchées en vosdites lettres.

Surquoy, comme vous sçavez, nostredit cousin, l'évesque d'Utrecht est comprins oudit traictié de Cam-

• Gruerie , garde ou intendance des bois et forêts. 5 L'évêque d'Utrecht , Frédéric de Bade , revendiquait les forts de Kiunze et de Renoi que le duc de Gueldre prétendait lui appartenir.

244 LETTRES DE MAXlMILIEN

bray; et pour ce que ledit messire Charles, par luy faisant présentement la guerre, contrevient mesmes directement à icellui traictié, povons à bonne occasion faire assistence audit évesque d'Utrecht. Et si délaissons de luy faire assistence , il nous pourroit aussy cy après délaisser de faire le semblable. Ce actendu, et mesmement que ledit évesque d'Utrecht a tousjours esté pour nostre maison de Bourgoingne contre ledit messire Charles , vous requérons que faictes une bonne aliance avec nostredit cousin d'Utrecht, ainsi que adviserez pour le mieulx et luy donnez ayde et assistence, comme le vous avons dernièrement escript et principalement appoinctez avec luy de mettre le siège devant Wagheninghe , car nous espérons puis que les villes d'Utrecht, Swol, Deventer et Kampen sont en bon vouloir de luy faire ayde et assistence que, par icelle alliance, nous et luy pourrons bien faire une finale expédicion et fin contre ledit messire Charles et noz rebelles de Gheldres.

Nous vous envoyons noz lettres de placcart de deffence à l'archevesque de Couloigne , évesque de Munster, ducz de Clèves et de Juliers, de non faire ou prester par eulx ou leur subgetz, en aucune manière, faveur et assistence audit messire Charles contre ledit évesque d'Utrecht. Sy vous voyez qu'il soit de besoing, envoyez à chacun d'eulx icelles noz lettres de placcart. A tant, très chière et très amée fille, nostre Seigneur soit garde de vous.

Donné en nostre cité d' Ausbourg , le xvie jour de mars, l'an xvc et neuf. Ver Eegem. — Plus bas, Renner.

Traité avec le duc de Gueldre. Projet de mariage de ce prince avec Isabeau d'Autriche , et de Léonor d'Autriche avec le duc de Lorraine. Villes de la Gueldre demandées en garantie. Aide à solliciter des princes de l'empire. — ( Original. )

(Augsbourg, le 16 mars.)

Très chière et très amée fille, nous avons receu voz lettres par vostre secrétaire Marnix , oy et bien entendu ce qu'il nous a dit de vostre part. Et trouvons par l'advis de ceulx de nostre privé conseil qu'il ne nous seroit par nulle façon honnourable ne prouffitable accepter aucuns points et articles à quoy est résolu inessire Charles de Gheldres pour parvenir à traittié, veu et considéré mesmement que , en temps passé, il a peu et mal entretenu les traittiez faiz avec luy. Parquoy ne nous oserions trop bien confier en luy et trouvons aussy qu'il seroit fort au grand déshonneur de nous et de nostre filz, l'archiduc, de bailler nostre fille , dame Ysabeau ' , et de rendre aucunes villes et places du pays de Gheldres avant la consomacion du mariage. Toutesvoies puis que vous , par l'adviz de nostre privé conseil de par delà , nous conseilliez à faire appoinctement, sommes bien contens et désirans d'y entendre, sy avant que les choses se peussent traittier à nostre honneur; et a (fin de à ce parvenir, avons advisé et seroit nostre intencion , puis qu'il est en train de traittier le mariage de nostre fille , dame Eléonora , avec le duc de Lorraine l , de baillier nostredite fille,

1 JNi l'un ni l'autre de ces mariages ne fut effectué.

dame Ysabeau , es mains dudit duc de Loraine pour estre par luy gardée jusques elle seroit en l'eage de xvi ans, et après consommer le mariage avec ledit messire Charles.

Sommes aussi content dès maintenant baillier es mains dudit de Lorraine les villes de Arnhem et l'entière Weluve, Harderwyck et Hathem, pour par luy estre gardées, régies et gouvernées et y commettre tous officiers jusques au parfait et consommacion dudit mariage et après estre rendues audit messire Charles , et les rentes, revenus et prouffiz qui en viendront, oultre les cherges ordinaires et requises payées , estre bailliez dès maintenant par chacun an audit messire Charles, en prendant toutesvoies dudit de Lorraine toutes promesses et seuretez convenables.

Nous voulons retenir les villes, chasteaux et seignouries de Montfort, de Wachtendonck et de Bommel et Bomelrewert avec toutes et quelconques leurs appartenances et appendances en tous droiz , haulteur, seigneurie, revenuz et prouffiz héritablement et perpétuelement à la duchié de Brabant, réservé toutesvoies audit messire Charles , après la consommacion du mariage , le rachat de la ville et chastel de Wachtendonck pour tel pris que le povoit faire feu nostre filz , le roy de Castille, que Dieu absoille.

En oultre, voulons retenir Thielt et Thielreweert et le pays de Kesseit en tous droitz, haulteur, seigneurie et prouffiz jusques à la consommacion dudit mariage, et après rendre audit messire Charles icelle ville de Thielt et Thielreweert et le pays de Kesseit.

