MARGUERITE A MAXIMILIEN
Elle recommande à son père les enfants de feu messire Bauduin le B — , son parent. — {Minute.)
(Malines, le 28 décembre.)
Mon très redoubté seigneur et père, très humblement à vostre bonne grâce me recommande.
Monseigneur, les enffans de feu messire Bauduin le B., mon cousin, m'ont remonstré comment ilz ont estez par delà les mons en vostre service, et deppuis s'en sont par vostre ordonnance revenuz par deçà , me requérans à ceste cause vous en escripre en leur faveur. Et pour ce, monseigneur, que lesdits enffans sont josnes et en estât pour bien servir, aussi que le plus josne d'eulx a habandonné la court de France pour venir servir la maison de céans , de laquelle ilz sont issuz, comme sçavez , vous prie les avoir pour recommandez en quelque estât à eulx convenable devers mon seigneur et nepveur ; et sur ce me mander vostre bon vouloir et plésir pour selon icelluy me régler et conduyre.
Mon très redoubté seigneur et père , je prye à tant nostre Seigneur vous donner bonne vye et longue.
Escript à Malines, ce xxvine de décembre, anno xvc dix.
Mariage projeté du duc de Lorraine , qui ne pourra envoyer ses ambassadeurs que dans le délai d'un mois. — ( Original. )
(Fribourg, le 30 décembre.)
Très chière et très amée fille, nostre cousin, le duc de Lorrainne , a icy envoyé devers nous son secrétaire par lequel il fait traictier avec nous les choses touchant le fait du mariai ge que sçavez % parquoy devant ung mois nostredit cousin ne pourra envoyer par delà ses ambassadeurs, comme le tout plus à plain entendrez par noz conseilliers que envoyerons brief devers vous; et vous requérons que de ce tenez pour excusé nostredit cousin. A tant, très chière et très amée fille, nostre Seigneur soit garde de vous.
Donné en nostre ville de Fribourg, le pénultième jour de décembre , l'an mil vc et dix. Per Regem. — Plus bas , Renner.
Il lui recommande de ne rien statuer sur les nouvelles difficultés de
l'affaire de Gueldre, avant l'arrivée des conseillers qu'il lui
envoie. — ( Original. )
(Fribourg, le 30 décembre.)
Très chière et très amée fille , nous avons receu voz lestres du vne de ce présent mois , touchant le fait de Gheldres, lesquelles et les nouvelles charges et difficulté/, que les depputez de messire Charles de Gheldres
1 II s'agit sans doute du mariage du duc de Lorraine avec Léonor d'Autriche Voyez ci-après une lettre du 29 mai i5ii.
vous ont mises en avant nous avons entendues bien et au long, ensemble sur ce vostre advis et de ceulx de nostre conseil de par delà.
Sur quoy nous désirons et vous requérons que ne procédez ou traictez aucune chose plus avant sur ceste matière , mais remectez le tout jusques à la venue de noz conseilliez que nous envoyerons brief par delà , par lesquelz nous vous advertirons amplement de nostre intencion sur ladite matière. A tant, très chière et très amée fille, nostre Seigneur soit garde de vous.
Escript en nostre ville de Fribourg, le pénultième jour de décembre, l'an xvc dix. Vostre bon père Maximilien. — Plus bas, Renner.
Il lui mande qu'il a renouvelé la ligue et les traités contre les Vénitiens avec le roi de France et le roi d'Aragon. Il compte aussi engager le pape dans cette même ligue. Il veut pousser la guerre avec vigueur et demande de l'argent. — < ( Original.)
(Fribourg, le 31 décembre.)
Très chière et très amée fille, vous povez assez avoir entendu la renovacion et revalidicion des confédéracions et amitiez qui a esté naguères faite et conclud à Bloiz entre nous et nostre bon frère et cousin , le roy de France , et mesmement la bonne et grande assistence que par icelle nous a promis faire nostredit frère en nostre commune guerre contre les Véniciens , jusques à tant que aurons d'eulx recouvré les pays et seigneuries que nous appartiennent. Est aussi conclud que nous deux en propres personnes devons tirer ce prouchain esté à ladite guerre.
