MARGUERITE A MAXIMILIEN

Elle recommande à l'Empereur Ector de Bruyelle , seigneur de la Hovardrie , pour une place de chambellan . — ( Original. )

(Malines, le 28 janvier.)

Mon très redoubté seigneur et père, le plus humblement que je puis à vostre bonne grâce me recommande.

Monseigneur, vous savez que, tost après le trespas du feu seigneur du Fresnoy , je vous escripvis en faveur de messire Ector de Bruyelle , chevalier , seigneur de la Hovardrye , ung de voz anchiens serviteurs , affin de le pourveoir d' estât de chambellan, pour servir devers monsieur mon neveu , comme il a fait autrefoiz devers vous : ce que à vostre derrain partement des pays de par deçà lui promistes faire ; soubz umbre de laquelle promesse , il est demouré devers mondit seigneur et neveu , où il est encoires présentement actendant vostre provision , dont il n'a encoires eu quelque nouvelles, comme il dit, requérant vous vouloir de rechief escripre en sa faveur. Pourquoy, Monseigneur, et que ledit seigneur de Bruyelles est bon anchien chevalier qui a bien servy et despendu largement du sien, comme j'entens, je vous supplie très humblement l'avoir pour recommandé et le pourveoir selon ses qualité et services , qui vous sont mieulx congneuz que à moy, comme verrez à son estât appartenir, me mandant et commandant tousiours voz bons plaisirs , pour les acomplir à mon povoir, comme tenue y suis. Ce scet le benoit fîlz de Dieu, auquel je prie vous

ET DE MARGUERITE SA FILLE. — 1510. 379 donner bonne vie et longue , avec l'entier accomplissement de voz désirs.

Escript à Malines, le xxvme jour de janvier, anno xvc dix. Vostre très humble et très obéisante fille Marguerite.