Si vous requérons affectueusement que , selon ce et tous les autres articles , veuillez adviser d'en faire be-

ET DE MARGUERITE SA FILLE. -, 1509. 247 soingnier comme de vous mesmes avec ledit messire Charles; car nous ne le saurions autrement faire sans nostre grand honte et deshonneur; et nous semble que icelui messire Charles se devroit bien contenter de noz tant bonnes et honnêtes offres qui sont plus raisonnables et prouffitables à luy que à nous ; néantmoins quelque chose que y faciez , ne prendez aucune conclusion en ceste matière sans premiers nous en avertir, pour en aprez vous déclarer nostre résolucion et intencion.

Et si ledit messire Charles se rend en ces choses tout difficil et desraisonnable, et que pardessus ce, il veuille faire la guerre à nous et à noz subgetz du saint-empire et nosdits pays et n'entretenir le traittié de Cambray, la prorogacion d'icelui et la journée prinse à Liège qui sera contre Dieu et raison, nous en avertirez à dilligence et nous vous envoyerons ung bon capitaine avec bon nombre de gens d'armes soldoyez et payez ; et si vous donnerons moyen et ordonnance comment vous aurez à conduire pour povoir résister à icelui messire Charles et, au plaisir de Dieu, mettre une totale fin audit pays de Gheldres. Et cependant adviserez , avec les gens de nostre privé conseil , de mettre bon ordre à toutes choses pour, au mieulx que pourrez, povoir résister et se deffendre contre luy et garder qu'il n'adommage nosdits pays.

Les princes et estaz de l'empire, qui sont cy assemblez nous ont promis faire et donner une bonne et grosse ayde contre les Véniciens. Et si , par la desraisonnabilité cludit messire Charles, besoing est de lui faire la guerre , vous baillerons la porcion et ayde que nous devront faire de gens de guerre, lesditz princes

et estaz de l'empire voisin audit pays de Gheldres; et oultre plus vous renvoyerons le seigneur du Reux avec sa compaignie , ou en ce lieu vous délaisserons leur payement que prendrons de par delà pour entretenir semblable nombre de gens. A tant , très chière et très amée fille, nostre Seigneur vous ait en sa garde.. Escript en nostre cité d'Ausbourg, le xvie jour de mars xvc et neuf. Vostre bon père Maxï. — Contresigné Renne r.

Il lui communique diverses propositions qui lui sont faites de la part du roi de Navarre. Alliance des rois d'Aragon et de France. Demande de la main d'Isabelle d'Autriche pour le fils aîné du roi de Navarre. Dona Anna Carlus. — ( Original.)

(Augsbourg, le 17 mars.)

Très chière et très amée fille, Salvador de Verio, ambassadeur de nostre frère le roy de Navarre1, nous a à présent dit comment il se vouloit retirer devers nostredit frère. Surquoy nous lui avons requis qu'il voulsist passer pardevers vous et entre autres choses, à poursuy devers nous, de la part de nostredit frère le roi de Navarre, trois choses dont vous voulons bien advertir.

A sçavoir que nous le voulsissions faire compreindre de noz aliez en l'aliance d'entre nous et nostre frère le roy d'Arragon; ce que avons fait , et est comprins au

J Jean d'Albret, parvenu au trône par son mariage avec Catherine de Foix, héritière de la Navarre, après la mort de son frère , François Phœbus.

ET DE MARGUERITE SA FILLE. — 1509. 249 traictié que avons dernièrement fait avec nostre frère le roy d'Arragon, de noz aliez pour sa vie durant.

Aussi que nous le voulsissions faire entretenir en l'aliance faicte avec nostre frère le roy de France ; à quoy nous avons adez tenu la main vers nostredit frère le roy de France. Mais nous ne le trouvons pas fort à ce enclin, et jusques à oires n'en a riens esté traictié. Parquoy nous désirons que vueillez faire pratiquier cest affaire par noz ambassadeurs estans devers ledit roy de France, par tous les meilleurs moyens que sçaurez adviser.

Et tiercenient, nous a requis d'une aliance de mariage d'entre le filz aîné dudit roy de Navarre et de nostre fille dame Isabeau ' ; surquoy nous l'avons remis à vous en parler et communiquier par delà ; et désirons et vous requérons que après qu'aurez bien entendu cest affaire, vous nous vueillez advertir de ce que vous en semblera, ensemble de vostre advis sur ce.

D'autre part ledit ambassadeur , à son partement , nous a remonstré comment feu nostre fils, le roy don Philippe, avoit accordé à dona Angne Carlus, niepce de dona Angne de Beaulmont 3 la somme de mil florins d'or en avancement de son mariage, nous requérant lui faire entretenir et sortir effect icellui accord, dont nous avons esté contens et vous requérons que vueillez tant faire qu'elle puisse estre asseurée desdits mil florins, affin qu'elle puisse tant mieux trouver quel-

' Ce mariage n'eut pas lieu. Henri d'Albret épousa, en i5i6, Marguerite , duchesse d'Alençon, sœur du roi François Ier. Quant à Isabelle d'Autriche, elle fut mariée, en i5i4, à Christiern II, roi de Danemarck. Voyez ci-après les circonstances de la cérémonie de ce mariage dans une lettre de Marguerite, du \i juin 1 5t4-

7 Voyez ci-dessus , p. 56.

que bon mariage. A tant, très chière et trèsamée fille,

nostre Seigneur soit garde de vous.