Nous tenons vous avoir pieçà signiffié que le roy de Hungherie s'est mis en nostre ligne, et que à ce printemps, il doit emprendre à recouvrer le royaume de Dalmacie.
Le roy d'Arragon nous a de nouveau accordé ba illier à nostre assistence pour ladite guerre , cinq cens lances et nm piétons.
Nous sommes en praticque et espoir que le pape se remettera en nostredite ligne et nous fera aussi ayde et assistence.
Par icelle renovacion est dit et spéciffié que ledit roy de France nous doit baillier et entretenir à nostre assistence aux champs xnc lances et xm hommes à pied , tous gens d'armes à l'eslite; et que de nostre costé devons aussi avoir et tenir aux champs x n hommes à piet et iiiim combatans à cheval pour nostredite commune guerre, à l'exécution de laquelle sommez délibérez nous tellement employer, au moyen de l'ayde et assistence de nosditz allyez et bons subgectz, que espérons en Dieu venir à chief de nostre emprinse contre lesdits Véneciens, au bien, gloire et louenge de nous et de nostre postérité. Ensievant quoy, nous est besoing de bonne heure pourveoir à nostredite affaire; ce que toutes voies ne povons bonnement faire , comme povez mesmes congnoistre, sans l'ayde de nos bons et léaulx subgetz au bien desquelz nostre prospérité et bonne yssue d'icelui nostre affaire tout redunde.
Noz subgetz d'Austrice, Styer, Karinte, Crain et Tirol, nous ont tousiours fait en icelle guerre très bonne ayde et assistence, et aincores sont délibérez y continuer.
Vous savez aussi l'accord que les Estaz de l'empire
nous ont fait l'année passée, et espérons qu'ilz nous
tiendront promesse.
Mais aincores, considéré la grandeur de nostredite affaire, nous est nécessaire ceste foiz estre subvenuz généralement de tous nosdits bons subgetz, tant de par delà que de par deçà. A ceste cause voulons et vous requérons très affectueusement, et acertes que veulliez tellement faire et vous employer par tous moyens , de nous envoyer en deniers comptans pour subvenir à nosdits grans affaires, la somme de cinquante mil livres de xl gros des deniers de noz domaine et aydes de par delà, par les contes de Nassou, sires de Chierves, noz cousins de Berghes, et nostre trésorier général, messire Rolant le Fèvre, ausquelz présentement escripvons et ordonnons venir par ensemble vers nous, et eulx employer et faire tout leur possible avec vous pour fîner et nous apporter lesdites Lm livres, en les advisant qu'ilz entendront sur ce et autres choses nostre intencion plus à plain de vous.
Pourquoy les convocquerez incontinent vers vous et leur déclarerez ce que dessus, avec ordonnance et instante requeste de nostre part d'eulx employer et trouver façon et moyen de nous apporter en leurdite prouchaine venue iceulx Lm livres; et s'il ne se povoit si hastivement recouvrer toute ladite entière somme, que pour le moins ils nous en apportent la plus grand partie, et que soit tant fait que la reste nous soit tantost aprez envoyée et furnye.
Et si tost que lesdits seigneurs seront prest à partir à tout ledit argent, nous en advertissiez à dilligence, et nous leur signifierons le chemin qu'ilz devront tenir et où ilz nous pourront trouver.
Vous donnerez cherge et instruction à iceulx seigneurs de toutes choses, matières et affaires qui touchent nosdits pays de par delà , à quoy il est besoing mettre ordre, pollice et provision.
Pareillement leur donnerez cherge et déclaracion de la disposition de la matière de Gheldres des difficultez qui se trouvent sur le traitter d'icelle et vostre adviz sur le tout; car nous sommes résolu d'y mettre une bonne et totale fin.
Faites-nous aussi savoir par lesdits seigneurs , ce qui a esté fait et besoingnié touchant les cincquante mil livres que demandons, nostre vye durant, de nosdits pays de par delà , dont nous vous avons par pluiseurs foiz escript, et que sur ce ilz nous apportent une bonne résolution.
