MARGUERITE A MAXIMILIEN

Elle recommande à son père Adrien de Wyntre et son fils , qui ont donné de belles étrennes à l'arehiduc Charles. — [Original.)

(Malines, le 28 janvier.)

Mon très rdoubté seigneur et père , si humblement que faire puis à vostre bonne grâce me recommande. Monseigneur, Adrian de Wyntre , à présent huissier de chambre de monsieur mon nepveu, le jour de l'an dernier passé fist un g présent à mondit nepveu pour son nouvel an , assavoir d'un sien petit-filz nommé Franskin de Wyntre, pour le servir de paige , et avec ce ung bien beau chien et ung bel espieu de chasse pour le sanglier, duquel présent mon nepveu fut bien joyeulx et l'accepta bien agréablement. Il a longuement servi en ceste maison, si on fait par ci-devant ses feuz père et grand père et autres ses parens du quartier de Hulst. Ledit Adrian m'a requis que sondit petit filz puist estre receu pour paige vers mon nepveu ou de mes dames mes niepees, et combien , Monseigneur, que la requeste soit raisonnable et que l'en ait bien accoustumé avantagier les bons serviteurs de céans , se ne lui ay vollu accorder sans sur ce savoir vostre bon plaisir, lequel je vous supplie me déclarier et avoir ledit Adrian et son filz pour singulièrement recom-

mandez. A tant, mon très redoubté seigneur et père, nostre Seigneur vous donne prospérité, avec les entiers accomplissemens de voz très haulz et très nobles désirs. Escript à Malines, ce xxvine jour de janvier xvc et dix. Vostre très humble et très obéisante fille Marguerite.