Donné en nostre cité d'Ausbourg, le xvnejour de mars, l'an xvc ix. Vostre bon père, Maximilien. — Plus bas, Renner.

Charles Le Clerc est adjoint à Roland Le Febvre , trésorier général des finances. — ( Original. )

(Augsbourg, le 21 mars.)

Très chière et très amée fille. A l'occasion des grans affaires qui surviennent journellement en noz finances de par delà, et obstant la débilitation de nostre amé et féal conseillier et trésorier général de noz finances messire Roland Lefebvre ' et mesmement aussi pour ce qu'il est souvent absent de nosdites finances, occupé en autres noz grans affaires, par quoy il ne peult bonnement satisfaire aux affaires d'icelles finances et pour l'en aucunement supporter et à sa pryère et requeste, avons commis et ordonné Charles Le Clerc, aussi trésorier de nosdites finances , pour doresenavant avec ledit messire Roland, et en son absence entendre aux affaires qui surviendront en icelles noz finances, ainsi que peut plus à plain apparoir par noz lettres patentes que luy en avons sur ce fait expédier, dont vous advisons et vous requérons, et néantmoins ordonnons que faictes mettre ledit Charles en possession dudit estât de trésorier et le faire besongnier et vacquier es choses concernant le fait de nosdites finances. Car ainsi le

' Roland Le Febvre, seigneur de Thamise.

ET DE MARGUERITE SA FILLE, i— 1509. 251 voulons avoir fait sans contredit ou difficulté. Et à tant, très chière et très amée fille, nostre Seigneur vous ait en sa garde.

Donné en nostre cité d' Ausbourg , le xxie jour de mars xvc ix. Per Regem. — Plus bas, Hannart.

L'Empereur accorde à Pierquin Ghodemart la première sergentisc des mortes-mains de Hainaut qui viendra à vaquer dans la prévôté de Mons. — {Original.)

( Augsbourg, le 28 mars.)

Très chière et très amée fille, nous avons donné et accordé à Pierquin Ghodemart, la première sergantise des mortes mains de nostre pays et conté de Haynnau es metes et prévosté de Mons qui dorénavant escherra vacant à nostre disposition, soit par mort, résignacion ou autrement, dont vous advertissons et vous requérons que de ce vous en despeschiez dès maintenant audit Pierquin nos lettres de promesse, et le cas de la vacacion par l'une des manières dessusdites advenant, nos lettres patentes en forme deue. A tant, très chière et très amée fille, nostre Seigneur soit garde de vous.

Donné en nostre ville d'Ausbourg, le xxvmejour de mars, l'an xvc ix avant Pasques. Per Regem, — Plus bas, Renner.

Il approuve que sa fille ne se mêle pas de l'affaire d'Espagne , puisqu'elle y trouve des difficultés. — {Original.)

(Augsbourg, le 30 mars.)

Très chière et très amée fille , nous avons receu une lettre escripte de vostre main , faisant mention de la matière d'Espaigne que sçavez. Et puisque y avez quelque difficulté, et qu'il tous semble à y besoingnier y auriez quelque charge, nous vous advertissons que sommes bien contens que ne vous en mesliez pas. Car nous la ferons nous mesmes pratiquer et poursuir. A tant, très chière et très amée fille, nostre Seigneur soit garde de vous.

Escript en nostre cité d'Ausbourg, le dernier jour de mars, l'an 1509. PerRegem. — Plus bas, Renner.

Il la prie de lui envoyer le fauconnier Aert Van Meeghien. —

( Original. )

(Augsbourg, le dernier mars.)

Très chière et très amée fille , nous escripvons présentement à nostre faulconnier Aert Van Meeghien, de incontinent venir devers nous. Et vous requérons de luy envoyer nosdites lettres, et de , pour faire son voiiaige, luy faire furnir quelque deniers affin qu'il puisse tant mieulx venir devers nous. A tant, etc.

Escript en nostre cité d'Ausbourg, le dernier jour de mars, l'an xvc ix. PerRegem. — Plus bas, Renner.

Commençant le 5i mars, finissant le 19 avril.

L'Empereur envoie vers sa fille le jeune Jehan Pédinger, avec ordre de lui faire apprendre la pratique des comptes et le langage wallon. < — > ( Original. )

(Augsbourg, le 5 avril.)

Très chière et très amée fille, pour ce que nous nous voulons servyr cy-après en fait de comptes de Jehan Pédinger, jeune filz , qui dès longtemps nous a adez servy en nostre chappelle et que désirons qu'il aprende le langaige walon, à ces causes, l'envoyons présentement par delà et vous requérons que le faictes entretenir en nostre chambre des comptes à Lille, et que luy faictes furnir par ceulx de noz finances, toutes choses que luy seront nécessaires pour sondit entretenement, en ordonnant ausdits de noz comptes, qu'ilz luy facent aprendre ledit langaige walon et aussi l'art et praticque de comptes ; en quoy faisant , nous ferez chose agréable. A tant, très chière et très amée fille, nostre Seigneur soit garde de vous.

Escript en nostre cité d'Ausbourg, le ve jour d'avril, l'an xvc x. Per Regem. — Plus bas, Renner.

254 LETTRES DE MAXIMILTEN

Nouvelles de la guerre eontre Venise. L'Empereur va marcher contre eux; car il ne suffit pas de les mettre à mort par cent , il y faut besogner par mille. Assistance des princes de l'empire. Jonction des armées de l'Empereur et du roi de France. Les Vénitiens ne veulent tenir garnison que dans trois villes. — {Orig.)