Nous vous requérons de rechief que, à l'adresse et effect de ce que dit est dessus , vous employez et faites comme en vous en avons la fiance, et vous nous ferez ung fort agréable service et plaisir. A tant , très chière et très amée fille, nostre Seigneur vous ait en sa garde.
Donné en nostre ville de Fribourg en Brisco, le dernier jour de décembre xvc x.
P. S. Ma bonne fylle , faetes en ceste matère cumme avons confidence en vous , per manum propriam.
Maxi. — Plus bas, Hannart.
L'Empereur ordonne de publier dans les Pays-Bas le traité conclu
récemment à Blois entre lui et le roi de France. Il ordonne que
le président de Bourgogne soit payé de manière qu'il n'ait plus à
se plaindre. — ( Original. )
(Fribourg, le dernier décembre.)
Très chière et très amée fille , nous voulons et vous ordonnons que faictes publyer, par tous les lieux et ainsi qu'il est acoustumé, le traictié, renovacion et revalidacion nagaires fait et conclud à Bloiz ', entre nous et nostre bon frère et cousin, le roy de France, lequel vous a esté porté par nostre aîné et féal conseillier, maistre Jehan Caulier; et dudit traictié nous envoyez ung double ou vidimus auctenticque es mains de nostre amé et féal secrétaire , maistre Jacques de Banissis, et après faictes mectre et garder l'original d'icelluy traictié en la trésorie denoz chartres où sont les autres et semblables traictiez. Pour ce que entendons le président de Bourgoingne, nostre ambassadeur par devers nostre frère et cousin , le roy d'Arragon, soy condouloir de sobre appoinctement et payement pour son entretenement en ladite ambassade , et à ceste occasion contend à retourner, nous , désirans estre encoires servy de luy en icelle légacion et ambassade, vous requérons et néantmoings ordonnons le faire tellement traictier, appoinctier et payer qu'il s'y puist honnestement entretenir, et n'ayt cause de soy plus condouloir.
' Ce traité, pour la ratification et prorogation de celui de Cambrai, de i5o8, a été signé à Blois, le 17 novembre i5io. Il est inséré dans le Corps diplomatique de Dnmont, IV, re part., 10.1.
ET DE MARGUERITE SA FILLE. — 1510. 367 Nous voulons aussi que faciez tousjours entretenir
les postes depuis vous jusques en court de France. A
tant, très cliière et très amée fille, nostre Seigneur vous
ayt en sa garde.
Donné en nostre ville de Fribourg, le derrenier
jour de décembre xvc dix. Per Regem. — Plus bas ,
Hannart.
Il lui annonce l'état maladif de l'impératrice. Il désire avoir pour elle une consultation des plus doctes médecins des Pays-Bas. ■ — ( Original. )
( Fribourg, le dernier décembre. )
Très cliière et très amée fille , nous vous avertissons que nostre compaigne, la royne, vostre belle-mère, a desja esté par aucun temps toute maladieuze et traveillié d'ung excez de fièvre , lequel tire sur l'éticque ; elle ne désire que tousjours boire et riens mengier : parquoy elle commenche à chergier Feauwe. Nous vous requérons que faites secrètement convenir avec voz médecins , deux ou trois des plus doctz médecins qui sont par delà ou à Louvain , et leur faire tenir une consultacion pour le moyen du remède de ceste maladie; et ce qu'ilz trouveront pour conseil et adviz le nous envoyez par escript en extrême dilligence, et vous nous ferez plaisir. A tant, très cliière et très amée fille, nostre Seigneur vous ait en sa garde.
Escript en nostre ville de Fribourg en Brisco, le derrenier jour de décembre xvc x. Vostre bon père Maxi. — Plus bas, Hannart.
L'Empereur demande l'arbre généalogique des rois d'Espagne et celui des rois d'Angleterre. Il désire aussi une histoire d'Espagne intitulée la Valeriana.
( Fribourg , le dernier de'cembre. )
Très chière et très amée fille, comme vous avons desjà escript, nous désirons et voulons que nous envoyez incontinent l'abre de la généalogie des roys d'Espaigne, lequel se trouvera devers ung marchant tapissier de Bruxelles qui a cherge de faire de la tapisserie pour le roy d'Arragon de ladite généalogie; pareillement nous envoyez la généalogie des roys d'Engleterre qui se trouvera en la maison du sieur de Berghes audit Berghes.
