MARGUERITE A MAXIMILIEN

Elle espère peu que le roi de France fera restituer la ville d'Hardewic surprise par le duc de Gueldre. Prise de quelques marchands flamands par les Gueldrois. Projet de mariage du duc de Gueldre avec la fille du duc de Clèves. Ligue secrète entre ces deux ducs , la France , le duc de Juliers et l'archevêque de Cologne. Les troupes , aux environs de Turnhout , mangent le bonhomme , faute de paiement. — {Minute.)

(Gand, le 15 avril avant Pasques.)

Mon très redoubté seigneur et père ' .

Monseigneur, je vous ay desjà adverty du petit espoir que j'avoye à la restitution de Hardewic , combien que le roy de France vous ait escript vouloir icelle faire rendre par messire Charles de Gheldres , et que à ces lins, il envoyoit ung sien secrétaire devers luy pour de sa part en faire les poursuytes comme il a fait. Touteffois, Monseigneur, après avoir ledit secrétaire qui est icy sur son retour dudit pays de Gheldres, j'ay trouvé mon ymaginacion en ceste partie véritable; car il n'y a point d'apparence de se actendre à randre ladite ville de Ardewichs si ce n'est par force -, et quoy que ledit seigneur roy de France vous face quant à ce dire ou escripre, je sçay et congnois assez qu'il assiste et favo-

1 Cette lettre est imprimée avec quelques variantes dans les Lettres de Louis XII, II , 157. Il paraît que l'éditeur s'est servi de l'expédition originale ou d'une copie ayant la date qui manque sur notre minute.

ET DE MARGUERITE SA FILLE. — 1510. 391 rise ledit messire Charles et n'est pour rien délibéré de l'abandonner quoi qu'il luy doi-je couster. Au moyen de quoy je ne voy aultre chose d'apparence pour le présent en noz affaires fors qu'il sera encoires bien venu, s'il se tient à tant.

En oultre, je vous avertyz comme puis naguères estans les marchans de par deçà au nombre de plus de quatre vingtz , en chemin pour aller à Francfort, et estans avecung ghelay ' de monseigneur de Julliers, assez près de Coulogne , y sont survenuz cent chevaulx gheldrois qui ont rué jus lesdits povres marchans et iceulx prins et mené en forte et estroicte prison, tellement que il sont délibérez les mectre à grandes ranchons qui excédront la somme de c,n florins; qu'est retourné à grant esclandre et perte desdits povres marchans dont par ceulx d'Anvers et de Malines ilz nous ont fait faire leurs doléances. Surquoy en avons escript par tout où il apartenoit; maiz l'espoir y est bien petit; et si nous en demourra la honte et déshonneur.

Au demeurant , Monseigneur, je suis avertye que le mariage d'entre ledit messire Charles de Gheldres et la fille du duc de Clèves a se traicte présentement par le moyen des seigneurs de Coulongne et de Julliers et que les choses sont desjà, par la pratique dudit roy de France qui s'en veult entremesler, fort avancées; tellement qu'on en espère bonne yssue. Se dit aussi que

' Ce mot inintelligible , que nous craignons de n'avoir pas bien lu , se trouve aussi dans la lettre imprimée.

a Ce mariage, soit qu'il ait été projeté ou non, n'eut pas lieu. Charles d'Egmond, duc de Gueldre, épousa, en i5i8, Isabelle, fille de Henri, duc de Brunswick-Lunebourg.

après ilz feront entre eulx quelque secrète ligne et

alliance dont, Monseigneur, je vous averty et supplie

y vouloir pensé affin d'y pourveoir, ainsi que ou cas

apartiendra.

Monseigneur , noz piétons sont aussi maintenant es chanps lez Tumoud et mangent le bonhomme à faulte de paiement ; dont les villes d'Anvers et de Bois-le- Duc ont très grant regret et ne s'en peulent aucunement contenter. Sy vous supplie , Monseigneur, considérer le tout et me mander comme me doiz conduire ; car par ung bout ou aultre il y convient remédier, et bien tost, qui n'en vouldra souffrir bien grant esclandre, comme assez povez congnoistre. Priant avoir sur ce briefve responce de vous.

Mon très redoubté, etc. A Gand, le xv d'avril.

L'Empereur se plaint des lettres malgracieuses de sa fille. Elle doit être persuadée qu'il fait de son mieux. Il soupçonne Févêque de Gurce d'avoir fait le bon valet auprès d'elle. —

{Autographe.)

Ma bonne fylle , je receu vous mal gracioses les très touchant la despeche du l'évesque de Gurce atout beacop de grandes mat ères , etc. , certes vous devés penser, sy vous avez au coeur la matière de France, je au ceur la matère de mon honneur en la guerr et perplexité dont je suys; poer ma négligence vous n'arés domaige ou interesse; mes vous deves penser que yl est point posible que ung grand chateaw soet édifié sur ung jour. Je soubson sur sela monsieur de Gurce

ET DE MARGUERITE SA FILLE. — 1510. 393 susdit qui a volu faere du bon faerlet (valet) ou devant de vous , mes yl partira d'yssi incontinent devers vous et vous portera, tout ce que ly avez chargé de aporter de nous à vous.

Escript de la main de vostre bon père Maximilien, merkedi.