( Augsbourg , le 6 avril. )

Très chière et très amée fille, nous vous advertissons que depuis ung moys ença, noz gens d'armes qui sont à Véronne, ont eu plusieurs et diverses coursses, rencontres et escarmuches avec noz ennemis , desquelz ils ont tuez et prins plus de 1111e hommes ; et des nostres en est bien demeuré environ cent.

Aussi nostre cousin, le duc de Bransweig, nous a escript que depuis six sepmaines ença, il et nos gens d'armes qui sont ou quartier de Friole, ont bien mis à mort de six à sept cens hommes vénissiens , sans en avoir perdu cincquante des nostres. Et espérons brief nous mectre et aller en personne aux champs et faire quelque bon exploit et exécution contre nosdits ennemis , car il ne souffist point de les mectre à mort par cent, mais y fault besongnier par mille.

Les princes de l'empire nous ont accordé de à ce nous donner une bonne assistence et sont à faire la tauxe de leur ayde, et créons que bientost ils nous en feront une fin.

Et deans le xve jour de ce mois, nostre armée qui est audit Véronne, et celle de nostre frère et cousin le roy de France, se joindront ensemble; car les gens de nos-

ET DE MARGUERITE SA FILLE. — 1510. 255 tredit frère marchent avant, et sommes advertis que lesdits Vénissiens n'ont intencion que de tenir et mectre garde à trois villes seullement, que sçavoir à Padoue, Terviz et à Lignago , et habandonner et laisser toutes les autres villes. Et si nous survient quelque autre chose, nous vous en advertirons tousjours. A tant, très chière et très amée fille, nostre Seigneur soit garde de vous.

Donné en nostre cité d'Ausbourg, le vie jour d'avril, l'an xvc et dix. Vostre bon pèreMAXi. — Plus bas, Renner.

Précautions à prendre pour le traité de mariage entre Charles d'Egmond et Isabeau d'Autriche. — [Original.)

(Augsbourg, le 6 avril.)

Très chière et très amée fille , nous vous avons dernièrement fait responce par vostre secrétaire Marnix sur les articles à nous envoyez pour le fait de l'aliance de mariage d'entre messire Charles d'Egmondt et nostre fille Ysabeau. Et vous requérons que quant vous besoingnerez sur ceste matière, vous traictez aussi de Testât et entretenement que nostredite fille aura après la solennization dudit mariage, et comment et sur quoy elle sera de ce asseurée. A tant, très chière et très

Escript en nostre cité d'Ausbourg, le vie jour d'avril, l'an xvc dix. Per Regem. — Plus bas, Renner.

Il lui demande une copie authentique du traité qu'il a conclu autrefois à Francfort avec les Français. > — {Original.)

( Augsbourg , le 7 avril. )

Très chière et très amée fille, pour ce que désirons sçavoir a la vérité ce qu'avons autreffois traictié et appoincté avec les François par le traictié de Franckfort, et mesmement du fait de l'artillerie que les héritiers du sieur Desquerdes prétendent recouvrer sur nous et sur noz enffans, comme sçavez, nous vous requérons que nous envoyez le double autenticque dudit traictié de Franckfort, et de tout ce que sur le fait de ladite artillerie peult lors avoir esté fait et passé, affin que selon nous nous puissions reigler. A tant, très chière et très amée fille, nostre Seigneur soit garde de vous.

Escript en nostre cité d'Ausbourg, le vne jour d'avril, l'an xvc et x. Per Regem. — Contresigné Renner.

Il mande à sa fille de bâter le départ de son ambassadeur en Angleterre, et celui du président de Bourgogne pour l'Espagne.

— ( Original. )

(Augsbourg, avril.)

Très chière et très amée fille , en ensuivant ce que par pluseurs fois vous avons escript et fait sçavoir touchant l'ambassade que désirons estre envoyée vers nostre frère le roy d'Angleterre, nous vous requérons

ET DE MARGUERITE SA FILLE. —1510. 257 bien acertes que se vous n'avez encores despesché icelle ambassade pour aller vers nostredit frère, à tout noz instructions que incontinent vous la despeschez sans y plus retarder.

Et pareillement que despechez messire Mercurin de Gattinaire, président de Bourgongne, pour aller en Espaigne, selon que le vous avons desjà mandé ; car se sont choses qui nous touchent grandement et a quoy par longue attente y pourrions avoir du dommaige : parquoy surtout y vueillez besongnier de sorte que dudit envoy en puissons avoir une fin et nous advertir à diligence de ce que en aurez fait pour selon ce nous reigler.

En quoy faisant, nous ferez chose agréable. A tant, très chière et très amée fille, nostre Seigneur soit garde de vous.

Donné en nostre cité d'Ausbourg, le.... jour d'avril, l'an mil vc et dix.

P. S. Nous sommes content que le seigneur de Melun de» meure de par delà, mais nostredit président fera seul le voyage d'Espaigne , et si tost qu'il sera prest pour partir, faites le nous sçavoir, et nous lui envoy erons instructions sur luy et Claude de Silly, comme nous avez advisé.

Per Régent. — Contresigné Hannart.