Nous escripvons présentement à nostre secrétaire, maistre Pierre Ximaines , pour ung livre des histoires d'Espaigne imprimé, appelle la Valeriana \ que l'on dit qu'il a; et si d'aventure il ne l'avoit, nous luy ordonnons faire dilligence d'en recouvrer ung et le nous envoyer par les postes ; nous voulons que luy ordonnez aussi faire ladite dilligence , et baillier autant d'argent qu'il fauldra pour l'achat d'icelui livre, et n'y faictes faulte; car tel est nostre plaisir.
Donné en nostre ville de Fribourg en Brisco, le dernier jour de décembre xvc dix. Per Regem. — Plus bas , Hannart.
' Sans doute la Cronica de Espana abreviada, por Diego de Paiera, imprimée plusieurs fois dans le xv» siècle.
L'Empereur évoque à lui la décision à prendre sur la convocation d'un concile demandé par les cardinaux. — {Original.)
( Fribourg , le 6 janvier. )
Très chière et très amée fille, nous avons receu voz lettres par lesquelles nous advertissez comment six cardinaulx tous ont escript et requis de vouloir escripre à nostre saint Père de mectre sus ung consille, nous requérant vous mander sur ce nostre advis, et comment vous leur devez faire responce.
Sur quoy vous signifiions que désirons que remectez la matière à nous pour la poursuyr devers nous; car ces choses appartiennent à nous, comme tuteur et mainbour de nostre filz l'archiduc Charles. A tant, très chière et très amée fille, nostre Seigneur soit garde de vous.
Donné en nostre ville de Fribourg, le vie jour de janvier, l'an mil vc et dix. Per Regem. — Plus bas , Renner.
Il lui mande de recevoir et entretenir parmi ceux de l'hôtel de l'archiduc Charles , le fils de Jacques d'Albion , ambassadeur du roi d'Aragon auprès du roi de France. — ( Original. )
(Bolzanne, le 10 janvier. )
Très chière et très amée fille , à la prière et requeste du senor Jacques d'Albion, présentement ambassadeur de nostre frère et cousin, le roy d'Arragon, pardevers i. 24
370 LETTRES DE MAXTMILIEN
nostre bon frère et cousin, le roy de France, pour traitté l'accord d'entre nous et nostre frère, le roy d'Arragon, au fait du gouvernement du royaume de Castille , nous lui avons accordé prendre et retenir son fîlz de l'ostel de nostre très chier et très amé filz l'archiduc; ce que vous signifiions et requérons que quant icelluy son filz viendra de par delà que le faictes mettre et couchier en Testât de l'ostel de nostredit lilz à tels gaiges que ceulx qui sont des quatre estaz de sondit ostel. Et tel est nostre plaisir, très chière et très amée fille, nostre Seigneur vous ait en sa garde.
Escript en nostre ville de Bolzaenne ', le xe jour de janvier xvc x. Per Regem. — Contresigné Botechou.
Il la remercie du retard des joules qui doivent se faire à Bruxelles, Il annonce sa prochaine arrivée en cette ville. — {Original.)
(Le 13 janvier. )
Très chière et très amée fille, nous avons a. ceste heure par le porteur de cestes receu voz lettres par lesquelles nous avertissez des joustes qui se doivent faire en nostre ville de Bruxelles, et du délay que y avez fait mectre pour les causes contenues en vosdites lettres; dont vous mercions, vous advisant que nous entendons estre audit Bruxelles mercredy prochain , et désirons que pour nous acompaignier nous envoyez voz archives, et qu'ilz soient icy lundy au soir. Et quant
• Il paraît que l'Empereur datait suivant le style du pays où il se trouvait; de sorte que cette lettre-ci pourrait bien être du io janvier i5op, style de Rome. Cette remarque s'applique à d'autres lettres que nous ne signalons pas.
