MARGUERITE A MAXIMILIEN

Elle prie son père de lire et de prendre en bonne part les conseils qu'elle lui adresse pour la direction de ses affaires. — (Autogr.)

(Malines, le 14 mars.)

Monseigneur, je me recommande très humblement à *■ vostre bonne grâce. Monseigneur, ayant pansé aux affères que avés de présant qui ne son pas petiz et que je connois que sur iceulx fault prandre unne bonne conclusion, laquelle, je prie Dieu, estre selon vostre dessir pour vostre bien et repoz sy après et de vostre mayson, qu'est la chose que plus dessire voir, me suis ingérée de vous anvoier aucun escript sur lequel je croy, Monseigneur, sy vous plet prandre la paine de le lire ou fère lire an vostre présance par Marnix et non à autre, et après, Monseigneur, l'avoir veu, vous plese le rendre. Je croy, Monseigneur, que y trouvères des vérités tropt plus que ne voldroie et plusieurs autres chosses , de quoy déjà peult estre en avés bien connoissance. Mes, Monseigneur, comme celle qui nuit et jour ne pance que de vous faire service, ne me saroie tenir de vous avertir de tout se que puis panser vous peult servir , vous supplie , Monseigneur , de prandre de bonne part et me pardonner, sy je me suis hanardie de vous envoie mondit escript; je prie Dieu, Monseigneur, vous donner bonne vie et longue.

De Mallines , le xinie jour de mars. Vostre très humble et très obéisante fille Marguerite.

' A cette lettre se trouvait annexé un billet par lequel la princesse mande au secrétaire Marnix d'examiner et de remettre, s'il y a lieu, le mémoire à l'Empereur, avec diverses précautions qu'elle lui indique.