Il lui recommande de réserver à Jehan Ghodemart , greffier du conseil à Mons, la première place de conseiller ordinaire qui vaquera dans ledit conseil. — {Original.)

( Augsbourg, le 23 avril.)

Très chière et très amée fille, nous sommes records avoir par cidevant donné et accordé à Jehan Ghodei. M

mart, greffier de nostre conseil à Mons , le premier lieu de conseillier ordinaire qui escherroit vacant par quelque moyen que ce fust en nostredit conseil de Mons, et que entre autres choses feismes couchier et inscripre icellui nostre don es mémoires et instructions que lors despeschames sur noz amez et féaulx conseillers le président de Bourgogne, et messire Andrieu de Burgo pour aller devers vous, affin de vous en advertir. Et pour ce que entendons nostredit greffier estre oudit état très ydoine et souffisant, désirons luy entretenir nostredit don et qu'il soit pourveu dudit estât de conseillier ordinaire, quant il escherra vacant; et à ceste cause escripvons présentement devers vous et vous requérons que, ledit cas advenant, vous en pourvéez nostredit greffier, et luy en faictes despechier noz lettres patentes en forme deue. Car nostre plaisir est tel. A tant, très chière et très amée fille, nostre Seigneur soit garde de vous.

Donné en nostre cité d'Ausbourg, le xxme jour d'avril, l'an mil vc et dix après Pasques. Per Regem. — Plus bas , Renner.

Provision d'échevin du Franc de Bruges pour Gillebert de Verra ou Varax. — ( Original. )

(Augsbourg, le 23 avril.)

Très chière et très amée fille, pour les bons et agréables services qu'entendons que nostre très chier et bien amé Gillebert de Verra, vostre écuier pannetièr et Katherine de Marke , sa compaigne , vostre femme de chambre, vous ont de long temps fait et font

ET DE MARGUERITE SA FILLE. — 1510. 259 encoires journellement autour de vostre personne, dont désirons bien aucunement les récompenser, afin de tant plus les incliner à vostre service , nous vous requérons que , sans actendre sur ce autre commandement ou ordonnance de nous , vous pourvéez ledit Gillebert du premier eschevinage de Franc après la provision de Jacquet le Sellier, nostre fourier, et de Marnix, ausquelz avons promis les deux premiers eschevinaiges dudit Franc qui vacqueront prochainement, comme nagaires vous avons escript. Très chière et très amée fille, nostre Seigneur soit garde de vous. Escript en nostre cité impériale d'Ausbourg, le xxme jour d'avril xvc dix. Per Regem. — Plus bas, Renner.

P. S. Audiencier ou nostre secrétaire sur ce requis , despeschez lettres patentes de commission de Testât et office de eschevin du Franc, qui est naguère escheu vacquant par le trespas de feu Martin au prouffit Gille-

bert de Varax ou d'autre tel qu'il vouldra dénommer en son lieu , ensuivant le bon plésir de l'Empereur, mon seigneur et père , à nous signiffié par cestes.

Fait à Malines , le xxvie de janvier xve et xn.

Marguerite.

Il l'invite à continuer au maréchal de Vergy les gages et la pension qu'il touchait avant que le comté de Bourgogne fût remis aux mains de Marguerite. Il désire aussi que le parlement de Dole communique audit seigneur de Vergy les dépèches et autres pièces importantes , afin d'y pourvoir de concert avec lui.

— ( Original. )

( Augsbourg, le 24 avril.)

Très chière et très amée fille, nostre amé et féal cousin , le seigneur de Vergy , nous a présentement

fait remonstré comme vous luy avez fait restrancher et amoindrir les gaiges que luy avions ordonné pour son estât de marischal de Bourgoingne, de la somme de vinc livres par an; jasoit que, en vous rendant es mains nostredit conté, nous eussiez accordé l'entretenir en sondit estât, selon que luy avions baillié ce que Juy avons autreffois signifié. Parquoy et que avons ledit seigneur de Vergy en singulière recommandation , eu faveur des bons services qu'il nous a par cidevant faiz et fait encoires journellement , nous vous requérons que, en ensuivant ce que dit est, et en faveur de nous, vous le vueillez entretenir es gaiges et pension qu'il avoit de nous, à cause dudit estât de marischal et l'avoir aussi pour recommandé.

Aussi mander à ceulx de vostre parlement à Dole et autres voz officiers oudit conté de lui communiquer et mectre en avant toutes despesches et matières qui concerneront le bien dudit conté pour, comme marischal du pays, à ce les assister et y pourveoir par ensamble, comme la nécessité le requerra. Car nous le congnoissons pour ce faire estre saige et bien expérimenté avec ce qu'il touche à l'auctorité de sondit estât; et si ne faisons doubte que n'en soyez bien servye. A tant, très chière et très amée fille , nostre Seigneur soit garde de vous.

Donné en nostre cité d'Ausbourg, le xxime jour d'avril, l'an mil vc et dix. Per Regem. — Plus bas, Renner.