ET DE MARGUERITE SA FILLE. — 1510. 371 aux jousteurs, s'ilz veullent faire leursdites joustes jeudy par tout le jour, nous les verrons voulentiers, et s'ilz povoient suractendre jusques au dimence après ensuivant, ilz auroient plus largement jousteurs pour leur donner du passe-temps ; remectant néantmoins le choix de l'un desdits deux jours à leur arbitraige. A tant, très chière et très amée fille, nostre Seigneur soit garde de vous.
Donné en nostre ville de Bruxelles ', le xme jour de janvier. Vostre bon père Maxi. — Plus bas , Haneton.
Il l'invite à payer à Simon de Ferrette et au capitaine Audrelin les sommes qui leur étaient assignées sur le comté de Bourgogne, avant que ce comté fût échu à Marguerite. — {Original.)
(Fribourg, le 15 janvier.)
Très chière et très amée fille, avant le transport et bâillement que vous avons fait de nostre conté de Bourgogne, avions baillié certaine assignation et lettres de descherge a messire Simon de Ferrette et le capitaine Audrelin sur Jacques Luc, nostre trésorier de Salins, de la somme d'environ inm 1. de x gros, procédans à cause de semblable somme qu'ils avoient prestée. Lequel Jacques dit que, après que ladite conté avoir esté en voz mains , ne luy a par vous volu estre passé ne couchié en son estât ladite assignation. Par quoy lesdits de Ferrette et Audrelin sont demourez impayez et
1 C'est sans doute par erreur que cette lettre est datée de Bruxelles, puisque l'Empereur déclare ne pouvoir y arriver que sous quelques jours.
en sommes journellement fort poursievy et traveillié, Toutesvoyes vous savez assez que entendions toutes assignations faictes et bailliés avant ledit transport dévoient avoir lieu et sortir effect. Et désira ns contenter et satisfaire les dessusdits de Ferrette et Audrelin et estre deschergié des importunes poursuytes que l'en nous en fait , vous requérons fort affectueusement et acertes nous vouloir donner et baillier les mm frans que vous sont nagaires esté donnez et accordez par les estaz de nostredit pays de Bourgogne pour leur en faire payement et pour ce nous envoyer telles voz lettres qu'il vous semble que en aurons de besoing et meisment une commission sur Anthoine Glammet, nostre receveur général des aydes audit pays, à celle fin de recouvrer, lever et recevoir lesdit in!1 frans avec nostre ayde et nous ferez grand plaisir. Sur ce, nous escripvez une bonne et briefve response.
Donné en nostre ville de Fribourg en Brisco , le xvp jour de janvier xvcx. PerRegem. — Plus bas, Hannart.
P. S. Ayés ceste matère pour recommandé , per manum propriam.
11 lui mande d'envoyer sur-le-champ , dans le pays de Ferrette où il se trouve, le comte de Nassau , les sires de Chièvrcs et de Berghes , ainsi que le trésorier général. — ( Original. )
(Fribourg, le 17 janvier.)
Très chière et très amée fille , pour ce que nostre intencion est ne faire aucun long séjour en cestui nostre pays de Ferrette, voulons que faictes incontinent partir noz très chiers et féaulx les conte de Nassou,
ET DE MARGUERITE SA FILLE. — 1510. 373 sire de Chievres, noz cousins de Berghes et nostre trésorier général et haster leur venue vers nous le plus qu'il sera possible comme leur avons desjà mandé, à celle fin qu'ils nous puissent encoires trouver en nos tredit pays, sans y faire faulte. A tant, très chière et très amée fille, nostre Seigneur vous ait en sa garde. Donné en nostre ville de Fribourg en Brisco, le xvne jour de janvier xvc x. Vostre bon père Maximilien. — Plus bas, Hannart.
11 demande que ses écuyers et fauconniers lui soient envoyés avec leurs oiseaux. — ( Original)
(Fribourg, le 17 janvier.)
Très chière et très amée fille, pour ce que renvoyons par delà nostre amé et féal chevalier et grant faulconnier, messire Jehan van den Aa, nous escripvons présentement a noz amez et féaulx escuiers et faulconniers , le sieur de Herlaer , Aert van Meeghem et Colin de Lestre , qu'ilz viengnent incontinent devers nous avec leurs oyseaulx. Sy vous requérons que faictes payer et contenter ledit Aert de ce que lui peut estre deu à cause de sa pension, et lesdits sieur de Herlaer et Colin leur faire délivrer autant d'argent que besoing leur sera pour venir devers nous; et si les dessusdits ne peullent estre brief despesché , nous en vueilliez advertir. A tant, très chière et très amée fille, nostre Seigneur soit garde de vous.
