MARGUERITE A MAXIMILIEN

Elle renvoie vers son père la demande d'André de Bnrgo qui désire être payé de ce qui lui est dû. — {Original. )

(Malines, mars.)

Mon très redoubté seigneur et père, très humblement à vostre bonne grâce me recommande.

Monseigneur, messire Andréa de Burgo a envoyé par delà l'un de ses serviteurs, afin d'avoir payement de ce que luy peult estre deu de sa pension ; et pour ce , Monseigneur, que ceulx des finances sont présentement par devers vous et que ne seroie à présent trouver nul moyen par deçà pour avoir argent, l'ay renvoyé par devers vous, priant, Monseigneur, le faire appoinctier tant de ce que luy peult estre deu de sadite pension que pour son entretenement cy après , et vous me ferez honneur et plésir.

Mon très redoubté seigneur et père, à tant prie nostre Seigneur vous donner vos désirs.

Escript à Malines, le jour de mars xvc dix.

Vostre très humble et très obéisante fille Marguerite.