Il mande à sa fille el aux gens de ses finances de faire payer au maréchal de Vergy le don qu'il lui a fait de la somme encore due par le trésorier de Vesoul ; et ce , pour l'indemniser de la diminution de ses gages comme maréchal de Bourgogne , comme aussi pour aider son fils Guillaume à s'équiper. — « (Original. )

(Augsbourg, le 24 avril. )

DE PAR L'EMPEREUR

Très chière et très amée fille, et très chiers et féaulx ; nous avons despiéça accordé au seigneur de Vergy le don de ce que le trésorier de Vesoul, Jehan du Chasne, seroit trouvé redevable envers nous; et pour ce que entendons, ledit trésorier avoir rendu ses comptes, à la sollicitation de nostredit cousin et en ensuivant nostredite promesse , mesmement en faveur et récompence de ce que vous, nostredite fille, lui avez fait restrancher ses gaiges de son estât de marischal de Bourgoingne , comme aussi pour accoustrer et mettre empoint Guillamme de Vergy, son filz, pour aller ou service de nostre très chier et très amé filz , l'archiduc Charles, prince d'Espaigne, à cette cause, vous requérons et néantmoins ordonnons à vous de noz finances que à ce vous ne luy mectez aucun empeschement , mais le faictes joyr de nostredit don, en mandant pour ce audit trésorier de Vesoul de non y mettre aucune difficulté. En quoy faisant, vous nous ferez chose bien agréable. A tant, très chière et très amée fille, et très chiers et féaulx, nostre Seigneur soit garde de vous.

Donné en nostre cité d'Ausbourg , le xxime jour d'avril, l'an xvc et dix. Per Regcm. — Plus bas, Renner.

Il lui recommande de ne pas souffrir qu'Antoine de Vergy, archevêque de Besançon , soit troublé et inquiété , contrairement aux privilèges de son église. — {Original.)

(Augsbourg, le 24 avril.)

Très chière et très amée fille, de la part de très révérend père en Dieu, nostre amé et féal cousin, messire Anthoine de Vergy, arcevesque de Besançon, nous a esté remonstré comment voz officiers ou conté de Bourgoingne entreprendent contre luy et son évesché en choses dont ses prédécesseurs arcevesques ont accoustumé de joyr, passé a deux cens ans, sans qu'il soit mémoire du contraire , comme il appert plus à plain par beaulx tiltres et enseignements qu'il en dit avoir, nous requérant le vouloir maintenir et garder en ses droiz et joyssances comme prince d'empire et nostre féal, et à celle cause vous en escripre. Parquoy, très chière et très amée fille , et que , en tel cas , sommes tenuz pour nostre devoir et acquit , soustenir et maintenir ledit arcevesque en tous sesdis droiz et bonnes joyssances mouvans de nostre régalie dudit archevesché, escripvons devers vous et vous requérons que ordonnez et commandez expressément à vosdits officiers oudit conté de Bourgoingne de non se aucunement avancer d'emprendre ou faire aucune chose contre les droiz et joyssances de nostredit cousin , archevesque dudit Besançon, au contraire des libertés et préviléges qu'il a de nous et noz prédécesseurs empereurs et contes de Bourgoingne, et que si desjà ilz y ont fait quelque chose, qu'ils le remectent en son premier estât et accoustumé,

ET DE MARGUERITE SA FILLE. — . 1510. 263 jusques à ce qu'il soit congneu et décidé où il appartient de ce que vosdits officiers prétendent et soutiennent au contraire. A tant, très chière et très amée fille, nostre Seigneur soit garde de vous.

Donné en nostre cité d'Ausbourg, le xxime jour d'avril, l'an mil vc et dix. Vostre bon père Maxi. — Plus bas , Renner.

Il lui envoie des députés à l'effet de conduire à bonne fin l'affaire du comte Félix de Verdemberg. — ( Original. )

( Augsbourg, le 27 avril.)

Très chière et très amée fille, nous avons donné charge à noz amés et féaulx chevaliers et conseilliez , messires Jehan de la Maison et Jehan Bontemps , seigneur de Salans , de vous dire et déclairer aucunes choses de nostre part touchant nostre cousin, le conte Félix de Werdemberg , et vous requérons les croire de ce qu'ilz vous en diront de par nous, et en ce faire de sorte qu'il soit mis une fin en cest affaire. En quoy faisant, vous nous ferez plaisir bien agréable. A tant, très chière et très amée fille , nostre Seigneur soit garde de vous.

Donné en nostre cité d'Ausbourg, le xxvne jour d'avril, l'an mil vc et dix. Per Regem. — Plus bas, Renner.

11 lui mande qu'il a réuni trente-quatre à trente-six mille hommes -pour marcher contre les Vénitiens. Aide des princes de l'Empire. Recommandation pour les enfants du feu roi Philippe. Collation d'une prébende de Soignies et d'une autre de Béthune. — (Original.)

(Augsbourg, le 14 mai.)

Très chière et très amée fille, depuis les lettres que vous avons dernièrement escriptes touchant nos nouvelles , nous avons rassemblé , tant par l'ayde de nos pays d'Austriche et de Thirol, que de nostre frère le roy de France, environ le nombre de xxxiiii à xxxvim hommes de guerre, pour eulx mettre aux champs contre les Vénissiens et croyons qu'ils y soient desjà de ceste heure.

Et d'autre part, les princes et gens des estaz de nostre saint-empire icy assemblez nous ont fait la tauxe de l'ayde qu'ilz nous ont accordé, laquelle est bonne et de longue durée , et nous préparons et délibérons de à tout icelle ayde aussi nous tirer en personne contre lesdits Vénissiens.