Donné en nostre ville de Fribourg, le xvne jour de janvier, l'an mil vc et dix. Per Regem. — Plus bas, Renner.
Il lui recommande T pour être sergent d'armes massier de l'archiduc Charles, Gérart Stassart , ancien huissier de chambre de la reine de Castille; mais il ne veut pas que cet office soit exercé avant la majorité du prince. — ( Original. )
(Fribourg, le 19 janvier.)
Très chière et très amée fille, pour considéracion des bons et agréables services que Gérart Stassart a par cidevant et dès loings tamps fais à nostre très chière et très amée seur et belle fille, la royne donna Johanne de Castille , de laquelle il a esté son huissier de chambre, et que encoires journellement nous fait soubz révérend père en Dieu nostre très chier et féal conseiller, l'évêque de Gurck, veullans audit Gérart pour ces causes et mesment à la très instante prière et requeste dudit de Gurck , pourveoir de quelque estât à lui convenable, à l'en tour de nostre très chier et très amé filz, l'archiduc Charles, lui avons donné et accordé Testât de sergant d'armes machier de nostredit filz, pour en joyr quant icellui nostre filz sera hors de minorité; car nous ne voulons que durant icelle sa minorité, soit porté masse devant lui. Et d'icellui nostre don expectatif voulons incontinent lui faictes expédier noz lettres patentes , par vertu desquelles il soit dès maintenant pour lors couchié es papiers, registres et ordonnances de l'ostel de nostredit filz. Toutesvoyes , afïin que ledit Gérart ait quelque entretenement et provision, attendant qu'il poura exercer ledit office de machier, lui avons donné et accordé Testât de varletz servant devers noz filles, pour dès maintenant
ET DE MARGUERITE SA FILLE. — 1510. 375 les servir et estre tousjours compté par les escroes, à telz et semblables gaiges que ont les autres varletz servans, dont voulons et vous requérons très acertes que lefaictes mectre incontinent en joyssance et possession. A tant, très chière et très amée fille, nostre Seigneur soit garde de vous.
Donné en nostre ville de Fribourg, le xne jour de janvier, Tan mil vc et dix. Ainsi signé, Per Regem, et du secrétaire Hannart,
L'Empereur recommande à sa fille de veiller à ce que la seigneurie d'Usier, en Bourgogne , ne soit pas achetée par le comte de Dunois. — (Original.)
(Fribourg, le 21 janvier.)
Très chière et très amée fille, nous sommes adverty que le conte de Dunois et de Nieubourge , seigneur de Hanrez, est en train et terme d'acheter le chastel et seigneurie de Usier , en nostre conté de Bourgogne , que entendons estre très bonne et forte place et dont, en temps de guerre, ou si ceulx qui le tiennent vouloient maligner pourroient porter obsécrables maulx et dommaiges a nostredit pays. Ce considéré et que ledit de Dunoiz ne se tient du tout en nostre obéyssance et que peult estre il a quelque ymaginacion de, par ce moyen, cy-après après revenir à la place de Jou, voulons et vous requérons très acertes que incontinent ordonnez à nostre mareschal de nostredit pays de Bourgogne, vostre lieutenant des fiefs en icelluy, ne passer ladite vendicion et aliénacion dudit chastel de Usier au prouffit dudit de Dunois. Mais est nostre advis
376 LEÏTKES DE MAXIMILIEN
et conseil que vous meismes plustost faictes ledit achat ou le faire faire par quelque aultre nostre subgect, avant le laissier aller en tel main. Car nous entendons que pour trois ou quatre mille frans , il se pourroit faire. Sur ce vostre response. Et à tant, très chière et très amée fille, nostre Seigneur soit garde de vous.
Donnée en nostre ville de Fribourg en Brisco , le xxie jour de janvier xvc x. Per Rege?n9 Maxi.
