MARGUERITE A MAXIMILIEN

Elle recommande à l'Empereur Jehan de Hornes , médecin de l'archiduc. — (Minute.)

(Malines, le 24 janvier.)

Mon très redoubté seigneur et père , très humblement a vostre bonne grâce me recommande.

Monseigneur, maistre Jehan de Hornes, médecin ordinaire de monsieur mon nepveur, homme ecclésiastique, s'en va présentemant avec ces seigneurs par devers vous , soubz espoir de povoir obtenir quelque bonne provision de bénéfice, dont de mieulx il se puist entretenir au service de mondit seigneur et nepveur, et pour ce, monsieur, que lui et les siens ont bien et longuement servy, ainsi qu'il vous dira. Je vous supplie qu'il vous plaise l'avoir en bonne et espéciale recommandation et vous me ferez honneur et plésir.

Mon très redoubté seigneur et père, je prie à tant nostre Seigneur vous donner bonne vye et longue.

Escript à Malines, ce xxiiii0 de janvier, anno xvc et dix.