Et si aucune chose nous survient qu'il requière de vous en advertir, nous le vous ferons adez sçavoir, vous requérant vouloir tousjours avoir bonne et soingneuse garde de nos très chiers et très amez enffans par delà, et vous employer aus affaires qui vous y surviendront au mieulx que pourrez.

Vous nous avez adverty par une voz lettres de la provision qu'avez faicte, au frère de vostre secrétaire Mai-

ET DE MARGUERITE SA FILLE. — 1510. 265 nix, d'une chanoinie de Soignyes, ensuivant les lettres que pour ce vous en avyons escriptes, et aussi d'une autre chanoinie de Béthune, soubz nostre bon plaisir, au prouffit d'un chantre de nostre filz l'archiduc Charles, dont desdites provisions audit cas sommes bien contens.

Au regard de l'envoy en Angleterre, nous y envoyerons nous mesmes un g de nos serviteurs de par deçà, par lequel nous vous ferons advertir de sa charge, ensemble de nostre intention sur icelles. A tant, très chière et très amée fille, nostre Seigneur soit garde de vous.

Escript en nostre cité d'Ausbourg, le xime de mai, l'an xvc et dix. Vostre bon père, Maximilien. — Plus bas, Renner.

L'Empereur mande à Marguerite et aux gens de ses finances de fournir à Guillaume de Roghendorff les fonds nécessaires pour se rendre auprès de l'Empereur. *~ ( Original. )

(Augsbourg, Je 16 mai.)

DE PAR L'EMPEREUR

Très chière et très amée fille, et très chiers et féaulx, pour ce que avons affaire par deçà du service de nostre amé et féal conseillier, Guillamme, seigneur de Roghendorff, nous le mandons présentement de incontinent venir devers nous, et à ceste cause désirons et vous requérons bien a certes que luy vueilliez faire avancer par delà quelques deniers dont il se puisse deslogier à tous ses grans chevaulx pour venir par deçà

en nostre service, et à ce l'avoir pour recommandé, que sondit vouaige ne soit par faulte d'argent retardé. En quoy faisant, vous nous ferez chose agréable. A tant, très chière et très amée fille, et très chiers et féaulx ; nostre Seigneur soit garde de vous.

Donné en nostre cité d'Ausbourg, le xvie jour de may, l'an mil vc et dix. Per Regem. — - Plus bas, Renner.

L'Empereur accorde au fils du greffier de l'ordre une prébende vacante en l'église de Lens. — {Copie.)

(Augsbourg, le 18 mai.)

Très chière et très amée fille, sur ce que nous avez escript et requiz vouloir donner à l'ung des enfïans du greffier de nostre ordre * la prébende en nostre ville de Lens en Artois, présentement vacant par le trespaz de maistre Ysambert d'Arout, vous avertissons que pour les causes contenues en vosdites lettres, donnons et accordons audit greffier pour l'ung de ses enffans ladite prébende de Lens dont lui ferez expédier noz lettres de collation pertinentes, et tel est nostre plaisir.

Donné en nostre cité d'Ausbourg, le xvme jour de may, l'an xvc et dix. Per Regem. — Plus bas, Hannart.

' Laurent du Blioul, chevalier, seigneur de Sart, élu greffier de l'ordre de la Toison d'or en 1496, mort en i54*2.

Dispositions d'hostilités contre les Vénitiens. Office de maîtred'hôtel du prince Charles , exercé alternativement par Philippe Dalle et Pierre de Loquinghien. Prébende de Gertruyt-Roede, près Bois-le-Duc , conférée à l'organiste de la chapelle du prince Charles. — ( Original. )

( Augsbourg, le 21 mai.)

Très chière et très amée fille, vous nous escripvez par une de voz lettres du ne de ce présent mois, entre autres choses du désir que avez que apprestons nostre armée pour marchier contre nos ennemys , affin que nostre frère le roy de France ne s'en excuse sur nous et que souvent vous vueillons advertir de noz nouvelles.

Surquoy , quant à l'aprest de noz gens de guerre et de noz nouvelles, nous vous en avons adverty dernièrement par noz lettres bien et au long , et d'abondant vous advertissons que avons nouvelles certaines que noz gens de guerre qui estoient à Véronne et ceulx de nostredit frère le roy de France sont à présent aux champs contre nosdits ennemys; aussi que noz gens d'armes d' Austriclie sont toutz prestz à marchier avant contre lesditz ennemys du quartier de Friole et sommes bien délibéré de tenir la main en ceste affaire que par nostre faulte riens ne demeurera à faire.

Semblablement, de la provision à maistre-d'ostel de nostre filz Charles ou lieu de Charles de Latre pour aucuns personnaiges y dénommez, dont aussy vous avons naguères adverty que nostre intencion estoit, comme en ce est que noz amez et féaulx escuiers, Philippe Dalle et Pierre de Loquinghien , fussent commis

en icelluy estât, pour l'avoir et desservir par demi an, l'un à Tencontre de l'autre. Et désirons que, selon ce, leur en faictes despeschier les très patentes à ce pertinentes, se desjà fait ne l'avez.

Et par autres voz lettres du ve de cedit mois, vous et nostredit filz Charles nous recommandez maistre Henry , organiste de la chappelle d' icelluy nostre iilz, à une prébende vacquer à Sainte-Getruyt-Roede lez nostre ville de Bois-le-Duc. Surquoy vous advertissons que pour les causes au long contenues en vosdites lettres , sommes bien content que , le cas advenant de la vacation d'icelles prébende, vous en pourvéez ledit maistre Henry. A tant, très chière et très amée fille, nostre Seigneur soit garde de vous.

Escript en nostre cité d'Ausbourg, le xxie jour de may, l'an xvc dix. Per Regem. — Plus bas, Renner.

Il lui adresse ses rectifications au traité à conclure avec l'évêque d'Utrecht contre le duc de Gueldre; il l'entretient de ce qu'il y aura à faire pour mener à bonne fin la guerre contre ce dernier. — ( Original. )

(Augsbourg, le 21 mai.)

Très chière et très amée fille, nostre très chier et très amé cousin, l'évesque d'Utrecht, nous a présentement fait remonstré le contenu de certains articles que luy avez envoyé sur le fait de l'aliance d'entre nous , nostre filz Charles et noz pays de par delà et icellui nostredit cousin et ses pays d'Utrecht, par lesquelz articles nous entendons, entre autres choses, comment luy mectez en avant de prendre avec luy et sesdits pays,

ET DE MARGUERITE SA FILLE. —1510. 269 ou nom de nous nostredit fîlz Charles, et nosdits pays de par delà, une bonne et amiable aliance pour le temps et terme de six moys à commancier au premier jour de ce présent mois, et que chacune partie sera tenu de aidier et assister l'un l'autre , cedit temps pendant, à tout cinq cens chevaulx et mil piétons, lesquelz ils entretiendroient et payeroient chacun à leurs despens durant lesdits six mois.

De quoy icellui nostredit cousin d'Utrecht soustient qu'il seroit tropchargié; car s'il luy convenoit entretenir à ses despens autant de gens que nostredit fîlz et sesditspays deveroient entretenir, il luy semble que ce ne seroit pas chose raisonnable pour ce qu'il, ne sesdits pays , ne sont à beaucop prez si puissans que nostredit fîlz et sesdits pays, et nous a fait requerre de le vouloir sur ce pourveoir d'autres meilleurs moyens.

Pourquoy nous , ce considéré , et mesmement que le nombre des gens dessusdits ne seroit assez soumsant pour povoir faire quelque bon exploict et exécution de guerre contre ledit messire Charles, escripvons présentement devers vous, et vous avertissons que désirons et voulons que vous, ensemble ceulx de nostre conseil privé de par delà, concluez et mectez à fin ceste matière avec nostredit cousin d'Utrecht ou ses commis, auquel avons mandé pour ce les renvoyer d'envers vous, à sçavoir que, ou nom dessusdit et de nosdits pays de par delà, lesdits vc chevaux et mil piétons seront par vous entretenuz comme dit est, et que, oultre ce, nous entretiendrons avec eulx de noz propres deniers mil piétons et trois cents chevaulx, desquelz nostre cousin le marquis Philippe de Baden aura charge de cinquante desdits chevaulx et de mil piétons et le conte de Zoom

des autres 11e et l chevaulx, lesquelz nous envoyerons par delà, incontinent que ladite aliance sera laicte et que en serons advertis. Et que au demeurant icellui nostre cousin d'Utrecht et sesdits pays entretienne pour leur part xvc piétons et vc chevaulx, et le surplus desdits articles se face ainsi que lui avez présenté.

Et en faisant ce que dit est, nous semble que d'iceulx gens de guerre l'on pourra bien garder noz pays de par delà ceulx d'Ustrecht dudit Utrecht et deffendre qu'ilz ne seront point adommaigiez de messire Charles de Gheldres et aussi tenir le Rin ouvert.

Avec ce nous semble encoires estre le plus expédient que par lesdits gens de guerre qui ne seront point nécessaires pour garder et deffendre les frontières desdits pays dessusdits l'on face faire et tenir ung belouwart devant la ville de Waggheminghen et asségier icelle ville du cousté oultre le Rin nommé Lee, comme autreffois avons avisé et en sorte que l'on la puisse gaignier ou effamer et tout ledit pays dessusdit.

Laquelle alliance dessusdite nous avons à cueur et désirons, tant affin que nostredit cousin d'Utrecht et sesdits pays ne puisse avoir occasion d'appoinctier avec ledit messire Charles, sans nostre sceu et consentement, que pour une foys mectre une fin à la maulvaise voulenté dudit messire Charles, que à présent l'on peult mieulx joindre à raison que jamais, et aussi pour mectre nosdits pays de par delà en bonne paix; car autrement nous n'en sçaurons venir à boult.

Et d'abondant, incontinent que ladite aliance sera conclute, nous sommes bien content de vous envoyer par delà nostre cousin le sieur de Reux, à tout sa compaignie et celle de Belle-Ferrière, et le vous envoyerons,

ET DE MARGUERITE SA FILLE. — 1510. 271 loutesfois que vous le ferez payer et ses gens de ce qu'il leur est cleu du temps passé, et que leur ferez avoir quelque argent pour faire leur clespens en retournant par delà. Et alors vous pourrez prendre et entretenir ledit seigneur de Reux à tous sesdits gens dessusdits, ou lieu desdits vc chevaulx que entretiendrez et luy ferez furnir icelluy nombre. A tant, très chière et très amée fille, nostre Seigneur soit garde de vous.

Escript en nostre cité d'Ausbourg, le xxie jour de may xvc et dix. Vostre bon père Maxi. — Plus bas, Renner.